• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

نورمالمو نفتخروا بيهم ماشي نقولولهم ....

  • كاتب الموضوع كاتب الموضوع la_safa
  • تاريخ النشر تاريخ النشر

la_safa

:: عضو بارز ::
أوفياء اللمة
السلام عليكم
راهي مقلقتني واحد الظاهرة منتشرة عند ليجان

امالا حنا في المدرسة وحد المرة

المراقب مد استدعاء لواحد لباباه

مالا النهار لي بعدو سقساه علاه داخل للمدرسة بلا باباك قالو مبعد يجي
الشايب

يعني وين وصلنا يقولو لباباه لي رباه الشايب وامو يقلها العجوز

انا في رايي لازم يحترمهم أكثر
وانتوما شاركوني

​
 
ايه كاينة منها صح
هاد الكلمة يقولوها ديما الدكورا البنات والو
بصح عيب عليهم انا يعجبني الطفل كي يقول بابا و لا يما و لا ماما ما يهمش المهم مش الشايب و لعجوز
و اللي تغيضك دركا راها و لات لامود تاع كلام كيما هادا
تقبلي مروري ​
 
ايه كاينة منها صح
هاد الكلمة يقولوها ديما الدكورا البنات والو
بصح عيب عليهم انا يعجبني الطفل كي يقول بابا و لا يما و لا ماما ما يهمش المهم مش الشايب و لعجوز
و اللي تغيضك دركا راها و لات لامود تاع كلام كيما هادا
تقبلي مروري ​
صح اختي ربي يهديهم
 
ظاهرة انتشرت بزاف في الاونة الاخيرة
تعرفوا انا واش صرالي كي تزوجت شيخي و عجوزتي زعمها نقولهم يما و بابا عجوزتي حملت حملت و من بعد قاتلي شوفي منا و جاي قوليلي الحاجة و قولي لزوجها الحاج و الله شوكاتني من هذاك النهار هي و ليت نقولها خالتي و زوجها نقولوا الحاج شوفوا كي قدرتها واش دارت فيا مع انها عندها ولدها الصغير دايما يقولها العجوز و هي تقولوا قل يما و الله الناس اجناس
 
ظاهرة انتشرت بزاف في الاونة الاخيرة
تعرفوا انا واش صرالي كي تزوجت شيخي و عجوزتي زعمها نقولهم يما و بابا عجوزتي حملت حملت و من بعد قاتلي شوفي منا و جاي قوليلي الحاجة و قولي لزوجها الحاج و الله شوكاتني من هذاك النهار هي و ليت نقولها خالتي و زوجها نقولوا الحاج شوفوا كي قدرتها واش دارت فيا مع انها عندها ولدها الصغير دايما يقولها العجوز و هي تقولوا قل يما و الله الناس اجناس
والله هادا عوج برك ربي يقدرك
 
نورمال اختي مفيها حتى عيب او تقليل منهم
يعني نشوف فيها نورمال
انا في الدار نلها يما وبابا عادي بصح في الخارج يمشي عندي العقلية تع لعجوز والشايب
اكي تعرفي جبلك ربي قعد في مجججمع تع صحابي ونقلهم ماما ولا بابا وشبيك تحوسي يشيخو عليا ويقلك وليد بابا وماما ههههههههههههههههههههه
​
مالا قلهم يما و الحاج خير
 
ههههههههههههه
حنا ثاني يقولو هك
الشيباني و الشيبانية
رغم ان والديهم ماهمش كبار بزاف
ماعلاباليش..~
 
ايه صح منها يقولك الشيباني والشيبانية والعجوز والشايب
اآآآآآآواااه الحاله ماتعجبش
شكرا ع الموضوع الهااادف
​
 
صحيح يا أختي
قال تعالى(" ووصينا الإنسان بوالديه حملته أمه وهناً على وهن وفصاله في عامين أن اشكر لي ولوالديك إلي المصير " ). سورة لقمان - الآية 14

ربي يخليهم راضيين علينا كامل​
 
صح يقولوها بزاف بصح انا تجيني نورمال خلاص
بصح فيها ان بلاك تحسسهم برجولة هههههههههههههههههههههه
شكرا للموضوع
 
صحيح يا أختي
قال تعالى(" ووصينا الإنسان بوالديه حملته أمه وهناً على وهن وفصاله في عامين أن اشكر لي ولوالديك إلي المصير " ). سورة لقمان - الآية 14

ربي يخليهم راضيين علينا كامل​
شكرا على الموافقة
 
صح يقولوها بزاف بصح انا تجيني نورمال خلاص
بصح فيها ان بلاك تحسسهم برجولة هههههههههههههههههههههه
شكرا للموضوع
مي ماش و هوما مازالو صغار
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom