الي معندوش اصل و فصل ...................تقدر

[ميسومة الدلوعة]

السلام عليكم
واش راكم يا حباب اللمة الغالية ان شاء الله تكونو بخير كاين حاجة محيرتني و حبيت نسقسيكم
انتم تاني
ادا حبيت ولا حبيتي واحد و يكون حب تاع هبال وبعد كي نويتو زواج دهر حبيبك ما عندو لا اصل ولا فصل
انت تقدر تقبل به كزوج ليك و لا زوجة ؟
و ادا انت قبلت والديك رايحين يقبلوا و ادا ما قبلوش تقدر تقنعهم بيهه وادا قنعتهم واش رايح تتقوللهم
وادا ما قبلتش بيه كيفاه رايح تقولو و كيفاه الحب هداك وين يروح
اتمنى التفاعل
و نتمنى ما يكونش الموضوع تندار من قبل و ان شاء الله المشرفين يقبلوه شكرا

 

[حفيد هواري بومدين]

وافقت على الموضوع
​

 

[dark angel]

موضوع مهم جدا نقاشه
ادا احببت شخصا فيجب عليك فعل المستحيل من اجل ان تكمل حياتك معه

ينقل الى قسم الحوارات والنقاشات الجدية​

 

[نسيم الربيع]

مافهمتش مليح موضوعك مي اذا قصدك نلقاه جا للدنيا طفل غير شرعي نقولك منقبلوش لانو مبعد ولادي الناس ميرحموهمش صح واعره باه نخليك بصح الزواج حاجه كبيره ولازم تعرفي تخيري شريك حياتك اما اذا كان شرعي وقصدك شيء آخر عادي نضحي على جالو وندير اللي نقدر عليه باه نكمل معاه ... سلالام

 

[بنـ MaPa ـت]

كاين زوج من زوج:
نتي مافهمتيش ايدا زعما اصلهم ماشي مليح وعائلتهم خامــ.....
ولا يتيم و عائلتو النص لكبير ميتين....ايدا كانت هكدا نقبل بيه ونزيد نحبو ومنحسسلوش لي ماعاندوش عائلة ونعمل المستحيل باش نقنعهم ويقبلو بيه....هادا واش فهمت
مرسي..​

 

[ماكانش]

أنا كي نحب وحدة نحبها كيما هيا
وماعندو مادخلو فصلها وأصلها
وندير كلش على جالها​

 

[ماكانش]

انا كي نحب وحدة والله مايهمني والو
نديها وندير كلش على جالها

 

[ميسومة الدلوعة]

مافهمتش مليح موضوعك مي اذا قصدك نلقاه جا للدنيا طفل غير شرعي نقولك منقبلوش لانو مبعد ولادي الناس ميرحموهمش صح واعره باه نخليك بصح الزواج حاجه كبيره ولازم تعرفي تخيري شريك حياتك اما اذا كان شرعي وقصدك شيء آخر عادي نضحي على جالو وندير اللي نقدر عليه باه نكمل معاه ... سلالام

شكرا حنونة على ردك لكن ادا جا طفل غير شرعي هو واش دنبو الوالدين هما الي غلطوا ماشي هو و هو اعلاه يسلك مسكين

 

[ميسومة الدلوعة]

كاين زوج من زوج:

نتي مافهمتيش ايدا زعما اصلهم ماشي مليح وعائلتهم خامــ.....
ولا يتيم و عائلتو النص لكبير ميتين....ايدا كانت هكدا نقبل بيه ونزيد نحبو ومنحسسلوش لي ماعاندوش عائلة ونعمل المستحيل باش نقنعهم ويقبلو بيه....هادا واش فهمت

مرسي..​

حنونة انا قصدي انو يكون طفل غير شرعي و شكرا على الرد

 

[ميسومة الدلوعة]

انا كي نحب وحدة والله مايهمني والو
نديها وندير كلش على جالها

اخي والله عندك حق ما يهم لا الاصل ولا الفصل و شكرا على الرد

 

[manal_39]

مشكورة اختي على الموضوع
المهم في صلاح الطفل مش على الفصل والمفصل كيكون راجل وافحل وعلى قد الكلمة ليش لا نقبله ونعرف بلي الناس مش راح تتركني في حالي لكن رضا الناس غاية لا تدرك ادا ابقيتي في كلام الناس رانا مانعيشوش حتى الي عنده اصل ومفصل يعملوه فيه شيء بش يتحدثوا اعليه
ونعمل اعليه المستحيل بش نقنع الغير به لانه هو مش مدنب في شيء اعملوه الوالدين
والله في بعض الاحيان يطلع بلا اصل ومفصل خير من الي بوالديهم
تقبلي مروري
دمت بود
​

 

[ابتسمي]

بصراحة أختي إذا يقدرني ويحترمني وعلاه لالا

لأنو الغلطة ماشي نتاعو الغلطة نتاع والديه ومجتمعنا ميفهمش الحاجة هاذي للأسف لازم يلصقوا كلشي في كل شخص

وبصراحة عمري ما حبيت

مشكووووورة اختي موضوع مميز

دمت بود

تقبلي مروري​

 

[loca]

في بالي انا مكاش منها هاد نوع من حالات زعما من تعشقه هبال تعرفه معنده ني اصل ني فصل على خاطر انت مغاديش تعشقه في دقيقة مالا اكثر زعما في 3 اشهر ولا عام متقدرش تعرف عليه حاجات عن حياتو ؟ ولا تقد تعشق في 3 اشهر ؟ مكاش منها مرسي على موضوعك خيتي هدا رايي شخصي خيتي

 

[مهدي بوطبة]

كيفاه انا نحب واحد وانا ماعلاباليش بلي ماعندوش اصل هذا مستحيل يلزمني نعرف عليها كلش من الاول

 

[المسلم حسني الجزائري]

وعليكم سلام ورحمة وبركة الله

انت تقدر تقبل به كزوج ليك و لا زوجة ؟ايه اتزوج بها نورمال لانه هي من تهمني وهي من اتزوجها ليس اصلها او شيء اخر +هي ليس ذنبها يعني الكل يقف ضدها انا ساقف معها واعمل مستحيل لها

و ادا انت قبلت والديك رايحين يقبلوا
والداي ؟انا من يتزوج ليس هم من يتزوجون
وهاته ستكون شريكة حياتي انا وليس هم +عند يعرفو كم نحب بعضنا لن يرفضو
و ادا ما قبلوش تقدر تقنعهم بيهه
وادا قنعتهم واش رايح تتقوللهم
تخبرهم كم تحبان بعض وانه مستحيل اتركها وانه يجب على اقل اقف معها يعني مسكينة ليس لها ذنب وهي شريكة حياتك انت لانه والدان ليس دائمان بعد عمر طويل ان شاء الله يذهبو عند الرب كسابقيهم


مرسي على هاته الموضوع الجميلة ​

 

[نور الصباح الجزائرية]

حتى الا قبلت انا المجتمع ما يرحمش

 

[يوغرطة05]

نتزوج بيها عادي ونوقف معاها واش من ذنب عندها هادوم والديها الي يتلامو
ومنبقاش نشوف للمجتمع لان المجتمع ماشي عادل ومهما كانت الصعوبات نبقى معاها

 

[ميسومة الدلوعة]

مشكورة اختي على الموضوع

المهم في صلاح الطفل مش على الفصل والمفصل كيكون راجل وافحل وعلى قد الكلمة ليش لا نقبله ونعرف بلي الناس مش راح تتركني في حالي لكن رضا الناس غاية لا تدرك ادا ابقيتي في كلام الناس رانا مانعيشوش حتى الي عنده اصل ومفصل يعملوه فيه شيء بش يتحدثوا اعليه
ونعمل اعليه المستحيل بش نقنع الغير به لانه هو مش مدنب في شيء اعملوه الوالدين
والله في بعض الاحيان يطلع بلا اصل ومفصل خير من الي بوالديهم
تقبلي مروري
دمت بود ​

شكرا اختي على كلامك الموزون و ربي يدوم لبنات الي كيفك وربي يحفضك والله عندك حق لازم ما تتخلايش عليه لاي سبب من الاسباب

 

[ميسومة الدلوعة]

بصراحة أختي إذا يقدرني ويحترمني وعلاه لالا ​

لأنو الغلطة ماشي نتاعو الغلطة نتاع والديه ومجتمعنا ميفهمش الحاجة هاذي للأسف لازم يلصقوا كلشي في كل شخص​

وبصراحة عمري ما حبيت​

مشكووووورة اختي موضوع مميز​

دمت بود​

تقبلي مروري​

شكرا اختي على المرور نورتيني شكرا لرايك المميز عندك الحق الحكم جامي يكون على الماضي و على غلطت الوالدين لازمك تحكمي على اخلاق الشخص الي راكي معاه شكرا

 

[ميسومة الدلوعة]

كيفاه انا نحب واحد وانا ماعلاباليش بلي ماعندوش اصل هذا مستحيل يلزمني نعرف عليها كلش من الاول

اعلاه خويا الي ما عندوش اصل و لا فصل لازمو ما يتحب لا يتحب امالا مايعيشش خير حط روحك في بلاصتو انت لقيط و ما عندك حتى دنب و الناس تشوف فيك باحتقار ماشي هدا ظلم لازم نتفهو لعباد هادو بلي ما عندهم حتى دنب ماشي هما الي دارو الغلطة اعلاه هما يخلصو شكرا رايك اخي و نورت الموضوع