لبنات ولولاد أختكم محتاجة مساعدتكم

[وهج الصحراء]

شوفي اختي انا نقرى 2 علوم نقولك حاجة الى حبيتي ديري علوم تجربية لازم تكوني فور في رياضيات وعلوم وفزياء لوكان متجيبيش المعدل في وحدة من هادوا ريحة تطيحي وتاثر عليك وفي الاخر الراي رايك انا صح جتني لعلوم سهلة

 

[MĺŹǾ žĕĥÔŖ]

اوك اختي مرسي انا ادا درت وحدة فيهم لازم نقراها بسيف ولالا هاديك ولا هادي


مي حابة نسألكم وينها الي فيها ليشوا بزاف ومليحة في الجامعة لابغات صعيبة​

 

[مجنون البرصة]

هي من ناحية الاختصاصات في الجامعة اصحاب العلوم تجريبية لهم اختصاصات كثيرة عكس التسيير والاقتصاد
اما من حيث سهولة الشعبة فالتسيير والاقتصاد اسهل شعبة في الثانية بل واسهل من شعبة الادب والفلسفة
يعني انت شاوري روحك مليح وشوفي وماتتقلقيش باسكو هذا مصيرك
كل التوفيق للجميع باذن الله​

 

[hind 09]

أكيييييييد أختي ديري علوم تجريبية شوفي للمستقبل واش راكي حابة الديري
أنا سنا جوزة باك علوم تجريبية عادي
لكن لازم تقراي متلعبيش
علوم تجريبية ختي ودون تردد

 

[MAN1850]

انا نقولك تسيير و اقتصاد خيرلك
​

 

[حميد2]

كيما أنا راني حاير وين روح بصح شوفي الا كنتي تفهمي فور روحي علوم أو متخفيش
و الا كنتي تحفضي أنتيك أو قادرة على دراسة كل مواد تسيير و اقتصاد روحي ليها ok
أولعاقوبا قاع الجزيريين

 

[narmine]

انا نقلك علوم تجريبية احسن​

 

[lespoire]

شوفي ختي دك شوفي العلوم لتجريبية تعتمد على المواد العلمية ولازم تكون عندك معدل مليح فيها باش تقدريلها
مام تسيير واقتصاد تخصص مليح مي أنا نضن بلي العلوم التجريبية خير

 

[جنان]

أنا هاد العام عندي الباك و راني عاد حايرة شا نختار مع العلم أني دايرة علوم تجريبية
فالفصل الأول و الثاني تلقيت صعوبة مع الرياضيات و الفيزياء مي الفصل الثالث تأقلمت مع البرنامج و المواد و الحمد لله
ربي يوفقك أختي و القرار يقعد ليك في الأخير على خاطرش أنا اقتارحوا عليا الأساتذة فالسنة الأولى ثانوي باش نختار شعبة رياضيات لأني كنت فور فيها مي قدر ليا باش نقرى علوم تجريبية
انشاء الله تستافدي من رأيي و تجربتي طبعا

سلااام

​

 

[جنان]

و بالنسبة للجامعة راهي باينة بلي علوم تجريبية هي لي فيها الاختيارات أكثر و تسيير و اقتصاد تكلاسي موراها
​

 

[MĺŹǾ žĕĥÔŖ]

ربي يحفظكم ويخليكم والله غير عاونتوني بزااااااااااااااااف وي القرار يرجع لياااا مي شوف وش مكتوب وإن شاء الله خير

ربي يوفقكم حتى نتوما وتنجحوا

كيما نختار نقلكم اوك؟
​

 

[algerinna]

ana fi rayi, diri sciense psk ta9afri diri biha kolech, wida makontich 9adretelha , akhtik , diri li ta9adri 3Liha , w choofi nti ! xD
​

 

[fatou_usto]

سلام..شوفي واش راكي باغية اديري في الجامعة..و اديري la branche اللي تناسبك..و ربي يوفقك.

 

[sam11]

هم الزوج ملاح انا بالنسبة ليا علوم تجريبية احسن

وانتي شوفي وش تحبي تقراي واختاري اما راي علوم تجريبية

 

[مفآهيمـ الخجل]

يا زهور ختي راكي كي حالتي

مام انا باسيت لل2eme

و خيرت لغـــآت يخي ما قبلوليش و داروني فلسفة

ما لقيت ما ندير معاهم

ادا عندك معرفة يفروهالك
​

 

[02asma02]

انا نقولك ختي خطيك من التسيير والاقتصاد انا راني نعاني معاها
ديري حاجة اخرى علوم تجريبية افضل بكثيييير
​