ما كانش حاجة تكرهني أكثر من هذي...و انتوما؟؟

و

وردة رمال الصحرا

:: عضو مُتميز ::
أحباب اللمة
السلام عليكم
واش راكم جماعة ان شاء الله بخير
البارح كنت رايحة باش نعمل فحص و أشعة بخصوص تجديد اللإقامة تاعي هنا في الامارات ، أيا من زهري الشبااااااب :tears: طحت مع شوفور إيراني ...و راحت معايا بنت إيرانية ..أياا مع ركبت تعرفوا على بعضاهم و بداو بلا بلا بلا بلا بلااااا :cra_zy: و أنا صايي قريب نطرطق ..قلتلهم يا تتكلمو عربية يا تسكتو ... سكتوا شويا و رجعوا يهدروا .... خليتهم حتى سكتتوا و رفدت بورطابلي و هدرت مع ولد عمتي ... طبعا بلهجتنا الجزايرية ....و نهدر نهدر نهدر ..ما حبستش حتى وصلنا ..زكارة برك :yahoo:
و صراتلي من قبل في الدزاير ..كي يكونوا جماعة قبايليين مثلا و يبداو فيما بيناتهم ...و لا جماعة كحولا "هدرتهم ماهيش عربية" و يضحكوا و يتغامزوا....
ماهوش من الإحترام أبدا الواحد يتصرف تصصرفات كيما هذي
و لا واش قلتو؟؟؟​
 
المرة الجاية كي تجي محكيلك بالشاوية:like_1::like_1:

مايش ضرافة طوول،،

واحد الوقت كنت منعرفش الشاوية، ونروحو للدوار نتاعنا، يهدرو كامل بالشاوية ويضحكو، ونا كي البلهاء نضحك معاهم، حتان قاتلي وحدة راهم يحكو عليك:scared::sneaky2::tears:
​
 
شحال من خطرة تصرالي يكونو يهدرو مع بعضاهم بلقبايلية وانا معاهم كي مبهلة ماشي فاهمة ادا كانو يطيحو عليا ولا يقطعو فيا هدي شحال تقلقني مايحبوش قاع يحلبونا كي نكونو معاهم ونتقلق كي يبداو يتغامزو من قلة لفهامة واحترام يدرو هكداك ماشي عقلية
يعطيك الصحة حنونة ع الطرح ​
 
والله عندك حق
انا اكره صفة ليا هاذ الصفة
وتسمى النجوةن وراهي حرام في الدين تاعنا
نكرها في لقبايل والشاوية وبني مزاب
وانا يخافو مني مايديروهاش قدامي يعرفوني نكرها
​
 
والله صح مشها من الادب خلاص
انا تاني تصرالي اللقطة هادي الي يحكيو بالفرنسي بصح نفهمهم واحيانا نكونو قاعدين في عدد كبير من الكوبل تجي وحدة تقولها ارواحي نقلط حاجا في ودنك اونديري احنا مشنا عباد مشها من الاداب هده وادا حاب تحكي مع واحد اسناه يبعد على الناس وكي تكونو وحدكم احكيو وش تحب زعما سر
 
عندك الحق خويا يكرزوك و يرجعوك ما تسواش خلاص​
 
هههههههههه عجبتني مع وليد عمتك سور مافهمو والو هكداك نستعرف بيك ههه
ديما نقول نوصيك على حاجة وننسى ايه يا طفلة نوصيك:
اهبطي فالدروج وبلاكي تزلقي
.
.
.
.
.
.
.
.
.
.
.
.
.
.
.
.
.
.
.الخطرة الجاية كبري لكتيبة شويا بسيف باش قريت والله
مرسي ليك خيتو
​
 
انا هادي نورمال نكره الناس لي تجي فايت عليهم يبداو يضحكو بالصوت و الله نخمم نحي صباطي و نضرب لانها ماشي تربية الحمد لله الواحد عندو ثقة في نفسه
صراتلي رحت استخلاف في ليسي شهر كاين واحد 2 بنات من وقت ما ندخل للقسم و هما يشوفوا و يتوشوشوا و يضحكوا سكت عليهم و نهار الامتحان صفرتهم و عاودوا العام نهار تلاقيت بيهم قلت لهن شفتوا الضحك واش يدير اقعدوا تضحكوا العام الجاي
 
انا تاني لافامي تاعي قبابل وانا عايشة في قسنطينة منفهمش

ملي نروح وهوما يهدرو يهدرو وانا زي الدابة

مرسي ختي على الموضوع​
 
والله غير عندك الحق تطرطقي منهم :cra_zy::cra_zy:
انا طاحتلي هذه النقطة مع قبايلية وشوية ولوراقلة حتى تلقيني غير نتفرج وكي يضحكوا نضحك :yahoo::yahoo:
وفي باتنة رحت لدار نعرفهم شاوية مع اهلي ومعايا خالتي تعرف هدرت الشاوية لانها صاحبتها شاوية تعرف يعني بعض الكلمات حتى ادونا لعرس في مروانة تعرفي الناس كامل توكوك :like_1::like_1:وانا غير نضحك لكن خالتي كي يضحكوا علينا تقولي راهم علينا وهاهم واش قالوا نقولها بينهم بين ربي نوكل عنهم ربي :cursing::cursing::tears:​
 
آخر تعديل:
وي صراتلي شعال من خطرة
" مع مختلف الجنسيات "
مي انا ما نديهاش فيهم
~ merci
​
 
السلام عليكم
صح اختي مام انا منحبش و خاصة كي يقعدو يضحكو ويتغامزو الغاز لزرق يخرج مني نرفد روحي نبدل لبلاصة ولا تحتمت منقيمهمش بيسك هذا من الاخلاق انك تهدر بلهجة وين كامل يفهموها
ربي يعينك اختي ان شاء الله
 
صح كاينة منها,تصرف غير لائق.
يحسبو رواحهم دارو حاجة كبيرة.
انا نبعد من المكان خلاص,ونخليهم يهدرو حتى يشبعو.
ربي يهديهم.
 
لوكان انتي ثاني دورتي هالهم هندية مع ولد عمتك
هههههههههههههههههههههههههههههههههههههه

عندك حق هاذي ما يسموهاش ظرافة هادي دخاصة

مرسيــــــــــــــــــــــ حنونتي و اذا ما لقيتيش ولد عمتك المرة الجاية عيطيلي
انا ذوك نعاونك لوكان ما نخرجهمش على عقلهم مانيش sisi ......
هههههههههههههههههههههه
 
أنا راني كيما انتي يا @simo@ لافامي تاعي قبايليين و انا عايشة فبليدة مي كاين كلمات اللي نفهمهم بالقبايلية كاش 5 و لا 6 هههههه و كاين جارتنا قبايلية و ماتعرفش تهدر بلهجة و حدخرا كي تبدا تهدر معايا نقوللها غير ايه يعني ايدا قالتلي انت حمارة حاشاكم نقوللها ايه ههههههه
 
والله غير عندك الحق حنونة
تحيري فيهم
الله يهديهم
تحياتي
 
و الله يا اختي عندك الحق انا مالفا تصرالي مع صحباتي قبيليات حنا نكونوا كامل قاعدين و هما يبداو طااطاطاطاطاطاطااططاطاطاطط قلتلهم شوفو يتحكيو عربية قدقد يا نوضو قالك حنا عدنا كلمات منعرفوهم قلتلها كي تعودو وحدكم و اهدرو واش تحبو
هاذي من قلة الادب واحد معاكم و انتما متقيموهش
 
و الله يا اختي هاذ العمل انا وحدة نكرهو , بصح جامي لا صراتلي , اصلا عند ربي ماشي مليح تهدر قدام واحد بلغة مايفهمهاش , ربي يهدي الناس اللي يديرو هك و مشكورة على موضوعك اخية
تقبلي مروري
 
ههههههههههههههههههههه يااختي راني كل مانقرى موضوع هنا نتفكر حاجه صراتلي
تاني انا صراتلي هكا مي غير ف دزاير بنت خالتي متزوجه قبايلي
آو رحت عندها لقيت عندها حباباتها تماك قاعدين تاني يحكيو بالقبايلية
انا بلقت عينيا فيهم هوما يهدرو ويضحكوو وانا ضحكت معاهم هههههههه
كي الهبيله انا نضحك حتلا فاتلي بنت خالتي ياااو راهم يهدرو عليك
هههههه ونا تنارفيت بزاف من بعد كي عرفت وش هدرو عليااا يالطيف
نكره هاد العفااايس
الف شكر ع الموضوع الهايل
​
 
شكون لحبها كامل نكرهوها
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom