هل تقفل هاتفك النقال اثناء النوم **موضوع للنقاش**

[دزيرية حرة الحراير]

السلام عليكم
نخلد الى النوم ليلا كان ذاك أو نهارا..بعضنا يغلق هاتفه ..البعض الآخر يتركه مفتوحا...
إن كنت ممن يغلقونه..هل يعني سبب الغلق أنه ليس هناك من يكون في حاجة إليك دون سابق إنذار ..وفي أية لحظة..
أم هو رفضك لإزعاج نومك جملة وتفصيلا..
إن كنت ممن يتركونه مفتوحا..هل ذلك راجع لإرتباطات عديدة لك وأن البعض يكون إنجاز مصالحهم وقضاء حوائجهم متوقف على هاتفك النابض بالحياة...طيّب ومالعمل مع المكالمات التي لم تكن في الحسبان..أقواها..حاب نتعرّف..وأضعفها ..اسمحلي راني غالط...كيف يكون تقبلك لهاتين الحالتين...؟؟؟
نهاية وباختصار...
مالذي تعتبره سلوكا حضاريا راقيا
قفل الهاتف أم تركه مفتوحا خلال فترة النوم ؟؟؟؟

ارجو التفاعل​

 

[معاك يا الخضراء]

موبايلي عند راسي
و اغلب الوقت سيلونسيو
ماعندي لي زافير
ماكان الي يعيطلي مستعجل :surrender::surrender:​

 

[mimou1940]

صراحة انا لا اقفل هاتفي.مع اني سمعت انه عدم غلقه ياثر سلبيا على المخ
ومانقدرش نطفيه مام لوكان مايعيطوليش والفت بيباج ولا لقدر الله خبر ضروري ماتعرفيش واشكاين.
ولوكان نغلقو يجو يطبطبو فدار لازم دايما شاعل ههههههههههههههههه

 

[@R@ZIK]

انا ندريو رنفوا ما نحب حتى واحد يقلقني في الرقاد كي نفطن ونلقى الميساج
سورتو كي واحد يعيط ويقولك اسمحيلي راني غالط
ااااه

شكرا على الموضوع​

 

[زمردة90]

بصراحة انا نخليه مفتوح بصح نبعدو على روحي و في الليل نستعملو كمنبه فقط و لما يتصلو لي يحبو يتمسخرو نقفلو تمتم وهدا مكان

 

[سجاآآايا]

صراحة أترك هاتفي مفتوحا اذا أزعجني احد اتركه صامتا
​

 

[NaDiA.]

باختصار :

مفتوح صامت
​

 

[حميد2]

أنا كن جي نرقد نطفيه يالوكان أنا طفل تعرفوا العقلية فاجزاير كيفاش bibaj داير حالة

 

[JSK 14 CH]

مانطفيهش صامت مانحبش اللي يديرونجيني سورتوا فالليل اووووووووووه

 

[EL General]

أكيد نقفل البورتابل تفاديا لإزعاج خلال النوم

و في الصباح كي انوض راني نلقى لابسونس

شكرا لكم ...
​

 

[NAIMAT ZIEN]

لاطبعا.............

شكرا على الطرح الرائع
امابعد انا شخصيا مانطفيش بورتابلي وانا نائمة لاني مانبغيش كي نتصل بشيء حد نلقاه قافل بورتابله والحياة فيها مواقف اغاثة.......:busted_red:

 

[MOI HAFIDHA]

انـــــــــــــــــــا كــــــنخليــــــــــــه مشعــــــــــــــــــــول

 

[ايمان 02]

انا نخليه مفتوح ونقصلوا على الاخر بويسك نريقلوا باش ينوضني صباح هذا ماكان ما عندي حتى ارتباطات
​

 

[sad_pb]

أنا نخليه مفتوح باه ينوضني للصبح ...هذا ماكان ...​

 

[دزيرية حرة الحراير]

شكرا لمروركم

 

[نور الصباح الجزائرية]

كى تنفحلى نطفيه فى اي وقت ماشي شرط فى الليل اصلا مش مهم عندى بزاف دايراتو رافاي برك نوض بيه الصباح

 

[دزيرية حرة الحراير]

شكرا للمرور

 

[الجندية]

نديرلو الوضع الصامت
وخلاص مانطفيهش
تحياتي
​

 

[dana1993]

ن كنت ممن يتركونه مفتوحا..هل ذلك راجع لإرتباطات عديدة لك وأن البعض يكون إنجاز مصالحهم وقضاء حوائجهم متوقف على هاتفك النابض بالحياة...طيّب ومالعمل مع المكالمات التي لم تكن في الحسبان..أقواها..حاب نتعرّف..وأضعفها ..اسمحلي راني غالط...كيف يكون تقبلك لهاتين الحالتين...؟؟؟ لي غالط منرفد عليه ولي يتعرف منرفد عليه كي منلقاش نومرو عندي منرفدش و لا رفدت ندير اوكي وخلي ياكلو ليزينيتي واذا باطل يهدر مع الريح
نهاية وباختصار...
مالذي تعتبره سلوكا حضاريا راقيا
قفل الهاتف أم تركه مفتوحا خلال فترة النوم ؟؟؟؟ نورمالمو مفتوح بيسك ممكن تطرا حاجة في اي وقت

وقتاه نطيفه؟ كي يكثرو لبيب و طيح لاباطري و اصلا كي كي منحب حتى واحد يتاصل نركب الرونفوا لي بغيتو نعاودلوا ولا نبيبي ويعاود و لي مابغيتوش خليه هكا

شكرا على الطرح

 

[مفآهيمـ الخجل]

انا على العام دايرة الـــرونـــvـــوا

بيسك مليت و ما ولاش عندي رغبة باش نهدر مع اي واحد ...

نادرا وين نحيها

ماارسي
​