ابعثوه للعسكر و تهاناو منو

[اسماء18]

السلام عليكم يا ناس اللمة واشراكم ان شاء الله بخير
اليوم جا شوية ريح عندنا و راح البارابول:u_pc: المهم راحو القنوات و درنا اليتيمة :yahoo: و شفنا تع تخرج الجنود و العسكر برعاية فخامة رئيس الجمهورية و كان حاضر تم ولاد صغار يديرو في هاد الحركات يشهوا:heh: و قالت ماما لخويا درك نبعثك للعسكرو تتدرب شوية و تنشط و ما تبقاش تتشرط و تتدل قتلها :tears:عندك الحق على الاقل نتهاناو من الدزاعة و السماطة نتاعو:scared:
واش رايكم لوكان يقلقوكم خاوتكم الدراري طيشوهم للعسكر ينرباو شوية
و السلام عليكم اختكم في الله اسماء

:heh::heh::heh::heh::heh::heh::heh::heh::heh::heh:

 

[Dr.CrAzY]

وعليكم السلام


:scared:

​

 

[MR-REDOUANE]

ايه يا لوكان غير صحتلي نروح ضرك ليهم
​

 

[iméne09]

تاع الصح يترباو يحسو بالميزيرية وتلقايهم غير وحدهم يعرفو قيمة الام واش راهي رافدة يعياو شوية خليهم انا يغر يكبر خويا نبعت جدو للعسكر نتهنى من خدمتهم وتشراط ديالهم​

 

[sami19280]

عندكم نظرة غالطة على الجيـــــــــــــــش

قالتك نطيشوه يتربى علابالك بللي الجيش ضرك بالباك ومانعرف. ماشي اي واحد يقدر يدخل

 

[dana1993]

سلام
نقولك الصح قداه من واحد نعرفهم قباح وطايشين كي قاجاو رجعو راجل بالنيف و ماغلطش لي قال العسكر يربي ويخرج
هو مليح مي كي تدخلي بشانك و فرادك ماشي جوندي سامبل يحرثو عليك
مشكورة

 

[منتصر]

واش يديرو بالعسكر
لو كان تجي ماركان حيحرجو عسكر
ههههههههههههههههه

 

[AnGeL*dZ]

ياو هآذيك تآع شرشال بالذراع باش يدخلـــو ليها
ديجا العســـكر حاجة مليحة سيرتو اذا قرا الطفل وخلص الجامعة ويروح للعسكر تكون عند رتبــــة مليحة
خير مايبقى حيطيسط
​

 

[نسيم الربيع]

وعليكم السلام ايه عندك الحقختي نتهناو منهم تاع الصح ويترباو شويه ويحسو بالميزيريه باه يعرفو قيمة وين كانو مارسي ختي ... سلام

 

[همسة الجزائر]

انا خويا وصل للخدمة العسكرية وماما ماحبتش يروح


نتماا الميزيرية كحلة لا شفقة ولا هم يحزنون


وناس تروح وسااعات ماترجعش


انا مانظنش هادي وسيلة للتربية


كاين حوايج اخرين يتلها بيهم ويقلل بيهم الطوايش تاعو


وعلاش راكم قلقانين منو ههههههه


مليح لومبيونس فالدار

شوية تشناف وشوية ضحك
​

 

[Im here for ever]

ياختي لوكان صحتلي انا ندير armé مانحوسش نبعت خويا

 

[HWK4ALGERIA]

وعليكم السلام.
شكون اللي غلطك، وقالك بللي العسكر يربي؟ أنا نعرف بزاف راحو للعسكر رجعو يتكيفو ف الدخان... وما خفي كان أعظم.

 

[la_safa]

السلام
عندك الحق اختي ..... ههههههههههه لوكان نقدر لي قلقني نبعتو للعسكر مي راني خايفة كي يرجع يعود يهزلي السلاح ماش غير يقلقني
​

 

[Rochdi.dz]

روح روح اليوم اليوم كاين كاين راتيساج
لابريقاد اليوم هدا فازي كلش في لي كلاش

ومن بعد يجي الشاف الكبير وشيبكم أكل سكتو يقلكم البلاد سحقتكم يخي حلفتو
باليمين بإسم القرآن وإسم الدين إن شاء الله تكونو كلكم لي بياج نتاع لي مين

وفكرو في التدريب خطاك كل عفسة راك تسحقها الخدمة نتاع الجبل كيما هك الغلطة راهي بحقها

وما تنساوش بلي الشعب راه معاكم العدو راه قدامكم والموت خليوها وراكم

وكي تديمار الثم بالذات يبدى التخمام في الراس نقلك الصح أنا موحال نوصف لا سوفرونس مورال

وعلاه خطاك أنا مشني مجربها صقصي اللي جربوها داروها وزادو شافوها يقولولك الحياة حنا هم

اللي نحكمو فيها مام لاكان جات الموت مرحبا بيها مشنا خايفين منها بالعكس هي خايفة منا

أو موان نهار اللي نموتو الناس يشوفو وش عملنا


والي يروح للجيش مش باه يتربى نحيها من بالك​

 

[اسماء18]

تاع الصح يترباو يحسو بالميزيرية وتلقايهم غير وحدهم يعرفو قيمة الام واش راهي رافدة يعياو شوية خليهم انا يغر يكبر خويا نبعت جدو للعسكر نتهنى من خدمتهم وتشراط ديالهم​

شتي ختي يحسوا بالتعب تع الام

 

[اسماء18]

عندكم نظرة غالطة على الجيـــــــــــــــش

قالتك نطيشوه يتربى علابالك بللي الجيش ضرك بالباك ومانعرف. ماشي اي واحد يقدر يدخل

لالا يا خويا راك ما شفتش الحصة الجيش بالبيام برك بصح معدل 12 و طلع

 

[اسماء18]

سلام
نقولك الصح قداه من واحد نعرفهم قباح وطايشين كي قاجاو رجعو راجل بالنيف و ماغلطش لي قال العسكر يربي ويخرج
هو مليح مي كي تدخلي بشانك و فرادك ماشي جوندي سامبل يحرثو عليك
مشكورة

ايه صح لي يدخل يلزم يدير القراد لروحو

 

[khadija1805]

راني انا اللي حابا نروح للعسكر ماشي نبعث خويا ......هههههههه​

 

[اسماء18]

وعليكم السلام ايه عندك الحقختي نتهناو منهم تاع الصح ويترباو شويه ويحسو بالميزيريه باه يعرفو قيمة وين كانو مارسي ختي ... سلام

مرسي ليك انت على الرد و المرور الكريم

 

[اسماء18]

راني انا اللي حابا نروح للعسكر ماشي نبعث خويا ......هههههههه​

خلاص وقتاش حابة تروحي