سؤال محرج ....للبنات والاولاد.......؟؟؟

[هدولة]

مانيش مدايرة الحجاب وما بربي ان شاء الله مانلبسش هاذ اللبسة ..............مرسي

 

[جمــآنــة]

ربي يهديهــم ..!!

 

[chiva.]

السلام عليكم يا لولاد ​

واش راكم ؟ حاكمة شوي ولا ماكان ماكان؟
معليش نقولو الحمد لله
المهم مانطولش عليكم بزاف
على بركة الله ​

حبيت نسقسيكم سؤال محرج شوي ؟
قولولي وعلاه كامل رجعتو تلبسو السروال تهبطووووووووووووووووه حتى يبان السروال الداخلي؟؟؟؟
هادي افار امود ؟؟؟؟
ولا عناد ؟؟؟؟؟
و لا رجلة؟؟؟؟؟؟
ولا واش عندكم؟؟؟؟؟؟
و وعلاه ماتتعاندوش ف الحوايج لملاح يعني الاجابية ؟؟؟؟
وكاين تاني لامووووووووووووووووووووووووووود تاع الي يسبغ شعروووووووووو بالاصفر؟؟؟
و الله مالقيتو ماديرو ؟؟
2*** ايا لبنات؟؟؟
ايا لبنات قولونا واش معنى كيما اديرو الحجاب وتلبسو بهده الطريقة =

ايييييييه وما ننساوش القطوشة الي ديما من الوراء تبان زعما يا لبنات معلابالكمش بيها
ولي تخرج شويييييييييية شعر من القدام ......معلابالكمش؟؟؟؟
ايا بزايد ؟
نتمنى من البنات يعطونا رايهم ف الاولاد
و الاولاد يعطونا رايهم ف البنات؟
استنى ردودكم ؟
باي ............شكرااااااااااا
المهم ؟؟؟؟؟؟​

وعليكم السلام

يقول ابن خلدون.......في المقدمة........المغلوب يتبع الغالب في لغته لباسه ماكله مشربه وكل شيء...
لما كان المسلمون في عصرهم الذهبي كان الغربيين يقلدوننا..............
قال الرسول عيه الصلاة والسلام...لتتبعن من كفروا شبر بشبر حتى ولو دخلوا في جحر ضب........
والدراسة النفسية تقول ان المغلوب يتبع الغالب في كل شيء دون ان يشعر .......
البعض نشروا الاكل الاكل شيء تافه المهم ان لا نقلدهم في الاشياء التي تمس عقيدتنا كاللباس الغير محتشم..................الخ
بكل بساطة بما ان العرب ناقصين تلك النقطة فوق حرف الغين
يسعون الى اكتسابها ليصبحوا (غرب)........ويعوضوا نقصهم لتلك النقطة (عرب)
هنا المشكلة:no_1:

 

[chamse121919]

لست معنية بالامر

 

[yacino1993]

هههههههههههههههههه صحيتي والله غير راكي جبتيها أختي ​

 

[amoulita@mosta]

والله العظيم ياختى الكريمة غير كاين واحد جارنا العام هذا فوت bemواش نقولك السروال هابط كامل الي يلقاه يقولو محمد طلع سروالك!محمد خصك سبتة نشيريهالك!محمد راك تبهدل!وحد الخطرة كنت داخة للدار سمعت باباه يقولو احشم على روحك راك خارج هكذا طلع سروالك ياولدي قالو اوووووووووف هبلتوني بهادي الهدرة وين نروح نسمعها امالة رايح نزيد نهبطو اكتر و اكتر :closedeyes:أمني ولا اقعدي ههههههههههههه خويا يقرى معاه يقولنا انا كون مانطلعش السروال للسرة نحس روحي راني كيما محمد ههههههههههههههه ربي يهديهم هذا مانقولو .

 

[BARCA232]

والله العظيم ياختى الكريمة غير كاين واحد جارنا العام هذا فوت bemواش نقولك السروال هابط كامل الي يلقاه يقولو محمد طلع سروالك!محمد خصك سبتة نشيريهالك!محمد راك تبهدل!وحد الخطرة كنت داخة للدار سمعت باباه يقولو احشم على روحك راك خارج هكذا طلع سروالك ياولدي قالو اوووووووووف هبلتوني بهادي الهدرة وين نروح نسمعها امالة رايح نزيد نهبطو اكتر و اكتر :closedeyes:أمني ولا اقعدي ربي يهديهم هذا مانقولو .

:music_whistling::music_whistling:
خليه يزيدو يحاور معاه هكذا حتى يصل لدرجة الجنون
جيل مهبول
احممممممم
​

 

[حسان2010]

هم يبانو السراول هذوك بلي طايحين بصح مهمش طايحين:sneaky2:
انا يعجبوني :music_whistling: ونلبسهم وهاذي حرية شخصية:music_whistling:​

 

[Rochdi.dz]

ههههههههههههههههههههه

والله غير عندك الحق
ولاو يلبسو وحد اللبسة يالطيف

السروال هابط و و مقطع
الشعر واقف تقول ضاربو التريسيتي

و لي كولور الي فيه خلي لربي
سيرتو من لاكوب دي موند هدي الناس كامل ولات شاوشيات
و زيانيات وغزالات

إييييييييييييييييييييييييييه ربي يبقي الستر


​

 

[Mr mino]

قولولي وعلاه كامل رجعتو تلبسو السروال تهبطووووووووووووووووه حتى يبان السروال الداخلي؟؟؟؟


بويسكو السبتة اللي نحكموه بيها غالية بزاف


​

 

[x123]

ماني مدايرة حجاب ماني معنية:music_whistling:​

مانيش مدايرة الحجاب وما بربي ان شاء الله مانلبسش هاذ اللبسة ..............مرسي

واش تحبي نقولك ربي يهدي ماخلق

و بالنسبة ليا انا مازالني بلى حجاب و نهار نديرو بإذن الله مانديرش نص حجاب نديروا كامل ولا ماكانش ​

الله يهديهم كامل كي البنات والذكور

ماني دايرة حجاب ماوالوا نلبس سروال وتريكو شوية طويل ولا ليكات

الحمد لله ربي يهديهم وسترهم ..

انا مزيا كي نلبس سؤوال نطلعو حتى لقلبي و الحجاب هاذ الجديد تاع سروال و معاه بودي انا على جال هاذ الحجاب مرانيش حابة نديرو و لا الذراري لي يلبسو السروالو و يهبطوهم حتى يوليو يصورو فالناس هاذي ثاني نكرها بزااااااااااااااااااااااااااااااااااااااااااااااااااااااااااااااااااااااااااااااااااااااااااااااااااف
سلام

مانيش مدايرة الحجاب وما بربي ان شاء الله مانلبسش هاذ اللبسة ..............مرسي

bravooooooooooooo
تبارك الله
​

 

[x123]

هي كي الضاهرة الاولى كي الثانية لزوج
pa bien


بصح للي راهم طايحين على ليجون


هو ادا سروال هبط 10 سم راه ساتر روحه بحاجا اخرى
+
راجل



اما البنت
ف ماكان لاه نحكي باه مانخلطش فالهدرة

شكرا على الموضوع
​

 

[x123]

ممممممممممممم
​

 

[x123]

ولي قالت كي نلبس سروال نطلعه حتى لقلبي

حاب نسالك قوليلي سمك تاعه شحال
ادا مخيط فوقك كيما قال شيباني
وعلاه تغبني روحك و تتحجبي



عذرا على الصراحة
مي هادا راي
و هده ردودي من اليوم فصاعدا
الصح

​

 

[hell men]

ههههههههههههه
خطيرة منك سارة
هادو الامور الحمد لله مانديرهمش

لكن البنات اللي من الفوق الحجاب ومن تحت ....................... xxxxxxxx
هدا هو الحدث الجديد وماخفي كان اعظم

مشكورة على الموضوع
​

 

[maroia]

بدوووووون تعليييييق

 

[نجاح]

شكرا اختي بصح هذا الموضوع خاطيني

 

[aidouch]

قولولي وعلاه كامل رجعتو تلبسو السروال تهبطووووووووووووووووه حتى يبان السروال الداخلي؟؟؟؟

ههههههههههههه و الله عندك الحق
انا عندي سيليما و الله و ما يحجبونيش نحسهم قاع ما شي رجلة ما كاش كيما الطفل اللي يسقم سروالو
بيان و يمشي بصح هادوك السراول الطايحين ايلااه و الله عندي عيب
مشكورة اختي على الموضوع
​

​

 

[assoma]

الحمد لله انا نلبس حجاب شرعي
واصلا نكره هاذي اللبسة الي راهم يلبسوها لبنات
مافيها حتى الراحة..تحسي روحك متضايقة
واما بالنسبة للرجال
هاالبسو سروال نورمال علاه راكم تعجبو بروحكم
سلاااااااااااااام
وخلو شعوركم نورمال باغي تولو نساء
هههههههههه​

 

[nour mary]

انا تاني مانحملهنش هادو لي يلبسو سراول طايحين ولا لي سابغين شعرهم ما خلاوش زعما يعاندولي في شاوشي وجماعتو والله السمانة لي فاتت شفت طفل صغير في عمرو 12 سنة قاعدة نشوف فيه وحايرة قالي واش حابة تتصوري معايا قتلو لالا سينييلي برك ههههههههههههه والله تحيري
والبنات انا نلبس سروال و ليكات بخاسك لبنات كامل يلبسو هاكا وهادوك لي يلبسو بوديات ربي يهديهم
كتبت ياسر موضوع هايل