دخوووول سريع رجاءا ؟؟

[الطفلة البريئة]

والله حصلة الخاوة لي كيما هاذو انا الحمدلله خاوتي مدايرين فيا ثقة ولا مرة قالولي البسي هاذي والا نحي هاذي
المشكل ماشي فالجلباب قادرة تلبس الجلباب و دير رايها مبعد على خاطر ماشي مقتنعة بيه و كيما قلتي حجابها لاباس بيه
والله يا اختي الضغط يولد الانفجار تحكي مع باباها وخلاص هو يفهمو
ربي يعينها مسكينة ​

 

[قالمية ونصف]

سامحووووني كامل
جيت نحكم بلاصة
وليا لفتة للموضوع غدوة انشاء الله
..................................................ليلة سعيدة :heh:

 

[اسماء18]

كي عاد خوها يحبها بزاف يسمعلها و تحوال تقنعوا بلي ما تديروش ديجا هو ما هوش فرض لجلباب هولي فرض و الله اعلم

 

[بنت الجسور]

الجلباب حاجة مليحة بصح لازم تكون مقتنعة بيه هذا هو رايي

 

[abdou23]

السلام عليكم
أنا حسب رأيي تحافظ على لباسها الحالي مادام محترم مئة بالمئة و تحاول تفهم خوها و نهار اللي تقتنع بالجلباب تلبسو لأنها إذا لبساتو على جال خوها ديما رايحة تحس بلي مفروض عليها . و زيد الله ما فرضش الجلباب الخمار و الحجاب اللي يستوفيو الشروط المعروفة لستر المرأة يكفيو و الله أعلم

 

[فتاة حساسة]

ديجا الحجاب الاصلي هوا الجلباب بصح راكي تعرفي الناس واقوالهم
بصح نخالف راي الناس ومانخالفش امر الله

 

[sami19280]

توااااااااافق باسكو في صلاحها ماشي فرض عليها حاجة تضرهاااااااااااااا
​

 

[زهرة لوتس]

سلام عليكم
​

لو كان جيت انا بلاصتها مانقبلش
لانها حياتي لازم نسيرها كما نحب انا خطراكش هو حياتوا يسيرها وحدوا
انا ثاني نسير حياتي لانوا كل واحد راح يتحاسب وحدوا
ومدام هي مستورة ولحمد الله تحاول تهدر معاه وحدوا وتتفاهم معاه دون خلاف
وتفهموا انوا الحياة ماهيش لبسة الحياة شئ اخر

سلام ربي يكون معاها
​

 

[قالمية ونصف]

نتي قلتي لباسها مليح 100%
خلاص مالا .....تشوف كيفاه تحاول تقنعو ....خوها هدا باين متشدد

ههههههههه:scared:
خصاتو ماديها عقلية مريكان
مي تعرف ليجان تاع دورك حرام عليك حلال عليا ............:santa_1:

 

[@@simo@@]

ممممم شوية تحير

يعني المفروض يخليها تكون مقتنعة بيه خير

على خاطر سعات تتحول الغيرة والحب لفرض راي

هو حاب يفرض رايو وخلاص

مي هو في النهاية او طلب منها حاجة مليحة

ديرو وخلاص​

 

[قالمية ونصف]

باه تتفادى النش لازمها تدير كيما قال خوها
باه كي تخرج تروح لسوق مايخممش أعليها خلاص ...
وعلى كل حار وش تقول هي هذاك هو ...
​

خويا سحيقوا اك هنا :closedeyes:
هي متسوق ماشي ونش كاين كاين كون تكون حتى بلملاية :music_whistling:

 

[قالمية ونصف]

ديجا الحجاب الاصلي هوا الجلباب بصح راكي تعرفي الناس واقوالهم
بصح نخالف راي الناس ومانخالفش امر الله

:yahoo::yahoo::yahoo::yahoo:

 

[قالمية ونصف]

المهم تعيشوا على الردود ناس اللمة صح دهب :tears:.........
نطمئنكم الحمد الله راهي فرات
والدرافة وحلاوة اللسان و لقدر هم لي حلوا ليبروبلام بسهولة خلاص ويرجعوا لعباد لعقلها :yahoo::yahoo:
قوموا بيهم تسلكوا على خير :heh::closedeyes:
............................................................................................

دورك اغلقوا الموضوع يرحم باباكم منحبش نتفكروا :busted_red:

 

[دعاء الحق]

اذا كانت متحجبة ولاباس بيها علاش ادير جلبآآبــ؟؟
المهم راها تمشي في الطريق الصح
وثاني اذا كان باباها كاين بانتلي الاخ ميازمش يدخل