الي ما يعرفش ايعوم غير مكالاه يدخل

[NICHA03]

انا نعرف نعوم الحمد الله باسكو كل عام نروحو للبحر و تعلمت كي كان عندي 5 سنين كنت نروح مع بابا و هو يديرلي الدروس تاع العومان ههههه سلام

 

[SOFIANE BATNA]

وعليكم السلام
رغم أني مانيش ولد البحر ههههههه بصح نسلك روحي لاباس
بصح وليت نخاف نبعد بزااف خاطر صراتلي واحد الحاجة في البحر عندها مدة
على العموم العام اللي فات في جيجل كان لي الشرف في إنقاذ فتاة من الغرق هههههه​

 

[mister lonely]

ههههههههههههههههه هذي الساعة راكم كامل عوامة ,انا في حياتي لا عرفت نعوم ملي كنت في 7 سنين وانا نروح للبحر مي جامي عمت نروح نتفرج برك على الناس هههههههههه .​

 

[فراشة الايمان]

اييييييييييييه اذا كان لبحر و تتعلمو العوم هيا للصحراء نعلمك الغطس في الكثبان الرملية الذهبية هذاك هو العامان نتاع الصح مش لبحر ههههه

 

[الجندية]

ملي خلقنا رانا في البحر
ههه بصح كيما قالت طاطا هيلدا قالك عيب البنات يعومو
ههه والله عجب
صحيت خويا
​

 

[iméne09]

نشفى روحي من لي كنت صغيرة وانا ندير لانتاسيون وتعلمت من عند استادي راني من لكبار في عوماااااان
مرسي خو ع الطرح ​

 

[@@simo@@]

انا درت ناتاسيون بزاف كي كنت صغير

وزيد دايما نعوم مع خويا

راني نسلك راسي مليح

مرسي خويا​

 

[SaRa MosTa]

وااااه نعرف نعوم ملي كنت صغيرة لخطرش كنت نبغي لابلاج بزااف
بصح دووك والله والو كرهتوووو مالgري حدانا لبحر​

 

[nina bonoise]

انا ملي خلقت و انا في البحر
كانو يحطوني في الشط و يخليوني
تعلمت وحدي وحدي
تحوس عليا تلقاني في لارج
vive les plages

 

[MARIA_4algeria]

سمحولي دخلت بالخطأ
شكرا لكمـ​

 

[la_safa]

يا خويا انا راني نعوم مي نقلك حاجة وما تضحكش عليا انا وحد النهار البحر هايج يعني الموج بزاف مالا لبست هادوك الرجلين راحلي اسمهم ...... هيه و دخلت وهاداك النهار كاين الكورون لي تجبد مالا نسيت على روحي ومبعد خرجت مالقيتش الخيمة تاعنا ... وديتها نص ساعة و انا نحوس عليها ....:tears:
مي الحمد لله لقيتها :yahoo:
​

 

[يسرى 2008]

انا بنت عنابة وشبيك نطيرهالكم الكل
انا البحر قدامي قول مامبا 10 م
نورصل ههه قدامي خلاص وهكاك باخلة تسما شابعة منو منروحش بزاف
مي شكون الي قال العومان عيب المرا تعوم كي الراجل مي بلبس محترم برك
انا تعلمت نعوم وانا في عمري عام هكاك
مي جامي مغرقت ساعات نلعبها برك نغرق باش نخوف خويا يخي مرة لعبتها غرقت ولاو يجيو الليبومبي ويمنعو فيا وانا لا غرقت ما والو مي كنت صغيرة هداك الزمان

 

[حالمة بالجنة]

السلام عليكم
الله...فكرتني في البحر
الحمد لله نعرف نعوم وخصوصا في هاد لاعوام التاليين
نوورمال نبعد بصح مرات نخاف نكون وحدي لازم ندي معايا وحدة
نحب نعوم في الليل لكن في ذاك الوقت اقتلني ولا نبعد

منين كنت نرضع ونا نعوم، وزادا كل عام نروحو، السنة رانا طولنا،،
وكنت ندير تاني ناتاسيون،،
بصح الجماعة للي هنا راهم فتاو وقالك الطفلة عيب تعوم:blink:

علاه نروح مالا

:huh::huh:



الله يهديهم اللي قالو عيب الطفلة تعوم
المهم احنا لما نروحوا نخيروا بلاج ما فيهاش الهيش ونروحوا مور العصر ما نجوش غير في الليل
ونظن هذا هو الحل الوحيد باش تتجنبي الأشكال العجيبة وهنا نورماال نعوموا
ان شاء الله في المستقبل يديرولنا بلاج خاصة بالبنات <<احلمي
​

 

[NOUNOU-ta]

كما قلت انت تحيا الجريكة الصفرة والشامبريار لكحل
وزيد اللي تعلم يعوم في الواد راهو يقهد البحر

 

[BOUSS]

انا ما نعرفش

انعلموك مكاش مشكل

هههههههه بنت البحر

بصح ما قلتليش ولا تعرفي تعومي:glare:

 

[BOUSS]

هههههههههههههه

راني ساهر و بربي على 4:30 مديماري لجيجل با نتبحر
............
انا تعلمت نعوم وحدي و تعلمت في تونس​

ايا نتمنالكم نهار فور غدوة فاللمة​

يعطيك الصحة اخي علي مرورك ونهارك زين انتي ثاني

ما تفكرونيش فلبحر ولعومان ملي نروح وانا نشوف الناس تعوم وانا نسوطي كي لجران بصح ما تلومونيش ساكنةفي قسنطينة والا كنت نجيب ميدالية في السباحة وما يقوملي لا وليد عنابة :fish:و لا وليد العاصمة :fish:الله غالب
هههههههههههههه

في هدي عندك الحق امزيا
جتي تسكني في قسنطينة ههههههههه ديري التسلق :wink:

هنا بينتي بلي ماكش تاع بحر ما كانش انسان ما يأثرش فيه الكورو و كيما نقولو في عنابة البحر يدي العوام أنا البحر بعيد على دارنا ب30 متر و ملي حليت عيني على الدنيا و أنا نعوم بصح ديما نديرلو حسابو و نخاف منو على خاطر غير الحوتة اللي ما تغرقش

راني غير نحكي برك اخي البحر ما عنديش مشكل فيه انضل طالع
هابط الجي مارساي بصح في البابورههههههه:wink:

 

[بنـ MaPa ـت]

يعطيها الصحة الجريكة الصفرة تاع الزيت الي تعلمت بيها وهيا زوج خطرات جات امعايا للبحر تعلمت اتعوم اماينا

:laugh::laugh:

ههههههههههههه ياخي حالة

انا علمتني خالتي و النص الكبير بابا وماجيت نتعلم حتى قريب نشفت البحر

ومام دوك راني نعرف وكي ندخل للبحر تولي ماما تعيط ماتبعديش ارجعي........الخ...
مرسي..
​

 

[BOUSS]

او ماشي حرام بصح راكي تعرفي
مثال الطفلة كي تكون محجبا كي تروح للبحر تنحي الخيمار وكي تقولها لاماه تقولك راني في البحر
ياخي عباد
ربي يهدي

مارهمش ابنات قاع كبف كيف كل وحدة الله يسهل اعليها:wink:

انا نعرف نعوم الحمد الله باسكو كل عام نروحو للبحر و تعلمت كي كان عندي 5 سنين كنت نروح مع بابا و هو يديرلي الدروس تاع العومان ههههه سلام

ابصحتك راكي
القيتي معلم واب يا من داك الزهر تحياتي لكي :closedeyes:

وعليكم السلام

رغم أني مانيش ولد البحر ههههههه بصح نسلك روحي لاباس
بصح وليت نخاف نبعد بزااف خاطر صراتلي واحد الحاجة في البحر عندها مدة

على العموم العام اللي فات في جيجل كان لي الشرف في إنقاذ فتاة من الغرق هههههه​

اما راك انقذت نفس في حياتك يعطيك الصحة اخي
علي مرورك وبصحتك الصيف:wink:

ههههههههههههههههه هذي الساعة راكم كامل عوامة ,انا في حياتي لا عرفت نعوم ملي كنت في 7 سنين وانا نروح للبحر مي جامي عمت نروح نتفرج برك على الناس هههههههههه .​

انا في بالي راكي فنيانا برك ما حبتيش تتعلمي هههه
بصح كي راكي تروحي قاع لباس :wink:

 

[EL General]

هههههههههههههههههههه

كل شيئ بالمكتوب
​

 

[BOUSS]

لا تعليق على الموضوع​

مافي مشكل

اييييييييييييه اذا كان لبحر و تتعلمو العوم هيا للصحراء نعلمك الغطس في الكثبان الرملية الذهبية هذاك هو العامان نتاع الصح مش لبحر ههههه

احكميلي بلاصا فب الشتا راني جاي انعوم في الرمل هههههه

ملي خلقنا رانا في البحر

ههه بصح كيما قالت طاطا هيلدا قالك عيب البنات يعومو
ههه والله عجب
صحيت خويا ​

كل وحدة حرة الله ايساهل عليها ختي :closedeyes: