لتفتيح البشرة

[imene23]

السلام عليكم
واش راكم يخي سافا
منطولش عليكم وصف تع ليوم لتبيييض الوجه ولكل مشاكل البشرة باختصار
راني مجربتها من اول مرة تمد نتائج
الوصفة هي تعصري القارس فوق الودعة(منعرفش اسمها بالعربية مي تتباع عند ليبيع العقاقر ويلقاوها في البحر وسعرها عندنا بالف ) ومبعد تحطيها مقابلة لضوء القمر
كيتدوب تولي كوم لكخام
تدهني باها وجهك لمدة ساعة ومبعد تخسليه بماء سخون وننصحك باستخدامها مرتين في السمانة وكي تقعدلك حوطاها في الفريجدار

 

[shosho.21]

سمعت بيها
ان شاء الله نجربها
مرسي عليك

 

[{مُدَلَّلَتُهُ}]

ميرسي ان شاء الله نجربها

 

[الحياة كلمة]

اسمها الودعة
شيء جديد
مشكورة اختي
​

 

[السلطانة]

وعليكم السلام
الودعة هاذي نشفى لصديقة ماما كانت تستعملها
هيا صح تسصفي لوجه
على مااظن تجي على شكل حجرة كي شغل صدفة والله اعلم
شكرا اختي على الوصفة
ان شا ءالله يستفادو منها لبنات

​

 

[om djawad]

حبيت نقولكم برك راهي كاين ودعة دكر و ودعة انثى انا وقت فات دارتهالي ماما باش تنحبلي وحد الدسة جاتني في وجهي بصح ما حبتش تدوبلي بقات كيما هي و الليم فاح
نعاود نجربها بطريقتك تاع القمر بصح قوليلي نستعمل الودعة الدكر او الانثى
وتسلمي يا حلوة

 

[om djawad]

ماعليش اختي ايمان نقولك حاجة ..................عجبتني بزاف كلمة حوطاها​