أبي لو يوم واحد ... أحاول أجمع شتاتي !!~

[Moha le sage]

أبي لو يوم واحد .... أحاول أجمع شتاتي !!~

تسولف لي عن الضيقه وانا كلي ألم وأحزان
وأنا من وين ماناظر بعيني شفت ضيقاتي​

تسولف لي عن الضيقه وأنا عنوان للحرمان
دخيلك لا دخيل الجرح لا تكشف معاناتي​

دخيلك لا تشجعني أسولف وأكسر الكتمان
تعبت من السكوت اللي تعود يسكن بذاتي​

عليم الله مافيني شبر يضحك فرح وأشجان
وأنا لو جيت ابضحك لك أجيك أضحك بدمعاتي​

حياتي شعرن وشاعر وجمهوري بقايا انسان
ونقادي زمن قاسي ولا يفهم كتاباتي​

أناظر للبشر حولي أحد يضحك أحد طربان
وأنا صعبن علي أضحك أسايرهم بضحكاتي​

عجزت أكذب على نفسي بفرحه ما بها ألوان
وحزني ما عجزعني بدا يرسم نهاياتي​

طريقي صعب وجروحي كثير وداخلي ضميان
أبي لو يوم واحد أحاول أجمع شتاتي ​

أنا قصه تبعثرت وتطايرت بزمن خوان
تعلمت أخسر البسمه وأداري عضة شفاتي​

أبكتب لك وبالخط العريض وريشه الفنان
أنا الخسران توقيعي وانا الخسران بصماتي​

أكمل لك عن الضيقه اكمل لك عن الأحزان
تأكد لو بكمل لك تصيح وتطلب سكاتي

m
​

​

 

[صمتْ آلمع ـآني]

على الكلمات هنا أرض من الإحساس
يستعمرها حزن ثقيل لا يسمح للأنقياء
بـ التنفس .. بـل فقط الكتمآن..!
فـ أعذرني ان كنت قاصرة على الرد


دعني ارحلُ من هذه الصفحة الآن

وأتسللُ بصمت ٍ هاربة
بعد تسجيل إعجابي بما انتقيته
دمت بأفضل حال تريد
​