يا يمّا على حكايات الخطبة والزواج..

[أم سهى]

هههههههه خاطر حتى في الحقيقة خارج النت غير هادو المواضيع الي يحركو في الساحة ليامات هادو عذرا نقصد منين انولدنا حتى نموتو على نفس السيرة......

 

[kaissoum_elsaker]

ههههههههههه والله الفكرة شكلها ماوصلتكش ، انا ماقلتش ماناش حابين نتزوجو، قلت علاه الطلب بكثرة على هاذي المواضيع مع اهمال المواضيع الاخرى هذا القصد​

حبيت نوضحلك حاجة ، انت قلت هذا الشغل الشاغل بالنسة للبنات خاصة ، مالا نقولك غير صحح معلوماتك راهي النسبة كيف كيف كي لبنات كي الرجال ، بالعكس نشوف الرجالة هوما اللي هايجين هنا​

شكرا على مرورك الجميل​

لالا فاهم قصدك ولاباس
مي راكي تقولي الاقبال على مواضيع الزواج بكثرة انت هاذا الموضوع شاغلك بزاف كان موش شاغلك ماتحطيهكش كموضوع
ربي يصلح لحوال ان شاء الله
ويهدي شبابنا وبناتنا
وحبذا يكون فيه ضبط لبعض المصطلحات اثناء الرد وابداء الرأي
تحباتي​

 

[Jagwar]

و الله الموضوع هذا نحيتيهولى من مخى كنت نخمم فيه :shiny:

المهم علابالك علاش يدخلو للمواضيع هادو يا الخالة نوسة :shiny:

باسكو

البنات قريب يعملو آنونس بيبليسيتار فى لى زاجونس باش يتزوجو

و كى يشوفو موضوع كيما هذا يلقاوها فرصة باش يفرغو قلبهم لمعمر:shiny:

و الدكور يدخلو يعلقو و يديرو طوايش و يحب يزيدو على البنات:sheer:

يا قييييييييييييييييييوووووووو

قالك نسبة العنوسة فى الجزائر تعدات 80 % :scared: كاينة منها ؟ :shiny:


مرسى عليك الخالة نوسة و عندك تقييم زكارة فى المواضيع هادوك لى ما يتسماوش:like_1:




​

 

[الورد الأحمر]

اممم معرف ... أم يجيو صحاب الكا لي تحكي عليهم
ويردو عليك ... أنا صراحة ندخل للمواضيع الكل
نحب كي ندير الباجة اللولة تاع واش راك تهدر
نلقاهم كامل مكوشيين ... يعني نزدم للمواضيع
الكل بدون استثناء بلا نشوف مولاه حتي
مغسي اختي على الموضوع ... سلامو
​

 

[تاعبة كل الناس]

والله يا الاخت مش غير الشباب اللي راهم يهدرو عالزواج برك
او قبيل قابلت الوالدة شافت معايا شافت و قالتلي كون يخطبني فيك فلان نمدك :scared::scared:

فلان زعمة يكحل عليا عيني عينك :shay:

اوووو قتلها حنونة راني صغيرة 21 سنة كرهتي مني بعد و عدتي تهدري معايا هاكا بالمشرمحي :shiny:؟؟؟
ماخليتينيش حتى ندير روحي حشمت و يحمارو خدودي :shay:

:schmoll::schmoll:

بابا قتلو مانزوجش اني قاعدة هنا عندك :shay:
قالي اواه شهر ولا زوج اللي يخطبك نمدك :scared::scared:

:schmoll: :schmoll:
موضوع العصر
:re_gards:
​

 

[المتفائلة_91]

هههههههه خاطر حتى في الحقيقة خارج النت غير هادو المواضيع الي يحركو في الساحة ليامات هادو عذرا نقصد منين انولدنا حتى نموتو على نفس السيرة......

هاذي سنة الحياة

نورتي

 

[المتفائلة_91]

لالا فاهم قصدك ولاباس
مي راكي تقولي الاقبال على مواضيع الزواج بكثرة انت هاذا الموضوع شاغلك بزاف كان موش شاغلك ماتحطيهكش كموضوع
ربي يصلح لحوال ان شاء الله
ويهدي شبابنا وبناتنا
وحبذا يكون فيه ضبط لبعض المصطلحات اثناء الرد وابداء الرأي
تحباتي​

اهلا بيك من جديد
انا حطيت هذا الموضوع بعد ماحطيت مواضيع اخرى بعيدة عن الفكرة هذي ومالقتش نجاح يعني ان كثرت صفحتين ، بينما شفت مواضيع الخاوة اللي تهدر عن الفكرة هاذي واسعة الاقبال تتعدى العشرة صفحات احيانا ،،،
ثم لا انكر انها الشغل الشاغل لكلا الجنسين ، لكن ليس لدرجة اهمال المواضيع الاخرى وعدم اعارتها اي اهمية



اعتذاري ان كان لديك حساسية تجاه مصطلحاتي ،،،،، فهذه لغتي !!


شكرا لك​

 

[Jagwar]

والله يا الاخت مش غير الشباب اللي راهم يهدرو عالزواج برك
او قبيل قابلت الوالدة شافت معايا شافت و قالتلي كون يخطبني فيك فلان نمدك :scared::scared:

هههههه مليحة هاذى كرهو من الفتشة تاعك فى الدار :shiny:
لوكان يجى يخطبك القدافى زنغة زنغة ما نعرف الوالدة تاعك ربى يحفضها أسكو تقبل ؟:shiny:

فلان زعمة يكحل عليا عيني عينك :shay:

يسمى لوكان تبعو هكذا يجوك 20 مرة وحدة و تعملو المزاد العلنى :shiny:

اوووو قتلها حنونة راني صغيرة 21 سنة كرهتي مني بعد و عدتي تهدري معايا هاكا بالمشرمحي :shiny:؟؟؟

ياو أنتى تعرفى خير منها و لا واش i-o: انا الوالدة تاعى قفز بيها بابا و هي 18 سنة برك و انتى تقولى 21 صغيرة :shiny: نورمالمون راكى جدة درك خخخخخخ :shiny:

ماخليتينيش حتى ندير روحي حشمت و يحمارو خدودي :shay:

ياو قتلك 80 % فى دزاير بايرات كشما بقات حشمة :shiny:

بابا قتلو مانزوجش اني قاعدة هنا عندك :shay:
قالي اواه شهر ولا زوج اللي يخطبك نمدك :scared::scared:

هههههه واقيلا معولين عليك تاع الصحة
غير وجدى وحك شهرين و تعودى تبكرى على الستة تاع الصباح و تنقص عليك الخرجة و الدخلة و تتحرقى فى الكوزينة مع المقلة :shiny:

:schmoll: :schmoll:
موضوع العصر
:re_gards:

ربى يطيحك فى وليد فاميليا و وليد لحلال لى يسعدك و يقدرك مليح و ما تديريش على كلام الوالدين هاو كلشى بالمكتوب كى يكتبلك ربى نروحى حتى فى 80 سنة وين تدرى :shiny:
​

------------------------








​

 

[H@teM]

مقبيل كنت نعيط على ماما كشما تخطبلي برك
الزواج ممبعد والله عندي صاحبي قدي خطب و
اناااااااااااا مزال
مشكل كبير
ههههههههه
​

 

[المتفائلة_91]

و الله الموضوع هذا نحيتيهولى من مخى كنت نخمم فيه :shiny:
اهلا بيك خويا اسامة
المهم علابالك علاش يدخلو للمواضيع هادو يا الخالة نوسة :shiny:

واااش رجعتني الخالة نوســـة ، ياك انا الجنية جمهريرة ولا نسيت
باسكو

البنات قريب يعملو آنونس بيبليسيتار فى لى زاجونس باش يتزوجو
مممم مش الكل
و كى يشوفو موضوع كيما هذا يلقاوها فرصة باش يفرغو قلبهم لمعمر:shiny:
بالاك
و الدكور يدخلو يعلقو و يديرو طوايش و يحب يزيدو على البنات:sheer:
ياو انتم خاطيكم يصلو على طرفكم يا ودي
يا قييييييييييييييييييوووووووو
وش معناها
قالك نسبة العنوسة فى الجزائر تعدات 80 % :scared: كاينة منها ؟ :shiny:

:shay: بالاك اكثر هههههههه مانعرف حتى وحدة من نديداتي تزوجت ، راهو بدا يدق ناقوس الخطر ههه ،،، نقصر برك ،،،
مرسى عليك الخالة نوسة و عندك تقييم زكارة فى المواضيع هادوك لى ما يتسماوش:like_1:
الله يخليك



​

نورتني اسامة بمرورك الخفيف ظريف ،

كانت هنا الجنية جمهريرة
عفوا الخالة نوسة

 

[المتفائلة_91]

اممم معرف ... أم يجيو صحاب الكا لي تحكي عليهم
ويردو عليك ... أنا صراحة ندخل للمواضيع الكل
نحب كي ندير الباجة اللولة تاع واش راك تهدر
نلقاهم كامل مكوشيين ... يعني نزدم للمواضيع
الكل بدون استثناء بلا نشوف مولاه حتي
مغسي اختي على الموضوع ... سلامو
​

اهلا اهلا بيك نوووغ ، نورتيني ، زارتنا البراكة

انتي علابالي بيك يا حسراه ، راكي استاذتنا ،،

اتهلاي​

 

[المتفائلة_91]

والله يا الاخت مش غير الشباب اللي راهم يهدرو عالزواج برك
او قبيل قابلت الوالدة شافت معايا شافت و قالتلي كون يخطبني فيك فلان نمدك :scared::scared:

فلان زعمة يكحل عليا عيني عينك :shay:

اوووو قتلها حنونة راني صغيرة 21 سنة كرهتي مني بعد و عدتي تهدري معايا هاكا بالمشرمحي :shiny:؟؟؟
ماخليتينيش حتى ندير روحي حشمت و يحمارو خدودي :shay:

:schmoll::schmoll:

بابا قتلو مانزوجش اني قاعدة هنا عندك :shay:
قالي اواه شهر ولا زوج اللي يخطبك نمدك :scared::scared:

:schmoll: :schmoll:
موضوع العصر
:re_gards:
​

اييه كون عطى شوي لبابا اللي مازال دايرني بيبي نرضع في صبعي ، العام اللي فات تخطبت ، قعد يبربش على الراجل حتان وين فلوشلي الحداثة ههههه ،،

ماماك عادت تخير يا سيدي ، هيا ربي ينوبلك بواحد على قدر نيتها هههه،

هيا وش نديرو حابين يتهناو علينا المخالق

نورتي خيتو


مرسي عليك​

 

[المتفائلة_91]

مقبيل كنت نعيط على ماما كشما تخطبلي برك
الزواج ممبعد والله عندي صاحبي قدي خطب و
اناااااااااااا مزال
مشكل كبير
ههههههههه
​

ههههههه علاه انت قداه عمرك ،
ربي ينوبلك ببنت الحلال اللي تهنيك وتسعدك وتعرف قيمتك وتخدمك ,,,, الخ

نورت

 

[خولة19]

ربي يكمل اللي خطب وربي ينوب عاللي ...مازال بالنسبة للمواضيع اللي يعجبني نريبوندي عليه على حسا القوسطو كيما موضوعك عجبني بزاااااااف
مرسي حنونة سلااااااااااااااام

 

[المتفائلة_91]

ربي يكمل اللي خطب وربي ينوب عاللي ...مازال بالنسبة للمواضيع اللي يعجبني نريبوندي عليه على حسا القوسطو كيما موضوعك عجبني بزاااااااف
مرسي حنونة سلااااااااااااااام

مرسي
نورتيني
هذا من ذوقك



شكرا

 

[تاعبة كل الناس]

هههههه مليحة هاذى كرهو من الفتشة تاعك فى الدار :shiny:
لوكان يجى يخطبك القدافى زنغة زنغة ما نعرف الوالدة تاعك ربى يحفضها أسكو تقبل ؟:shiny:

​

​

​

ههههههههههههههه شفت شفت :sad: مع اني مدايرتلهم اومبيونس :schmoll:
مالفة نغيب عليهم اييامات يعيطولي اروحاي روحي :sheer:
فلسوني ماعدتش نقدر نبعد على الدار خلاص
هاني نويت نروح نقرا نبدل ولايتي غير اللي يقولو اخطاك :sad:

يسمى لوكان تبعو هكذا يجوك 20 مرة وحدة و تعملو المزاد العلنى :shiny:

هههههههههههه قلنا واحد يكحل مش عشرين ا عمو اسامة :shiny: :shiny:
لا مزاد لا والو
القلب مافيهوش حد :shay:
مما يعني اني عند ابويا :sheer:

ياو أنتى تعرفى خير منها و لا واش i-o: انا الوالدة تاعى قفز بيها بابا و هي 18 سنة برك و انتى تقولى 21 صغيرة :shiny: نورمالمون راكى جدة درك خخخخخخ :shiny:

اسااااااااااااااااااااااااااااااااااااااااااااااااااااااااااااااااااااااااااااااااااامة قتلتك ا ولد عنابة على جدة اسننننننننننننننى تشوف :santa_1::santa_1:
ماحاني ماحاني راني صغيرة :sad:​

​

ياو قتلك 80 % فى دزاير بايرات كشما بقات حشمة :shiny:

ههههههههههههههه ياخاه على بايرة اخاه
اسنى تشوف برك اسنى

هههههه واقيلا معولين عليك تاع الصحة
غير وجدى وحك شهرين و تعودى تبكرى على الستة تاع الصباح و تنقص عليك الخرجة و الدخلة و تتحرقى فى الكوزينة مع المقلة :shiny:​

ههههههههه شفت شفت :sheer:
انا اصلا نوض عال6 :shiny:
ماتنقص ماوالو :sheer:
اييييييييييييييييييييييييييييه ماتهدرش عالمقلة قدامي :schmoll:
اني نموت بالخوف منها
والله جامي نقرب ليها و نحط البطاطا ولا كش حاجة تتقلى
نخاااااااااف نخاااااااااااااااف
:showoff:


:schmoll: :schmoll:
موضوع العصر
:re_gards:

ربى يطيحك فى وليد فاميليا و وليد لحلال لى يسعدك و يقدرك مليح و ما تديريش على كلام الوالدين هاو كلشى بالمكتوب كى يكتبلك ربى نروحى حتى فى 80 سنة وين تدرى :shiny:​

ههههههههههههههههه 80 سنة !!!!!!!
وش نروح ندير :scared:
نتقاسم مع المخلوق دوا الاتنسيون :sheer:
هههههه ربي يحفظك
ادعيلي ربي يبعتلي واحد فيه شبايه تامر حسني

:showoff:

:re_gards:​

​

​

​

كان عرفتني شكون انا اضرب النح
كان ماعرفتش اقعد هاكاك تتحرق :sheer::sheer: نعتلك بايرة و جدة و 80 سنة :schmoll::santa_1:​

 

[تاعبة كل الناس]

اييه كون عطى شوي لبابا اللي مازال دايرني بيبي نرضع في صبعي ، العام اللي فات تخطبت ، قعد يبربش على الراجل حتان وين فلوشلي الحداثة ههههه ،،​

ماماك عادت تخير يا سيدي ، هيا ربي ينوبلك بواحد على قدر نيتها هههه،​

هيا وش نديرو حابين يتهناو علينا المخالق​

نورتي خيتو​

مرسي عليك​

هههههههههههههههههههههههههه بابا شوي طايرلو فالحكايات هادو
عندو صحة ماتدي :showoff:
يقعد يقعد و يصارحني يدهشني :sheer:
هههههههه عادت تخيرلي ودير فلي زافير من ورايا :shiny: :shiny:

ربي يهينهم مالا :scared:
انا عايزة قصة حب سع :shay: لا اتزوج عالعمياني :shay:

:re_gards:
ايا عفوا ربي يهنيك ان شالله
​

 

[Elif DZ]

صبــاح الخيـــر أخـــتي

كما قلتُ من قبـــل
أصبح شغلُ الشباب الشاغل هو الزوااااج و ما إلى ذلكـ
يظنون أن الارتبااط هو أقضى المرام
لا أنكر أنه لا بد منـــه و أنه محبب في شريعتنا الاسلاميــة و لا داعي لأن ألقي محاضرة في هذا الصدد
لكن لا إفراط و لا تفريط
و بالنسبة للصغار أختي
واش نقلكـ
عادوا يفهموا أكثر من الكبار في هالمشاريع
و ربي يقدر الخير
,,,
​

 

[TeNtOuNa]

ههههههههه جاوبت برك باش ماتقوليش هربت
ههههه مام انا سقسيت روحي ومالقيتش الجواب
​

 

[الجندية]

هاذي شابه

تاع لبنان هاذي

الصح الصح .. انا مواضيع الزاوج والخطبه وتيريري تيريري
ماعلاباليش بيهم ولا دخلت لكاش مضوع هكا ورديت عليه برك لإبداء رأي لا غيـر
كآين اللي عجلان على الزاوج ..بصح أنا شعاري ديما خلوني نعيش حياتي
وسلام عليكم
​