وعلاش هكدا؟؟؟؟؟؟؟؟؟؟؟؟؟؟

[رضوة الجزائرية]

حبيت خواتي نطرح هد الموضوع عليكم
وعلاش المرا غير تتزوح دير حزام الامان هو راجلها وتتاجج بجمع الاسلحة وتقول راهي داخلة للحرب في اسرة رجلها
المشكل انه هو يساندها وكانه ماشي رابي معهم واش هدوك ماشي خواتك ولا ماشي امك وباباك
هداو واقع راني نحكيه ليكم من كثر ما كرهت هده طريقة المعيشة واش نقول ليكم يرجع الخو في جرت مرتو عدو لهلو وبالاخص ادا دخلت مرتو وكانو خواتاتو خدمات برا ؟؟؟؟؟؟؟؟؟؟
هنا يوم جاو يخطبوها تقوليهم ماعليش انا نخدمكم وتعرف كيف تصيب الهدف وهو خواتو كانو يبانو ليه عسل يعاونوه في زواجو وعرسو ونهار تجي لالا يرجع ليهم سم لو صاب خرجهم من الدار لي هما بناوها وقومها للمرتو وهي راهي دارتو في جيبها خلاص لازم تليكيديهم من وجها كيفاش تقدليهم خداما وهما برا وهو راهي مريضة (من اليوم الاول) ماتقدرش تخدم هو لي طلعليها الماكلا (بعدما كانت تجيه ختى رجليه وماعجبوش الحال)بصح درك يرجع خدام ست الحسن
بصح الخير مرا والشر مرا وعلاش هي ماعندها خواتاها بصح الله غالب نسينا بلي حنا مسلمين ولاوم نرحمو بعضنا ونعايشو

 

[sam11]

عندك حق اختي بصح هدا من واقع ما يسمع ومايرى وكثرت المشاكل

ومن كترت ما المرا تسمع على هادي المشاكل تولي تخاف على روحها

واحسن حل لهدا المشكل انو الراجل مرتو يعيشو بعيد على اهلهم

 

[رضوة الجزائرية]

مي ختي لي لاحظتو انه بعض المرات والديهم يخرجوه من الدار هو ومرتو ويرجع لانه هو ما يقدر ولا هي ما تقدر على المسؤلية الدار وحدهم اصلا هم اتكاليين على الغير
​

 

[RIDHA REAL]

كثرت المشاكل ​

 

[جزائرية كوول]

المرا تكون متسواش في دارهم هي تتزوج وهي تحسب روحها لونجة بنت السلطان

ربي يهديهم

شكرا للطرح الهادف
​

 

[القلب الابيض]

كيما قالك اخي sam11 الافضل انو الزوجين يعيشو بعيد على اهلهم و شكرا على الموضوع اختي

 

[شهد.]

الخير مرا والشر مرا

وعلى مرا ينسى خاوتو وحاربهم كي عداه

والافضل وباش مايزيدش الخصام يبعدو ويعيشو وحدهم وقتها رايح يحس

ربي يهديهم برك
​

 

[yacino1993]

موضوع في الصميم شكرا وربي يهدي انشاء الله وانا نظن هاد لحوايج قع على حساب شخصية كل وااحد

 

[الجندية]

الله يهدي ماخلق هاد الحاله شفنا منها بزاف
وربي يهدي وخلاص
​

 

[رضوة الجزائرية]

بارك الله فيكم فقط تمنيت من كل الازواج برك يشوفو في ولادهم نهار كبيرو
​

 

[azoula]

الله يهدنا هاذا مانحوسو عليه

 

[نتيلة]

مشكورة رضوة على طرحك
هاذي تصرا بزاف للأسف​

وهذا الوضع بسبب الراجل إما يكون ضعيف شخصية وإما نقص في الدين والإيمان
ولا كيفاش تولي مرتو أحسن من يماه لي رباتو وتعبت عليه
وخواتاتو داروا فيه الخير وامبعد يردوا هاكدا.. !!!​

وما ننساوش كيما قال الرسول عليه الصلاة والسلام ما رأيت أذهب للب الرجل الحازم من إحداكن
يعني ما يبداش يخمم ( يحبس )على جال حسن التعامل لي يشوفو من مرتوا​

الله غالب هادي تاني حقيقة مهمة أحيانا الرجل مهما كان حالو صالح ولا طالح غير مرتو اللي تغلبو..... ​

 

[13matmour]

لازم على الزوجة ان تطيع والدي الزوج
​

 

[sara 4ever the best]

لازم الرحل تكون عنده شخصية ، ماشي هي تجي وتبقى تاكلوا في راسوا بالهدرة وهو هذاك مسمع ، يفطن لروحه شوية، شكرا لك أختي على هذا الموضوع المعاش في مجتمعنا ، ربي تهدي ما خلقت

 

[salma2010]

الافضل كيما قالو البعض انه الزوجين يعيشو مستقلين عن الاهل يديرو دار وحدهم وهاكا احسن يعيشو على راحتهم ويعرفو يربو ولادهم مليح بلا اى تدخلات من الاهل

 

[zahira92]

الأحسن يبعدو عن الاهل

 

[الشاوية الحرة]

كـــــــــــــااين بنــــــــــــاات للأســـــــــف اسمحـــــــولي نقــــــــــولها بين قوسيــــــن **قــــــليلات أصـــــــل** مايعرفـــــــــوش ربـــــــــي ونقـــــــول لاخـــــــــتي حـــــــــااجة هـــــــذا كـــــــاامل نتيـــــــجة ســــــــوء الاخــــــــــتيــــــــاار وهـــــــــاد النســــــــااء ربـــــــي وكيـــــــــلهم
​