مسلم بطل رمضان لهذه السنة

قادري محمود

:: عضو منتسِب ::
إنضم
30 مارس 2010
المشاركات
56
النقاط
3


مـ ــنــ ــقــ ــول



بسم الله والحمد لله والصلاة والسلام على رسول الله وآله وصحبه أجمعيــن ،،،





مذيعة: هااااي



مسلم : أهلاً




مذيعة: اسم حضرتك إيه ؟



مسلم : اسمي مسلم




مذيعة: هاا وإيه أخبار الحياة معاك ؟



مسلم: عادي مقضينها تمام




مذيعة: كنا بنعمل استفتاء عن (كيفية قضاء الشباب لأوقاتهم في رمضان)



ممكن تشاركنا الحوار

؟




مسلم: عادي أشارك



بصي ياستي



باتسحر قبل الفجر بساعة كدة ... وبعد كدة أقعد على النت شوية لحد الصبح ...



أدخل على منتديات ... شات ... مواقع



بعدها أنام ... واصحى العصر ... اتفرج على التلفزيون لحدالمغرب



بعدها أفطر .. واكمل تلفزيون لحد بعد العشاء



وبعدها أنزل أقابل الشلة ونظبط الليل بقى حتى وقت السحور



بس هو دا





مذيعة: طيب ياترى رمضان السنة دي هيبقى مختلف علشان هيكون فيالصيف



مسلم: آه طبعاًهيبقى مختلف ... أظن هتبقى حاجة جديدة



الوقت هيبقى جامدجداً بالليل والخيم الرمضانية في المصايف



وبالنهار هنقضيها نوم ونت وتلفزيون علشان صيامنا مش يضيع




مذيعة: شكرا ًلمشاركتك معنا



مسلم: العفو





مـُـسـْـلـِـمْ



"مسلم"

شاب مثل أي شاب مسلم




إسمه

"مسلم"




أمه وأبيه مسلمين ... فبالتالي هو كمان مسلم مثلهم



دا نموذج من حياته في رمضان ( طيب في غير رمضان بقى هتكون ازاي ... ربنا يستر )



المهم ... رمضان عنده عبارة عن ... نوم وتلفزيون ونت



( وركز على كلمة نت أوي ) وخروجات وشلة ( وما أدراك ما الشلة) ،،،



وهذا حال كثير منشبابنا في رمضان ... بس أنت غيرهم طبعاً




مسلم

... هو بطل حملتنا

" صحح صيامك "




كل حلقه هنقابله في ثوب جديد ... بظروف جديدة وأحداث جديدة



هنشوف إزاي هيصحح صيامه ....



وإزاي هيبدأ يصحح حياته من الآن !!





مسلم ممكن يكون أنا أو أنت أو أنتِ



ظروفه زي ظروفنا ... وحياته شبه حياتنا



وزي ظروف الأخ دة .... إضغط
هنا
لمشاهدةالمقطع





بالله عليك مش نفسك تصحح حياتك زي هذا الأخ ...



مش نفسك بقى تقرب منه وترجع له ...



ربك في الحديث القدسي يقول لك:

" لا تباعد مني"

صححه الألباني في صحيح الترغيب




فيا ترى هتفضل بعيــد ولا هترجعله ؟ّ





هذه يدي أضعها في يدك لنبدأ سويًا من هنا



نبــدأ في رحلتنا إلى الله عز وجل



هذه دعوة لنصحح حياتنا سويًا




متروحش بعيد ... راجعلك تاني



انتظروا مسلم وقرار التغيير
 

قادري محمود

:: عضو منتسِب ::
إنضم
30 مارس 2010
المشاركات
56
النقاط
3

مسلم وخطة 4 - 4 - 2

بسم الله الرحمن الرحيم ... وبه نستعين ،،

ملاحظة على الهامش : "ناصح" هو شخصية خيالية هتصاحب "مسلم" في رحلته في "صحح صيامك"


"ناصح" شخصية تظهر في عقل "مسلم" فقط

"مسلم" فقط يستطيع رؤية "ناصح" والإستماع والتحدث إليه



فتاااااااااابعوا الناصح المسكين ،،




مسلم وخطة 4-4-2


ناصح : سمعت عن خطة 4-4-2

مسلم: نعم!! نعم!! أنت هتهزر ... إبعد عنى مش وقته هزارك ها

ناصح: مين قال أني بهزر .... دي عبارة عن خطة لرمضان
رمضان اللي ربنا قال عليه {شَهْرُ رَمَضَانَ الَّذِي أُنْزِلَ فِيهِ الْقُرْآَنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ }[البقرة:185]

مش رمضان بتاعك أنت
!!

مسلم: وفيه أيه رمضان بتاعي بقى يا عم ناصح ؟!

ناصح: فيه أنه ملوش علاقة برمضان يا أخ مسلم ( بيني وبينك أنا شفت كلامك مع المذيعة)
المهم اسمع بقى الخطة وركز معايا يا صاحبي

مسلم: هااااا سمّعنا !!

ناصح : بص ياسيدى 4-4-2 دى يعنى :-

اربع حاجات لازم نعملها قبل رمضان
واربعه تانيين لازم تعملها فى رمضان
واتنين بعد رمضان كده وعليك خير


يلاااا صلى على حبيبك النبي صلى الله عليه وآله وسلم

مسلم: صلى الله عليه وسلم
هااااا وبعدين ؟





ناصح: خلينا بقى في الأربعة اللى قبل رمضان .... وهم:-
(1) التوبة
(2) تصحيح الآفات والمشاكل اللي بنقع فيها في رمضان.
(3) معرفة فضائل شهر رمضان
(4) التدرج في الطاعات وإعداد خطة للشهر الكريم.


مسلم: وأنا أيه علاقتي بالقصة دي ؟!؟

ناصح: علاقتك إنك صاحبي وإني عاوز لك الجنة
كل واحد مننا عنده ذنوب ومعاصي
وكل واحد بعيد عن ربنا مش مرتاح وتعبان ونفسه يقرب منه

وأنت محتاج تتغير ... ومحتاج تبدأ صفحة جديدة مع الله
بالله عليكِ أنت رايح على فين ؟

مسلم : مش عارف
مش عارف ... يعني هي د نيا ومقضينها والسلام





ناصح: كلنا لازم نعرف احنا رايحين على فين؟
سواء الأخ الشيخ الملتحي
واللى عنده شوية ذ نوب صغيرة
واللى مقضي حياته كلها اغاني ونت وإباحيات
واللى أكتر واللى أقل

كلنا محتاجين نرجع لربنا ونقرّب منه

ربنا بينادينا

تخيّل كده ولله المثل الأعلى لو أنا ذاهب إليك وبمد لك يدي وأقول لك مش عايز حاجة؟..... وأنت معرض عني لا لا مش عايز حاجة...... وأنا أقولك اطلب أي حاجه ...؟ اسأل عن أي حاجه وأنت معرض !!
فربنا سبحانة وتعالى كل ليلة يناديك ويقولك " هل من داعٍ فأستجيب له"

مسلم: مش عارف أقولك أيه ؟!

ناصح: قولي من جواك وبمنتهى الصراحة والوضوح .. أنت مرتاح البال؟ ..حاسس بطعم السعادة؟
مفيش مرة حسيت إنك مخنوق ومُكتئب وقرفان من الدنيا وعايش الدنيا بالطول وبالعرض واهى متقضية وخلاص؟ مفيش مرة حسيت إنك عايز تعيط .. تترمي في صدر حنين ..تحط راسك عليه و تشعر بالأمان والحنان؟

حاسس أن فى بينك وبين ربنا ذنب خايف تقابله بيه؟ ..فى بينك وبين ربنا سد نفسك يتهد؟ ..بتضعف قدام شهوات نفسك؟ عشان كدة بتغلبك على المعاصي ..؟؟
أنا عايز اسألك ..وجاوبنى من جوة قلبك
هل احنا عايزين ربنا ؟؟ احنا بنحب ربنا ... ؟؟ يعني نفسك تتوووووووب ؟؟

ولا شايف أنك كده تمام ومفيش أي مشاكل ؟؟


مسلم: آآآه ... بجد نفسي أحس بطعم الراحه
نفسي أقرب من ربنا ... نفسي أتغيّر وحياتي تبقى لها معنى وهدف
أنا بجد بحبه أووي ونفسي أتوووب


ناصح: النبي صلى الله عليه وسلم يقول : " إن الله عز وجل يبسط يده بالليل ليتوب مسيء النهار ويبسط يده بالنهار ليتوب مسيء الليل حتى تطلع الشمس من مغربها " [صحيح مسلم]

ربنا كريم أوي وجميل أوي ... ربنا غفور رحيم

بس أنت ارفع يدك وقل : " اللهم اغفر لي وتب عليّ إنك أنت التوّاب الرحيم "

وقال رسول الله صلى الله عليه وسلم : " قال ربكم عز وجل إذا تقرب العبد مني شبرا تقربت إليه ذراعا وإذا تقرب مني ذراعا تقربت إليه باعا، وإذا أتاني يمشي أتيته هرولة " [مسند أحمد]





"مسلم" نفسه يتوب ... وعنده الآن رغبة صادقة للتغيير
وأنت ... متى ستعود؟

قال جل وعلا في الحديث القدسي : " يابن آدم إنك ما دعوتنى ورجوتنى غفرت لك ماكان منك ولا أبالى يابن آدم لو بلغت ذنوبك عنان السماء ثم استغفرتنى غفرت لك ولا أبالى يابن آدم لو أتيتنى بقراب الأرض خطايا ثم لقيتنى لا تشرك بى شيئا لأتيتك بقرابها مغفرة " رواه الترمذي





إنتظرونا الحلقة القادمة
و "مسلم" ومعادلة التغيـيــر


وهديه قبل ما نمشي




من أجمل ما سمعت




انى ذاهب الى ربي





Downloadللتحميل


أخي في الله ... اصدق النية ... وحطم قيودك ... وانطلق نحو غايتك
فالعمر قصير ويكفي ما مضى،
 

قادري محمود

:: عضو منتسِب ::
إنضم
30 مارس 2010
المشاركات
56
النقاط
3
بسم الله الرحيم الرحيم ... وبه نستعين ،،،

مسلم نفسه يقرب من ربنا ويغير حياته


لكن عنده بعض المعوقات تمنعه من ذلك


هنشوف في هذه الحلقة إزاي هنعالج هذه المعوقات


فتابعونا





مسلم :- أنا حاولت كتير أني اتغير ... وأقرب من ربنا ... نفسي بجد أبقى كويس


لكن مش عارف ... ومش بنجح


ناصح:- مش عارف ولا مش عاوز ... في فرق يا مسلم


مسلم ( حزيناً) :- مش عارف ومش عاوز


ناصح:- طيب تعال نبدأ الطريق خطوة خطوة مع بعضنا ... يدك في يــدي


مسلم ( مبتسماً) :- اتفقنا





ناصح :- بسم الله ... صلي على حبيبك النبي في الأول


مسلم:- صلى الله عليه وسلم


ناصح :- عاوزين نبدأ العلاج خطوة خطوة ... المشكلة فين ؟ أيه العائق عن التغيير ؟


أولا : إنك مش عاوز تتغير،آه نفسك تبقى كويس وتعيش حياة طيبة ... لكن قلبك لسه متعلق بالذنوب والحياة اللى أنت عايشها الآن ...

ثانياً : عندك مبررات كتيره أوي للذنب ده ، يعني أصلى أنا بعمله غصب عني ، أصلي مضطر ، أصلي البيئه اللي حولي ...والنبي صلى الله عليه وسلم قال لأمنا عائشة والحديث في الصحيحين"إن العبد إذا اعترف ثم تاب , تاب الله عليه"،

ثالثا: الفهم الخاطىء: اننا اتربينا أن الدين والعلاقة بالله عز وجل أني أصلي (ومفيش مشاكل لو فوّت شوية صلوات) وأصوم رمضان ... وأهم حاجة الشهادة والمستوى و و و ... وأن الإلتزام دا حاجة معقدة وحياة كئيبة وهكذا ...

رابعاً : هدفك المشوّش والنية غير سليمة:- أنت عاوز تتغير ليه ؟

خامساً : البيئه المثبطه ، الشلة يا مسلم ... شلة الأصحاب؟؟

سادساً : التسويف والتردد ، بتقول هبطل الذنب ، بس بكره ، بعده ، هتغير ، لا انا مقدرش على الطريق دا ، بكره بكره بكره ....!!







مسلم ( أصابه إحباط ) :- ........


ناصح:- أنا مش بقولك كده علشان أسبب لك إحباط


لكن علشان نضع أيدينا على المشكلة فعلاً


مسلم:- طيب والحل أيه ؟


ناصح :- الحل في معادلة التغيـيـر :-


( رغبة + معرفة + ممارسة + إستمرار ) ---- >> تـغـيـيــر



مسلم :- مش فاهم !!!








ناصح :- علشان أتغير بجد لازم أحقق هذه المعادلة


أولاُ : رغبة:-لازم يبقى عندي رغبة أني أتغير بجد


وأبقى عارف أن فعلاً طريقي هذا خطأ ... أكره حياة البعد عن ربنا


وأكره الذنوب اللى عايش فيها


قالوا : "هانوا عليه فعصوه ولو عزوا عنده لعصمهم"


يعني لو أنا عزيز على ربنا مش هقع في الذنوب ومش هفضل بعيد كده.


***


ثانياً:- معرفة :- لازم أبقى عارف الطريق اللى همشي فيه :


1-حدد هدفك بوضوح : أنت عاوز تتغير في أيه بالضبط


هتقول عاوز أبطل ذنوب كذا وكذا وكذا ... وعاوز التزم بالصلاة والقرآن ... وعاوز أعرف ربنا وأحبه بجد .


يبقى لازم امسك ورقة وقلم واحدد الهدف بوضوح علشان أقدر اعمل خطة


2-وضع خطة للعمل :- يعني انا عاوز أبطل أسمع أغاني مثلاً ... يبقى لازم اعرف حرمة الأغاني


وخطورتها على القلب ، وأحب القرآن والذكر وأشغل نفسي بهما ، أحدد لنفسي أوراد خاصة


بدلاً من الوقت اللى كنت بسمع فيه إغاني وهكذا ...


***


ثالثاً:- التطبيق : ودي من أهم المراحل قم لله... خذ الخطوة... امشي الخطوة... يخطو لك الله


عز وجل بضعفها، الله عز وجل يقول في الحديث القدسي"من أتاني يمشي أتيته هرولة"،


"لو أنت عندك كوب شاي ووضعت فيه قالب سكر يعني كوب شاي مر مر جدا لا تستطيع شربه فوضعت


قالب السكر ولم تقلبه نعم سيتفاعل معه هذا السكر ولكن لن تكون كما لو قلبته!!

محتاج أن تقلبه



لكن أنت الآن لو وضعت قالب السكر وجلست تدعو يا رب يا رب يصبح حلوا يا رب يا رب مثل ما تقول أنا متعب


وأريد أن أتغير والله، يا رب غيرني يا رب... يا رب صلحني يا رب... ولا تأخذ الخطوة فهو كلام.


***


رابعاً:- الإستمرار :هناك أمور بتقطعنا في الطريق .... مثل :


1-القناعات السلبية : أنا وحش .. انا مش نافع .. انا مش بتاع طريق ربنا .. أنا زهقت انا وانا وانا .


2-الإسقاطات الخارجية:الناس هتقول عني أيه ... طيب أترك أصحابي في الاول ازاي ...


طيب والبيت عندي مش ملتزم ... إلخ ؟





الأمر يحتاج لصبر ومجاهدة واستعانة بالله .. أنا لي سنوات في المعاصي فهل يعقل أني بين


يوم وليلة أتغير .... ﴿وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ[العنكبوت:69]


أحد الدعاة كان في بداية حياته بعيد كل البُعد تماما عن طريق الدين وبعدين ربنا أذِن وشرح صدره للهداية وهو عنده 28 سنة، فنظر في هذه السن ووجد كثير من الناس قد تقدمت عنه في الدين،فيدخل المسجد فيجد من حفظ قدر كبير من القرأنأو من وصل الى قدر في الالتزام.... فقال "ماذا سيفعل مع هؤلاء؟!"، في خلال أربع سنوات ختم القرآن وانتهي من كتب السُّنة،ويكون خطيب مُفوَّه،ويكون أحد الدعاة المشهورين،وفي خلال أربع أو خمس سنوات يقوم بعمل مُصنَّفات في الدنيا كلها،ويُشار إليه بالبنان.


ما هذا؟ كيف تغير ؟


القضية أنه فَهِمَ والرغبة أصبحت موجودة وأصبح بحق يُريد فعل شيء


وأنت ما قرارك الآن ؟؟


مسلم :- قررت أغير حياتي





ناصح :- قبل ما نمشي عاوزين نتفق على شوية واجبات كده ؟


مسلم :- هااا بس خف علينا الله يكرمك .


ناصح :- متخفش :)


1- استمع لهذه المحاضرة





2-نلتزم بالصلوات الخمس على وقتها


3-ورد قرآن ولو صفحة يومياً ( وياااريت يبقى جزء هياخد نص ساعة فقط )


4-صلاة ركعتين قبل ما تنام قيام ليل ... وتكثر فيهم من الدعااااء.


بس خلاص :)


مسلم : إتفقنا ... إدعيلي كتير


ناصح : ربنا يرضى عنك ... وقبل ما نمشي لازم تعرف أنه بيحبك أوي


مسلم ( مستغرباً):- مين بيحبني ؟


ناصح:- ربنا ... بيحبك أنت ... ولو لم يكن يحبك لم يُيَسّر لك سماع هذا الكلام .


مسلم :- وأنا كمان بحبه جداً


ناصح :- طيب خد إسمع المحاضرة دي ونتقابل الأحد القادم بإذن الله تعالى


مسلم :- شكراً يا ناصح ...


ناصح :- وأنت جزاك الله خيراً يا صاحبي وربنا يهديك ويتوب عليكِ






إنتظرونا في الحلقة القادمة


نفسي أتوووب
 
Top