{¨^^^هل تصلي؟......سؤال واحد برك¨^^^

[BeSt GlAdiAtOr]

السلام عليكم ورحمة الله
واش راكم يا الخاوة يا الحباب والعزاز
نتمنى تكونو بألفين خير
أيا عدنا والعود أحمدو وجائكم وائل من جديد




اليوم خطر في بالي وركبت في دماغي مسألة....
نحكيو ونقرعجو وندردشو ونظحكو شوية
صح من وجبنا....
لكن يبقى الرابط بيناتنا اللي مايقبلش الإنفصال
هو أنو ران كلنا مسلمين ونشهدو بربي سبحانه وتعالى

واليوم حببيت نسألكم هل كل واحد فيكم يصلي؟ ويحافظ على صلاتو؟ في وقتها؟
وعلاه متصليش ؟ ياخي واجب عليك؟


المهم
​

 

[dida007]

يا اخي الصلاة 80بالمية الشعب ايصلي ولي يحافض على الصلاة في وقتها 20بالمية
وانزيد انقلك الي مايصليش مش انو مش حاب ايصلي لكن عند حاجة مخلياتو مايهتمش بالصلاه انتاعو وتلقاه حاب يصلي ويتمنى انو ايكون ايصلي هذي متأكد منها
المشكل
هل انك تصلي مقتنع ولى مرغم خطاك اصحابك ايصلو وانت تحشم ماتصليش؟
وللى اتصلي مرغم من ابويك؟
هذا السؤال الي من المفروض تطرحوا
وفي الاخير نطلبو ربي يقدرنا على صلاتنا في وقتها
​

 

[NICHA03]

انا نصلي كل صلاة في وقتها بصح كي يوصل وقت صلاة العشاء معلاباليش واش صرا نبدا نتكسل و نسمط حتى ننسى عليها و كي نتفكرها في نص الليل باش نوض نصليها ولاة صلاة برفسيلتي سلام

 

[fufa22]

المسيحي و يصلي في صلاتو
وانا علاش ما نصليش
​

 

[جزائرية حتى الموت]

السلام عليكم


هدا موضوع دارته وحد الاخت هنا في اللمة

بالقسم الاسلامي حبيت تستفادو منه

علمني يا تارك الصلاة ......​

علمني يا تارك الصلاة هل أنت مستغني عن ربك عندما تترك الصلاة​

​

علمني يا تارك الصلاة هل تجهل فضل الصلاة​

​

علمني يا تارك الصلاة هل تعلم أن عماد الدين الصلاة​

​

علمني يا تارك الصلاة هل تعلم أنها ركن من أركان الإسلام​

​

علمني ياتارك الصلاة هل تعلم الفرق بين الكافر والمسلم​

​

علمني يا تارك الصلاة هل تعلم أن لا صلاة لجار المسجد إلا في المسجد​

علمني ياتارك الصلاة هل تملك رجلين إذا كنت كذلك فاحمد الله عليها وصلي في المسجد​

​

علمني يا تارك الصلا هل تعلم أن السعادة والراحة تجدها في الصلاة قل لي لماذا يتجمعون هكذا على الصلاة إذا لم تكن في الصلاة سعادة وراحة حتى أن المسجد لا يسعهم​

​

علمني ياتارك الصلاة هل تعلم أن الأمراض النفسية علاجها في الصلاة​

علمني يا تارك الصلاة كيف شعورك عندما ترى هذه الصورة​

​

علمني يا تارك الصلاة كيف شعورك عندما ترى هذه الصوره

​

علمني يا تارك الصلاة كيف شعورك عندما ترى هذه الصوره

​

علمني ياتارك الصلاة أما إشتقت أن تضع جبينك على الأرض لله​

​

علمني يا تارك الصلاة أما حنيت إلى المسجد إذا لم تحن فلبي حنين المسجد لك​

علمني يا تارك الصلاة هل قررت أن تصلي ( في المسجد)​

​

اذا كانت الإجابة لا فسوف تدخل المسجد في يوم من الأيام رغما عنك ليس لكي تصلي لا بل لكي يصلى عليك​

​

 

[@@simo@@]

انا بالنسبة ليا الموضوع هذا مولاش فيه نقاش

يعني لي ميصليش والله كارثة صح وين راو رايح بيها

راهي عماد الدين ..راهي لي تتقرب بيها من ربي

والله الحمد لله اني مواضبة على صلاتي

وربي يقدرنا برك ونرضيو الله سبحانه وتعالى

وشكرا على الموضوع

تستاهل تقييم​

 

[pips]

الحمد لله نصلي

بصح فالوقت حسب الظروف

 

[tatyana]

الحمد لله نصلي

 

[ملكة الدلع]

اول حاجة نقولها ربي يهدينا كامل لاقامة الصلاة في وقتها و المحافظة عليها
انا الحمد لله نصلي و نصليها في وقتها الا ادا كنت نقرى و لا ظروف اخرى
بالنسبة ليا الانسان لي مايصليش ربي يهديه و يهدينا يارب

 

[**أم البراء**]

إن شاء الله يتغير السؤال إلى:هل تصلي الرواتب والسنن؟؟
وللرجال:هل تصلّي صلاتك جماعة في المسجد؟؟
لأنّ الصلاة المفروضة لا يوجد فيها شك -وماكاش الهدرة فيها-


تقبلوا مروري
​

 

[زنوبة dz]

انا نصلي بصح والله ما نحافظ على الاوقات
شويا برك درك كي ولينا عطلة وليت نحافظ على الاوقات
والصلاة لي دايما نتكاسل فيها هي صلاة العشاء
​

 

[NICHA03]

انا نصلي بصح والله ما نحافظ على الاوقات

شويا برك درك كي ولينا عطلة وليت نحافظ على الاوقات
والصلاة ل ي دايما نتكاسل فيها هي صلاة العشاء ​

انا ثاني و الله نصلي صلاتي قدقد بصح كي يوصل وقت العشاء معلاباليش واش يصرالي تقولي الشيطان يقلي متصليش ربي يهديني برك

 

[dana1993]

بيانسير نصلي والحمد لله صح ديفوا نتهاون ومنصليش في وقتها مي منخليهاش و ربي يهدينا اجمع ان شاء الله

 

[عاشقة زماموش]

أكييييييييييد نصلي صلاتي و في وقتها الا إذا كنت مسافرة او نقرا ...

 

[ميوسة]

انا نصلي بصح عندي مشكله في صلاه الصبح

 

[طير الجنة]

الحمد لله نصلي
و ربي يهدينا و يهدي المسلمين أجمعين​

 

[programmeur]

صلي قبل مايصلو عليك

 

[nour mary]

انا نصلي الصلاة في وقتها غير الصبح حتان نوض ويعود فات وقتو

 

[جزائرية كوول]

وكي ميصليش الواحد واش يدير اصلا الصلاة هي الحاجة الوحيدة تقريبا اللي تميزنا عللى غير المسلمين وربي يهدي بناتنا وشبااااااابنا للصلاة
​

 

[القلب الابيض]

الحمد لله نصلي ملي كان في عمري 7 سنين و انشاء الله حتى اخر نهار من عمري بصح في وقتها كل خطرا كيفاش سورتو كي نكون نقرا شكرا على الموضوع القيم