كيفاه ارجعها للصواب و نحللها عينيها

lalochka

:: عضو مُتميز ::
إنضم
22 أفريل 2010
المشاركات
985
نقاط التفاعل
34
النقاط
37
الجنس
أنثى
السلام عليكم و رحمة الله تعالى و بركاته

إشتد حزني و انفطر قلبي على صديقتي العزيزة

عندي صحبتي عزيزة عليا بزاف كون تطلب روحي ميش خسارة فيها لقيتها في

اشد الاوقات اللي مريت بها و جاء النهار اللي

دخلت طريق ميش مليحة يعني راهي تخرج مع

واحد كبير عليها ب عام هي الان عندها شهر مالي بدات معاه

تحبو و كيما يقلها الدير يعني يختالي بيها و حاول يقبلها

زرتني و حكاتلي حاولت نفهمها الي راهي دير فيه غالط
في غالط هنتني و قتلي انت حابسة مادخليش روحك فيا
احتملت كلامها و قتلها النساء ناقصات دين و عقل
و المراة بطبعا تتكلخ و تنجر وراء عواطفها

صحبتي في عمرها 15 سنة حاولت نفهمها مرات و مرات
رجعت ماتحبش تحكيلي راني خايفة عليها بزاف طيح فالغلطة
و ضيع روحها على جال شاب ماهيش عارفا مصيرها معاه
كلمت احد اقاربها و هي مداسراتو بزااااااف لدرجة ماتتصورش
حكيتلو قتلو عاوني باه انفهمها و الرجعها للصواب
زعفت مني و قتلي ما دخليش روحك فيا هدي حياتي و ندير واش نحب مالg ري سبتني و اهانتني مازالني نحبها و معزتها في قلبي كبيرة قولولي يا اعضاء واش ندير معاها لوجه ربي
نخاف عليها كثر مالي نخاف على روحي
 
لازم تخليك من وراها كل يوم مهما قالت ليك ما تسمعيش ليها

لانو عملها غسيل مخ وهي مزالها صغيرة على حاجة كيما هادي

مش وقتو خلاص والدنيا هادي مافيها حتى امان

 
لازم تخليك من وراها كل يوم مهما قالت ليك ما تسمعيش ليها

لانو عملها غسيل مخ وهي مزالها صغيرة على حاجة كيما هادي

مش وقتو خلاص والدنيا هادي مافيها حتى امان
شكرا لك اخي هدا واش حبيت نوصلو ليها و هي محبتش تفهم
 
عندك حق الطفلة راهي مضببة خلاص ,,,

والله انا نظن كي تعود الطفلة في هاذ الحالة راهي ما تحب تسمع حتى واحد يعارضها ,,

ماذابيها غير يشجعوها ,,

وانتي كملي هكا معاها كاش ما يهديها ربي ,,

على خاطر ممكن اذا سكتيلها تقول راني مرانيش غالطة ,,

والمشكلة الأكبر راهي تحسب في روحها مش غالطة وعلابالها هاذا تفتــّح ,,

كيما قتلك كملي معاها .. وحاولي تعطيها أمثلة عن العواقب تع هاذ الحاجا على خاطرك تعرفيها اكثر منا " يعني مع عايلتها مجتمعها ..وتأثيره على دراستها ...الخ "

وربي يهدينا جميعا ,,
 

قصة مؤثرة صح ...
صارلك كيما أنا عندي صحبتي 16 عام صحبة و مللي دخلت لليسي خالطت بنات ماكاي عقليات عليهم و بدات تدخل في طريق خاطية و ربي عالم شحال حاولت معاها حتى أني هددتها نقولها لماماها وللا خوها الكبير.. بصح بلا فايده .. تتريgل نهارات كي تكون معايا و من بعد توللي ريما لعادتها ،، و دوست مع دارنا شحال من خطرة على جالها قالولي الطفلة مينفع معاها والو و اخطيك منها راها تجيبلك الشبهه بصح تحديتهم و قلتلهم لا صحبتي مليحه و نتم معاها نتوللي ... بصح لأننا بعاد على بعضانا و تقرى مع بنات مهنى صوق عليهم خلاص دارولها كيما قال سام غسيل مخ .. مقدرتلهاش،، استسلمت.. و ضرك راني مين ذاك تجيني للدار و نستقبلها في السر و حتى و تحكيلي منرد عليها ما نقولها حتى حاجة ..

وانت يا ختي نقوللك ماتخليهاش تمي حاولي معاها كيما تقدري
و ندعو ربي يهديهم و يهدينا ..
 
عندك حق الطفلة راهي مضببة خلاص ,,,


والله انا نظن كي تعود الطفلة في هاذ الحالة راهي ما تحب تسمع حتى واحد يعارضها ,,

ماذابيها غير يشجعوها ,,

وانتي كملي هكا معاها كاش ما يهديها ربي ,,

على خاطر ممكن اذا سكتيلها تقول راني مرانيش غالطة ,,

والمشكلة الأكبر راهي تحسب في روحها مش غالطة وعلابالها هاذا تفتــّح ,,

كيما قتلك كملي معاها .. وحاولي تعطيها أمثلة عن العواقب تع هاذ الحاجا على خاطرك تعرفيها اكثر منا " يعني مع عايلتها مجتمعها ..وتأثيره على دراستها ...الخ "

وربي يهدينا جميعا ,,
بارك الله فيك اخي
 
قصة مؤثرة صح ...
صارلك كيما أنا عندي صحبتي 16 عام صحبة و مللي دخلت لليسي خالطت بنات ماكاي عقليات عليهم و بدات تدخل في طريق خاطية و ربي عالم شحال حاولت معاها حتى أني هددتها نقولها لماماها وللا خوها الكبير.. بصح بلا فايده .. تتريgل نهارات كي تكون معايا و من بعد توللي ريما لعادتها ،، و دوست مع دارنا شحال من خطرة على جالها قالولي الطفلة مينفع معاها والو و اخطيك منها راها تجيبلك الشبهه بصح تحديتهم و قلتلهم لا صحبتي مليحه و نتم معاها نتوللي ... بصح لأننا بعاد على بعضانا و تقرى مع بنات مهنى صوق عليهم خلاص دارولها كيما قال سام غسيل مخ .. مقدرتلهاش،، استسلمت.. و ضرك راني مين ذاك تجيني للدار و نستقبلها في السر و حتى و تحكيلي منرد عليها ما نقولها حتى حاجة ..

وانت يا ختي نقوللك ماتخليهاش تمي حاولي معاها كيما تقدري

و ندعو ربي يهديهم و يهدينا ..
شكرا لك حنونتي والله النوم ماراه يطيح في عينيا نخاف عليها بزاااااف و كل مرة تخرجلي بعقلية
 
حاولي معها ديما ومتخليهاش وحدها راهي صغيرة وهو باين كلاها بالكلام المعسول (رهو سلاح تع دراري) mais أبقي عقبها حتان تفيق وربي يهدينا
 
يا اختي يعطيك الصحة على الشي راك اديري فيه في خاطر صحبتك وانا نقلك تمي على هاذ الشي مهما تعرضتي للاهانة من طرفها وابقاي انصحي فيها حتى ولو تكره منك عاونيها بالشي اللي تقدري عليه حتى تفيق لعمرها وهي تحمد ربي لانها عندها صاحبة كيما انت وقوليلها تفكها من ةهاذ الشي خير ماتعشي نادمة والحمد لله كي راكي معاها خير من بزاف بنات راحو للهاويه وسبتها انهم ملقاوش اللي تنصحهم ويردهم للطريق
مرسي حنونه تقبلي تحيتي
 
يعطيك الصحة على الصرح للمشكل

لرأيي ابقاي معاها عاونيها باللي عندك بلاك يهديها ربي

ومتنسايش ساعة ساعة كف ولا زوج باه تفيق ههه

ربي يعينها ويعيننا
 
حاولي معها ديما ومتخليهاش وحدها راهي صغيرة وهو باين كلاها بالكلام المعسول (رهو سلاح تع دراري) mais أبقي عقبها حتان تفيق وربي يهدينا
عندك الحق اختي يصايدها بالكلام المعسول ومبعد كي يشوفها وقعت في الفخ يضربها بكوتبي ويرميها بعيد
مرسي
 
أختي انتي لازمك لاتتركيها مهما كانت قسوة ردها عليك فهي في سن مراهقة حرج وكاين بنات سن المراهقة يجعلهم في الانخراط الى الطريق السيء ولهذا ابقي وراها وانت حاولي دائما تسبقي كلامك بقصص حقيقية او بعوائق ماتعمله واذا رفضت وبقاء راسها مقرر على فعايلها السودة فلهذا حاولي انك تخبري امها لانه لو تبقي تنصحي فيها راح تعود بالوقت تخبي عنك كل شيء لهذا انصحك بان تخبري امها وقولها تهدر هي وياها وتحاول في هدرتها انها ماتجبدكشي لان كلام الام راح يأثر فيها بزاف وان شاء الله ربي يهديها ويسترها ويستر كل فتاة من الذئاب المتوحشة
 
ربي يهدينا فقط وان شاء الله تفيق المهم واش ديري هذي سن المراهقة المهم تحمليها فقط .ربي يعاونك
 
:scared:

15 سنة اتديري مزية كبيرة فيها خبري والديها
*
تبداها بالخفيف حتان تفقد شرفها

نعرف بنات مشاو في هاد الطريق وفضتلهم mal

 
لازم تيقي وراها الوقت يخوف
وحاولي تراقبها
 
السلام عليكم
حاجة كيما هاذي قراف مالازمش يتخلاو وحدهم زيد 15 سنة راهي بزة اقعدي غير وراها و تخليهاش تتخلى معاه وحدها باي طريقة لانو ما اجتمع امراة ورجل وحدهم كان الشيطان وهو ثاثهم كيما حديث الرسول
ربي يهديها و ربي يجازيك بالخير
 
الاخت الفاضلة واصلي في مجهودك حتى ترجعينها إلى طريق الصواب و جزاك الله كل الخير

راهي في سن المراهقة و إبليس يلعب بيها

و لو سقطت في غلط لا يمحى مدى الحياة هي بريئة و لا تعرف صوالحها


ربي يجزيك و يسعدك و يحفظك

 
ربي يهديها
 
انصحيها وابقاي معاها واذا مابغاتش تولي جيب لخب روحها لخبر يجيبوه التوالا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top