راني رايحة لطيبب نفساني بواش تنصحوني

[دزيرية حرة الحراير]

السلام عليكم يا اعضاء اللمة راني توحشتكم بزاف
المهم ندخل في الموضوع
انا قررت نروح لطبيب النفس على خاطر حاسة روحي كل يوم تنزادلي العصبية حتى وصلت لدرجة نكسر الزجاج تاع الكوزينة و كسرت خزانتي و بعد ما نغضب و نريح و تعود المياه لمجاريها ننسى كلش تقول مسحولي داكرتي و نسقسي شكون الي كسر الخزانة و الزجاج
راني كيف المجنونة و خايفة نكون مسحورة بعيد الشر
المهم انتوما واش رايكم نروح ولا لالا

 

[دزيرية حرة الحراير]

ما رايكم نروح ولا واش ندير

 

[chamse121919]

و الله أختي وش راح نقلك كون جيت بلاصتك اروح على خاطر ما كاين حتى حل قدامي

 

[yacino1993]

ايه روحي نورمال

 

[دزيرية حرة الحراير]

و الله أختي وش راح نقلك كون جيت بلاصتك اروح على خاطر ما كاين حتى حل قدامي

ايه روحي نورمال

يعني هادا رايكم

 

[عاشقة الرعب]

ولله من راي تذهبي للراقي يرقيلك وتتنحلك هذي العادة انا كنت كيفك هكذا بصح كرحت عند الراقي رقلي وضرك رني لاباس والحمد الله اوك حنونة مكلاه تروحي لطبيب نفساني ربي يكون معاك ختيتو
​

 

[chamse121919]

أختي انتي تصلي و لالا

 

[دزيرية حرة الحراير]

أختي انتي تصلي و لالا

طبعا امالا لالا

 

[chamse121919]

طبعا امالا لالا

يأاختي راني سقسيت برك حبيت نساعدك هاداماكان طلبتي نصيحة راني شاركت

 

[ايمان العلمية]

نورمال روحي ما فيها والو

 

[HAMOUDI2000]

روحي للراقي بلاك يرفع عليك ربي واذا مكش رايحة نجيبولك راقي ثم يلا

 

[دزيرية حرة الحراير]

روحي للراقي بلاك يرفع عليك ربي واذا مكش رايحة نجيبولك راقي ثم يلا

الحقيقة راني منمنش بالرقية

 

[fatou_usto]

سلام..واش راكي تسناي اختي روحي للطبيب و حاولي ترقي روحك..و ربي معاك

 

[yacino1993]

الحقيقة راني منمنش بالرقية

لالا عندهم الحق الرقية هي تاني حل انا نعرف حالات أكثر من هاك وتعالجو بالرقية وهي اصلا عبارة على قراءة القرآن برك مفيها والو

 

[فراشة الايمان]

لازمك تروحي .
ولا تكسري الدار الكل .....

 

[soussou_yebda]

لا اختي نتي متسحقيش طبيب نفسي بالعكس لي يستحق طبيب نفسي عمرو ما يصرح بالهشي او يتقبلو

نتي ليقلك رقية شرعيـــــة

ماشي مشروط تجيبي شيخ يرقيك ولكن

كل يوم "ركزي على كلمة كل يوم" طلقي سورة البقرة فالبيت مين تبداي تقضي وان شاء الله ربي يرجعك مليحة

 

[choukri25]

لازم تروحي صحتك بجل :u_pc:

 

[mouna1]

مسا ء النور
اختي نقلك ما تخسري والو لو تروحي للطبيب النفساني
بالعكس راكي ترتاحي اكثر
انا ننصحك تروحي وطمنينا عليك
اما العصبية رانا كامل هذي الايام
ايه ونزيد نقلك راني نشوف كاين ناس تقول الطبيب النفسي للمجانين
هذا كلام غالط مش عيب تطمني على حالك
خلينا نسمعو اخبارك​

 

[* تسنيم *]

salamo 3aliakom
okhti ansahoki trohi traki wa mba3d habiti trohi ltbib rohi
kalam rabi khirman kolach
rabi ykon m3ak

 

[sam11]

روحي للطبيب مافيها والووووووووووووووو