خليني نهدر خليني نفرغ واش كاين في قلبي///new tragedie with anti chita//

وشكرا مجددا على الموضوع
بلاما ننساو الانحناء تقديرا ل:
جمعيةanti chita
للتضامن الاجتماعي
ومحاربة الفساد الاخلاقي
 
خويا مكانش امان في هادي الدنيا

لا تقول صاحبي ولا هي تقول صاحبتي

وتعطيها سرها الثقة في هاد الزمان راحت وطارت

كاين ولاد فاميليا بصح قليل وين تلاقهم وش تعمل ربي يهدي ما خلق

ويبعد علينا عباد كيما هادو البركة راحت ياخويا
 
صحا خويا لكبير موضوعك فور
كثرت الناس لمتشردة لادار لادوار مالقاو غير يخربو في بنات الناس الله لا يربحهم
و لي دارلها هكا ربي يجيبهالو في دنيتو قبل لاخرة و يفرجنا ربي فيه
ياخي عباد ياخي
بففففففففففففف يستاهلو الشنق لالا قليلي لازملهم جمعية اونتي شيتا تحرقهم
واش تقول مليح الحل ولا نزيد نشوف؟
على كل حال ربي يعافينا و يسترنا
صحا لبلاد خويا
 
لا حول ولا قوة الا بالله ربي يهدي ما خلق
وانشاء الله تتحل ازمة دي المخلوقة
 
آخر تعديل:
والله أمر كارثي مثل هذا
ينم عن مشكلة نفسية عند هذه البنت...تتمثل فالغيرة و حب تدمير الغير
اشياء مثل هذه حرام والله حرام
بنت خائنة و لا تستحق الثقة
موضوع مميز من مشرف مميز

 
والله ياخويا معتز ماعاد لامان في حتى عبد راهو الوقت صعاب بزاف ويحاول الشخص انه سره يبقى في قلبه
وهذه الفتاة التي خانت صديقتها تعتبر ماش صديقة صادقة في نيتها يعني صداقتها تحمل التزيف
لوكان صديقتها تاع بلحق لوكان تكون واقفة معاها في كل شيء ماش تخونها ربي يهدي ماخلق
انا مفهمتش علاه برك دارتلها هاذ الشي و العيب وعار:glare:
يا خويا راني متأثرة و الله

و اذا كان انت قلبك راهو معمر ايمالا بنت خالتك كيفاش راحي حالتها

ربي يصبرها بصح لازم تقنع زوجها باش ما يسمعش هاذو لحكايات من عند الناس

لان الناس قادرين على كل حاجة و ما يخافوش ربي

ربي يصبرها على محنتها ان شاء الله

امين يا اختي ربي يصبرنا كامل لان الناس مولاوش يعرفو يفرقو ما بين الحاجة اللي تضر واللي ما تضرش
مرسي على المرور والدعاء
قصتك كما قلتي واقعية وتصرا وللأسف صارت عادية في مجتمعنا ...الطفلة هادي مريضة نفسيا وتحسد الناس على النعيم لي هوما فيه ..
ماكاش لازم البنت هادي تصرح بخطيبها يعني توريه للناس ربنا والرسول قالو واقضو حوائجكم في السر والكتمان ..أمور مثل هادي لازملها الكتمان لغايةما تتم وللأسف البنت أول ما تتخطب تولي تمشي وتتكلم وتخرج عيني عينك وقدام كل الناس مع خطيبها وتهدر بأمور المفروض ما تتهدرش ..
أختي الرزانة والعاقالة مش غير في كونها بنت فاميليا لازملها تاني تكون واعرة وتعرف كفاش تحافظ على خطيبها أو زوجها من غيرة صحباتها ...انصحيها انها تخمد على شمعتها وماتهدرش بل شي كاين شي بنت نعرفها مخطوبة من سنوات والله أغلب الناس مايعرفوش حتى الأسم الحقيقي لخطيبها ..!
إن شاء الله ربي يكمللها

يعني هدرتك صحيحة100% يا أختي سيرتو كي قلتي مريضة نفسيا :scared:
انا شفتها في روحي الحاجة اللي نبدا ندير فيها و نحكيها للناس جامي تكمل يعني لازم الواحد مايهدرش حتى تتم الامور
واش تحب خويا معتز دنيا ولات تمشي با المقلوب وسرك عندك احسن شيء
سري عندي ونخاف عليه من نفسي لا تزيد تخرجو:scared:
هههههههههههههه
زالدنيا حاشاها يا اسماء العباد هوما اللي تعوجو يا لطيف:closedeyes:
أولا يعطيك الصحة pour الجمعية
و على بنت خالك يا خويا راهي غاضتني بزااف ربي يصبرها إن شاء الله ,انا من رايي هي تاني راهي غالطة يلزم تخير صحاباتهh bien باش ميصراولهاش des problame كيما هادو
و هادا زوجها تان راهو غالط وبلبزاف بلحق مرتو يدير فيها الكونفيونص وميآمنش اللي جات و يهدر معاها ويسقسيها
ولا على صحابتها ميخافوش gاع كاين ربي و كما تدين تدان , معلاباليش دوكا كيفاه يقدرو يرقدو
معلليش ربي يحاسبهم
وميرسي عليك
و désolé إدا طولت عليكم
bay​
بلا مزية يا أختي
الشيئ اللي خلى زوجها يصدقهم انو كان يعرفهم بنات فاميليا و صحاباتها كي خواتاتها يعني كونفيونس
لكن الحمد لله فاقلهم قبل ما طيح الفاس على الراس
الخيانة كاينة خويا
وتجي دايما من القريب
المقلب الي داروه لبنت خالتك
سببها باين وهو الغيرة
ومن المفروض هذا الزوج مايسمعش
للغير مهما يكون
وانا في رأيي ان هذا الزوج
مايستاهلهاش
وممكن ان الله سبحانه وتعالى
بين لبنت خالتك ان هذا الزوج
مايليقش بيها
وان خيانة صاحبتها سبب
لمعرفة ضعف هذا الزوج
الله يشفيها
ويعطيها زوج احسن من الاول
لالا يا اختي الحمد لله كي عادو يحبو بعضاهم تجاوزوا هاذ المحنة و الحمد لله
واللي دارتها ما بيناتهم وكيلها ربي


جمعيةanti chita
للتضامن الاجتماعي
ومحاربة الفساد الاخلاقي


عجبتني هادي


خويا سمسم يا ونتا اللي مرورك يعجب نورتنا الموضوع
الله يسترنا وربي يعينك
يرحم والديك اختي
شكرا على المرور
والله ياخويا غير لعرب تاعنا يعرفو غير لفساد
كاين ربي خير من ناس كل والله يجي نهار ويجيبهالهم ربي
صح يا لولو واللي خلق مايضيع
ان الله يمهل ولا يهمل
 
هذا هو الشيطان واش يدير ربي يهدي و ربي يعاون بنت خالتك .
 
و الله مع هالناس تشوف العجب
تخيل واحد الفاميليا غايرين من جيرانهم
جاو هالجيران تخُطبت بنتهمـ لواحد مشهور هنا في واد سوف يااسر و معروف بأخلاقه و البنوت الكل يتمنوه
روحوا ابعثوله ولادكم يا سي الفاميليا قولوله راهي البنت ما تصلحش و راهي صاحبت ولاد عايلتنا واحد واحد
ايه واش دار الراجل قاله ايه على بالي و قابل ملاااا فشااااا
كي سألوه الراجل قالوله وش عارف
قاللهم عارف باللي راهي خطيبتي ماكانش منها في الدنيا الكل ييييييه و هم على باله باللي راهو مصدق كلامهم و عرست الطفلة و هم يرحوا يشوفوا واش يعملو بعد ما هزوا ذنب قذف المحصنات
و يااسر قصص يا خويا حتى تمل
 
شكرا خيــــــــو على موضوعك والقصة الكثير مؤثرة لانها واقعية ودايمن تصير في الحياة وعلى فكرة لايوجد اصدقاء في هذا الزمان الخيانة هي الخدعة في مقام الإئتمان
وهي صفة ذمّ مطلقا

نسأل الله أن يجنّبنا هذه الصفة الخبيثة ويعصمنا منها

من حفر حفرة لاخيه وقع فيها
شكـــــــــرا على موضوعك المميز دمت مبدع

 
كيما يقولو خوك ذراعك لا بقاء لا صحاب لا والو في هاذ الدينا بصح بلاك ربي حاب يعبد عليها هذا الراجل باه يجي واحد خير منو *انشاء الله* بصح لازم ماتعطي لامان حتى في خوك
انا امس قريت في شروق وحد الموضوع عجبني ياسر هو انها امراء تخون زوجها مع شقيقها في تبسة اقرو شورق في اخر صفحة باه يكون هذا الاثبات تاعي بلي راهو ماكنش لامان في دنيا حتى في خوك
على كل حال انشاء تقلى الى يصلح بيها خير من هذك شكرا على الموضوع على كل حال هذا واقعنا للاسف
وحنا في منتدى رانا رايحيين ندعولها باه تلقي الى يعمر ليها دارها انشاء الله
 
الخلطة بلطة والجرب يعدي
ايواه هدي هي الهدرة الزينة يا أختي
ربي هدينا برك
اااااااااااااااه ياخويا معتز واش تحب نقولو و واش تحب نخلو:tears:
والله الانسان كل مرة راه يشوف ويسمع بحوايج الله يحفظ ويستر
ناس يا خويا معتز ماولاتش تخاف ربي خلاص ولاو يديرو حوايج و ماعلابالهمش بالعواقب مايقلك حرام مايقلك علاه ندير هاذ الشئ مايقلك نخاف من ربي
الهاذ الشئ الناس ماولاتش تخاف من ربي وتدير حوايج كيما هاكا:busted_red:
علاه يعني علاه الهاذ الدرجة الدنيا غرتهم و عينيهم نعماو:surrender: وماقدروش يفرقو بين الصح والغلط؟
كيما قلت نتا ان الله يمهل ولا يهمل
كل واحد يجيه وقتو
واش تحب يا خويا هاذي هي الدنيا
الله يهدي كل واحد هاذا مانقولو
يعطيك الصحة خويا

ملاحظة
هاذا الرد برعاية جمعية anti chita :closedeyes:
merci
المشكل ان عينيهم وقلوبهم في زوج عماو زلاز يشوفو غير الشر للعباد
مرسي بشرى على السبونسور الرسمي لمواضيعي جمعية anti chita

هادوما لبنات ماهمش صحبات
هادوما حاشاك عقربات
و لا كيما تقول أختي شريرات
و بنت خالتك ربي يعوضها .
المهم يا أختي راهي سلكت من هاذ العقربات كيما قلتيها
وربي رجعها لراجلها و خير من قبل ثاني
كاين أختي النوع هذا بزاف ربي يهدي ما خلق
امـــــــــــــين يا أخت عفاف
وراني خوك ماش اختك:santa_1:
الله يهدي ما خلق عجب يديرو صوالح كيما هكا و متخافش ربي
ربي يهديهم ولا يديهم
بصح لو كان جا داير فيها الثقة ميصدقش هاذ الهدرة
هو صدق لأن الهدرة جات من عندن ناس ثقة يا أختي
ربي يجيبلها ضربة والف مصيبة

شكرا لموضوعك الحساس
و الله دعوة نحيتيلي بيها الغمة يا أختي يعطيك الصحة
مبقاش الامان في المجتمع هدا ربي يبعد الشر علينا وعلى البنات الكل
امــــين يا أختي
ايـــــــــــه
عيش تشوف في هاذ الزمان المكشوف
لامان في وقتنا عاد مكانش حتى لو أقرب الناس
بنت خالتك كان ماش غارو منها
جامي يجربو يديرو فيها مقلب كيما هكذا
والزوج نتاعها لوكان جا راجل صح وشاريها
ميسمعش لكلام الغرب
ربي يهدينا ويسترنا



المشكل ان الهدرة هدي مجاتش من عند الاغراب جات من عند ناس كانت تثيق فيهم ومدايرتهم كي خواتاتها و خرجولها خرجة قبيحة بصح ربي ييمد على قد النية
وعليكم السلام اخي معتز
تحية عطرة اما بعد:
عيب كبير لي داراتو هاد الانسانة مع صحبتها والمشكل لكبير تفاهمت مع صحبتها عليها،حبت تخربلها دارها وهي في طور البناء علاه هادا كامل
ليس عيب فقط بل عار كبير،هادي انسانة غيارة حسودة وحقودة
رانا في وقت صعيب الامان عاد ماكانش
الناس صعاب والطفلة تتلون وتتلوى مثل الحرباية وصحبتها تدير فيها لامان حتى تطفرها فيها
تلعبها عليها بكلامها الحلو ولمعسل وتبينلها انها الكل في الكل حتى تخليها عليها
الله لاتربح الطفلة لي كيما هادي برك
مرسي على التحية المعطرة يا عيوش
وكيما قلتي تتلون كي الحرباء
و الحمد لله انكشفت المكيدة نتاعهم وماكملتش
ايا سلام مونغو
 
وشكرا مجددا على الموضوع
بلاما ننساو الانحناء تقديرا ل:
جمعيةanti chita
للتضامن الاجتماعي
ومحاربة الفساد الاخلاقي

لا شكر على واجب يا عيشوش
في انتظار عودتك لمنصبك الاصلي في الجمعية بعد نهاية اختبارات نهاية العام:music_whistling:
 
والله أمر كارثي مثل هذا
ينم عن مشكلة نفسية عند هذه البنت...تتمثل فالغيرة و حب تدمير الغير
اشياء مثل هذه حرام والله حرام
بنت خائنة و لا تستحق الثقة
موضوع مميز من مشرف مميز


في تفسيري يا أخي هو نتيجة لضغوط نفسية عبارة عن كبت تطورت الى مشكلة اخلاقية سيئة
اسعدني مرورك
 
صحا خويا لكبير موضوعك فور
كثرت الناس لمتشردة لادار لادوار مالقاو غير يخربو في بنات الناس الله لا يربحهم
و لي دارلها هكا ربي يجيبهالو في دنيتو قبل لاخرة و يفرجنا ربي فيه
ياخي عباد ياخي
بففففففففففففف يستاهلو الشنق لالا قليلي لازملهم جمعية اونتي شيتا تحرقهم
واش تقول مليح الحل ولا نزيد نشوف؟
على كل حال ربي يعافينا و يسترنا
صحا لبلاد خويا
خلاص يا لبلاد سيتم دراسة الوضع و تقييمه
و ستتم محاكمة الخونة محاكمة عسكرية في الجمعية
وستسلط اقسى العقوبات

 
خويا مكانش امان في هادي الدنيا

لا تقول صاحبي ولا هي تقول صاحبتي

وتعطيها سرها الثقة في هاد الزمان راحت وطارت

كاين ولاد فاميليا بصح قليل وين تلاقهم وش تعمل ربي يهدي ما خلق

ويبعد علينا عباد كيما هادو البركة راحت ياخويا

والله يا خويا عند الحق وبارك الله فيك على هدرتك راك لحقت وين كنت حاب نوصل
 
لا حول ولا قوة الا بالله ربي يهدي ما خلق
وانشاء الله تتحل ازمة دي المخلوقة

الحمد لله حلت المشكلة يا فهيمة ورجعت المياه الى مجاريها و ربي يخرجها فاللي دارو الحكاية
 
و الله مع هالناس تشوف العجب
تخيل واحد الفاميليا غايرين من جيرانهم
جاو هالجيران تخُطبت بنتهمـ لواحد مشهور هنا في واد سوف يااسر و معروف بأخلاقه و البنوت الكل يتمنوه
روحوا ابعثوله ولادكم يا سي الفاميليا قولوله راهي البنت ما تصلحش و راهي صاحبت ولاد عايلتنا واحد واحد
ايه واش دار الراجل قاله ايه على بالي و قابل ملاااا فشااااا
كي سألوه الراجل قالوله وش عارف
قاللهم عارف باللي راهي خطيبتي ماكانش منها في الدنيا الكل ييييييه و هم على باله باللي راهو مصدق كلامهم و عرست الطفلة و هم يرحوا يشوفوا واش يعملو بعد ما هزوا ذنب قذف المحصنات
و يااسر قصص يا خويا حتى تمل

على الاقل يا أختي هذو اللي هدرتي عليهم ممكن مكانوش يثيقو فيهم لكن قصة الفتاة اللي حكيتها ان الهدرة هدرةها ناس كونفيوص و بمثابة اخوات العروس الله لا تربحهم
مشكورة أختي

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top