قالك لي يروح للجامعة يتبدل

صح نسمع بيهم يقولو بللي كاين ناس كي يطلعو للجامعة تتبدل العقلية تاعهم
بنت خالتي كي طلعو صحاباتها للجامعة (زعمة اللي تراباو مع بعاض من اللي كانو صغار) نساوها في سآع
بصح ولد الاصل مايتبدلــــــــــش


​
 
شوفي اختي
كي تروحي للجامعة وانتي وحدك تشوفي العقلية كيفاه في الجامعة
والي عقليتو رزينة ومتربي ميتبدلش
مع الوقت هدا والجامعة تتبدل العقلية عليك ويتبدل الجووو
الي متربي ويفهملها صح هداك الصح
​
 
لي حاط في راسو يتبدل رح يتبدل ولي رايح يقرا يروح يقرا و ما يضيعش وقتو كلش يفوت
 
أختي أسمعي الرسمي من عندي لخاطر نقرى في الجامعة -------- المتربي من ربي -------
نقصد بيها وجه الخروف معروف و اللي خاطيه خاطيه و المشتاق مشتاق ماعندك ما راح
ديرلو و اللي باعك بالفول ما تبعوش بالقشور مدو ببلاش و زيد عليه بونيس
راهي تصرى مي للحبت
 
مبرووووووووووووووك الباك ولعقوبة لليسانس قولي أمييين
أختي نقلك أنا حاجة ... الجامعة تبدل غير واحد ضعيف الشخصية ..تسمى يحب يدير لروحو قيمة يولي يتكبر على الناس هذا ماكان
الجامعة رانا نقرو فيها وكارهين منها ... تخلع غير الكافية تسمى يدهشو مساكين وضرك كيما تتطلعي ان شاء الله تشوفي بعينك
​
 
كاينة منها الي يروح للجامعة تع سيدي عاشور يتبدل انا نعرف وحدة كانت عاقلا مي ملي راحت للجامعة ولات وحدة اخرى و تدير في وحد لحوايج مخك تحبسهولك
​
 
اكيد يتبدل ........
 
صح تصرى وبزاف ناس تتبدل كي تروح للجامعة
باينتلهم الجامعة حاجة كبيرة والله ماهي والو

والأصيل يبقى أصيل
واللي ساهل على الشيطان ساهل على كلشي

الواحد يخمم في قرايتو وكيفاش يتحصل على شهادة عالية
والباقي كامل باطل في باطل الواحد يندم عليه في النهاية

وبالتوفيق للجميع إن شاء الله
​



 
نقللك الصح الصح اختي لاحظت بللي في المجتمع نتاعنا كاين وحد لعباد غير يروحو للجامعة يطيرو و يحسبو راهم عندهم نيفو هوما راهم زيرو وكاين ناس اخرين الله يبارك حاكمين قدرهم و قيمتهم واخلاقهم وكي يطلعو للجامعة تزيد اخلاقهم ويزيد تواضعهم والناس اصناف ويختلفو على بعضاهم
ميرسي ربي يخليك على الموضوع
​
 
كاين فرق بين الجامعه والليسي اكيد هاد الفروق رايحه تاثر ع شخصيتك
بصح كل واحد وعقلو​
 
ههههه لي يتبدل من اصحاب شبع جديدة كيما يقول خاف من جيعان ادا شبع ماتخافش من شبعان ادا جاع لي يتبدل في جامعة غير مخلوع يتحلب
 
اولا مبروك عليك الباك :yahoo:
ربي يوفقك في حياتك الدراسية و مهنية

تبانلي الناس مايتبدلوش كي يروحو للجامعة
غير لي انخلع في روحو
صااااااااااي ربح الباك و راح للجامعة ...:wink:
بصح الاكثرية مايتبلوش

راكي تاكلي فالرفيس غير وحدك و حنا ماكاش !!!:tears::heh:
 
مبروك عليك الباك اختي
دوك الناس ماشي كامل كيف كيف
انا قريت 4 سنين دياولي و كملتهم هادا العام مي بقيت انا انا حاجة ماتبدلت
صح يولو عندك صحابات جدد مي ما تقدريش تنساي لي جوزتي معاهم الخلعة تاع الباك و يامات الليسي
و كل واحد و عقليتو
 
والله صاح كاينة منها
 
مبروك عليك الباك مشوار دراسي ناجح ان شاء الله
ماتخالطيش برك..اديها من عندي
حاجة اخرى ماتتبدلي ما والو​
 
هههههههه والله عندك الحق قليل وين تلقي بنات متربيين وهاذوم هوما الي ما راحش يتبدلو
 
نقلك الصح قاع يتبدلو كي يطلعو للجامعة علي خاطر يكبار شويا و الدنيا يولو يشوفوها بزي خلاف ...... مي درك كل واحد و لا كل وحدة و الطريق لي يختاروه باه يكملو بيه حياتهم ...... كاين لي يتغيرو للاحسن و كاين يولو.... خليها لربي.... مي لي يقعد كي كان ماشكيتش
​
 
اللي متربي متربي لا جامعة ولا شيئ صح يحس بلي راهوا كبر وراهو بعيد على اهلوا ويتحمل المسؤولية في الجامعة بصح الاخلاق لازم تبقى هي ماتزيد ماتنقص
 
نعم كاين اللي يتبدل ولكن اللي داير في بالوا بلي رايح يقرا عمروا لا يتبدل انا عام اللي فات اديتوا مي ماتبدلتش pcq كي دخلت لي جامعة ديرت في بالي قرايا ماشي حاجة اخرى. وعندي صحباتي كانت الحجرة تنطق وهما لا لا دوكا عادوا حاجة اخرى تبدلوا 180 درجة..................................................
 
اواه اختي انا نقولك سقسي المجرب
الواحد كي يكون متربي وماشي مخلوع ما يتبدل ما والو
وادا كان انسان هواوي والهواء لي يجي يديه هداك هو لي يتبدل
المشكل مراهش في الجامعة المشكل راه في الناس ​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom