هل برأيكم المعرفة تعتبر رشوة ...اي لكتاف؟؟؟

صفحة بيضاء

:: عضو مُتميز ::
إنضم
10 جانفي 2010
المشاركات
723
نقاط التفاعل
84
النقاط
17
السلام عليكم
حبيت نسألكم سؤال
الكل يعرف شو يعني الرشوة و ...واش راهي دايرة فينا كاع
...كل واحد يقعد في كرسي او ايا خدمة كانت يحسب هداك المكان تاعه
اذا مدير في مدرسة يحسبها مدرسته
واذا شرطي يحسب الطريق تاعه
اذا فالبلدية يحسب بلدية تاعه ويقلك غي هات هات الرشوة
بصح وصلتنا طريقة جديدة شبيهة بلرشوة اللي هيا لكتاف
واحد عنده عمه خاله نسيبة ايا شيء كان
المهم معرفة يقله دخلني بمعرفتك في خدمة
يقله اوكي واذا ملقاش يخاف يخسر صديقة ..... يروح يطرد واحد من شغله ويجيب وحداخر في مكانه
حتى الناس ولات تعيش حياة كلها قلق
وخايفين يخسرو خدمتهم ويسبو عليهم
نعطيكم مثال واحد يكون موصي واحد
يقله بينروح غدوة عند المدير فلان
هدرلي معاه باش يقبلني ويدخلني عنده
يقله صحى راني هدرتلك معاه
ولكن المدير يكون موصي السكريتيرة مرانيش هنا
هو كي يجي تقله السكريتيرة مراهش هنا المدير
هو الزائر يتصل بصديقه يقله المدير مراهش هنا
يرجع صديقه يتصل بلمدير يقله صديقي راه عندك لقاه
تقله السكريتيرة دخل المدير راه هنا
آآآآه واه في هدي حاله راهي غي لكتاف
سؤالي هو
هل برأيكم المعرفة تعتبر رشوة ...اي لكتاف؟؟؟
 
الرشوة هي اعطاء مبلغ مادي او معنوي مقابل خدمة او مصلحة تعذر الوصول لها،،

يسما المعريفه في هاذ الحالة مهيش رشوة،

ربي يستر من حالة البلاد
 
الرشوة هي اعطاء مبلغ مادي او معنوي مقابل خدمة او مصلحة تعذر الوصول لها،،


يسما المعريفه في هاذ الحالة مهيش رشوة،


ربي يستر من حالة البلاد
المعرفة اذا ما بتسبب مشاكل ماشي مشكل ولكن
كاين لي ماشي متعلم ويدخل يخدم بلمعرفة واللي متعلم راه حيطيزت
وكاين بلمعريفة طرد ناس من الشغل
وسبب في طلاق الزوجين بسبب الانفصال من الشغل
 
أكيد
رشوة
معرفة و لا ماشي معرفة
سموها رشوة في النهاية
 
أكيد
رشوة
معرفة و لا ماشي معرفة
سموها رشوة في النهاية
مرحبا بيك جونا
الرشوة وقت تسبب في مشاكل
لبعض الناس و تغيض ناس
حتى ولو كانت معرفة .... مرحبا بيك
شرفني مرورك
 
تبانلي واه الكتاف و المعرف رشوة
بل اكثر كارثة من الرشوة
الوليد تاع لكتاف يخدم و الوليد المسكين يروحو سنين قرايتو باطل
 
مادام هناك حق يأخد من من يستحقه ويعطى لمن لا يستحقه فتعتبر رشوة

والرشوة ليس بالدراهم فقط ولكن بأمور كثيرة منها المعريفة هذي لي شايعة عندنا

ولي خلات لبلاد تاع الصح وأصبحنا نرى الرجل الغير المناسب في المكان المناسب
والعكس صحيح​


عفوا تصحيح الأنثى الغير المناسبة في المكان المناسب والعكس صحيح
على خاطرش أغلب المناصب راهي للإناث والرجال ليهم الحرقة​
 
الرشوة هي اعطاء مبلغ مادي او معنوي مقابل خدمة او مصلحة تعذر الوصول لها،،


يسما المعريفه في هاذ الحالة مهيش رشوة،


ربي يستر من حالة البلاد
الرشوة هي مبلغ من المال يدفع مقابل خدمة غير مستحقة او من اجل تغيير مفهوم او مضمون، او تزييف حقيقة ما او من اجل اعطاء حق لغير ذي حق، مثلا انا كويزيني كاليفيي، ومتزاgـية علية وحطيت دوسي ف كاش شريكة باه نخدم، يجي فلان ويدفع 10 ملاين ويدي هو الخدمة هاذيك اللي هو ماهوش كابابل أصلا باه يخدمها وأنا نقعد نطايش تحت لحيوط.
اما استغلال النفوذ،،، كارثة وحد أخرى لا تقل خبثا عن الرشوة، مي اقل الضررين،،، يعني سعيد الحظ اللي عندو معريفة، سينو لازمو الرشوة، سينو لازمو كاش حيط يكون صحيح والشمس ماتظربش فيه باه يعسو،،، ربي يسترنا من اللعنة،،، ويفرج اعلينا سينو راهي اتزاgـات صح صح.
 
اسال الامام او المفتي ما نجمش نفتيلك في حوايج كيما هاذي
 
الرشوة اعطاء اي مبلغ او اي شيء لاحدهم قصد صضاء حاجة وتكون اغبها قبل قضاء الحاجة اما بعد قضائها فتنقسم الى قسمين هدية ورشوة الهدية مثل اعطائه فنجان قهوة او اي هدية مادية صغيرة والكل في اكل هو في النية
 
تقدري تعتبريها رشوة من نوع خاص لأن اللي يساعدك في الحصول على خدمة معينة يبقى يسالك هو الآخر خدمة لازم ترجعيها في يوم من الأيام
 
مشكورين على المشاركة .......... انا لا اقول اريد فتوى ولكن فقط رأيكم
بلي راكم تشوفوه
 
لالالا الرشوة ماشي المعريفة
كي تكون عندك المعريفة تقضي حاجتك بلا رشوة
 
أنا في رأيي ما هيش رشوة و الله أعلم
اما إذا كانت تأكل حقوق الناس فهي ربما تكون حرام
و لكن لا تسمى رشوة
شكرا على الموضوع
 
ياه هلا بلجميع... كل واحد وعنده رأيه
واكيد كل واحد وراه فاهمها على طريقته
ويا رب يهدي جميع المسلمين ويبعدو
عن كل حاجة تأدي للحرام ....رشوة او غير الرشوة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top