أريد مساعدة من الجامعيين

الحالة
مغلق ولا يسمح بالمزيد من الردود.

همسة الجزائر

:: عضو مُتميز ::
إنضم
15 جانفي 2009
المشاركات
619
نقاط التفاعل
11
النقاط
17
السلام عليكم ورحمة الله وبركاته


انا حبيت نسقسيكم برك


راني حايرة واش ندير



عندي معدل12.45 وانا في شعبة العلوم تجريبية



ماعلاباليش واش نقدر ندير بصح اللي علابالي بيهم


تعليم ودا خيرت تعليم راني حابة مادة العلوم تجريبية في الثانوي مبدئيا وانا من قسنطينة قوولولي وين نقدر نقراها


ولا بارا ميديكال(قطاع شبه طبي) بصح فيها بزاف فروع واش هوما اللي نقدر نديرهم


ولا حاجة اخرى واش تقتارحو عليا:tears:


انا حبيت ندير هاد الموضوع هنا ونحطو في القسم (منتدى المرحلة الجامعية والدراسات العليا )

على الاقل نسمع آراءكم

 
آخر تعديل:
أ
ولا مبروك عليك البكالوريا وان شاء الله عقبال لنجاحات اخرى في حياتك.
أنا ننصحك باش ديري التعليم لانو الحاجة الوحيدة لي بقات في بلادنا بما أنو مضمون و أنا نفضل تقراي في المدرسة العليا للاساتذة ديري كاش تخصص تاع رياضيات و لا علوم أو فيزياء.
أنا نقرا في المدرسة العليا بوهران راني السنة ثانية فرنسية و بقالي عامين ونصيب بلاصتي واجدة من دون اجتياز مسابقات بالاضافة غلى انو خريجي المدرسة عندهم الاولوية على الاخرين.
شكرا اختي ونتمنى تختاري شعبة تكوني باغيتها وشوفي الحاجة لي تريحك و تخدمك.​
 
السلام عليكم و رحمة الله و بركاته

اولا مبارك عليك التحصل على شهادة البكالوريا مع العلم ان معدل الالتحاق بالمدرسة العليا للاساتذة يعتمد على معدلك و معدل المواد العلمية يعني الرياضيات و الفيزياء و العلوم لابد ان يفوق 12/20 و التعليم خاصة العلوم تخصص جيد جدا مع العلم ان طلاب هاته المدرسة يحظون باهتمام كبير من الاساتذة و كما انه تخصص رائع حتى مقاييسه تعتمد اساسا على الحفظ كما انها حلوة مثل ما نقول وفقك الله
 
السلام عليكم و رحمة الله و بركاته

مبروك عليك لعقوبة للي مازالو ان شاء الله

المدرسة العليا للاساتدة كاينة في الجزائر العاصمة في القبة


مادمت مدرسة يعني مليحة

بالتوفيق ان شاء الله

سلام
 
مبروك عليك وعلاه متسجليش في قسنطينة ياك فيها المدرسة العليا للاساتذة لازمك تشوفي تخصصتكوني تحوسي عليه متغلطيش اوك بالتوفيق
 
مبروووووووووووووووووووووك عليك
 
مبروك عليك خمي مليح واختاري التخصص لي تخبيه ومعدلك يسمحلك باش اديريه بالتوفيق
 
كل شيئ مبروك نتمناولك تلقاي تخصص يعجبك
 
أ
ولا مبروك عليك البكالوريا وان شاء الله عقبال لنجاحات اخرى في حياتك.
أنا ننصحك باش ديري التعليم لانو الحاجة الوحيدة لي بقات في بلادنا بما أنو مضمون و أنا نفضل تقراي في المدرسة العليا للاساتذة ديري كاش تخصص تاع رياضيات و لا علوم أو فيزياء.
أنا نقرا في المدرسة العليا بوهران راني السنة ثانية فرنسية و بقالي عامين ونصيب بلاصتي واجدة من دون اجتياز مسابقات بالاضافة غلى انو خريجي المدرسة عندهم الاولوية على الاخرين.
شكرا اختي ونتمنى تختاري شعبة تكوني باغيتها وشوفي الحاجة لي تريحك و تخدمك.​


ايه اصلا انا على هادي نحوس حابة نقرا فالمدرسة العيا بصح المادة اللي حابتها في القبة

في قسنطينة كاين غير مواد ادبية وانا حابة علوم:tears:
 
السلام عليكم و رحمة الله و بركاته

اولا مبارك عليك التحصل على شهادة البكالوريا مع العلم ان معدل الالتحاق بالمدرسة العليا للاساتذة يعتمد على معدلك و معدل المواد العلمية يعني الرياضيات و الفيزياء و العلوم لابد ان يفوق 12/20 و التعليم خاصة العلوم تخصص جيد جدا مع العلم ان طلاب هاته المدرسة يحظون باهتمام كبير من الاساتذة و كما انه تخصص رائع حتى مقاييسه تعتمد اساسا على الحفظ كما انها حلوة مثل ما نقول وفقك الله

ان شاء الله وشكرا للافادة​
 
السلام عليكم و رحمة الله و بركاته

مبروك عليك لعقوبة للي مازالو ان شاء الله

المدرسة العليا للاساتدة كاينة في الجزائر العاصمة في القبة


مادمت مدرسة يعني مليحة

بالتوفيق ان شاء الله

سلام


بعيدة عليا:tears:
 
ولا بارا ميديكال(قطاع شبه طبي) بصح فيها بزاف فروع واش هوما اللي نقدر نديرهم

ماننصحكش بهاذي

نضن المدرسة العليا للأساتذة ولا مهندسة بيولوجيا ولا كيمياء ولا أل أم دي علوم المادة أحسنلك

 
مدارس علياااااااااااااا احسن
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top