المسنجر السكايب وين رايحين؟؟؟؟؟؟؟؟؟؟؟؟؟؟؟؟؟

[روز]

تم التعديل احتراما للمشاعر

​

loool


واش أنا ضحية البحثـ تيعك
الشات عندي ياسر ملي حبستو
شوفي مواضيعي تفهمي العقلية

مانعرفيش يوسف ؟؟ :mellow:
لكام مانستعملهاش
ومانتلاقاش :wink:
ويابس حجرة :wink:

​

لالا خويا ماتفهمنيش بالعكس مانقصدش نتهمك في حاجة حبيت نسقسيك برك.. أنا مانعرفش ناس بزاف هنا نقرا ونرد وخلاص مانحب نتبع حتى واحد
مرسي على الاهتمام والرد...
ولي يفوت ويقرا ياريت يجاوب
الشات نظن بلا كاميرا..؟حبيت نعرف اسكوالبنات لي يستعملو الكاميرا في السكايب من اول ولا ثاني ولا عاشر مرة اسكو بزاف ولا لالا
​

 

[الميزان]

لالا خويا ماتفهمنيش بالعكس مانقصدش نتهمك في حاجة حبيت نسقسيك برك.. أنا مانعرفش ناس بزاف هنا نقرا ونرد وخلاص مانحب نتبع حتى واحد

مرسي على الاهتمام والرد...
ولي يفوت ويقرا ياريت يجاوب
الشات نظن بلا كاميرا..؟حبيت نعرف اسكوالبنات لي يستعملو الكاميرا في السكايب من اول ولا ثاني ولا عاشر مرة اسكو بزاف ولا لالا ​

السلام عليكم اختي واش الاحوال
انا عن نفسي استعمل السكايب مي مانستعملش الكام مي حسب الناس الي نعرفهم نظن عدد البنات الي يستعملوها قلال بزاف

 

[الميزان]

شكرا لكم على المروووووووووووووور الذي اسعدني لكن هناك ردود سيئة من البعض فأرجوا من هؤلاء الاحترام ثم الاحترام لانني احتركم جميعا

مي نتايا صاحب الموضوع وخصك تناقش معانا
ويعني كي تقول بعض الردود السيئة خصك تحدد وتصحح الافكار

 

[الميزان]

اهلا
المهم
انا تبانلي بلي ماشي عيب الناس يحكو فالسكايب ولا المسنجر مي كل واحد يعرف حدود النقاش
وحقيقتا البنت الي تستعمل الكام راها تعتبر تعدات حدودها واصلا الولد الي يرضى يستقبل صورة نتاع طفلة وعارف روحه راه يستغلها ماشي متربي كي مايحبش على خته مايحبش على بنات الناس
تقبل مروري

 

[روز]

اهلا
المهم
انا تبانلي بلي ماشي عيب الناس يحكو فالسكايب ولا المسنجر مي كل واحد يعرف حدود النقاش
وحقيقتا البنت الي تستعمل الكام راها تعتبر تعدات حدودها واصلا الولد الي يرضى يستقبل صورة نتاع طفلة وعارف روحه راه يستغلها ماشي متربي كي مايحبش على خته مايحبش على بنات الناس
تقبل مروري

يعطيك الصحة ختي على الرد راني شاكة انهم قلال بسكو مانظنش كاين بزاف بنات سيرتو جزائريات يفتحو لاكام من اول مرة لانه السكايب صدقيني أصعب حتى من الصور لانو اليوم تهدر معاه وغدوة مش عارفة وش ادير لاني الشي لي راني نقرا فيه خصوصا عند بنات الخليج (مش كلهم) أشياء يندى لها الجبين بسكو راهي تصرا امور خطيرة بزاااف جراء الظهور في الكاميرا
​

 

[Klach]

شكرا لكم على المروووووووووووووور الذي اسعدني لكن هناك ردود سيئة من البعض فأرجوا من هؤلاء الاحترام ثم الاحترام لانني احتركم جميعا

الاخ
يعني راك تقول بلي الرد تاعي مش محترم
علاه انا سبيت و لا شتمت و قلت كلمة عيب
يا اخ
انا كنت معاك صريح
كنت قادر نقولللك مشكووووووور على الموضوع و نفوت
و كي ناقشتك وليت تقول مسيئة و الاحترام و ماعلاباليش واش
..........
و النقاش الاخ فيه ردرود لي تعجبك و لي ما تعجبكش سينو وعلاه يسموه نقاش
المهم انا باه نكون صافي مع ربي
يا اخي لكان اسئتلك فالرد تاعي
سامحني
سلام
:sneaky2:​

 

[ايمان 02]

ربي يهدينا ويغفرلنا ويرحمنا شكرا ليك على الموضوع
​

 

[Elif DZ]

ربي يهدي الجميـــع
​

 

[احساس طفلة]

اذا قصدك طفلة تفتح الكام مع ولد هاد الشئ ماشي نورمال وقادر حتى توصل للمستحيل معاهم
علاه؟؟ باسكو قادر يسجل المقطع وينشرو .... بالاك
بصح البنات قليل قليل بزاااف لي يفتحوها خاطرش علابالهم واش راه صاري في الدنيا
............




​

 

[صبرا يانفس]

عندك الحق خويا ربي يهدي ماخلق ويستر علينا
بصح نقولك الصراحة انا نحكي مع واحد في السكايب بصح نحكيو في حوايج فيهم الفايدة ماشي تمسخير وانا وحدة مانرضاش على روحي ندير
ندير حكا يات خارجة الطريق واي دعوة تجي مانستقبلهاش ومانردش عليها مام البنات لي معايا مانحكي ش معاهم بزاف لانه هذا تضييع وقت بالنسبة لي
بالنسبة للطفلة لي تمد للطفل صورتها نقولك بلي راهي مهبولة وماتعرفش صلاحها يقولها الطفل زوج كلمات
تذوب كالفرماج ربي يستر علينا ويهدي الاولاد والبنات لاخطر ساعات تلقى الطفل هو لي يتمسخر بالطفلة وساعات اخرين الطفلة هي لي تلقاها تجري وراء الاولاد مانعرف وكتاه يفيقو لعمارهم علابيها المشاكل هذي لي رانا نسمعوهم كل يوم
ربي يستر علينا وعلى بنات المسلمين كامل
ويهديهم
شكرا للموضوع القيم ​

 

[هدى82]

نادرا باش تلقا ناس متربيين تهدر معاهم على المسنجر والسكايبي
أنا نظن الطفلة اللي حابة تحافظ على روحها تبعد على وسط كيما هذا
الطفل ما تفرقش معاه أنو يهدر مع طفلة ويتجاوز حدودو ما راه خاسر والو
والطفلة زوج كلمات رومنسية وتوقع في الفخ ...بصح الشي اللي ينساوه
الشباب أنو كما تدين تدان ..

وكاين نقطة يغفلو عليها لما يصير إدمان على الدردشة تولي إدمان ويصعب
التخلص منها ...خصوصا عند الشباب تلقاه يتنقل من بنت لبنت ولما يتزوج
يبقى على نفس الحالة ...يعني راها قصص بزاااف يحكيوها بنات وشباب
على النت وواش صرالهم بسبب الدردشة

في رايي على كل طفلة تبعد على وسط كيما هذا ...والطفلة هي اللي تحط
حدود يعني إذا الشاب القى الطفلة متساهلة معاه مادابيه ... وما نظنش كاين شاب
يحترم بنت لما تكون متساهلة وترفع الحدود....

في الأخير كاين حدود للتخاطب بين الجنسيين لا يجب تجاوزها

وربي يسترنا من الشي اللي راه صاري على النت وربي يهدي الجميع
ونصيحة لكل طفلة ...وحدة ما تقول أنا ذكية والشاب ما يكلحنيش ....
كاين بزااااف شباب خدمتهم يصيدو البنات ...ربي يحمي شبابنا بنات ودراري

 

[aicha02]

كاين بنات صح يهدرو في السكايب
بصح مايديروش الصور تعهم ولا الكميرا
بصح الاولاد يدخلو يقولو عندك الصورة ديالك ولا عندك كام ويب
ومبعد يدخلو منتديات يقطعو في البنات كشغل هما امنات وحنا لي قلنالهم ديرو الصور تعهم ولا لكام
وانا ضد كل واحد يقول الصورة
وضد كل وحد دير الصورة تعها في لامسا ولا السكايب
والله يهدي ماخلق
امين ياربي

 

[sirine-w]

merci mawdo3 hayel mais wach ndiro 3a9lia habssa lah yehdina ammmmmmmmmmmmmmin e
​

 

[zineb92]

ربي يهدي الشبااااااااااب واش نقولك هدا مانطلب ان شاء الله ..​

 

[ام اشرف]

موضوع قيم
وربي يهدي ماخلق...

 

[عاشقة سوريا]

أخي الكريم موضوعك قيم
كم من شئ نحسبه صغير و هو عند الله كبير
قال تعالى (و يقولون يويلتنا مال هذا الكتاب لايغادر صغيرة و لا كبيرة الا أحصاها)
بارك الله فيك و جزاك كل خير