هدرة تاع غراوين ... علابالي ماتليقش بعقلك الكبير

nihad_27

:: عضو مُتميز ::
إنضم
8 أوت 2009
المشاركات
553
نقاط التفاعل
1
النقاط
37


سلام عليكم ...

اول موضوع بعد رجوعي للمة في منتدى واش راك تهدر

باغين نحكيلكم حكاية حكاها جدي لبابا و بابا حكاهالي

ههههه متوارثة

قالك هدا ذيب قاع العام يطيح على خرفان الناس و يخسر
كرهو منه الناس حاولو الحكيم تاع القرية هاديك باش يهدر معاه و قالو
و علاش راك تخسر في ملك الناس لازم تقعد في بلاسة عاقل
حتى يجيك مكتوب الله و ربي يبارك فيه
فاتت ليام و ذيب ستعقل مرة في طريقو فاتت حجلة جرا موراه و قدبها
وولات مكتوبو

قالك كون ماجريتش موراها ماتكونش مكتوبي




طولت عليكم بالحكاية مي راني نقصد بكلامي الناس الي راهي تقول مكانش
زهر في هادي البلاد مكاين لا خدمة لا زدمة مكان اسبوار معاها الحرقة خير
علاش ياولاد الناس ماشي تقعدو قاعدين و تجيكم غي روحها لازم تجرو موراها
و تجيبوها بشقاكم *نتعب في صغري باش نريح في كبري *
البوطيات الي راهم يقلعو كل يوم عليهم ولادنا و خواتنا و حبابنا و صحابنا
ولا في الشواطئ تلقى جماعة ملمومة على حراق راح للموت برجليه

لا حول و لا قوة الى بالله


















خمو مليح يا ولاد بلادي

082.jpg


morgue.jpg


باغيين نهاية التاعكم هاك و شولة ذنب الوالدين

لا احتاج ردود ولا تقييمات باغيية برك تخمو مليح
 
مرسي اختي هات برك يديرو با النصيحة
حنا الشباب تاعنا يقولك نحرق ونروح نعيش سلطان برا بلادي لالا راك غالط في هذي
بلادك معزز مكرم على بلاد الغير
 
مرسي اختي هات برك يديرو با النصيحة
حنا الشباب تاعنا يقولك نحرق ونروح نعيش سلطان برا بلادي لالا راك غالط في هذي
بلادك معزز مكرم على بلاد الغير

و الله يا ختي ماشي كيما تقعد في بلادك بنيفك تاحد مايقربل
باغيين يروحو للعبودية على جا كي يرجع للبلاد يقولو عليه ايميقري
بعد غيبينة كبيرة و بعد ما دا رومية شيبانية و الله عيب
 
يقولو ناس بكري
اضرب ذراعك تاكل لمســgــي
نتاع درك يحوسو على كلش بالساهل
وطامعين يلقاوها واجدة في بلاد الغربة
ربي يهدي ما خلق
يعطيك الصحة اختي

 
يقولو ناس بكري
اضرب ذراعك تاكل لمســgــي
نتاع درك يحوسو على كلش بالساهل
وطامعين يلقاوها واجدة في بلاد الغربة
ربي يهدي ما خلق
يعطيك الصحة اختي


شكرا على المرور اختي نورتي الصفحة و عندك الحق في شاقلتي
 
radia yoyo، تم حظره "حظر دائم". السبب: مخالفة القوانين / إستخدام ألفاظ نابيه وخادشة للحياء.
صحيتي بارك الله فيك ...............وان شاء الله يخموا فيها
 
ياختي دروك راهم يخمو كيروحو لبلاد لغربة يلقاو كلشي واجد وساهل
مي راهم غالطين فيهادي
مرسي على الموضوع
 
الي راكي تهدري عليه مرض بعيد الشر وسمو التفنيين
ولاد بلادنا راهو قريب يقضي عليهم
العمر يجري و هوما يستناو اللقمة تجي حتى لعندهم
ماشي يقفزو على رواحهم
و على الحرقة يموتو
يفضلو يذلو رواحهم للgور و ما يخدموش في بلادهم
ربي يهديهم واش نقولو

صحيتي نيهاد موضوع قمة
 
الي راكي تهدري عليه مرض بعيد الشر وسمو التفنيين
ولاد بلادنا راهو قريب يقضي عليهم
العمر يجري و هوما يستناو اللقمة تجي حتى لعندهم
ماشي يقفزو على رواحهم
و على الحرقة يموتو
يفضلو يذلو رواحهم للgور و ما يخدموش في بلادهم
ربي يهديهم واش نقولو

صحيتي نيهاد موضوع قمة

يديهم قصار و لسانهم طويييييييل و الله عقلية الجزايري ماشي هاك و الي يخمم هاك

مايتسماش جزايري

الصحة ليك ختي شكرا على المرور
 
ياختي دروك راهم يخمو كيروحو لبلاد لغربة يلقاو كلشي واجد وساهل
مي راهم غالطين فيهادي
مرسي على الموضوع


مساكين يشوفو عند نيفهم برك
معرفوش الغيبية تاع الغربة كي دايرا

شكرا على المرور
 
هادو الناس لي مايخموش لزمان عقوبة و تاكلين على ماليهم
يصرفوا عليهم و يحشموا يروحوا يخدمو ،، مي كاين الله يبارك عليهم وين يلقى خدمة يزدم
نتمنى رسالتك تكون وصلت لهاد النوع مالناس :closedeyes:.. و ميرسي عليك ع السوجي
 
هههه
حنا عندنا الايميقري نسموه الابقري
هههههههههههههه
 
فيف بلادي و فيف لالجيري

إن شاء الله يبارك لنا ربي في بلادنا

و يولي ليجان نتاعنا ماتحرقش للخارج

بالتوفيق ...............
 
سلام
لا تحتاجي تقييم ولا ردود هههه باين

اممممممممم
داخل الموضوع
والله يا ختي
واش نقولك ضعف الايمان والجهل طاغي
الشباب حابين غير الدار كيفاش دايرة والسيارة من اخر طراز
مي حابينها تنزل عليهم من السماء هه هبال
تقول روح اخدم يقولك لالا هذي ماتخرجنيش
وتجيه شحال من خدمة ويقولك لالا لاباي ضعيفة حاب اكثر
هه ماحمدوش النعمة
الله يهدي ويعافي
ويصلح الجميع

شكرا على الموضوع
ربي يوفقك ويجازيك


ايا
سلام
عل
يكم

 
حبيبتي عجبوني 2 حوايج في مضوعك
اولا** الي مايسعاش على الحاجة و يقلك المكتوب:glare:
ولا ماعنديش الزهر:glare:
ربي قال اسعى يا عبدي و انا نعينك
ماقالش ارقدو و طبقو يديكم و قولو المكتوب // :surrender::surrender:
ثانيا** الحرقة ثم الحرقة
بغيييييييت نحرق :yahoo::yahoo:
:tears::tears: الله يرحم الي ماتو
 
بارك الله فيك اختي والله الصور مؤسفة ، الله يهدينا
 
حبيبتي عجبوني 2 حوايج في مضوعك
اولا** الي مايسعاش على الحاجة و يقلك المكتوب:glare:
ولا ماعنديش الزهر:glare:
ربي قال اسعى يا عبدي و انا نعينك
ماقالش ارقدو و طبقو يديكم و قولو المكتوب // :surrender::surrender:
ثانيا** الحرقة ثم الحرقة
بغيييييييت نحرق :yahoo::yahoo:
:tears::tears: الله يرحم الي ماتو
الله يرحم الي مات في ديت الرقدة ختي هههه ساهلة الحرقة
بعد الحرقة هي الواعرة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top