مســــــــــــــــــــــاعدة

[مارجوري]

السلام عليكم
:yahoo:
انا العام هذا ديت الباك معدل 14.36 حبيت نقرا ترجمة لكن للاسف,,,:busted_red::busted_red::busted_red:,,, ماكانش في الولاية اللي نسكن فيها
المهم الاختيار الثاني الاقرب هو حقوق mais مانعرف والو على هذا التخصص :scared:
ممكن تفيدوني بشرح بسيط وكم عام ندرس وما هو مستقبل هذا التخصص
انتظر ردودكم
:heh:​

 

[سماح الجزائريه]

اولا الف مبروك للباك وان شاء الله التخرج لكن للاسف اخي انا مانيش جامعيه او منعرفش في هذا الموضوع ان شاء الله تلقي الحل عند باقي الاعضاء وتمنياتى لك بالنجاح الدائم ​

 

[benali8231]

بسم الله الرحمن الرحيم.
اولا: مبروك عليك البكالوريا وعقبال لمستقبل زاهر.
ثانيا :يجب عليك اخي ان تكون مقتنعا باختياراتك حتى تتطلع الى ما تصبو اليه .
تخصص الحقوق لا يقل اهمية عن باقي التخصصات .فهناك حقوق كلاسيك مدتها 04 سنوات تتحصل بموجبها على شهادة ليسانس.
وهناك حقوق lmd مدتها 3سنوات تحتوي على 8 مقاييس (مواد) حقوق كلاسيك تحتيو على 7 مقاييس (مواد)
وكذالك تتحصل بموجبها على شهادة ليسانس.
وبعد تحصلك على شهادة الليسانس يمكنك مشاركتك في اختبارات متعددة مثل مسابقة القضاة الموثقين المحضرين القضائيين .
كما يمكنك اكمال دراستك في شهادة الكفاءة المهنية للمحامات او ماتعرف ب cappa ومنها تصبح محامي باذن الله.

 

[مارجوري]

مشكـــــــــــــــور خويا benali8231 على الشرح​

 

[benali8231]

بلا مزية نحن في الخدمة وانشاء الله التوفيق للجميع.

 

[maji]

مبرووووووك عليك الباك أختي
ماعندي مانزيد على واش قال خويا بن علي
أنا تاني قريت حقوق نظام كلاسيكي وتخرجت غير هاذ العام
إذا راكي مقتنعة اتكلي على ربي
وربي يوفقك انشاءالله.
​

 

[مارجوري]

مشكــــــــــــــورة اختي maji​

 

[lg_dz]

كما قال لك الأخ بن علي

وأنا أزيد لك ما نصحت به عضوة هنا مثلك:

تخصص حقوق هو تخصص رائع على شرط أن تكوني فعلا مهتمة وشغوفة به

نحن نعلم العدد الهائل الذي يسجل في هذا التخصص

فيه مستقبل جميل وراقي على شرط التميز في سنوات التدرج في الجامعة

وقد ما تكملي فيه مليح يعني لابد عدم الاكتفاء بليسانس علوم قانونية وادارية فقط بل يجب أن يكون طموحك أكبر ولم لا لدكتوراه

ميادين العمل: القضاء بمشاركة في مسابقة المدرسة العليا للقضاء
الموثقين بمسابقة
المحضرين القضائيين
والمحامي بشهادة الكفاءة المهنية للمحاماة
التدريس في الجامعة بماجستير حقوق
الادارات العمومية برتبة متصرف إداري بمسابقة للالتحاق بمنصب اداري
الشرطة رتبة ضابط شرطة
هذه أهم الميادين المستقبلية لطالب الحقوق


الله يوفقك

 

[Thayri]

مبروك عليك اختي الباك

و حبيت برك نفيدك بحاجة بالنسبة للترجمة

راهوم نحاوها كامل

انا ثاني جبت هاد العام الباك لغات اجنبية بمعدل 15.77

كي سقسيت قالت لي صاحبتي بلي مدولها فالجامعة كتاب

كتبو فيه بلي لازم تقرا الانجليزية لعامين امبعد تدير تخصص

ترجمة

اما بالنسبة للحقوق مليحة بصح باش تخدمي افوكا و لا قاضي

لازم لك تكملي قرايتك بالدراهم

هاكدا سمعت و الله اعلم

و نزيد لك معلومة اخرى هاد العام نحاو كامل تخصصات الادب كلاسيك خلاو غير lmd

ميرسي انشاء الله افدتك
​