البلا سعات يجيك لدارك ...يغتصب بنت أمها وصاتو عليها

هدى82

:: عضو مُشارك ::
إنضم
20 جوان 2010
المشاركات
289
نقاط التفاعل
3
النقاط
7
السلام عليكم

سعات البلا يجيك لدارك

كاينة وحدة معريفتنا ساكنة مع أختها معوقة

أمهم راها في فرنسا تتعالج كل مرة تهبط

خاوتهم الدكور متزوجين

يماهم قالت للبنات روحو لعند واحد من خاوتكم

وكيما تهبط من فرنسا ارواحو بصح البنت ما حبتش

والدار اللي ساكنين فيها مازالو يبنو في التاج الثاني اللي فوق

جابت يماهم ماسون نسيبهم يعرفوه ..

وواصاتو عليهم وهو قالها متهنيا راهم كيما خواتاتي

كان كل يوم يجي يخدم في الدار

البنات راهم وحدهم بصح غالقين على روحهم وخدمتو بعيدة عليهم

وحد النهار هاد الماصون طبطب على البنت وقالها تعطيه يشرب

وكيما حلت الباب تهجم عليها واغتصبها ..

البنت من الشوك ما عرفت واش الدير اتصلت بمرت خوها وحكاتلها

مرت خوها ما حبتش تقول لخوها

ومر شهر على الحكاية وهبطت الأم وحكاتلها وعرفو خاوتها الأخرين

الام حبت تشكي بالرجل اللي امنتو على دارها وبناتها وقلت لو يدخل نهار

للحبس المهم يتعاقب ...البنت قضات شهر كامل في الفراش من الشوك

البنت ما عملتش شهادة بالحادثة في وقتها يعني حتى مر شهر كامل

العايلة كاملة في هاد الوقت محطمة تدمر مستقبل البنت

من اسبوع راه جا يخطبها واحد بصح رفضت

ربي يفرج عليهم هاد المصيبة اللي هبطت عليهم

الأم راها حالتها تصعب على الكافر
 
ربي يسترنا ويبعد علينا البلاء

مسكينة وش ذنبها

تقبلي مروري

 
الله غالب عقليتنا حنا الجزائرين حبسا بزاف

مي وش نقلكم ربي يجب الخير والله


مي عقليتنا محبتش تكبر وعلاش وعلاش وعلاش
 
ربي يستـــرنـــا
وصلنا لوقت مفيهش لامان


 
الله يهدي ماخلق
ويفرج على هاد العائله
وعلى قاع المسلمين
سلاام
 
الله يهدي ما خلق وربي ما يضييعش عبادوا وان شاء الله ينتقم منوا
وربي يصبر مواليها برك على هدي المحنة ويعطيها طلت البال يا ربي
 
يا لطيف ربي يهدي باو و يستر بنات المسلمين اميييييييييييين
 
الحكايات هذوا قاعدين يصراو غير في الدزاير ها جدك
 
الله يسترنا ويبعد علينا ولاد الحرام
وإن شاء الله ربي يتولاه هدا المفترس
 
استغفر الله من العباد هذو حيوانات
يارب الطف بينا
 
ربي يسترنا...ويبعد علينا ولاد لحرام...بارك الله فيك
 
رانا نشوفو ماكتر وحد ظواهر يحبسو لعقل
ربي يبعد علينا ولاد لحرام
 
كل ما بعدنا على ديننا
كل ما رانا نزيدو نتهردو
الله يستر هاذيك المسكينة
سلام
 
ربي يسترنا و يبعد علينا وجوه الشر
الله يهدي ماخلق

و الله غير الناس ولات وحوش ضرك
و لازم ماتديرش الوحدة ثقة حتى في خوها
عيب عليهم ولاد ضرك ماعادوش حشمو و خافو ربي
حيوانات مفترسة و العياذ بالله
 
والله قطعتلي قلبي هاد الطفلة ربي يصبرها هي ودارهم
وهو انشالله يتعدب في الدنيا و الاخرة مايحشمش
ولينا في وقت ما فيهش الامان
 
شكرا للجميع على المرور الطيب
 
الله يعطيهم الصبر وهو ربي راه يخلص ولي خدم شيء يلقاه هذي اكيد
 
شكرا لكل من مر في موضوعي
 
مسكينة الله يسترها و يستر بنات المسلمين
الله يجازي لي كان السبب
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top