مساعدة...........انا محتاجتكم كثير .......ساعدوني من فضلكم

سحر سورية

:: عضو بارز ::
أحباب اللمة
إنضم
19 ماي 2008
المشاركات
1,706
نقاط التفاعل
6
النقاط
37
ارجوكم ساعدوني.........انا محتاجة اليكم

السلام عليكم
انا محتاجتكم كثيرا يا اخوتي و يا اخواتي
و الله ما عرفت وين نحط الموضوع
المهم ندخل مباشرة في الموضوع بدون اطالة
انا عندي اختي راهي رايحة تسافر لبلجيكا من المفروض يوم الجمعة بعد غد ان شاء الله و لكن اليوم كي خرجت راحت ماعلاباليش واش تواسي بالكوارط تبحرتلها بطاقة التعريف الوطنية و قالتلها وحدة حبيبتها بلي لازم تكون معاها لاخاطرش فالمطار لازم توريهالهم
فسؤالي هو: اذا تقدر توريلهم حاجة أخرى مثلا بطاقة السياقة و لا لازم بطاقة التعريف الوطنية و لا كيفاه تدير؟؟؟؟؟؟؟؟؟؟؟؟؟
اللي عندوا أي معلومة يقدر يساعدني بيها و الله راني محتاجتكم بززاف
و بارك الله فيكم مسبقا
السلام عليكم
 
آخر تعديل:
لازم اديكلاري بلي راحتلها لا كارت...

ونظن ممكن يقبلولها بطاقة السياقة ...مازالت ماصراتليش هادي ..

ماتقلقش روحها انشالله خير

 
ممكن لازم اديكلاري و توري جواز السفر و لا اي بطاقة اثبات الهوية
 
بارك الله فيكم
هي راهي راحت دوك باش تديكلاري مي مازال ما ولاتش
ان شاء الله ما يكون غير الخير
ربي يجازيكم راكم ريحتوني ما نكذبش نقول 100 بالمئة و لكن صافا
بارك الله فيكما​
 
نورمال حبيبتي نلقوك فنهارنا الاسود هههه متقلقيش مي اختك رايحة من اجل الدراسة و لا واش؟
 
مانظنش يعرقلوهالها لانهم يحتاجوا الباسبور اكثر انا جامي سقساوني على بطاقة التعريف...المهم الباسبور يكون مريgل وخلاص ... قولينا واش صرالها امبعد
 
مانظنش يعرقلوهالها لانهم يحتاجوا الباسبور اكثر انا جامي سقساوني على بطاقة التعريف...المهم الباسبور يكون مريgل وخلاص ... قولينا واش صرالها امبعد

راهي ولات من الكوميسارية مي قالولها ما نقدرو نديرو والوا لاخاطرش لازم يجوز عليها 48 ساعة
و ان شاء الله ما يكونغير الخير بما أنك انتي موالفة تسافري ان شاء الله ما يسقسوهاش عالبطاقة
الباسبور الحمد لله راهو مريgل
مرسي حنونة على الوقفة
 
اه نشاله وفقها يا ربي و وصلها سالمة لراجلها يا رببي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top