- إنضم
- 20 ديسمبر 2007
- المشاركات
- 4,790
- نقاط التفاعل
- 4,931
- النقاط
- 351
- الجنس
- ذكر
بسم الله الرحمن الرحيم
sـــلام عليــcom
اتبرد يا مواطن
شتو انا كيفاه مربي كل مرة نقلكم الـsــلام عليـcom
هذي علموني فيهاالوالدين من الصغر كي كنت صغير
كانوا يقرصوني كون مانقولهاش شحال ديت قرصات
وشحال زراق لحمي من لقريص
المهم يخي راكم ملاح ولباس وماخصكم حتى باس
ليوم جيتكم بالحسب والنسب وجبت معايا موضوع
يطلع القلب
مانكثرش عليكم الحس علبالي راني غاملكم النفس
ايا قالك
انا العانس ابحت عن فارس لا يهم حارس في
البردالقارس معلم في المدارس ولا عقله حابس .
ويكون من مواليد مارس وعلى المسؤولية حارص .
نبغيه يكون عامل حكومي لاطاي نتاع بلومي وشباب
كالديك الرومي ماتنساوش أنا ماجدة الرومي .
ويكون ميسور الحال و في شعره الجال وفيه مقومات
الرجال وما يبيعش بيض النجال
نبغيه يكون زهواني السهرات مع الشاب مامي
وديما الاغاني .
نبغيه يكون طويل القامة وداير عمامة والراس
مرفوع كي لحمامة .
وتاني لازم يقدر حالي و ما يكونش زوالي و يموت
على جالي .
و في الأخير نبغيه سكير والي ولا مير و يطلقني
ندير فيه التير
ونزيد نقلكم اني سهلة المطالب و رأسي كالقالب
اللي يشوفني تلقاه هارب و القهوة ما راه شارب
وتاني سهلة الشروط و في راسي بوط و نبغي السوط.
في وقتنا هذا الطفلة هيا للي تشرط الراجل كيفاه
يكون ومنا على 10 سنين تولي الطفلة تجي للدار
تخطب الراجل تجيب لفامي وتجي تخطب
واش حسبالكم هذي بعيدة ؟؟؟
ناس بكري كانوا يقولوا عيش تسمع
وممبعد جاوا ناس يقولوا عيش تشوف
حنا ضروك نقولوا عيش يصرى فيك
مالا ربي يطول في عماركم وتشوفوا
ايا انا نقلكم ربي يصلح لحوال ان شاء الله
واللي عجباتو سيرة الطفلة هذي يروح يخطبها
في لمان
تربحوا
مع تحيات
" واحد يبغي يدير الخير "