يـآو من صـآبني غريـب ونكذب | قآلوها وماغلطوش + قصتي

[الجندية]

السلام عـليكم

واش راكم ؟ لابأس الحمد لله

المهم

شكون اللي ماسمعش يقولو

من صابني غريب ونكذب

ههههههه راه الكتاب ينقى من عنوانو ياخوتي

قالك ياسيدي الواحد كي يكون غريب يحلالو الكذب على اللي
مايعرفوهش
مثلاااااا
راها شايعه في النت وحده تسكن في وهرن غير ف دزاير
تقولك انا عايشه في الطليان وماعلابايش كيفاه

ضرك نحكيلكم قصه حقيقيه صرات في وحد المنتدى كنت مسجله فيه

هاد البنت من***** واسمها ****
:glare:
هكدا خيــر
ايوااا ... نكملو
نعرفها b1 b1 وحتى اني حكيت معاها par تيليفون
بانتلي ناس ملاح بصح الفضيييحه كل اللي قاتلي عليها
كذب X كذب
هي من ***** قاتلي رح نجي لدزاير بالتاريخ الفلاني
قاتلي باغين نشوفك
وانا ... حبيبي على نياتووو
درت النية ورحت استنيتها في المطآر نتاع وهرن
جات الطيآره *****
وواااالووو البنت مكاااانش البورطابل عيطت ماحبتش تريبوندي
ومبعد طفاتو
تفكرت عندي نيمرو الفيكس ريبوندات ختها قلتللها وين راها ******
قاتلي راها راقده ههههههههههههههههههههههههههههه

شووووفوووو تغلغلت وطلعلي الـgـآز للراس :busted_red:

والله الواحد مادام هو يتعامل مع ناس من النت مايحطش كل الكونفيونس
ف الي يعرفهم 100 %
هآآآ خدعتني

وفاتت عليها 2سمانات
وبعثتلي مسج
قاتلي راني درت حادث سيآره وراني مريضه مرانيش نتمشى وراني مصابة بالشلل
قلتلها الله يعطيك الشلل انشالله

والله ماتحشم هبلتني ههههه
ندمت انا

وراكم شفتو يوقولكم من صابني غيرب ونكذب ساعا خرجت بصح
شافت روحها غريبه هي وين وانا ويين قالت خليني نكذب على روحي
راه الكذب باطل ههههههههه

المهم اللي بغيت نقووول ماشي غير اللي قولك كلمه تروح معاها وتصدقه
هآآآآآآآآآه حلوو عينيكم ع لخـر مليــــــح

أأأيآآآ سلااااام راني طولت
نبغي نشوف الردود

​

 

[هــــيلدا]

متتعجبيش في عالم النت يكذبو كل الاكاذيب ، تتوصل بيهم يكذبو حتا علا رواحهم ويصدقوها،
بصح الكذاب عمرو ما طولت كذبتو، جاي يوم وين يكشفو ربي ويذلو

 

[EL General]

خاصة في السكايب ... يا لطيف الكذب داير حالا ...........

و الأنترنيت ، حاجة فور ، بصح إيجابيات و سلبيات

حرت و نحير في الناس اللي تدير هكا


بالتوفيق ................
​

 

[Mr mino]

ههههههههههههههه

رانا في الهوى سوى خيتوووو

ماتخافيش انا تاني صراتلي نفس القصة تاعك رانا كيف كيف

بصح ماعرفتش احنا اللي نية فوق اللازم ولا هوما اللي خدعونا

المهم ربي يهديهم

ومنا وغادي شتي تديري تسجيل الخروج صاي انساي كلش

سوا في اللمة ولا في اي بلاصة وفاتك تخرجي مكاش تبقي تديري النية

وقتنا معجب القريب ليك ومافيهش لمان فمابالك بالي في النت

هو شايب في عمرو 90 يقلك انا جان 18 سنة يفوتها نورمال

ههههههههههه

يعطيك الصحة خيتوووو

وربي يجيب الخير



​

 

[mimi.dz]

فكرتيني في عضوة هنا دارت فيلم هندي و ..........
ربي يهديـــنا حنونة
حتى في النت ومسلمناش من الكذب
​

 

[DARINE05]

اييييييييييييييييه
يا فوفو هذو تع العالم الافتراضي يكذبو كذبة ويصدقوها ويعيشوها
واش تحبي كاين يعني لي صح عياد وكاين
لي نسكت خير
مرسي فوفو

 

[sisou023]

عندك صح أختي مديريش ثقة خصوصا فالأنترنت لي جا يكذب

 

[touffik]

الله يجيب الخير اختى
كدب ره بزاف مشى فى نت وبس فى كلش
ربى يحفظ اختى​

 

[M!ss D!or]

ههههههههه والله نتي بنيتك
مي ماتخافيش مول النية هو لي يغلب
و زيد الإنترنت هذا عالم معمر بالكذب
مي هكا تعلمتي حاجة بلي مش كامل الناس كيف كيف
و الخطرة الجاية تأكدي من نية الناس
رانا في وقت الله يحفظ
مشكووووورة حبيبتي​

 

[sahiko hamza]

متتعجبيش في عالم النت يكذبو كل الاكاذيب ، تتوصل بيهم يكذبو حتا علا رواحهم ويصدقوها،
بصح الكذاب عمرو ما طولت كذبتو، جاي يوم وين يكشفو ربي ويذلو

من فمك لربي :music_whistling:
​

 

[نسيم الربيع]

هذي توصي عالجايين مارسي عليك ... سلالام

 

[معاك يا الخضراء]

وانا ... حبيبي على نياتووو

و كل البنات خواتو ده ماكانش كده بس انا غيرت كل حياتو
دلوقتي عيشها جد و عيونو مش شايفة حد ولو وحدة بتسالو بيسبني انا الي ارد
حبيبي داب على ايدي و تاب دخلني البو و قفل الباب
حكايتك فور كيما نتي فور
نقلك علاه خاطر عرفت واحد ولا وحدة مانعرف :glare:
ماتكادش من الجنس تاعو
بانتلي في سبيطار و ماتاكدوش منو
هو ساكن في دوار الشيح
و يقولي اوووه جو سوي :music_whistling:
اسراء عرفتيه /ها:yahoo:​

 

[الجندية]

متتعجبيش في عالم النت يكذبو كل الاكاذيب ، تتوصل بيهم يكذبو حتا علا رواحهم ويصدقوها،
بصح الكذاب عمرو ما طولت كذبتو، جاي يوم وين يكشفو ربي ويذلو

ايه عندك الصح
الف شكـر خيتوو
​

 

[الجندية]

وانا ... حبيبي على نياتووو

و كل البنات خواتو ده ماكانش كده بس انا غيرت كل حياتو
دلوقتي عيشها جد و عيونو مش شايفة حد ولو وحدة بتسالو بيسبني انا الي ارد
حبيبي داب على ايدي و تاب دخلني البو و قفل الباب
حكايتك فور كيما نتي فور
نقلك علاه خاطر عرفت واحد ولا وحدة مانعرف :glare:
ماتكادش من الجنس تاعو
بانتلي في سبيطار و ماتاكدوش منو
هو ساكن في دوار الشيح
و يقولي اوووه جو سوي :music_whistling:
اسراء عرفتيه /ها:yahoo:​

هههههههههههههههههههههههههههههههههههههه
فكرتها بالغنية نتاع جنااات لووووول

صحيتي يا الغاليه
​

 

[didin91]

ههههههههههههههههههههههه
ماعليش ختي فاتي تكبري و تنساي

 

[الجندية]

ايه صح خويا نكبر وننسا مي درت ف بالي مانزيدش نحط كونفيونس في ناس هكدا
شكـرا
​

 

[sandybelle]

​

قاتلي راني درت حادث سيآره وراني مريضه مرانيش نتمشى وراني مصابة بالشلل
قلتلها الله يعطيك الشلل انشالله
​

هههههههههههههه شلت روحها ...ربي يلطف حتى المرض رجعو يبليو رواحهم بيه
ايه والله غير عيش تشوف

 

[الجندية]

هههههههههههههه شلت روحها ...ربي يلطف حتى المرض رجعو يبليو رواحهم بيه
ايه والله غير عيش تشوف

اهلا بساندي الغاليه
ايه راكي تشوفي .... العجب والله :u_pc:
شكرا على مرورك الطيب
​

 

[TOUTA32]

الكذاب يدير كلش اختي يخدع وينافق ربي يسترنا
عمرك ماديري لامان فالانترنت

 

[iméne09]

هههههههههههههه يا خي فتوش ياخي ديري ديما حسابك مكانش كونفيونس في هدا الوقت بصح حاجة باينة في النت الهف بزاف دنيا راهي تمشي غير بكدوبات لهنا وخرطي راه داير حالة مكانش لي يعطيك الصحيح كامل يلعبوها مي انتي تان جاايحة ياك زعما كانت تعيطلك ماتعرفيش لينيميرو ياك كون كانت في طاليات تلقاي نيميرو طويل :yahoo:مي في تاع دزاير باين هدي تكلختلك فيها توصي للجاية مكانش لامان في النت بصح مطول ولا مقصر ربي يفضحو ​