معاك يا الخضراء.....هيلدا........ iman89 ذكريات فاللمة

[معاك يا الخضراء]

السلام عليكم
ازيكم يا الحلوين هنا
ملي سجلت فاللمة صدقوني كل مانسمع بلي راح تتقفل نبكي و نقلق تاع الصح:tears:
و نقول مانقدرش نقعد بلا بيها
مي ضرك وصلت لواحد الحالة والله العظيم كون نصيب نقفلها مانزيدش نحلها
الله غالب عندنا هاديك المسابقة مع الاخت ام ندى لازم نكملوها​

حبينا في ثلاثة اسراء ايمان و ريمة نقدمو شكر للمة الي جمعتنا مع بعض

بعض الذكريات ..
اللقاء الي درناه في باتنة مع موحا لو ساج و السي فلان مول الكوسيتيم و غيرهم من البنات
و الي كان ذكرى حلوة كلينا ملح مع بعض و فات يوم هبااال
تصورنا مع بعض
و علابلنا بلي مش مع من والا
و مش النوع الي كي يخاصم يفجر كيما عباد​

تعرفنا على ناس باهيين و ناس تخدعنا فيهم تاع الصح
الحمد لله جات سلامات على الاغلبية
توضيح برك فالمشكل الاخير الي را لاسراء
الي قال خلاطة حرام عليه
راح نطرطقو من السكات و قلنا بزايد المشاكل
مي واحد ما حب يحشم
و هادي الي تقاست راهي صاحبتنا و اكتر من اختنا
الهدرة في عرض الطفلة مازالت
دخلولها في حياتها تاع الصح

الحقيقة انو وحدة هنا فاللمة كنا حاطينها صديقة هيا الي مدت رقمها
ووصل بيها الامر تهدد بتصاورها
راكي مراة و ينها الحشمة الي عطاهالك ربي ​

ربي يمهل و لا يهمل
حنا رايحيين والحمد لله ماعندناش حاجة نخجلو بيها
و كل واحد حسابو مع ربي
اتقو الله في نفوسكم لما خرجتش في نساكم تخرج في ولادكم

سلام لكل الاحبة
سلام للرجال الرجال
و النسا النسا
الغالي يبقى غالي
​

 

[DARINE05]

يا ريمة وين راكي رايحة انتي واسراء
شوفي انساي الهم ينساك مديري والو في بالك فوتي العباد وعيشي حياتك ماهو الا عالم افتراضي لي يقلقك ديرتسجيل خروج وتربحي رحتك مايبقى غير الصح ولا راني غالطة واش نقولك با النسبة للقاء مع الاعضاء مكنتش انا هذا الوقت مسجلة
مي كاين لي في اللمة فهم بلي اللقاء بين بنات وولاد ماشي نورمال في الدنيا هذي ارضاء الناس عاية لا تدرك يا ريمة اختي
واني قتلك عالم افتراضي انا والله لي يقلقني نخرجلو في وجهو ونخليه يغلي لانو كي تعبريه وديري عليه موضوع تسمى هنا راكي عطيتو قيمة فوتي جدهم بزقة حشاك ميستهلوهاش
مام انا يامات ونخرج نعود نضرب طلة برك الله غالب كاين عباد هنا فزدونا اللمة

 

[فراشة الايمان]

يا أختي أنا نقلك حكمة
اذا اتتك مذمتي من ناقص فتلك شهادة لي بأني كامل .

 

[mohamed ali 1992]

السلام عليكم ورحمة الله تعالى وبركاته

ربي يهنيكم ديما ويخلي الذكريات الجميلة تجمعكم
أما منتدى اللمة فيه وعليه :closedeyes: فيه الصح وفيه الكذب
فيه المليح وفيه القبيح ..فيه الحكايات الفارغة وفيه المعمرة
على العموم الحمـد لله .. صحيتي ريمة على الموضوع
عاش من شافك ..في امان الله


​

 

[اسماء16]

ولله يا ختي سمعنا بهدي لهدرة وانا وحدة ملي كدبوها ولكن راكي قلتيها يعني تلقيتو
وانا وحدة من الناس رغم اني نسكن في العاصمة ولكن نخرج مع صديق لي ومنخرجش مع واحد فللمة او في اي منتدى الان الحياة اصبحت صعبة في هدا الوقت
ولكن انتم لم تعملو شيء حتى تخافو او تخجلو
وناس الي كيما هدو ابتعدو عن طريقهم احسن ....ولباب الي جاك منو ريح سدو وستريح
​

 

[زنوبة dz]

اختي اسمعي نقولك حاجة
احنا هنا في منتدى وراكي تلقاي من كل الاصناف هنا وراكي تحكي مع عباد واصناف جامي تحكي معاهم في حياتك ابار هنا اكيد رايحين نتقاسوا ورايحين يصراولنا حوايج بزاف
انا عضوة هنا من النهار لي فتحت فيه اللمة وانا من الاعضاء القدامى وياما قاسوني ناس عزاز عليا بزاف وياما شفت ناس وناس بصح في الاول والاخير تبقى منتدى ورايحة تلقاي كل الاصناف
ياما قررت الانسحاب وبطلت مقدرتش نفارق اللمة
نتمنى انت تاني تبطلي وتبقاي معانا بالرغم اني منعرفكش

​

 

[بلد المليون]

كل انسان يجاز على خير أعمالوا سواء شرها أم خيرها
لكن
أخبرك شيئا
لا أعطي زمامي من يحفر ذمامي
ولأغرس الأيادي في أرض الأعادي
هذي نصيحة ليك واغيرك فالعبرة لمن اعتبر ربي يصبرنا أم أنتي ساهلة أنساي هذا الموقع هك لا وجع راس ولا هم يحزنون
ربي يصبرك

 

[josefcom]

أختي نقلك حاجة نصيحة يعني
ماتعمريش راسك بحتى واحد ....ديري كيما أنا
و بالتوفيق ان شاء الله

​

 

[Iman89]

يعطيك الصحة ريمة
صح اللمة فوت فيها ايامات مليحة واحسن حاجة درناها ربحت خاوة ونتمنى يبقاو خاوة ومايقلبهمش الزمان...أما اللقاء صح كان مليح وموح راجل وعليه لكلام اللي كيفو قلال مي الناس شي مايعجبلهم ويحكيو في حاجة ماعمبالهمش فيها ويحكم على العبد بلا مايعرفوه...الاغلبية اللي كنت حاطتهم ملايكة ظهروا...:closedeyes:
المهم انا اللي قاسك انت ولا اسراء قاسني الحمد مانيش نكارة عشرة كيما شي عباد والله لايوصلني نقيس اللولية على خاطر الزمان يدور...المهم ربي يقدر الخير بيناتنا ويلاقينا في ساعة الخير عندك ديري العرس وماتعرضينيش...قالك عندك لاتبوري ونبورو اجمعين...:music_whistling::music_whistling::music_whistling:
كامل اللي عاونوني في قرايتي نقولهم يعطيكم الصحة خاصة يوسف اللي نقولو ربي يوفقك ويعطيك ماتتمنى
ايا قوادالوبي يتهلا فينا ربي

 

[douhq]

حبيت نقولك كيما قالوا لي قبلي خطيك من منتدى اللمة و ربي يكون معاك ومع أصدقائك و يعوضكم ربي خير على ما جوزتوه من متعب إنشاء الله

 

[touffik]

ربى يجيب الخير اختى

اتقو الله في نفوسكم لما خرجتش في نساكم تخرج في ولادكم ​

 

[Moha le sage]

و الله كل مرة نحس موس دخل لقلبي

كون نهدر نعايب الناس و الهدرة مهيش في المنتدى ..راهي برا



قلقت تاع الصح ...

مش حل كي تجبدو رواحكم صدقوني ... بصح في نفس الوقت انا راني طفل ماشي طفلة .. واكيد مش راح نتقاس كيما تقستو

راني نخمم في حلول ....

الله غالب جات كامل مع بعضاها







​

 

[somiasahraoia]

عفوا اختي لا تحملي نفسك الكثير من الهموم فاينما تذهبين تلقاي الناس الخداعة والكذابة والي ما تخافش ربي بصح ما تستلميش اختي

 

[mimi.dz]

السلام عليكم

وعليــكمـ السلامـ

ازيكم يا الحلوين هنا
ملي سجلت فاللمة صدقوني كل مانسمع بلي راح تتقفل نبكي و نقلق تاع الصح:tears:
و نقول مانقدرش نقعد بلا بيها
مي ضرك وصلت لواحد الحالة والله العظيم كون نصيب نقفلها مانزيدش نحلها
الله غالب عندنا هاديك المسابقة مع الاخت ام ندى لازم نكملوها​

حبينا في ثلاثة اسراء ايمان و ريمة نقدمو شكر للمة الي جمعتنا مع بعض


بعض الذكريات ..
اللقاء الي درناه في باتنة مع موحا لو ساج و السي فلان مول الكوسيتيم و غيرهم من البنات
و الي كان ذكرى حلوة كلينا ملح مع بعض و فات يوم هبااال
تصورنا مع بعض
و علابلنا بلي مش مع من والا
و مش النوع الي كي يخاصم يفجر كيما عباد​

والله يا ريمة اللمة عرفتنا على ناسـ معدنهمـ ذهبـ كيفكـ أنتـ و اسراء
واذا قدرتـ تروحيـ وتخلينا احنا منقدروشـ بلا بيكـ


تعرفنا على ناس باهيين و ناس تخدعنا فيهم تاع الصح
الحمد لله جات سلامات على الاغلبية
توضيح برك فالمشكل الاخير الي صرا لاسراء
الي قال خلاطة حرام عليه
راح نطرطقو من السكات و قلنا بزايد المشاكل
مي واحد ما حب يحشم
و هادي الي تقاست راهي صاحبتنا و اكتر من اختنا
الهدرة في عرض الطفلة مازالت
دخلولها في حياتها تاع الصح

متعمريــش راسك اختي لعزيزة
هذو هوما لعباد نتاع هاذ الوقت
ربي يهدينا

الحقيقة انو وحدة هنا فاللمة كنا حاطينها صديقة هيا الي مدت رقمها
ووصل بيها الامر تهدد بتصاورها
راكي مراة و ينها الحشمة الي عطاهالك ربي ​

شوفيـ ريمة نقولكـ حاجة
اسراء طفلة متخلقة ومتربية ونعرفوها مليــحـ
والعبد كيـ يكونـ متأكد من نفسو ميهمو والو
صحـ أي طفلة تتقاسـ وخصوصا فيـ حكاية العرضـ و الشرفـ
ميـ ربيـ وكيلهمـ


ربي يمهل و لا يهمل
حنا رايحيين والحمد لله ماعندناش حاجة نخجلو بيها
و كل واحد حسابو مع ربي

شوفيـ رانيـ قلتها ونزيد نعاودها
تروحيـ منتفاهموشـ:tears:

اتقو الله في نفوسكم لما خرجتش في نساكم تخرج في ولادكم

سلام لكل الاحبة
سلام للرجال الرجال
و النسا النسا
الغالي يبقى غالي
​

نتمنى منـ كلـ قلبيـ تعاوديـ تفكريـ مليــحـ
اللمة مسجلينـ فيها فئاتـ منـ الشعبـ نتاعنا
وراكيـ عارفة العقلية
ميـ كاينـ لمليحـ و كاينـ لقبيحـ
وربيـ يهديـ ما خلقـ

​

 

[ماكانش]

قال تعالى:
" وما أصابكم من مصيبة فبما كسبت أيديكم ..."
الأية واضحة ومفهومة
والنبي صلى الله عليه وسلم يقول :
" ومن اتقى الشبهات فقد استبرأ لدينه وعرضه..."
والمقصود راهو وصل​

 

[riki2009]

انا والله مازال مافهمتش الموضوع ديالك وراني حاب نفهمو اذا حبيتي تفهميني فيه عن طريق السكايب او ال msn

 

[هــــيلدا]

:surrender::surrender:
​

 

[sisou023]

يا أختي وين تروحي تلقاي ناس ملاح و وحدخرين ماهمش ملاح و إذا عندتيهم مارايحة ديري والو متعمريش راسك بيهم كملي حياتك عادي و نتمانلك الخير

 

[M!ss D!or]

:scared: :scared: :scared:

:surrender: :surrender: :surrender:

ماتقلقوش رواحكم خياتي هدو عباد تافهيـــــــــن
وإن شاء الله ربي يتولاهم
حسبي الله ونعم الوكيل فيهم​

 

[N@riM@N]

وعليكم السلاام ختي
تعرفي انا سمعت بهاد القصه وراسي حبس
بصح اسمحيلي نقلك بلي( واش داك يازيتونه للواد)
ع العموم لي فات مات وماتعمريش راسك بزاف باسكو مزالت الدنيا تعيشي وتشوفي فيها​