يالي عندهم خبرة في البيام يدخلو بلييز

[يسرى 2008]

السلام عليكم ورحمة الله تعالى وبركاته
وشراكم سافا
عابالك بالصيف والسخانة مي مهما كان السخانة تاع الراس والتخمام اكبر من السخانة هادي
انا نجحت 3 السنة والعام الجاي ان شاء الله بيام
ديت السنة 17.28
وحبيت نجيبو ب 19 ولا 18 العام الجاي نعرف انو هدا خيال ومشو راح يتحقق المهم
نحب تنصحوني مليح القراية في الصيف ولالا
يعني نبدا من 20 جويلية الى غاية ما ندخلو المواد العلمية وبرك
وانصحوني بليييز راني ميتة من الخوف من درك برك
ديجا لافامي الكل تقلي لازملك تجيبيه ب 18 و19 والضغط او عامل حالا بلا ما قريت
وشكرا

 

[°/°مبدعة اللمة°/°]

اختي نقلك انا اصغر منك بعام يعني العام الجاي 3 مي القراية فالصيف رح تعكس المعنويات يعني بالاحرى لازم متقريش فالصيف خلاص يعني خوذي راحتك بش كيف تجي القراية متقوليش اني معملتش و معملتش و شكرا

 

[يسرى 2008]

يا اختي راكي 3 العام لوخر
والبروقرام تيعكم ساهل
اني نعرفو وزيد انا اني بيام اختي مش كيفك

 

[°/°مبدعة اللمة°/°]

__ أرجوا عدمـ الدخولـ في مناوشـاتــــــ _​

 

[alaa_oran]

اانا تاني اختي العام الجاي ان شاء الله عندي البيام يعني كيفك
بصح مانظنش تقري في الصيف حاجة مليحة وكون تقري في الصيف غادي ماتجي تدخلي حتى تكوني كرهتي القراية
انا نظن تريحي le maximum علا خاطر ديجا راكي قريتي gاع العام والله يبارك راه عندك معدل مليح املا c sur عييتي في العام
انا هدا هو رايي

 

[alaa_oran]

يا اختي راكي 3 العام لوخر
والبروقرام تيعكم ساهل
اني نعرفو وزيد انا اني بيام اختي مش كيفك

انا نخالفك الراي السنة 3 هي اصعب من البيام و ديجا لي تقريه في 3 تقري مثله في 4
يعني la base
وبالتوفييق ان شاء الله

 

[DALAL21]

انا العام الجاي الباك
اختي ننصحك ماكالاه تبدااي ذرك بااااسكو التعب راهو جاااي جاااااي ابداي في منتصف اوووت اقراااي حوايج خفافي ......ماتخافيش .....كي ترجعو تقراااو اقراااي بكل جدية وكل يووووم لازم.....بالتوفيق ان شااااء الله حتى خووويا راح يفوت البيام

 

[°/°مبدعة اللمة°/°]

انا نخالفك الراي السنة 3 هي اصعب من البيام و ديجا لي تقريه في 3 تقري مثله في 4
يعني la base
وبالتوفييق ان شاء الله

اختي لا انا نقرى ضرك مي هدرتي مهيش على روحي انا نهدر عليها هي فهمتي وانا راني قراية في جميع الاوقات

 

[alaa_oran]

اختي لا انا نقرى ضرك مي هدرتي مهيش على روحي انا نهدر عليها هي فهمتي وانا راني قراية في جميع الاوقات

وي علابالي اختي انا راني نقوللها ليها هاد الهدرة
بالتوفيق اختي

 

[chemssou007]

أخواتيـ،،
أنـا طالبـ جامعيـ هذا آخر سنة ليـ في مسيرتيـ الدراسية،،،
أود أنـ أعطيكمـ بعضـ النصائحـ،،،
الـ Bem ليسـ بالشيء الصعبـ الذي لا يمكنـ تجاوزه و هو شيء عاديـ جدا مثله مثلـ جميع الامتحاناتـ الأخرى لذا لا داعيـ للخوف المفرط و الاستماع لما يقوله البعض أن هذا امتحان مصيري و كل هذه الأشياء،،
صدقيني لقد نجحتـ في هذا الامتحانـ منذ زمنـ و لا أذكر حتى كيفـ اجترزته يعني لقد امتحنت بشكل عادي دونـ أن أضغط على نفسيـ،،،
نزيدلك حاجا و ديريها مليحـ في راسكـ،،،
كلـ ما ضغطتي على روحك راكي جامي تديـ معدلـ مليحــ،،
كانتـ وحدا تقرا معانا في الباك قريت معاها من الابتدائيــ،،،
عامـ تاع باك كاملـ و هي تقولك لازم ننجح في هاذي و نطلع في هذي و أرهقت روحها بالقراية النتيجة واشـ ما خدمتش فيـ الباك مليحـ،،،،
أنـا ننصحك ما تقرايش في الصيفـ أبدا أبدا استمتعيـ،،،
و نقولك حاجا و هذي نصيحة قالهالي الأبـ تاعي مازالتـ نسمعها تتردد في وذنيـ،،،
القاري و المثقف و لي يعرف يقرا مش لي يبقـا عام كامل هو يراجع و يديـ 19 أو 20 القاريـ هو اللي كي يدير درسـ يراجعو خطرا يفهمو و يدي 19 أو 20،،،
المهمـ البيامـ راهو ساهل ما تتقلقيشـ و ما تضغطيش على روحك و استمتعي بالدراسة و ما تقوليش لازم ندي 19 كي تقولي هكذا انا نأكدلك مش راح جيبي 19،،،
استمتعيـ بقرايتك و قولي لازمـ نخدم في كلـ مادة على حدة باه طلعيـ معدلـ مليحـ،،،
و نزيدلك نصيحة أختيـــ،،،
مع تدني مستوى الدراسة في الجزائر اللي يهمـ مش تدي 20 و 19 المهمـ تكوني انسانة مثقفة خارج الدراسة و تكالعي و تهتمي و لا تكتفي بما يعطيه لك المعلمـ،،،
تحيــــــــــــاتيــ ـ​

 

[يسرى 2008]

اختي لا انا نقرى ضرك مي هدرتي مهيش على روحي انا نهدر عليها هي فهمتي وانا راني قراية في جميع الاوقات

والله يا اختي عيب رانا في منتدى للتفاهم مش للتعاريك
وتكوني قراية ولالا ميهمنيش
انا نحكي على روحي وعلى البروقرام بجهة عامة مش عليك انت وربي يوفقك

 

[يسرى 2008]

أخواتيـ،،
أنـا طالبـ جامعيـ هذا آخر سنة ليـ في مسيرتيـ الدراسية،،،
أود أنـ أعطيكمـ بعضـ النصائحـ،،،
الـ bem ليسـ بالشيء الصعبـ الذي لا يمكنـ تجاوزه و هو شيء عاديـ جدا مثله مثلـ جميع الامتحاناتـ الأخرى لذا لا داعيـ للخوف المفرط و الاستماع لما يقوله البعض أن هذا امتحان مصيري و كل هذه الأشياء،،
صدقيني لقد نجحتـ في هذا الامتحانـ منذ زمنـ و لا أذكر حتى كيفـ اجترزته يعني لقد امتحنت بشكل عادي دونـ أن أضغط على نفسيـ،،،
نزيدلك حاجا و ديريها مليحـ في راسكـ،،،
كلـ ما ضغطتي على روحك راكي جامي تديـ معدلـ مليحــ،،
كانتـ وحدا تقرا معانا في الباك قريت معاها من الابتدائيــ،،،
عامـ تاع باك كاملـ و هي تقولك لازم ننجح في هاذي و نطلع في هذي و أرهقت روحها بالقراية النتيجة واشـ ما خدمتش فيـ الباك مليحـ،،،،
أنـا ننصحك ما تقرايش في الصيفـ أبدا أبدا استمتعيـ،،،
و نقولك حاجا و هذي نصيحة قالهالي الأبـ تاعي مازالتـ نسمعها تتردد في وذنيـ،،،
القاري و المثقف و لي يعرف يقرا مش لي يبقـا عام كامل هو يراجع و يديـ 19 أو 20 القاريـ هو اللي كي يدير درسـ يراجعو خطرا يفهمو و يدي 19 أو 20،،،
المهمـ البيامـ راهو ساهل ما تتقلقيشـ و ما تضغطيش على روحك و استمتعي بالدراسة و ما تقوليش لازم ندي 19 كي تقولي هكذا انا نأكدلك مش راح جيبي 19،،،
استمتعيـ بقرايتك و قولي لازمـ نخدم في كلـ مادة على حدة باه طلعيـ معدلـ مليحـ،،،
و نزيدلك نصيحة أختيـــ،،،
مع تدني مستوى الدراسة في الجزائر اللي يهمـ مش تدي 20 و 19 المهمـ تكوني انسانة مثقفة خارج الدراسة و تكالعي و تهتمي و لا تكتفي بما يعطيه لك المعلمـ،،،
تحيــــــــــــاتيــ ـ​

والله عندك حق خويا وانا كل ما نضغك على روحي منجيبش مليح ومع اني مراجعة بيا
نعطيك الصحا مي هكاك والخوف فيا باسكو يمكن اهلي شوي ضاعطيني عليا يقولولي لازملك تجيبي 18 بسيف باش تشرفينا وتدي امتياز هوما يحبوني نشرف روحي ونشرفهم مي شوي الضغط عليا نشكرك مرة تانية وان شاء الله ربي يقدم الي فيه الخير ليا ولكل الطلاب

 

[chemssou007]

أرجوا منـ الأعضـاء المشاركينـ في الموضوعـ عدمـ الدخولـ في مناوشـاتـ لنـ تفيد لا صاحبة الموضوعـ أو المطلعينـ عليهـــ،،،
أرجوا التعقــلــ،،،
تحيـــــاتيــ،،،​

 

[يسرى 2008]

خويا chemssou007 وصلتني معلومات عليك انك تجيب 19 و 20 كي تقرا نهار قبل الامتحان
باين عليك قراي من عند ربي وعندك هواية الدراسة
نقولك طول سير تقولو اي مهبولة قراية هادي
اليامات الاخرين تاع القراية كانو يعطيولنا فروض ومشاريع ويستحقوهم في نهارهم وكنا شوي مضغوطين بزاف
لهدا كنت انا ساعات نحفظ كل درس بدرسو وساعات ميكفينيش الوقت
في الفروض حفظت كل درس بدرسو في جميع المواد لحد اني نجيب 20 في الحفيظة الكل
والمواد العلمية جبت بيا مي مات 17
حبيت اني نزيد في المات ونسيت الحفيظة وليت ندي 19
بصح اونجينيرال خويا اني نروح نعقب الامتحان ومشني راقدة غير 3 سوايع في النهار
نقعد غير نقرا ومخي تقييييييييييييل في الحفيظة
ونرقد على 1 وننوض على 4 ونص باش نكمل الحفيظة
ونعقب على 8 ونجي لعشية ونرقد وهادي اليامات بصح عندي ضغف في مواد تاع فرنسي وانجلي هوما الي يضعفوني بصح اني عاملة مجهود كبير مش تاع النقطة تيعي خلاه لهدا قلت نبدا في الصيف باش منتعبش في الشتاء ياسر

 

[°/°مبدعة اللمة°/°]

أرجوا منـ الأعضـاء المشاركينـ في الموضوعـ عدمـ الدخولـ في مناوشـاتـ لنـ تفيد لا صاحبة الموضوعـ أو المطلعينـ عليهـــ،،،

أرجوا التعقــلــ،،،

تحيـــــاتيــ،،،​

شكرا اخي على النصيحة و خلاص انا رح نجبد روحي لتفادي المشاكل

 

[alaa_oran]

أخواتيـ،،
أنـا طالبـ جامعيـ هذا آخر سنة ليـ في مسيرتيـ الدراسية،،،
أود أنـ أعطيكمـ بعضـ النصائحـ،،،
الـ bem ليسـ بالشيء الصعبـ الذي لا يمكنـ تجاوزه و هو شيء عاديـ جدا مثله مثلـ جميع الامتحاناتـ الأخرى لذا لا داعيـ للخوف المفرط و الاستماع لما يقوله البعض أن هذا امتحان مصيري و كل هذه الأشياء،،
صدقيني لقد نجحتـ في هذا الامتحانـ منذ زمنـ و لا أذكر حتى كيفـ اجترزته يعني لقد امتحنت بشكل عادي دونـ أن أضغط على نفسيـ،،،
نزيدلك حاجا و ديريها مليحـ في راسكـ،،،
كلـ ما ضغطتي على روحك راكي جامي تديـ معدلـ مليحــ،،
كانتـ وحدا تقرا معانا في الباك قريت معاها من الابتدائيــ،،،
عامـ تاع باك كاملـ و هي تقولك لازم ننجح في هاذي و نطلع في هذي و أرهقت روحها بالقراية النتيجة واشـ ما خدمتش فيـ الباك مليحـ،،،،
أنـا ننصحك ما تقرايش في الصيفـ أبدا أبدا استمتعيـ،،،
و نقولك حاجا و هذي نصيحة قالهالي الأبـ تاعي مازالتـ نسمعها تتردد في وذنيـ،،،
القاري و المثقف و لي يعرف يقرا مش لي يبقـا عام كامل هو يراجع و يديـ 19 أو 20 القاريـ هو اللي كي يدير درسـ يراجعو خطرا يفهمو و يدي 19 أو 20،،،
المهمـ البيامـ راهو ساهل ما تتقلقيشـ و ما تضغطيش على روحك و استمتعي بالدراسة و ما تقوليش لازم ندي 19 كي تقولي هكذا انا نأكدلك مش راح جيبي 19،،،
استمتعيـ بقرايتك و قولي لازمـ نخدم في كلـ مادة على حدة باه طلعيـ معدلـ مليحـ،،،
و نزيدلك نصيحة أختيـــ،،،
مع تدني مستوى الدراسة في الجزائر اللي يهمـ مش تدي 20 و 19 المهمـ تكوني انسانة مثقفة خارج الدراسة و تكالعي و تهتمي و لا تكتفي بما يعطيه لك المعلمـ،،،
تحيــــــــــــاتيــ ـ​

عندك الحق اخي في كل كلمة قلتها يعطيييك الصحة وشكرا لك على النصيحة
انا تاني قلتلها تريح وتستمتع في الصيف احسن

 

[يسرى 2008]

و نورمالمون انتي اكبر مني راكي تتقبلي ردي مهما كان مي معليش راني مالفة مي حسني الفاظك وانسي لي جرا باي باي ومرسي عكل شيئ

ههههههههههه لا صح عندك حق اختي انا الكبيرة باين
شوفي اني مشني رايحة نحكي معاك مش على جالك على جال المنتدى اني محترمتو
وزيد اني معملتلك والو
انت الي شاعلة والفاظك مش نورمال
ربي يهديك اختي ولو سمحتي متفسديليش مواضيعي مرة الجاية اني جاية نوخد نصيحة من الناس مش جاية نتعارك معاك
وزيد انا قلت الي عندهم خبرة في البيام انت صغيرة نورمالمو مدخلتيش وشكرا ليك مرة تانية وياريت المشرف يحدف الكلام الي ما عندو حتى معنى هدا
وسامحونا يا جماعة كان قلقناكم

 

[maroia]

اختاه انا عندي خبرة انا هاذ العام ربحت لبيام حنونتي نقلك مواد العلمية لا زم تبدي تقراي من ذرك لازم تحلي الكثير من المواضع لا خاطر برنامج 3 متوسط نفسو تع بيام وعندي هذا اليست نضن يعاونك شوية في ملاخصات و مواضيع ولايات الجزائر www.p48.eu وباتوفيق انشاء تتحقق امنيتك شكرا مروى
انشاء الله تفرحينا

 

[يسرى 2008]

اختي للاسف الرابط مخدمش معايا
بصح جاكم ساهل العام تاع البيام ولالا سورتو المواد العلمية
والحفيظة وش صعبوهالكم ولالا
والعربية اي تشطحني وحدها المهم مشكورة على كل شي

 

[°/°مبدعة اللمة°/°]

ههههههههههه لا صح عندك حق اختي انا الكبيرة باين
شوفي اني مشني رايحة نحكي معاك مش على جالك على جال المنتدى اني محترمتو
وزيد اني معملتلك والو
انت الي شاعلة والفاظك مش نورمال
ربي يهديك اختي ولو سمحتي متفسديليش مواضيعي مرة الجاية اني جاية نوخد نصيحة من الناس مش جاية نتعارك معاك
وزيد انا قلت الي عندهم خبرة في البيام انت صغيرة نورمالمو مدخلتيش وشكرا ليك مرة تانية وياريت المشرف يحدف الكلام الي ما عندو حتى معنى هدا
وسامحونا يا جماعة كان قلقناكم

pاردون عزيزتي راني عصبية ومروى تعرفني اسمحيلي و هداك الكلام انا رح نحدفو اسمحيلي مرة اخرى انا الصغيرة و لازم نستعرف بالخطا تاعي مي ليسونسيال نتفاهمو و نولو اصدقاء و تفيديني على 3 متوسط و تقبلي كل المحبة و الاعتذار يا اختي الكبيرة :tears: