• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

رسائل...و... المنشورات في كل بلاصة........

البسكرية1990

البسكرية1990

:: عضو فعّال ::
أحباب اللمة
سلاااام...صباح/مساء الخير....
ايييه عندي زمان من لي ما دخلتش لهذا القسم من نهار الي.......حتى لليوم المهم ..خطاكم...هاذي حكاية قديمة...
ندخلو في الموضوع بلاك ...
هو مهم وانشاله تكون الردود بزاف كيما المواضيع المهمة الي راهي في هذا القسم :music_whistling:
الموضوع واضح من الباب قصدي من العنوان نهدر على المنشورات الي نلقاوها في كل مكان في الانترنت تفتح الايميل او الفايس بوك او اي منتدى تلقاها تلقى وحد السيد باعثلك حكاية تاع واحد شاف الرسول ولا ماعنباليش وش صرا لهذاك السيد ويقلك لازم تنشر هاذي الرسالة 100:mellow: مرة ولك اجر الجنة او تربح كذا او ....الخ:heh: واذا ما بعثتها 100 مرة رح يكون مصيرك ...العكس تصرالك مصيبة في حياتك !!!!
تصورو هاذو العباد كيفاه يفكرو؟؟؟
وتلقى الناس تصدق فيهم ...
انا حابة نفهم وشي هو مصدر هاذو المنشورات ..ويبعثو يتعبو في رواحهم ....حبيت نسقسيكم صراتلم لعفايس هاذي ...يعني جاتكم رسائل كيما هاذي... و وزعتوهم أو لا:tears:
:wink: قولو برك نورمال تبقى بيناتنا :closedeyes:​
 
هلوووووو ختيتي بسكوريتا ////
كاينة منها وديما في الايمايل تلحقنا وفي الحقيقة انا نخاف سعات
نبدأ انا تاني ننشر فيها هم يقولو يصرا فيك كذا ولا في والديك///
راهي حاجة تخوف .​
 
آخر تعديل:
كاينة منها كامل صراتنا في الاول كنا نبعثوا لكن لازم تعرفي انو مكانش منهم ما تخمي ما تكسري راسك
ديري روحك كلي ما قريتيهاش هذوا كامل من فعايل اليهود
وربي هو الستار ربي يهدينا​
 
توقيع @R@ZIK
ايه صح هاذ المنوشورات كاينة بزاااف انا عمري منشرتها خرين يقولو حرام وخرين ماشي مليح وخرين الحباس ينشروها محسوب راح يحبس عمرك غير على هاذيك الورقة كي تنشريها
 
كاينين المنشورات هادو
بيناتنا جامي نشرت واحدة فيهم
مانصدقهمش الحق
شكرا على الموضوع المميز​
 
الله يهدينا
​
 
ايه يلحقوني بزاف
جامي بعثتهم هههه
خرافات برك مانامنهمش
شكرا
​
 
صراتلي ياسر هادي في البورطابل مي مبعتش ماحبيتش نخسر ليزينيتي ههههههه
في ليمايل نشوفها ونحيها
لعام لي فات كانو يبعتوهم ورق و يقولك ديري فوتوكوبي 10 كنت ندير ونمد هههههههه
شكرا على الموضوع
 
ربي يهدي يا اختي وما يصيبنا الا ما كتب الله لنا
ومكانش منها هادي ابعت تدي
ربي يجازينا على اعمالنا في الصلاة والطاعة مش في النيت والبعة
وربي يهدي شكرا ليك على الموضوع
 
نعم ختي البسكرية كينة منها هدي المنشورات نلقاوها سيرفايس بوك ولا بعض المنتديات
مي في بالي كلها قصص مفبركة وقصص قديمة المرجو من ورائها مصالح غير معروفة
والأحرى بالإنسان المسلم أنو يلحق ويحكي ويخبر بالإسلام تعو قبل كل شي من هد المنشورات
وزيد لزم بني آدم ينهى عن المنكر ويأمر بالمعروف والخير
أحسن من أن يتبع هد القصاصات الكذبات التي أغلبها مجهولة المصدر ​
 
قال البسكرية1990:
سلاااام...صباح/مساء الخير....

وعليكمـ السلامـ

ايييه عندي زمان من لي ما دخلتش لهذا القسم من نهار الي.......حتى لليوم المهم ..خطاكم...هاذي حكاية قديمة...

امالا نقولولك اهلا وسهلا بيــك من جديد

ندخلو في الموضوع بلاك ...
:music_whistling:

هو مهم وانشاله تكون الردود بزاف كيما المواضيع المهمة الي راهي في هذا القسم :music_whistling:

ههههه مشكيتش

الموضوع واضح من الباب قصدي من العنوان نهدر على المنشورات الي نلقاوها في كل مكان في الانترنت تفتح الايميل او الفايس بوك او اي منتدى تلقاها تلقى وحد السيد باعثلك حكاية تاع واحد شاف الرسول ولا ماعنباليش وش صرا لهذاك السيد ويقلك لازم تنشر هاذي الرسالة 100:mellow: مرة ولك اجر الجنة او تربح كذا او ....الخ:heh: واذا ما بعثتها 100 مرة رح يكون مصيرك ...العكس تصرالك مصيبة في حياتك !!!!

يحب يطمعك زعما
وفي نفس الوقت يخوفك من واش رايح يصرا

تصورو هاذو العباد كيفاه يفكرو؟؟؟

وعلاش هاذو يفكرو أصلا ؟

وتلقى الناس تصدق فيهم ...

يهفو فيهم والناس تأمن

انا حابة نفهم وشي هو مصدر هاذو المنشورات

والله علمي علمك

..ويبعثو يتعبو في رواحهم ....حبيت نسقسيكم صراتلم لعفايس هاذي

b1 sur حتى في البورطابل ويبعثولك
​

...يعني جاتكم رسائل كيما هاذي... و وزعتوهم أو لا:tears:

انا كللي مقريتهمش

:wink: قولو برك نورمال تبقى بيناتنا :closedeyes:​
إضغط للتوسيع...

والله يا اختي مكانش اللي مجاهش ميساج بهاذ المحتوى
ناس تهف في الغاشي
والمشكل كاين اللي يصدق
ويبعثهم
ربي يهدينا
وميرسي ليك كي العادة فور بمواضيعك
​
 
وي يوصلوني بزاف هاد لمنشورات ونخاف منهم بزاف
مي جامي نشرتهم
نظن بلي غير هف وخلاص
ماشي منشورة غادي دخلك للجنة ولا نار
 

يحاربو فينا بالدين تاعنا
هذا اكبر دليل على انو المسلمين اليوم لا علاقة لهم بالاسلام

مشكورة على الموضوع


​
 
السلام عليكم ختي البسكرية
ايه صح يبعثوهم بزاف سيرتو ايمايل
انا من الول خلعوني مي منبعد ماوليتش نبعث كلي ماقريتهاش
ههه والشابة يقلك لعشرين لمية نا وماعنديش 20 في القائمة نتاعي
ربي يهدينا ويهديهم
شكرا .....
​
 
ـبسم الله الر ـحم ــن الرحيمــ
وَ اَللهِ لَوْ قَطَعُوْ يَمِينِيْ لَنْ اَتَخَلَىْ اَبَدًا عَنْ دِينِي
السلام عليكم ورحمة الله وبركاته

...ـوشبت النار في خيمتنا :]

اللهم اني اسألك المغفرة

اختي ربي يهدي ما خلق

.. اللهم يا ع ـالي انـ صر منتخ ـبنا الغاليـ ..
الَلهُمَ صَلِيْ عَلَىْ سَيِدِنَا مُحَمِدْ وَ عَلَىْ آلِهِ وَسَلَمْ
.. ـالْفـَ اهِمْ يَفـْ ـهَـ مْ ..
سَامِـ حُونِي عَلَى الِإزْعَ ـاجْ
.. لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ ..
اللـهم أَعِ ـنِ عَلـ َى ذِكْرِكَ وَ شُـ كْرِـكَ
.. إِقْرَا جَيـِ ـ دًا مَا بَيـْ نَ السُـ ـطُورْ ..
لَا تَكُنْ كَمَا كَانَ بَعْضُهُمْ بَلْ كُنْ تَخَافُ إلَا الله
.. ــSilent Hunterــ ..
​
 
السلام عليكم
اهلا اختي
كيف حالك؟
ايه عندك الحق
ويقولك انشرها يدخل عليك الخير
ههه
مي كلها كذب وجهل
الله يهدي
ويعافي
شكرا
بارك الله فيك

​
 
هذه الرسائل و المنشورات تكثير في الجيميل gmail و خاصة في السكايب

شكرا لكم على الطرح المميز ...
​
 
توقيع EL General
كلها خرطي في خرطي
ماتامنوش
 
راهم لحقو عندي الف ميساج من هدي منشورات مي جامي بعت وحدة منهم وجامي فتحتهم ولا قريتهم مانامنش​
 
انا لحد الان يوصلني اميلات فيهم هذا لخرطي
مانضيعش وقتي حتى في قرايتهم وجامي بعتهم
اي بكري كانو يبعتو وراقي للدار هههههههههههههههه
وكامل تاب خلي وسكت
ودرك تطورت الدعوة في net
ربي يهدي من خلق
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom