كيف أختارها

[barca_barcha]

السلام عليكم ورحمة الله

انا شاب مثل كل الشباب الجزائري المقبل على الزواج متخرج من الجامعة وأعمل موظف لدى الدولة والحمد لله مقبل على الزواج أو بالأحرى على الخطوبة وأنا في حيرة من أمري
فأنا أريد الزواج من فتاة متعلمة (جامعية) لأنني للأسف لا أستطيع التفاهم مع غير متعلمة وتجربتي في الحياة أظهرت لي دلك .
لكن المشكلة أن كل البنات اللائي قصدتهن والجامعيات طبعا يشترطن العمل ان أتيحت لهن الفرصة لدك. وأنا للأسف لا اريدها عاملة ليس ضدا المرأة العاملة لكن لضروف .
أما السؤال الموجه اليكم واليكن لمادا تريد المرأة العمل ان كان زوجها عامل وانسان محترم وراتبه يكفيه .أريد ان اعرف السبب حتى اجد الحل شكرا لكل من تفاعل معنا

شكرا

​

​

 

[lyrics]

السلام عليكم أخي الكريم

حبيت نقولك ان هاد العقلية اصبحت منتشرة كثيرا في بلادنا والسبب حسب رايي الشخصي يعود ل:
1/المرأة أصبحت تبحث في وقتنا الحالي عن الاستقلال وهذا ما يؤمنه لها العمل =الاستقلال المادي لان في الاصل الراجل هو اللي يحكم وهو اللي شاد الدراهم ويصرف لكن اذا كانت المرا تعمل راح تنقص من السلطة تاعو عليها لان دراهمها في جيبها ما تستناش واحد يصرف عليها وانما تتصرف من تلقاء نفسها وعلى هواها

2/اسمحلي وبكل صراحة الشباب في وقتنا الحالي اصبح لا يعول عليه كثيرا يعني تقولك نتكل على روحي خير وكاين واحد المثل كان يقول( ظل راجل ولا ظل حيط) لكن الآن اصبح يقول (ظل وظيفة ولا ظل راجل)

3/كاين بنات تقولك واش قريت وجبت الباك بالمعدل الفلاني وتعبت في الجامعة 3/4/5/7.....سنين من بعد نقعد في الدار؟ ....امبوسيبل

4/أنا مع ها الرأي 100"% الزمان غدار والدنيا دوارة ...غدوة غير غدوة هاد المخلوقة تطلقها (الى قدر الله) وترجعها لدارهم بدزينة ولاد ..هي كيفاش تدير من بعد؟ تستنى النفقة لي تبعتهالها ولا تستنى دارهم يصرفوا عليها وعلى ولادها..وهادي الا قبلوها وقبلوهم معاها (راك عايش في الدزاير وتعرف العقلية) ....
ولا ياسيدي ما تطلقهاش لكن الموت حق ....كان يموت راجلها وتترمل منين تصرف على أولادها؟

....وفي الأخير هادي تبقى مجرد وجهة نظر وعذار على الاطالة

سلام

 

[sh4dow1990]

انا شخصيا نحب العمل لاني منحبش نطلب من غيري يعطيني -- راي شخصي--

ومن وجهة نظري العمل مليح للمراة وللرجل لانو خلصة وحدة مهيش تكفي و العيشة غلات --هذا والله اعلم--

 

[zineb92]

تضيق ارواحهم في الدار حابين كل يوم يخرجوووو هههههههههه ..علىخاطر واالفو هاكا ..​

 

[عاشق بنات حواء]

فاضفر بذات الدين هدا واش لازم يكون فيها
​

 

[odyssée]

موضوع في محلو اخي الكريم انا رايحة نجاوبك على حساب رائي ا
البنت الي تحب تخدم بعد الزواج تظن بلي هدا الراجل ماهوش رايح يمدلها الدراهم ويلبيلها طلباتها وهذا راهو واقع وشايفينو وعايشينو ايمالا هي تقولك انا نخدم على روحي وشهريتي في جيببي ومنسحقوش يصرف عليا
بصح انا نقول لهذه
البنت لاه تزوجتي بهذا الراجل مدام مرهوش رايح يصرف عليك ويلبيلك طلباتك خاصة اذا كان الراجل حالتو المادية مليحة البقاء في البيت معززة مكرمة وطلباتك توصلك افضل من الوظيفة والتعب والشقا صح قريتي وتخرجتي من الجامعة هذا في حد ذاتو مكسب وشئ ايجابي وماهوش في الندامة

وربما يجي الوقت الي تسحقي هذه الشهادة وتعملي بيها
وانت في حالتك يااخي الكريم مثل ما تفضلت حالتك المادية مليحة وقادر تصرف على زوجتك فمن الافضل هذه الزوجة تقعد في البيت احسنلها شكرا اخي الكريم على الموضوع وعدرا على الاطالة

 

[odyssée]

انا شخصيا نحب العمل لاني منحبش نطلب من غيري يعطيني -- راي شخصي--

ومن وجهة نظري العمل مليح للمراة وللرجل لانو خلصة وحدة مهيش تكفي و العيشة غلات --هذا والله اعلم--

عدرا اختي الكريمة على التدخل بصح راكي تقولي مانحبش نطلب مصروف من غيري بص هدا الشخص ماهوش من والا راهو زوجك ومن حقو يصرف عليك ويتحمل مسؤوليتو ايمالا له تزوجك:heh:

 

[lyrics]

موضوع في محلو اخي الكريم انا رايحة نجاوبك على حساب رائي ا

بصح انا نقول لهذه
البنت لاه تزوجتي بهذا الراجل مدام مرهوش رايح يصرف عليك ويلبيلك طلباتك خاصة اذا كان الراجل حالتو المادية مليحة البقاء في البيت معززة مكرمة وطلباتك توصلك افضل من الوظيفة والتعب والشقا صح قريتي وتخرجتي من الجامعة هذا في حد ذاتو مكسب وشئ ايجابي وماهوش في الندامة

وربما يجي الوقت الي تسحقي هذه الشهادة وتعملي بيه

أختي الكريمة راني رايحة نجاوبك علاه هاد الطفلة تزوجت بشخص مثل هذا لانها وبكل بساطة تخاف مثلها مثل كل النساء من شبح العنوسة لي رجع منتشر كثير(وكلنا نعرفوا الاسباب)
على هادي تقولك معليش نتزوج براجل ما يصرفش المهم ما نبورش في دارنا مالقري عايشة عيشة الملوك
هذا حسب رايي الشخصي والله اعلم

 

[غزالة سور الغزلان]

أنا نفضل العمل على الزوج تعرف علاش الوقت إلي رانا فيه صعيب خوك مديرش فيه لمان
يا سيدي انا راني خدامة وبشهرية لباس بها ونروح نبطل لخاطر تزوجت براجل خدام ولباس عليه هو عندو مستقبل بصح انا مستقبل نتاعي ضايع تعرف علاه
إحتمال إني منتفاهمش مع هاذ السيد وخدعني ولا جات سبة طلقني مشي قعدت ضحكة ونندم طول حياتي لالا الخدمة اولا ومباعد الزواج.
وهذي راهي صرات لجارتنا كانت خدامة لباس عليها تزوجت عامين وإطلقت وقعدت تبكي في الدار ماهي لا بخدمة لا براجل
​

 

[حنين العمر]

صحيح ان المراة تسعى من وراء العمل الى اثبات وجودها و الاعتماد على نفسها ........لكن بما انها تحمل شهادة تمكنها من العمل .....فانا براي ان المراة ادا كان زوجها قادر يلبي احتياجاتها فلا داعي للعمل و ادا كانت تفكر في الاستقلالية و في انها تعتمد على نفسها و حتى ما تطلب منو مصروفها الخاص فهدا الزواج لا داعي منه ...لان من واجبات الزوج الانفاق على اهل بيته و زيادة على هدا في وقتنا الحالي المراة تجد صعوبة باغلة في التوفيق بين عملها و بيتها و اولادها .............فانا شخصيا افضل انا تكون عندي شهادتي كسلاح اواجه به مصاعب الحياة في حال احتجتها و لا ارفض بالطبع الرجل المثقف المتدين شرط انا يكون هناك تفاهم و انسجام لان الزواج في الاخير ليس ميدان للمصارعة يسعى كل طرف فيه الى اثبات وجوده و استقلاليته بل هي علاقة مقدسة مبنية على الالفة و المحبة و الصدق .........و في مجتمعاتنا الحالية المراة لازم تكون بجانب اولادها و ترعى مصالحهم و احتياجاتهم............. هدا راي ممكن يكون صح ممكن خطا تقبل مروري.

 

[حنين العمر]

صحيح ان المراة تسعى من وراء العمل الى اثبات وجودها و الاعتماد على نفسها ........لكن بما انها تحمل شهادة تمكنها من العمل .....فانا براي ان المراة ادا كان زوجها قادر يلبي احتياجاتها فلا داعي للعمل و ادا كانت تفكر في الاستقلالية و في انها تعتمد على نفسها و حتى ما تطلب منو مصروفها الخاص فهدا الزواج لا داعي منه ...لان من واجبات الزوج الانفاق على اهل بيته و زيادة على هدا في وقتنا الحالي المراة تجد صعوبة باغلة في التوفيق بين عملها و بيتها و اولادها .............فانا شخصيا افضل انا تكون عندي شهادتي كسلاح اواجه به مصاعب الحياة في حال احتجتها و لا ارفض بالطبع الرجل المثقف المتدين شرط انا يكون هناك تفاهم و انسجام لان الزواج في الاخير ليس ميدان للمصارعة يسعى كل طرف فيه الى اثبات وجوده و استقلاليته بل هي علاقة مقدسة مبنية على الالفة و المحبة و الصدق .........و في مجتمعاتنا الحالية المراة لازم تكون بجانب اولادها و ترعى مصالحهم و احتياجاتهم............. هدا راي ممكن يكون صح ممكن خطا تقبل مروري.

 

[غزالة سور الغزلان]

صحيح ان المراة تسعى من وراء العمل الى اثبات وجودها و الاعتماد على نفسها ........لكن بما انها تحمل شهادة تمكنها من العمل .....فانا براي ان المراة ادا كان زوجها قادر يلبي احتياجاتها فلا داعي للعمل و ادا كانت تفكر في الاستقلالية و في انها تعتمد على نفسها و حتى ما تطلب منو مصروفها الخاص فهدا الزواج لا داعي منه ...لان من واجبات الزوج الانفاق على اهل بيته و زيادة على هدا في وقتنا الحالي المراة تجد صعوبة باغلة في التوفيق بين عملها و بيتها و اولادها .............فانا شخصيا افضل انا تكون عندي شهادتي كسلاح اواجه به مصاعب الحياة في حال احتجتها و لا ارفض بالطبع الرجل المثقف المتدين شرط انا يكون هناك تفاهم و انسجام لان الزواج في الاخير ليس ميدان للمصارعة يسعى كل طرف فيه الى اثبات وجوده و استقلاليته بل هي علاقة مقدسة مبنية على الالفة و المحبة و الصدق .........و في مجتمعاتنا الحالية المراة لازم تكون بجانب اولادها و ترعى مصالحهم و احتياجاتهم............. هدا راي ممكن يكون صح ممكن خطا تقبل مروري.

وشبيك حنونة راكي في عقلك ولا وشمن عهد راكي فيه راهي نص الدزاير رجال ونساء بشهادات الرجال راهم شادين الحيوط ونسا راكي تعرفي بلا ما نقولك لي لقات خدمة في هاذ الوقت متضيعهاش لخاطر متلقهاش إلا إذا عادو عندها لكتاف ورانا نشوفو بزاف نيفو سيزيام وخدامين خدمة نتاع نيفو طالع وإلي عندو شهادة راه مخبيها تسدي عليها الرتيلة
حنونة متعتمديش كامل على الشهادة نتاعك بكري كانت سلاح بصح ضرك راهي عادي دنيا كامل راهي بشهادات ولخر فينا عندو شهادة .
​

 

[lolitta]

tatawor mahouch ano la femme tdhal bara désolée


vive la femme au foyer

 

[فاطمة الزهراء86]

والله ماني عارفة علاش لبنات راهم يشترطو الخدمة انا جامعية وعاملة ولكن ان رزقت بزوج صالح قادر على المسؤولية والله لن ولن أفكر في العمل مطلقا

 

[barca_barcha]

السلام عليكم أخي الكريم

حبيت نقولك ان هاد العقلية اصبحت منتشرة كثيرا في بلادنا والسبب حسب رايي الشخصي يعود ل:
1/المرأة أصبحت تبحث في وقتنا الحالي عن الاستقلال وهذا ما يؤمنه لها العمل =الاستقلال المادي لان في الاصل الراجل هو اللي يحكم وهو اللي شاد الدراهم ويصرف لكن اذا كانت المرا تعمل راح تنقص من السلطة تاعو عليها لان دراهمها في جيبها ما تستناش واحد يصرف عليها وانما تتصرف من تلقاء نفسها وعلى هواها
شكرا لك رأي صائب لكن لا تنسي أن الرجل بالسلطة والمال ان فقد احداهما فقد فقد الكثير.
2/اسمحلي وبكل صراحة الشباب في وقتنا الحالي اصبح لا يعول عليه كثيرا يعني تقولك نتكل على روحي خير وكاين واحد المثل كان يقول( ظل راجل ولا ظل حيط) لكن الآن اصبح يقول (ظل وظيفة ولا ظل راجل)
وما أهمية المال ان عاشت حياتها ولم تتضوق معنى ان تكون زوجة وأن تكون أم .
3/كاين بنات تقولك واش قريت وجبت الباك بالمعدل الفلاني وتعبت في الجامعة 3/4/5/7.....سنين من بعد نقعد في الدار؟ ....امبوسيبل
تقعد في الدار معززة مكرمة تربي أولادها وتعلمهم مما تعلمت أضن أفضل لها لأن المتعلمة تعرف كيف تتعامل مع مختلف مصاعب الحياة.
4/أنا مع ها الرأي 100"% الزمان غدار والدنيا دوارة ...غدوة غير غدوة هاد المخلوقة تطلقها (الى قدر الله) وترجعها لدارهم بدزينة ولاد ..هي كيفاش تدير من بعد؟ تستنى النفقة لي تبعتهالها ولا تستنى دارهم يصرفوا عليها وعلى ولادها..وهادي الا قبلوها وقبلوهم معاها (راك عايش في الدزاير وتعرف العقلية) ....
ولا ياسيدي ما تطلقهاش لكن الموت حق ....كان يموت راجلها وتترمل منين تصرف على أولادها؟
الطلاق طلاق للعاملة أو غير العاملة أما الارملة فتتقاضى أجرة زوجها
....وفي الأخير هادي تبقى مجرد وجهة نظر وعذار على الاطالة
رأي محترم ..شكرا لك .
سلام

رأي محترم ..شكرا لك . + توقيعك واعر

 

[barca_barcha]

انا شخصيا نحب العمل لاني منحبش نطلب من غيري يعطيني -- راي شخصي--
زوجك نصفك الآخر وليس غيرك
ومن وجهة نظري العمل مليح للمراة وللرجل لانو خلصة وحدة مهيش تكفي و العيشة غلات --هذا والله اعلم--

حقيقة لكن الاولاد شكون بيهم في هده الدنيا اللي صعابت.

 

[barca_barcha]

تضيق ارواحهم في الدار حابين كل يوم يخرجوووو هههههههههه ..علىخاطر واالفو هاكا ..​

يلا كان كيما هاك ماعليش كل نهاية أسبوع نديها نحوس بيها (بصح بالعسّة)

 

[رموش الحب]

انا شخصيا نحب نكمل قرايتي في الجامعة طب 5 سنوات و تخصص 7 سنوات و مبعدها ادا لقيت ولد الحلال و طلب مني منخدمش و كانن متكفل بمصاريفي و مصاريف البيت منخدمش

يعني نلقا الراحة و نقول لالا

و ادا مقدرش يتكفل بالمصاريف نعاونو

المهم يكون ولد خلال و الباقي امور تافهة ​

 

[barca_barcha]

فاضفر بذات الدين هدا واش لازم يكون فيها
​

شكرا لك بارك الله فيك + توقيعك يخوف :tears:

 

[barca_barcha]

موضوع في محلو اخي الكريم انا رايحة نجاوبك على حساب رائي ا
البنت الي تحب تخدم بعد الزواج تظن بلي هدا الراجل ماهوش رايح يمدلها الدراهم ويلبيلها طلباتها وهذا راهو واقع وشايفينو وعايشينو ايمالا هي تقولك انا نخدم على روحي وشهريتي في جيببي ومنسحقوش يصرف عليا
بصح انا نقول لهذه
البنت لاه تزوجتي بهذا الراجل مدام مرهوش رايح يصرف عليك ويلبيلك طلباتك خاصة اذا كان الراجل حالتو المادية مليحة البقاء في البيت معززة مكرمة وطلباتك توصلك افضل من الوظيفة والتعب والشقا صح قريتي وتخرجتي من الجامعة هذا في حد ذاتو مكسب وشئ ايجابي وماهوش في الندامة

وربما يجي الوقت الي تسحقي هذه الشهادة وتعملي بيها
وانت في حالتك يااخي الكريم مثل ما تفضلت حالتك المادية مليحة وقادر تصرف على زوجتك فمن الافضل هذه الزوجة تقعد في البيت احسنلها شكرا اخي الكريم على الموضوع وعدرا على الاطالة

شكرا لك طرحتي المشكلة وزدتي لها الحل ما عندي ما نزيد ..بارك الله فيك.