علاه الي قلبو حنين يعيش حزين في بلادنا للنقاش

يسرى 2008

:: عضو بارز ::
أحباب اللمة
إنضم
24 جانفي 2008
المشاركات
3,919
نقاط التفاعل
10
النقاط
157
السلام عليكم ورحمة الله تعالى وبركاته
بداية نحب نقول اني قاعدة نعمل في مواضيع ياسر مي مشني قاعدة نشوف غير 1 ولا 2 الي تخرج
حبيت نفهم برك هل ممنوع نكتبو 3 مواضيع في النهار كان هكاكا تسوبريموهم ولا انا غالطة
المهم بديتها طول نحاسب على الصباح هههه
وشراكم يا اعضاء اللمة سافا من خلال خبرتي القليلة في الدنيا عرفت انو القلبو حنين وطيب وخاطيه المشاكل ويحب يعاون الناس وينحي الحاجة من فمو ويمدها للناس وميحبش الظلم يعيش حزين ودائما هو ينصح ويمد والناس متمدلوش وكي يحب ربي تتمسخر بيه ولا حاطتو متكبر ويعمل فيها هكاك باش يلفت الانظام دائما نصادف ناس عاقلة متربية معندهمش النفاق سورتو البنات لا يعرفو يتزوجو ولا حتى يعملو دي كوبل
ممكن انا غالطة وانتم وش وجهة نظركم
انا نظن انو العاقل درك ميعيشش في المجتمع لازم شوي قفازة وانتم
 
المواضيع التي لم تضهر اختي اما لم تعتمد بعد
او تحذف مباشرة لانها مكررة​
 
هادي كاين منها بصح ما نحسبوش للدنيا نحسبو بلي عند الله راهو فالح و هداك هو الصح
 

و الله غير عندك كلــ الحقــ فاللي قلتيه

اللي قلبوا مليح و يحب الناس جامي ينجح و تلقاي حتى واحد مايوقف معاه في وقت الشدة

و اللي حيلي و ينافق تلقاي كامل الناس يخافوا منه و يديروله الف حساب

الله غالب معظم الناس ولات عقليتهم هكذا

و الناس ملاح و الله ماتطيرله معاهم

الواحد لازمله يقفز على خاطر كيما يقولولك " اقفز تعيش "

مرسي بوكو اختي يسرى موضوع فور


دمتيـــــــــــ


 
شفتي اختي وين ولينا عايشين اونديري با في دنيا
ميرسي عليك وعلى ردك منورة
 
المهم انت تكون مقتنع يشخصيتك مثلا تكون هادئ ماشي ضعيف وعاقل ماشي جايح وكريم ماشي بوخالفي يعني انك عمبالك واش راك ادير بإختصار تجيب حقك هدي هيا
 
مول النيه لا ما ربح يسلك على خير
 
والله عندك الحق خويا ديدين مشكور على ردك
 
كاين فرق بين العاقل والقافز والقبيح
الانسان سواء كان عاقل ولا قبيح و ماهوش قافز راه كلاه بوبي
 
يا اختي يسرى انا تاني نعاني من هذا الشي واش رايك نديروا الراس عند الراس نبكوا شويا بلاكش نرتاحوا
و الله انا الشي لي مصبرني ان نلقاها عند ربي غدوة هذا ما كان و المشكل دايما تجيك من عند ناس قراب لك تاع كل ما تشوفيهم تتفكري واش دارتلك نيتك بصح ما تقدريش تخلفيها الله غالب
 
يعرف الواحد كيفاش يمشي برك
 
مول النية هو اللي يربح توجوووووووووووور اللي قلبو حنين وابيض توجور يعيش حزين هادي عندك فيها الحق اخي ايييييييييه واش تحب الدنيا مع الواقف
 
عندك الحق ختي
العاقل مايعيشش في المجتمع هادا
بصح ماعليهش كاين ربي
 
اييييييييييييييه
يا يسرى المحتمع تاعنى لازم العبد فيه يكون ذيب
 
نشكركم على الرد دارين اني ديبة درك نجي نقتلك ههه وجدي روحك
 
ضرك يلزملك تكوني حيلية
و قلبك تديريلو لانيستيزي
باش تقدري تعيشي
سلام ليك يسرى
 
لازمك اذا عملتي الخير ما تستانيش من الناس احتسبي عند ربي .
 
والله يا اختي طليتيلي على قلبي
صح كاين بزاف لي قلبهم حنين ميعيشوش في الدنيا بصح انا نقول راهم يلقاوها ان شاء الله في الاخرة احنا نخدموا للاخرة مش للدنيا
 
والله صح بصح ديما ديما يوجعني قلبي
ربي يهدي
مشكورين على الرد
 
صح راكي اللي تقوليه صح ، وزيد فوق من هذا يقولو عليه مولى نية وبراكة اي درويش
والدنيا هاذي عايشين فيها مليح غير الطغاة، كون جا ماشي حرام راهي الناس سجدتلهم

مرسي اختي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top