شحال يسقام العرس في ولايتكم

قال anissa 13:
حنا في تلمسان يمكن يوصل العرس ل 100 مليون او اكثر

لكن كل حسب مجهوداته وطاقته المالية
وايضا كل عروس وكم تطلب
حنا البنات تاوعنا مايرضاوش بشومبرة تاع 7 او 6 ملاين
يحبو تاع 12 او 13 مليون فاكثر
والدهب قول مع 40 مليون تاع دهب
مع الصني تكون توصل ل 20 مليون
والمهر حسب ماتطلب العروس
لكن الاكثرية يطلبو 8 او 9 ملايين
ومانحكيوش على مصاريف العرس تاع الماكلة والصالة ....الخ

ربي يكون فالعون​
إضغط للتوسيع...

هده من الكماليات يا اختي
والله بزاااااااف
ربي يكون في عون الرجال عندكم​
 
قال amel algerie:
كل هدا باش نوصلو في الاخير الي شرط وهو
و قبل العرس بيومين يجيب لها فاليزا نسميوها " الجهاز"فيها​

لباس العرس ​

طقم ذهب​

احذية.و بعض الملابس الاخرى​


يعني تروحي وترجعي الشرط فيها فيها هههه ​
إضغط للتوسيع...
عندك الحق بالاك الجهاز يسقام ماكسيموم 20 مليون

بصح 45 مليون تاع المهر لي خلعتني
​
 
قال chahinaz 16:
كي يجيو يخطبو في البنت

يحطو على طابلة دراهم بصح البنات
هادو تاع الشوفة ادا عجبتهم الطفلة يمدلها الدراهم فوق الطابلة كيما قلتي
بووووووووووووه تعزيزت
مابين 20الف سنتيم الى 300 الف سنتيم هادو واش يديرو

هادك بكري تاع لجهاز دوكا 20 15 مليون في بلاصة ما يجيبو هوما لجهاز يمدلها الدارهم هي تشري تعمر فاليزا ومبعد تمدهلهم ويسمى لجهاز باش يجيبه نهار الحنة وهديك تاع كل زيارة يجيبو حاجة هاديك لازم ويقولولها لمهيبة كل عيد ومولود وووووووو وهاديك ماشي داخلة في لجهاز و زيد طقم الدهب هي تخيرها ولا يشاورها sur هاد بلا ما يطلب بابات لعروسة لانو عيب عندنا ماراهوش يبيع في بنتو لعريس وحدو يفهم روحو اهاكداك لقبايل لانو انا ماما من بجاية و papa من تيزي يعني نعرف مليح لعوايد
إضغط للتوسيع...
وانا ثاني من بجاية

و ضرك ادا حسبتي شحال يسقام الزواج عندنا

تلقاي 20 مليون الى 25 مليون من يوم الخطبة الى يوم الزواج

قلتها ديجا انا لي خلعني هو المهر تاع 100 مليون و 50 مليون

هادي مصيبة هادي


​
 
يعني اختي في الاخير استنتجنا انو كل الولايات راهم يشرطو
وكل واحد بشرطه المعين
ربي يكون في عون الجميع
ويسهل ويرزق الجميع بالازواج الصالحة ​
 
شخص من عائلتي خطب فتاة من ولاية بويرة
غير راحو يخطبو عطاو فيها 2500 دج يعني مائتين وخمسين
وقالهم باباها شرطي
العشاء تاع العرس كامل عليكم
انتم الي تسلكوه هو الان حاب يعرف شحال يعطيهم مع الغلاء هادا
نتمني صحاب القبايل يجاوبوني شحال يعطو في هاد الوقت
وزيد تاني المهر والدهب ؟؟؟​
 
ههههههههه انا نحوس غير نحدر للعرس ونزهى وخلاص منسقسيش شحال تكلف ههههههه
حنا عندنا في ولاية البيض كون غير تخطب وتجيب الخاتم وماتجبيبش الداهم راك تقعد تصرف على البنت في كل مناسبة كيما العيد ووووو ويلازم تروح القفة عامرة من كلش
ونهار لي يروحوا واش يحطو الدارهم كون تحب العريسة اهل العريس يجيبوا الدهب غادي دراهم لخرى لي يعطوهالها تنقص ممكن تروح من6ملايين الى 8 وكون تحب هي تشري دهب غادي يزيدو في المهر
وهدي بلا شحال يتقام العرس كامل والتكاليف لخرى كيما لكباش والمصروف لخرى
تسما كلش راح يروح لواحد 50مليون لفوق
شكرا لكي أختي على الموضوع الرائع

وراني نشوف كلما يزيد الزمان االمهر راه يزيد معاه
 
20مليون غير جهاز العروس
حاجة كبيرة بزااااااااف احان مزال ماوصلنا لهدي الدرجة
حنا كي نوصلوها انتوما تكون في 50 مليون شي حاجة
هههههههههه ربي يكون في العون
 
قال @نور البيضية@:
20مليون غير جهاز العروس
حاجة كبيرة بزااااااااف احان مزال ماوصلنا لهدي الدرجة
حنا كي نوصلوها انتوما تكون في 50 مليون شي حاجة
هههههههههه ربي يكون في العون
إضغط للتوسيع...


احنا تسقام المرأة عندنا 20 مليون وخلاص لحتي يتزوج مايعطيلها حتي شئ
لكن تبقي قيمة كبيرة يعجزو عليها كثير من الرجال ​
 
يا خاوتي خلعتوني مزية مانيش راجل
اللي رايح يتزوج بيها يديرها كاش مشروع يعيشو اومبعد يتزوج علاش كيخلف الزواج خلات الدنيا
++++
حنا في ولاية بسكرة
كيروح يخطب يدي الباتيسري برك مش مهم الحجم تاعها كبيرة ولا صغيرة
كتعود الطفللة صغيرة يعني 16.17.18 سنة يجيبو خاتم ذهب صغير يعني يملكو عليها باللي راها مخطوبة واحد ما يقدملها
اما كتعود 18 و لفوق ما يجيبوش الخاتم
و نهار يتشارطو فيه
يشرطو الاغلبية 10 ملاين مع خاتم ذهب
اما اذا شرطو 8 ملاين يجيبو خاتم و فاليزا تع جهاز يعني كسوة صغيرة للطفلة
و نهار الحنة يجيبو خاتم ذهب و سلسلة و مناقش و مقايش و يجيبو مصروف يوم التصديرة
الذهب يجيبوه قد مقدورهم يعني حاجة صغيرة من كلش
و قادر يحطهم في الطاغد
بعد ما يتزوجو يشريهملها في اي وقت و قادر ما يشريلهاش ولا قدر الله في حالة الطلاق يجيبهم ذراع عليه
تطلعلو حوالة 30 الى 35 مليون بصح يعاونوه عمامو و خوالو و باباه
 
قال mizora:
يا خاوتي خلعتوني مزية مانيش راجل
اللي رايح يتزوج بيها يديرها كاش مشروع يعيشو اومبعد يتزوج علاش كيخلف الزواج خلات الدنيا
++++
حنا في ولاية بسكرة
كيروح يخطب يدي الباتيسري برك مش مهم الحجم تاعها كبيرة ولا صغيرة
كتعود الطفللة صغيرة يعني 16.17.18 سنة يجيبو خاتم ذهب صغير يعني يملكو عليها باللي راها مخطوبة واحد ما يقدملها
اما كتعود 18 و لفوق ما يجيبوش الخاتم
و نهار يتشارطو فيه
يشرطو الاغلبية 10 ملاين مع خاتم ذهب
اما اذا شرطو 8 ملاين يجيبو خاتم و فاليزا تع جهاز يعني كسوة صغيرة للطفلة
و نهار الحنة يجيبو خاتم ذهب و سلسلة و مناقش و مقايش و يجيبو مصروف يوم التصديرة
الذهب يجيبوه قد مقدورهم يعني حاجة صغيرة من كلش
و قادر يحطهم في الطاغد
بعد ما يتزوجو يشريهملها في اي وقت و قادر ما يشريلهاش ولا قدر الله في حالة الطلاق يجيبهم ذراع عليه
تطلعلو حوالة 30 الى 35 مليون بصح يعاونوه عمامو و خوالو و باباه
إضغط للتوسيع...

كنت نظن انو ناس الصحراء مايشرطوش بزاااااااااااف
وفي الحقيقة يشرطو اكثر من الباقي هههههه​
 
احنا درنا ليفيونساي برك... خسرنا 20مليوون..ودارالعريس36 مليون
 
حنا فتبسة وبالاخص في عائلتنا (جابري) ميشرطوش المهر الي يعقد (كبير العائلة)يقول العروس ماشي بقرة بش تتباع بالصوارد المهم تتهنى
اما على الكسوة و الذهب فكل واحدة وش تقول و واش تشرط يعني كل واحد و بختو صاديبون المرى و على لعرس كل واحد يعمل العرس تاعو على جبينو يعني تقدرو تقولو فتبسة الرجالة مزهرين هههه
 
انتوما غير عولتو تزوجو وخصكم غير الدراهم 30 ولا40 ساهلة المشكل بعد الزواج والمسؤولية الي راها تسنى​
 
حنا عندنا في غليزان وخصوصا في المنطقة لي نسكن فيها جديوية المهر غالي بزاف راه من 10 ملايين وطلع .زيد الدهب و الجهاز ...الخ وين راهم رايحيــــــــــــــــــــــــــــــــــــــن؟؟؟
 
ايه واش نحكيلك
دراهم الدنيا ندفعها
على جال خطيبتي


​
 
سلام
هههه واش هذا بيع وشراء
والله خسارة عليهم غلاء الامهار
اوا في ورقلة عشرة ملايين متزيدش
الناس فاهمة وعارفة
عشرة ملايين للمهر وخاتم وبعض الامور الاخرى​
 
ايه واش نحكيلك
دراهم الدنيا ندفعها
على جال خطيبتي





​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.

المواضيع المشابهة

ح
شحال يسقام العرس في ولايتكم
2
المشاركات
20
المشاهدات
2K
سوار سوف
سوار سوف
العودة
Top Bottom