شحال يسقام العرس في ولايتكم

[amel algerie]

السلام عليكم
هدا اول موضوع لي بعد انقطاع طوييل جدا :tears:
نتمني تكوني جميعا بخير
يا خاوتي حبيت نحكي اليوم علي الاعراس في كل ولايات الجزائر
وبالضبط ثمن المهر او شرط المرأة علي الرجل
مثلا احنا في جيجل سنة عام ورا عام الثمن راه يزيد
البنات عندنا يشرطو علي مرحلتين الاولي نسموها التعينة
فيها des cosmètiques , une valise talleur la pochette et la chaussur
les fruits et une tarte
et bien sur une bague
والمرحلة الثانية وهي صعيبة ومكلفة حوالي 20مليون
فيها une parure en or une valise , les cosmètique les coupans (tissus) فواكه وسينية بقلاوة وزيد خاتم خاص بالخطوبة

يعني باحتصار شديد الرجل في جيجل لازمو يعطي علي الاقل 25 مليون للمرأة
بدون احتساب تكاليف عرسه و la chambre a coucher وزيد وزيد

بودي ان اعرف شروطكم انتم في ولايتكم اخواتي


تقبلو تحياتي
​

 

[**** بنت أبوها ***]

احنا خويا اخطب حط صداق 18 مليون
و 8 ملايين حوايج وحدخرين
و العرس مزال

 

[sam11]

احنا ياسيدي عندك من نهار تخطب وانت تصرف

نعطيك مثال اذا قعد عام خاطب قبل ما يتزوج نهار يخطب

يجيب الخاتم ولواز الخطبة يعني حوالي 5ملاين ويبقى يجبد في

كل مناسبة هدا عيد هادي عاشوراء المهم المناسبات الكل ولازم كل مرة حاجة دهب

وكي يجي العرس المهر من 5ملاين وانت طالع وكيماي قولو الحنة تاعها عندك من 20مليون وانت طالع

ومن غير الحوايج لخرين والدبايح وما تبعهم من كل شيء وزيد غرفة النوم وباقي حوايج الدار

وزيد من فوق شهر العسل يعني الواحد لازم حوالي 100 مليون ولا اكثر باه يتزوج

 

[ملاك النور]

حنا عنا حوالي 60مليون بارك

 

[ماكانش]

خلعتوني مانزوجش ههههههههه
حنا في باتنة العام لي فات ازوج خويا سقاملو ب35 مليون
رانا قاعدين بلا زواج ههههههه

 

[فراشة الايمان]

هههههههههههههههه
لو كنت أنا ما نزوجش
كيفاه هادا يسموه تبذير و هوش
الحوايج اللي ما عندهاش لازمة الكل مش لازمه
ارضاء الناس غاية لا تدرك .

 

[barca_barcha]

حنا عندنا
​

اولا: المهر ب 6 ملايين
ثانيا: الدهب حوالي 15 مليون كمتوسط واللي حب يزيد مايقولش لا :no_no:
رابعا: الجهاز حوالي 3 ملايين
خامسا: مصاريف الزوج
أ : لاشومبر 8 ملايين كمتوسط
ب : 5 ملايين مصاريف العشاء
اي بعملية حسابية بسيطة :6+15+3+8+5=37 مليون
الله يكون في عون الجميع
​

 

[NICHA03]

خلعتوني مانزوجش ههههههههه
حنا في باتنة العام لي فات ازوج خويا سقاملو ب35 مليون
رانا قاعدين بلا زواج ههههههه

هههههههههههههههه خواف غير متزوجش حنا هكاك كيفكم جوايه 35 مليون حتى 40 ربي يستر لي رايحين يزوجو منعو لي خلصو الزواج

 

[sisou023]

هههههههههه خلعتو الأعضاء بهذا الموضوع حنا في شلف المهر كل واحد و حالتو المادية مشي شرط ب 20 مليون يعني قولي 10 ملايين كمتوسط و زيد معاها حاجة يا ذهب ولا جهاز ولا كبش ههههههه

 

[ماكانش]

هههههههههههههههه خواف غير متزوجش حنا هكاك كيفكم جوايه 35 مليون حتى 40 ربي يستر لي رايحين يزوجو منعو لي خلصو الزواج

والله نزوجها وربي كبير ههههههههه
نبيع ال\هب تاع يما ونزوج هههههههه

 

[زنوبة dz]

انا والله ما علابالي عندنا في قسنطينة قداه يطلبوا
عندي بنت عمي زوجت العام لي فات طلبت 20 مليون في الشرط ومطلبتش الحوايج لوخرين على خاطر راحت تسكن في دبي وطلبت تاني 6ملاين حق لاصال دارت فيها الجرية هادا ما علابالي
بصح احنا en générale في قسنطينة من فوق الشرط لازم الدهب ولازم الصوف ولازم الفرقاني بيها بالدهب تاعها و الدهب تاني في الحنة ولاشومبر وحوايج بزاف يعني كون ميتعاونوش اهل العريس والعروسة ما يكملش العرس نضن لازم البنات ينقصوا شوي والله بزاف
​

 

[khalil hip hop]

عند احنا 10 ملايين وتقولك جيب معاك 3 خوارف و انواع القاطوات و الذهب كما راك تعرف

ومزال العرس يفرغلك جيبك
​

 

[ماكانش]

انا والله ما علابالي عندنا في قسنطينة قداه يطلبوا

عندي بنت عمي زوجت العام لي فات طلبت 20 مليون في الشرط ومطلبتش الحوايج لوخرين على خاطر راحت تسكن في دبي وطلبت تاني 6ملاين حق لاصال دارت فيها الجرية هادا ما علابالي
بصح احنا en générale في قسنطينة من فوق الشرط لازم الدهب ولازم الصوف ولازم الفرقاني بيها بالدهب تاعها و الدهب تاني في الحنة ولاشومبر وحوايج بزاف يعني كون ميتعاونوش اهل العريس والعروسة ما يكملش العرس نضن لازم البنات ينقصوا شوي والله بزاف​

صح لقسنطينية واعرين هههه
هكدا يستقام تقريب 60 مليون
بزااااااااااااااااااااف

 

[المتفائلة_91]

المرة الأولى يجيبلها مليون برك لأنها قبلاتو ، هذا نهار الشوفة
في الأعياد لازم يجيبلها قش وروائح وعطور..
نجيو للمهر
10 ملاين بلا الذهب وخاتم الخطبة
والذهب عادة ماجيب
2 سلاسل وحدة كبيرة والأخرى صغيرة
2 خواتم
مقايس
فلايك
او
يجيبلها محزمة فقط... وهاذي ماعادش.. المحزمة عاد يديرهالها باباها

وزيد تكاليف العرس والشومبرة
والفاليزة نتاع نهار الحنة
وكبش نهار الدخول
وتكاليف الكوافيرة والتزيين نتاع 3 ايام عرس



ساااالطيف
كلاوه المخلوق وما رحموهش

 

[N@riM@N]

والله ماعــــــــــلبــــــالي بصح يقـــــولو
2مـــــــلاين مايفـــــوتوشـ:lol:
ايــــــا بلاكـ تصـــــدقو:glare:

 

[Dr.CrAzY]

يابن عمي دخلت قريت الردود
حسيت روحي في سوق
أيا تربح


يابنت الناس انا فقير
دراهم يومي
معدودة انما عندي قلب كبير بحر شطآنه ممدوده فايض بالمحبه والخير وابوابه ماهي مسدوده

​

 

[•• AméL Là Stàr ••]

عندنا في تلمسان المهر من 5 لــ 20 سنة و ايلا بغيتوا تزيدوا ماشي بروبلام :tongue_2:
والدهب و التفـGـيدة و يعاونوا لعروسة في الجهاز مثلا يديرو كراكو ولا قسنطينية ولا ,,,, ولا شومبر و دراهم لا سال
المهم كل واحد يدير على حسابه ​

 

[EL General]

في ولاية تبسة ،

المهر : 20 مليون على الأقل

الصوف .. الكبش .. الذهب و خلي العرس تع العريس

بالتوفيق .......
​

 

[sam11]

احنا والله يبجدولك دم قلبك

وما يشبعوش تقولش ماعندهمش

رحمة في قلوبهم

 

[amel algerie]

بعد ماقريت جميع الردود لاحظ بعض منكم نسي ولايته محطهاش باش نعرفو مليح
والملاحظة المهمة جدا جدا انو في جيجل المهر هو الرخيص كامل في الولايات
يعني تقدرو يا خاوتي تجيو تتزوجو بجيجليات هههههههههههههههههه:yahoo:​