شحال يسقام العرس في ولايتكم

[Dr.Odd]

الشروط 8 ملايين
الذهب هات برك
المهم لي عينو يخلى يحاول يزوج
زيد أحسب لعياد
لوكان غير يستاهلو البنات تاع هاد الزمان
ما يعرفو لوالو
تخسر ... تخسر ... حتى تجيبها ... أو من بعد تخسرك عقليتك ...
الله يهدينا
الواحد يروح لتيزي وزو تجيبها ب 1500 دج
وتجيبها مرأة ونص
تحياتي
​

و الله نحير فيكم
لا سويت تجي
.
.
.
.
​

موضوع جميل والردوداجمل
وشكون لي حدد المهر والشرط وهذي الامور مشي الوالدين والجماعة والاعراف
مشي الشاب لي رايح يتزوج ولا الشابة
هكذا دزاير نسبةالعنوسة الاولى عربيا وتاخر سن الزواج عند الشباب
وهذا الكل من شي لي رانا نسمعو فيه لي ماراهو لا من الدين ولا من العرف
حنا ثاني كيما نتوما في بوسعادة لي هي في الوسط الجزائري لي ميعرفهاش يسقالمك العرس حت 50 ملون بكلش
وين رانا رايحين كي تكون خدام ودخل في دراهم قاويين متقدرش تجملها
انا تبالي الحل
هو ان تعرف وحدة تعجبك تعجبها تفاهمو متخسر والو تديها ني عرس ني والو ديرو جماعة صغير تخسر واحد 2ملاين

يا اخوتي انا عندي حاجة و حدة مقتنع باهاها
لي تستاهلك
تستاهلك بصح لازمك تكون انت تاني تستاهلها
مش راجل اكل رجال بصح شكون هو الراجل و شكون هي لمرا
انا صراحة
هذا الزمان راح مع جدودنا و الدينا انا ماما و الحمد لله با با خدم عالم تزوج وين تلقاها درك
و زيد ماما تخرج من باب الدار تهمل
- مش نتهم الاخوات - مي الواقع انو كل ميسر لما خلق له ننتبهو على رواحنا و نحسنو من أخلاقنا و نطيعوا ربي
والباقي عليه
و علاه تخاف الطيبون للطيبات و الطيبة لا لا تشترى وليس لها ثمن
معليش مش في الدنيا
كاين رب و كاين طاعة
وكاين جنة و كاين نعيم لا ينقضي
الخلاصة
أصلح نفسك أطع ربك = لن تخيب
و حاجة زايدة من عندي


رجل ما حصلت في سباط :wink:
​

 

[lina07]

خلعتوني يا اللطيف هذا كل وعلاش والله فساد برك بنسبة ليا والله لي راح نديه نليه يدير كلشي على مقدورو والله ما نديه مسكين ونحصلو في الدين المهم كي نعود متهنيا معاه وخلاص

 

[Dr.CrAzY]

نـــاجح 100بالمية
سورتو كي يكون الراجل سمعا وطاعة :angel:
والله لا يربحو فيها سواسوا :um_sh:
​

وي هذا عيب الرجال صح :no_1:

يازهرو لي عندو لبنات بزاف :laugh:
​

 

[Dr.Odd]

وتبقى فلسفة النص الذي يجب أن يكون الكل هي المطروحة
في انتظار دراسة معمقة للبحث في خبايا هذه القضية

أيا تربح راهو وقت :wink:

​

اوكي الصلاة خير من المنتدى
أيا أتوت :wink:
​

خلعتوني يا اللطيف هذا كل وعلاش والله فساد برك بنسبة ليا والله لي راح نديه نليه يدير كلشي على مقدورو والله ما نديه مسكين ونحصلو في الدين المهم كي نعود متهنيا معاه وخلاص

اتهناي اختي
ولا نقلك انساي خير
لأنو مع القوانين الجديدة للمرأة مش راح يعود في مقدور اي واحد يتزوج

viva Canada
باسبور والشغل
وهاي ليهم لالجيري
يحبو حتى يمدوها للهود :heh:
​

 

[DARINE05]

اممممممممممممممم
والله يا اختي موضوع باهي احنا في ولاية باتنة الشرط راهو من 15مليون وطلع
انا والله ماني مع الفكرة هذي علاه التمسخير هذا تع لاصال والكورتاج يا الخيال والبارود يكروه ب 15مليون على نهار يخي حالة يخي ومبعد الدار واش يعمرها كيما الجهاز يرحم باباك علاه يديرو في القنادر هذا الوهراني والتلمساني والشاوي والفرقاني هذا يقلولو تبذير على الاخر تلبسهم الخزانة ولالا علاه كي يعطيها الشرط هذاك متعرفش تصرف بيه يتعاونو يدرو حوايج الدار حاجات ضرورية بزاف العرس راهي ليلة وتفوت مي مايبقى غير الصح تعمر دارها العرس وعلاه يبذرو في الماكلة انا كون نقترح يديرو فرد مكلة على الاقل ياكلوها الناس متبقاش برقزومبل يديرو بلا مليح واردافر ونوع تع فاكية والسلام ويديرو في دارهم علاه الهم تع لاصال وهكا تبنلي يكون لهناء يرحم باباك وحد في عمرها من 20وعلاه تخنق روها با الترزي ديرو ب 4ملاين باه تلبسو الخزانة

 

[Dr.Odd]

نـــاجح 100بالمية
سورتو كي يكون الراجل سمعا وطاعة :angel:
والله لا يربحو فيها سواسوا :um_sh:
​

وي هذا عيب الرجال صح :no_1:

يازهرو لي عندو لبنات بزاف :laugh:
​

راني راح نفتح بنك السعادة المطلقة
ايداع الملفات يكون بعد صلاة الجمعة

سلااااااااااااااااااااااااام :yahoo:
​

 

[shahrazad]

وي هذا عيب الرجال صح :no_1:

يازهرو لي عندو لبنات بزاف :laugh:

a ouiiiiiiiiii :laugh:

****************************

راني راح نفتح بنك السعادة المطلقة
ايداع الملفات يكون بعد صلاة الجمعة

سلااااااااااااااااااااااااام :yahoo:
***********
ههه ان شاء الله
تقبل الله صلاة الجميع
سلااام
​

 

[lamou]

حنا في البليدة نشرطوا الهناء فقط و هو يفهم روحوا و كل واحد علي حساب دراهموا كاين لي يدفع 6الي .....
راكم عارفين متيجة فيها بزاف الشكارة كاين 20 كاين 35
بصح انا خطيبي عنابي دفعلي مليح مليح في المهر .مع 2 البارور وحدة دهب و وحدة جوهر بادهب و التبق فيه كل شيء مع المنصورية و الفاليزة و خاتم و لا اروع الله الله و في الاعياد او المناسبات يجيبو هدايا او دهب سنسلة او اي شىء ...و لكن كل واحد يمد علي حسابو





قولو الله يبارك و لعقوبة لكل بنات اللمة باش تعم الفرحة و نقلبوه منتدى اعراس بصح متشرطوش غالي خليوه واش هو يحب يجيب

 

[AHLEM1992]

الصح في الهنا
انا من عين دفلى اول شي نهار الفيونساي يمد المهر و يكون كل واحد على حساب واش يقدر ولا هي واش تشرط هه في المتوسط 10 ملاين و يجيب كيما انتي راكي تقولي خاتم فاليز و صوالح اخرى ادا استثنينا الخاتم تخرجلو على الاكثر 5 ملاين هدا مكان انا قلت هكدا على حساب خاوتي و فاميلتي مي كاين الي يشرطو اكثر و ما يعذروش الراجل و كاين الي يشرطو الذهب بزاف خاصة مناطق الغرب ،،
كاين تان نهار يزورها مثلا العيد ،، يجيب كادو صغير ماشي حاجة كبيرة
و يبقا العرس عليه هدا مكان
هدا لاسرة متوسطة ،،،

 

[AnGeL*dZ]

اه
احنا مين يخرجو مابعداهم والراجل يصرف حتان يجيبها للدار
مقياس 20-30 مليونادا في المقياس معاه كعبات لويز و كاينا لي يطلبو معاهم فم تع محزمة
خاتم الشوفة
خاتم الخطبة
خاتم العقد
خاتم الصوف
سنسلة و مسايس ولا خلاخل مع الصوف 2 قناطر و طلع
الداااااااار و الشمبرة و الكوزينا يعني فريجيدار و كويزنيار و ماشينا تع قش و.....
الشرط 3.5 و طلع
كل عيد لازم كسوة قندورة ملاحة و صباط و حاجة دهب لويز ولا سنسلة ولا براسلي
العيد كبير فخد تع كبش و روب و صباط و دراهم
اااااااه خرجت مودة جديدة راس العام تدي معاك بيش و كسوة لمرا و لازم تخرجها و تحوس باها و توكلها في بلايص ملاح و الروايح و دركا/0770 /0661 لازم يخدمها باه يحكيو مليح و يتعرفو اكتر
و قنادر واجدين و2 فاليزامع مالات و الماكياج والروايح والصابون والشمبوا و 2 كباش و قاجوات تع خضرة و طارتات ديما ماشي غير في الخطبة و حق العشاء تع المرا و الحلو اه و لازم يكريلها غوب تع العرس و لازم يركبها في هامر نهار لي يداها يكرو فاها علاما اظن 2 ملاين و الصالة 4ملاين و طلع و انسومبل تع العقد و عرس الراجل و خرجت حاجة اسمها شهر العسل في تونس و كشما نتفكر نقلكم حتا احنا وش كتر ربي عندنا البايرات و الغزاب تلهقاه 38 مزال يخرج اااااااااهوالله صح

اه لبنات غيارات و لازم كل واحدة تعاند وما تجي غير في الراجل مسكييين

أواه هكذا جزايري مارايح يزوجـــ :closedeyes:
احم في 43 كل بلاصة كيفاه
في منطقتنا الشرط على حسب المقدرة جامي طلع من فوق 16 (كآين اللي يديروا كيما لقبآيــــل حاجة رمزية برك :yahoo
مي الطفلة هي اللي تدير شورتها دارها وتشري ذهبها وتقوم بمصاريف الجرية تاعها ماتطلبش من الرآجــــــل الا اذا حب هو يساعدها
ويزيدلها دراهم الصوف وخآتم تاع الخطبة والجرية نديروهم في نفس النهار
والشومبرا على لعريــــــس
ومانحكيش أنا علـــــى المسكين الدراهم اللي يصرف نهار عرسو :tears:
اما حكاية تاع ندير لعرس في لاصال وجيبلي المغني لفلاني وركبني في الهآمر ماتدورش معانا تهدر هاكا ولا هاكا انت طالق قبل مايتزوجها ههههههههههه
اما اذا طولو في الخطوبـــــة لي كادو تآع كل عيـــــــــد :music_whistling:
عندو مايصرف لعريــــــــس وحتى لعروسة
​

 

[قمر الاسلام]

صح الاعراس يكلفوا بزاف
وكاينين الي يقولولك المهر تاعها مصحف برك ومبعد تبدا الشروط
كون يحط شرط تاع 20 مليون خير له
مرسي على sujet

 

[amel algerie]

شكرا اخواني علي مشاركتكم
نورت موضوعي
مع انو فيه بعض الشباب خرجو عن موضوعي نهائيا
ساعود للتعليق علي بقية المشاركات
مرسي​

 

[amel algerie]

صح الاعراس يكلفوا بزاف
وكاينين الي يقولولك المهر تاعها مصحف برك ومبعد تبدا الشروط
كون يحط شرط تاع 20 مليون خير له
مرسي على sujet

نعم اختي باش يحكمو الراجل يقولو مصحف
من بعد يقتلوه ب 20 مليون هههههه​

 

[amel algerie]

لما تحطو رد اخواتي لاتنسو الولاية ؟؟؟ اوكي
لنعرف كل ولاية واش تشرط ​

 

[amel algerie]

1,060 شخص شاهدو هدا الموضوع هههههههه
هدا سوق البيع والشراء ​

 

[said prince of p]

ايا نبداو على بركة الله ايا سيدي يبدا الشرط يا ب 12 مليون ولا الخسائر قول 14 مليون + عقد الزواج في البلدية وزايد الطونوبيلات قول 4000 دج + الفاتحة والقاطو 200 دج + الحنة وخسائرها مع الماكلة وهاديك قول 3000 دج + كيما تجيب العروسة والعشاء والكوستيم والحوايج + لاصال تاع الاعراس 3 ملاين
ومننساوش لفواياج تاع العريس ولعروسة ب 2 ملايين هادا هو عرسنا في قسنطيييييينة

 

[دعاء الحق]

كلش كلش وحد 30/40 مليون

 

[ZINO-2010]

في الصيف 60 مليون زواج وفي الشتا
سيدي الجيج راهو داير فيا المنكر راني حابة داري انا 60 مليون هادو نضرب فيها لوتو ما تتخيل ونتهنى هههههههههه

 

[ramos el soufi]

حنا خويا والله يسقام حوالي 100 اذا حاب دير عرس متوسط


واذا كنت مشهور واش نقلك

وزيد اذا حاب تدير شهر عسل مليح

وتدير فطور مليح

و...و...و...

تطلع بالاك 120






​

 

[amel algerie]

ايا نبداو على بركة الله ايا سيدي يبدا الشرط يا ب 12 مليون ولا الخسائر قول 14 مليون + عقد الزواج في البلدية وزايد الطونوبيلات قول 4000 دج + الفاتحة والقاطو 200 دج + الحنة وخسائرها مع الماكلة وهاديك قول 3000 دج + كيما تجيب العروسة والعشاء والكوستيم والحوايج + لاصال تاع الاعراس 3 ملاين
ومننساوش لفواياج تاع العريس ولعروسة ب 2 ملايين هادا هو عرسنا في قسنطيييييينة

في قسنطينة يسقام بزااااااااااااف
الرجل هو الي يخلص لاصال وعرس المرأة​