خــوها يحكـــم فيها وكاين باباها ياخي حالة

[MĺŹǾ žĕĥÔŖ]

السلام عليكم

اليوما جبت قصة بالاك كاين بزاف الي عندو هاد المشكل
وهو البنت وخوها
ولا الولد وأختوو
مرة وحدة صحبتنا دارت عيد ميلادهاااا وعردتنااا انا ما كنتش لهناا صافي ما نقدرش نروح عيطتلها وقلتها اسمحيلي وعردت تاني صحبتي وحدخرى عندها خوها حاسب روحو بزاف ما تتخيلوش :busted_red:ويحكم فيها تقول باباها قالهااا لازم تدخلي قبل 6 وراكم عارفين لبنات يحبوا الجمايع امالا نسات دخلت 7
​

وكيما رجعت قالتلي خوها قتلها بالدرب:tears: مسكينة حتى دخلت للسبيطار الحمد لله مش حاجة grv الحمد لله عندها باباه والطفلة عاقلة ماراحتش لبلاصة خاطية :tears:

حبيت نفهم انااااا... وعلاش ديما الطفل ولا الاخ يحكم في اختو يخنقهااا في الدار وبرى عندو الحق مش لالا ومليح كيما يكون متفاهم مع اختووو مي مش لدرجة الدرب يتفاهم بلعقل

صحااا وشنو هو تعليق ديالكم على واش قلت؟ وكيما نعرفوا المثل الي يقول ادا تكسر للطفلة ضلع يخرجلها 24 ضلع :scared:


والطفل يقدر يحكم في اختووو في الخرجة والدخلة مرات حتى لقراية يمنعاها عليها وكاين باباه:no_1:



ربي يخلينا خاوتنا وواليدنا إن شاء الله
والله ادا خطاو الوالدين لولاد يديروا رايهم
الله خلينا ديما احباب مع خاوتنا هههههههههههه

​

 

[سمكة البحر]

كل واحد وتربيتوا
هذا من حكم الوالدين هما سمحوله يحكم في خته
الغلطة فيهم
ميرسي على الموضوع

 

[ماكانش]

أنا مع الطفل ألي يحكم في ختو
الأب كبير مايعرفش الصوالح والفكاير تاع بنتو
مي خوها علابالو الخرجات والزغدات تاعها
والطفلة كي تلقى الحرية خلات ...​

 

[MĺŹǾ žĕĥÔŖ]

كل واحد وتربيتوا
هذا من حكم الوالدين هما سمحوله يحكم في خته
الغلطة فيهم
ميرسي على الموضوع

نو مهما كان الطفل ما يحكمش في ختوو عندو الحق مي مش الدرب

والصاح من الوالدين الي طالقين لولادهم كلشي من التربية صحيتي اختي​

 

[المتفائلة_91]

انا الحمد لله انا لكبيرة مايحكم فيا حتى واحد خاطر حاكمة قدري وماعنديش الدخلات ولا الخرجات
ماما برك اللي تحكم فيا هههههههههه

 

[MĺŹǾ žĕĥÔŖ]

أنا مع الطفل ألي يحكم في ختو

الأب كبير مايعرفش الصوالح والفكاير تاع بنتو
مي خوها علابالو الخرجات والزغدات تاعها

والطفلة كي تلقى الحرية خلات ...​

تحكم فيها مي اختك مش حجرة هي تاني تفهم مي ادا خنقتها وتعس فيها وتدربها والله رح تدير اكتر وما تحسبلكش حساب
ومش لبنات الكل كيف كيف خويااا وي رانا في وقت صعيب مي كلشي بالتفاهم يمشي

خويا تبان انت واعر ههههههههههههههه نتمسخر بارك

منور الموضوع​

 

[ماكانش]

تحكم فيها مي اختك مش حجرة هي تاني تفهم مي ادا خنقتها وتعس فيها وتدربها والله رح تدير اكتر وما تحسبلكش حساب

ومش لبنات الكل كيف كيف خويااا وي رانا في وقت صعيب مي كلشي بالتفاهم يمشي​

خويا تبان انت واعر ههههههههههههههه نتمسخر بارك​

منور الموضوع​

صح راني معاك ماشي بالضرب الي يدخل للسبيطارن بصح شويا بونيات برك هههههههه
ويطيحلها زوج ولا ثلاث سنات ههههه
ايه الطفلة تلقى الرخف والحرية اطير ورانا عايشين وشايفين ختي ...
بلعقل مع الأول بصح ادا مانفعش تبطل لقرايا وتحكم الدار والضرب هههههههه
واعر نقتل ربي صبر بنتي ومرتي ههههه​

 

[MĺŹǾ žĕĥÔŖ]

صح راني معاك ماشي بالضرب الي يدخل للسبيطار
ايه عندك الصاح
بصح شويا بونيات برك هههههههه
امالا وش تخليت كاين كاين الدرب هههه

ويطيحلها زوج ولا ثلاث سنات ههههه

ثلاثة املا نحيتهم كامل هكاك
ايه الطفلة تلقى الرخف والحرية اطير ورانا عايشين وشايفين ختي ...
وي كاين منها ادا نحلوا عينيها راحت سورتو ادا ماكاش خوها باباها ومايقدرش ربي يستر بارك
بلعقل مع الأول بصح ادا مانفعش تبطل لقرايا وتحكم الدار والضرب هههههههه

الطفلة كيما تقلها الدار يركبوها جنونها حاب تقتلها وش بيك شوية حنان

واعر نقتل ربي صبر بنتي ومرتي ههههه
هاد العقلية ما تدي لحتى نتيجة​

يبقى الحوار والتفاهم هو الصاح وش بيك

 

[ماكانش]

هههه
راني نقصر برك ختي ههههه
ماشي هكدا بصح لازم التزيار والشدة على الطفلة
والحوار ديما يكون وهو الأصل والأساس
وإدا مانفعش كاين حلول ختي
ربي يهدينا
ماكانش قد الطفلة كي تكون متربية وفاهمة قدرها وماتوصلش روحها لهاد لحوايج​

 

["غزالة الجزائر"]

الحمد الله ماعنديش اخ يحكم فيا عندي واحد عندو 8 سنين انا لي حاكمة فيه ماشي هوا
وكيما قالت اختي سمكة البحر الغلطة في الوالدين لي خلاو الطفل يحكم في ختو
ســـــلام

 

[MĺŹǾ žĕĥÔŖ]

هههه

راني نقصر برك ختي ههههه
ماشي هكدا بصح لازم التزيار والشدة على الطفلة
والحوار ديما يكون وهو الأصل والأساس
وإدا مانفعش كاين حلول ختي
ربي يهدينا

ماكانش قد الطفلة كي تكون متربية وفاهمة قدرها وماتوصلش روحها لهاد لحوايج​

عندك الصاح خويا التزيار كاين كاين
ايه الطفلة عقلها وادا كانت مربية ما توصلش رحهاااا

والله غير كلامك صاح مرسي ع المرور

 

[Rochdi.dz]

زير يزير ........... بانس

ههههههههههههههه

روحي شوفي ميضوعك لوخر نتاع سنفورة وتراكتورراهم دارولك فيه السحور
كون تدخلي زاقات عليك

ههههههههههههههههههه
​

 

[صفحة بيضاء]

خوها يعرف واش راه يصرا برا اكتر من الوالد
انا نقول عنده الصح قالها رواحي على 6 يعني 6
واش داها تزيد تقعد
والله لي عندها خوها تحمد ربي
لي معندهاش خوها تلقاايها حرة في كلشي
والحرية في وقتنا ماهيش مليحة بزاف
​

 

[mimi.dz]

الطفل من حقو يحكم في ختو مي في حدود المعقول
ولازم ديما يدير في بالو بللي كاين عندها الاب نتاعها
وهو ميقدرش يدّخل في كلش هاذي حاجة
الحاجة الثانية نورمالمون يفهم بللي الطفلة
كي يخنقها بزاف تخرجلو خرجة ماشي مليحة
وهذي حاجة نشوفوها بزاف في مجتمعنا
مي انا محيرتني حاجة
كاينين دراري اختو الخرجة حرام عليها
وكاين اللي يعسها وين تروح وو ين تجي
وكل كلمة بضربة
وكي يتزوج ويعود عندو طفلة
مبرطالوش بيها يقولك هي حرة هذي الديمقراطية
علاش يعني بنتك حلال واختك حرام
وربي يهدي ما خلق
​

 

[FoFo95]

انا الحمد الله ما عنديش اخ كبير مي لوكان جاء عندي ما ندخل فيه ما يدخل فيا انا عندي بابا و هو ليتحكم فيا

 

[randa.97]

بالنسبة ليا من حق خويا يحكم فيا هادا رايي
​

 

[AHLEM1992]

انا مع الاخ يحكم في اختو لكن ماشي غير يضربها و يسمعها الكلامات + صحبتك مالغري يكون خاطيها مي لصلاحها قالها قبل 6 تكوني في الدار ،،و هي ثان تفهم روحها شوي
كيما يقلك في حياة المرأة 3 رجال
واحد تخافو== خوها
واحد تحترمو== باباها​

واحد تحبو== الشخص الي تكمل معاه حياتها

 

[نور الهدى22]

أنا ما عنديش خويا كبير اللي يحكم فيا مي أنا اللي عارفة واش لازم ندير وواش ما لازمش ندير
يعني نعرف الصح من الخطأ​

 

[missa_1]

الحمد لله اخ واحد مي الله يبارك
كاين الي يحب يحكم زعما على حساب واش راه يشوف برا ميحبش اختو تلحق لولا شي

 

[nassim007]

عندو الحق يخاف عليها​