اعطوني رايكم

[ocean d'espoir]

السلام عليكم ورحمة الله تعالى وبركاته
انا عندي 20سنة حبست قرايتي فالثانوي واللي يشوفني يقولك علاش ماكملتيش قرايتك هادي عام وانا محبسة وكل يوم يجبدولي على القراية انا ما حبيتش نكمل الله غالب
وقولولي نتوما واش رايكم فالبنت اللي ماتكملش قرايتها الله غالب عليها هل ياترى يكون عيب للبنت.وكاين يقولك الرجال مايحبوش البنت اللي ماشي متخرجة هي صح البنت لازم تكون مثقفة
وانا الحمد لله انخطبت الواحد بغاني ماشاف حتى مشكل كي حبست قرايتي..
قولولي نتوما واش رايكم​

 

[adnandz]

انا نشوف في هاد الوقت
شفنا العجب
واحد يقولك باغي يتزوج مع وحدة خدامة وكي يتزوج حبسها من الخدمة

 

[دعاء19]

انا في راي عادي الى مكملتيش قرايتك المهم راكي متعلمة والتقافة ماشي هي شهادات لا بالعكس الانسان المتقف يكون في افكار ...
والرجال هاد الزمان ميتفهموش يبغيو الزوجة تكون قارية وخدامة ومن يتزوجوا اقولها ماعندك مديري بالخدمة جلسي في الدار وقابلي ولادك يعني ميهمش المهم راكي قارية والحمد لله ومبروك عليك والله اكمل عليك بالخير

 

[mizora]

انا راني محبسة ما عندي حتى مشكل كيقولولي علاش حبستي نقلهم انا حابة نحبس واحد ما يسالني

 

[براءة مسروقة]

هى القريا مليحةبصح انتى تشوفي الى يخرج عليك انا مايخرجش عليا القعود فالدار انا رانى حابة نكون صحفية ولوكان حب ربي كتابة السناريوهات في مجال القصص و الابداع منا للمستقبل اذا لقيت الراجل الى يستاهل نحبس الخدمة على جالو علاش لالالالالالالالالالا

 

[احمد الصحراوي]

انا نعرف بنات متخرجين بشهدات عليا وماتزوجوش وكاين بنات خرجو من المتوسط وهام بولادهم

 

[Soumia_Sétifienne]

عادي بصح حاجة مليحة بزاااف كي تكون لوحدة قارية ومثقفة وكيما قلتي راكي مخطوبة الله يبارك يعني خطيبك معندو حتى مشكل خلاص مالا ..ربي يكملك ان شاااء الله اختي

 

[ماكانش]

بلعكس ختي
راهم يهربو من لمرا ألي قرات

 

[امل سوف]

اختي لا يهمك كلام الناس
المهم انتي شو مقتنعة خاصة وان خطيبك قابلك
هكذا فهذاجميل جدا....
والمهم راك تعرفي تقراي وتكتبي فالشهادة ليس ضرورية ان تؤخذ
واكرر ارضاء الناس غاية لا تدرك
يعني ديري اذن عروس....... اسمعي من هذه و واحذفيه من اخرى دون دون اشارة توقف في العقل للتخميم في الامر.......... الي قعد يسمع كلام الناس يقعد تالي........​

 

[sam11]

عادي ماكانش مشكلة المهم تكون على خلق

مشكلة انو تكمل ولا ما تكمل عادي جدا ربي يوفقك

 

[حنان18]

ربي يوفقك مع خطيبك و أتمنى لك كل السعادة وأما مشكل الدراسة ألي ساعدها ربي تقرى و ليمساعدهاش كيفكيف.

 

[lyna]

عندك 20 سنة انا تبانلي لازم ترجعي تفراي بالمراسلة و تدي الباك و تروحي للجامعة و تخرجي علاخاطر الراجل يحوس على واحدة تخدم المعيشة غلات و اصلا لازم تخدمي و تقراي ماشي غير على الراجل بعيد الشر عليك تزوجتي بواحد لاباس بيه و مباعد دار عليك ماتلقاي لاخوك ولا اختك تلفقاي غير خدمتك
جرا الشي ادا لواحدة تقربلي 20سنة انا سنة 17 طالعة ترمينال سبتمبر ادا والله معايا في القسم عمارهم 20سنة و 21
اه بدراهمك تشري وش تحبي و بلا ماتطلبي من اي واحد شوفي انا دركا غير نقرا باه مايجراليش كيما وحايد يقربولي عندي خوالي ندمو و شربو الهم كي تزوجو ببطالات اه لازم تقراي و تخدمي شوفي حالة لي مايخدموش و لي يخدمو كيفته

 

[سارة 196]

صدقيني الجامعة ليست تقافة بل انحطاط
لكن في الجامعة تتعلمي الكتير لتعيشي
بسلام والمشكل ليس مشكل تقافة بل اخلاق
واللي نقولهالك الجئي الى الكتب و التلفزيون لكي تواكبي
العصر

 

[سارة 196]

وربي يوفقك يا رب ويهنيك
والقراية مشي مشكل قاع البركة في اولادك

 

[sirine-w]

normale ya okht

 

[ocean d'espoir]

الف شكر لكم على ارائكم والله ريحتوني
ربي يوفقكم​

 

[lamou]

اختي القراية او بااحري شهادة المراة هي سلاحها
انا عندي 19 سنة نقرا في الجامعة و خطيبي كان معارض في البداية و لكنني اقنعته في النهاية باتمام دراستي معليش ختي كملي قرايتك و جيبي شهادتك و ادا محبتيش تخدمي معليش .هادي دنيا ختي يمكن كاش ما يصرا نتي مراكيش حاسبة للمستقبل بعيد الشر كون هو كاش ما يصرالو ولادك شكون لي يوكلهم الناس و لا العائلة حنونة في هدا الوقت كل واحد حاصل في روحو و ادا كان لباس بيه يمكن يفلس شكون علابالو بهدي الدنيا
معليش ادا لباس بيه نتي عاونيه في خدمتو خيري تخصصه و ديري كيما هو و ادا كان مشي قاري اقراي نتيا باش تباني و تكوني قدوة لولادك انشاء الله ​

 

[im£ne]

كي راكي مقتنعة انتي و خطيبك سيبون..
بالرغم من انو نشوف المرا تقرا خيرليها
ربي يوفقك ،،

 

[**بنت الأصول**]

انا نشوف في هاد الوقت
شفنا العجب
واحد يقولك باغي يتزوج مع وحدة خدامة وكي يتزوج حبسها من الخدمة

حتى أنا هذا لي مـحيرني والمشكل الأكبر كي يتزوجها وهي تقرى في الجامعة مثلا أو خدامة يقللها إما قرايتك او خدمتك و المسكينة وش راح إتدير لازم تخرج :du_nno:
لأنها تخاف ليكون فيها طلاق :no_no:
وإنت الاخت إذا خطيبك مقتنع بيك كيما هكا مليييحة وربي يهنيك إن شاء الله
وفي الأخير البنت لي مازالت تقرى من الأحسن تواصل قرايتها لانوا مش عارف الواحد واش راح يصرالوا في هادي الدنيا
...............
ميرسي ليك يالغالية
​

 

[**بنت الأصول**]

صدقيني الجامعة ليست تقافة بل انحطاط
لكن في الجامعة تتعلمي الكتير لتعيشي
بسلام والمشكل ليس مشكل تقافة بل اخلاق
واللي نقولهالك الجئي الى الكتب و التلفزيون لكي تواكبي
العصر

إنقلك يالأخت سارة نعرف وحدة تخرجت من الجامعة والله تفكيرها مايعجبش كأنها كانت تقرى في العمى والله تحلفي هاذي جاهلة ولا واش ؟؟؟؟
وعندي صديقتي خارجة من التاسعة متوسط والله عقليتها ماشاء الله عليها تقولي متخرجة من جامعة او مانعرف
وفي الاخير كيما قلتي المشكل أخلاق وكذلك عقلية مو ثقافة وحدها
​