حابة نفهم العيب فينا ولا فيهم ....

ا

الامل الضائع75

:: عضو مُشارك ::
والله غير راني نشوف في العجب يصرا انا مفهمتش ولات الطفلة كي تخرج والله غير تحشم
من هاذيك المعاكسات والكلام الي يتلفلك المشية
مفهمتش العيب راهو فينا حنا البنات ولا في الشباب الي ما عندهم لا خدمة لا والو حيطيست
نهار كامل وهوما يعسوغير في الي هابطة والي طالعة
من بعد نخمم ونقول كاين بنات مستورات الحمد لله يمشو سيريو مي هكذاك وملاحقتهم المعاكسات
مخلاو ني السيفيليزي ني المتحجبة ني الجلبابية هاذي معيشة هاذي .
وعلاش مام وتمشي مع يماك اختك التبهديل فيها فيها واش نديروا حنا البنات
كيما نتوما تحبو تخدموا حنا ثاني
ماذابيكم تشاركوني بالاراء نتاعكم شباب ولا بنات
ونحاولو نتعاونو باش نتفاداو كيما هاذي المعاكسات ...اوكي
 
يعطيك الصحة ختي على الموضوع
واش نقلك ختي
انا نلوم لبنات
هيا غير محترمة في لباسها وتعرض في السلعة وتلوم واحد يسوم ...
راكي فهمتيني
والي محتارمة مايلوحولهاش الهدرة كوني متهنية
خلينا من الحجاب ومن لتحت ...​
 
آخر تعديل بواسطة المشرف:
والله يا خويا غير كاين بنات تمشي مهبطة راسها لابسة حجاب صح
بصح مام المعاكسات فيها فيها وانت راك راجل ونورمالمون علابالك واش راه يصرا
 
لالا ماكانش منها وحدة لابسة حجاب تاع الصح ويعاكسوها
وادا كان فحالة شاذة جدا لا يقاس عليها
 
نقولك اختي ان المشكل فالشباب كامل يشوفوا فالبنات عقلية وحدة و هذا خطا كبير و الله حتى المتزوجات ما منعوش من المعاكسات
 
السلام عليكم عندك الحق في هدرتك اختي اصبحوا لايحترمون لا المتحجبة ولا غير محترمة في طريقة لبسها
نقولو ربي يهديهم ​
 
آخر تعديل:
يسم الله الرحمن الرحيم
الف شكر اختي على الموضوع النقاشي الرائع
حفظ الله بنات المسلمين من اي شر
صحيح كثرت هذه الظاهرة وشاعات في مجتمعنا
السبب الاول هم الوالدين يتركون بناتهم يخرجون وقتما يشاؤون واينما يشاؤون بالاضافة الى اللباس المفضوح الذي نراه كل يوم ترتدينه البنات .... اظافة الى ان البنات في حد ذاتهم يحبون مطاردة الشباب لهم وهذا ما نراه كل يوم
لو ان البنات سترن انفسهن ومشو بطريقة مستروة وعادية بدون ان يرفعن رؤوسهن وينظرن الى الشباب لما كانت المشكلة
اما فيما يخص مشكلة الشباب فهي ظاهرة الفراغ هو الذي يفعل بهم هذا
وفقنا الله واياكم الى الخير
​
 
موضوع شباب اختى نبدا دك ..تخرجى مع اختك ولال يماك ولا باباك ولا خوك هنا عندنا مكانش الحشمة لازوم يهدر الجان ولا معلاباليش واش يصرى ميقولك نحشم والو قدام خوك ويديرلك تبهدايل هبطنا ريسانا خلطو طلعناهم ومشينا قالك الطفلة ماهيش مليحة قوليلي واش نديرو مفهمت والو واله غير تبهديلة ليجان نتاع دالوقت نى حشمة نى والو وكاين اختى بنات هوما اللى يحبو هكداك واش تديرى مى الحمدالله انا وكل عايلتى جينا محتشمين حمدالله يخلطو فينا ويديرو الهدرة بصح واش تديرى وزيد والله غير هنا عندنا كون تخزر فواحد واله غير الشيعة تولى عليك وانت تولى مكيش مليحة بصح ماناش هكداك وزيد الحقيقة كون يشوفنى خويا درت جاست ولا بابا والله منعيشها دقيقة يا اختى هنا هنا يحبو الطفلة تكون تحشم ومتطلعش راسها وتشوف للى جا ولى راح وتندار الهدرة فيها ماناش هكداك يا اخت هادى هيا الدنيا ة ورانا فى 2010 استناي منا ل 2012 شوفى كيفاش تولى الحالة بصح الله يهدى ما خلق وربي يديهم لطريق صحيح لوحدة تستر روحها ومتخلى حتى واحد يقربها وتحشم ومتخليش الناس يهدرو فيها وتولى فالتبهدايل وهادى هيا اختى متقلقيسش روحك قع رانا عايشين هكدا واش تديري يا اخت يعطيك الصحة ايا باي
 
أولا ربي يبارك فيك ويحميك من مرضى القلوب
اقول لك بكل صراحة السبب الحقيقي البنت لماذ
الله أمرهابأن تبقى في البيت وهي عصت خالقها وحولت الطريق والسوق إلى بيتها
الله أمرها بلحياء والحشاب وهي إختارت التبرج والسفور حتى في الكلام
الله أمرها ان لا تخرج من بيتها إلا مع محرم فختارت السفر لأميال لوحدها

فكيف بذائاب أن تتوجه إلى الشات المحمية وتترك القاصية

عزة المرأة في حياءها و جلبابها وسمو أخلاقها وصمتها
ومن إبتغى العزة في غير الله أذله الله

أما الشباب أنا واحد منهم ولله الحمد والمنة لم أعاكس يوم لست أفتخر بهذا وأتبجح لكن هذه هي الحقيقة
انا من ألأشخاص الذي أحترم البنت كأنثى كأم كأخت ولا أحب أن أجعلها كوسيلة للهوى والشهوة وغير ذالك
فما فساد مجتمعنا إلا من هذه الاسباب

حقا إخترت طرف أحاول الاستماع إليه والاستماع إلي لكن يوما ما تجاوزت خطي الاحمر المرسوم لي
ليس جبرا بل هذه أخلاقي رسمت خطي

نسال الله العلي القدير أن يحمي شباب المسلمين من كل سوء
جاء نداء صلاة الجمعة أسأل الله أن يحمي شباب المسلمين من مذاهب وعقائد القوم الكافرين
دمتم بود
 
قال ماكانش:
يعطيك الصحة ختي على الموضوع
واش نقلك ختي
انا نلوم لبنات
هيا غير محترمة في لباسها وتعرض في السلعة وتلوم واحد يسوم ...
راكي فهمتيني
والي محتارمة مايلوحولهاش الهدرة كوني متهنية
خلينا من الحجاب ومن لتحت ...​
إضغط للتوسيع...
وشنو هاذي تعرض في السلعة واش راك تشوف فينا اسمحلي معجبتنيش هدرتك و باش تقولي ليمحترمة مايقولولها والو راك غالط لخاطر نلبسو لبسة محترمة و هما ميحترمو حتى و حدة ولاتلهم خدمة المهم يهدرو و خلاص.الله يهدي ما خلق
 
خليني نقولك انو حتى العيب متكامل من هنا وهناك

يعني الشباب في عز الفتنة تجي قتاة متبرجة وتثير غرائز الشباب للاسف وهذا واااااااااقع

يعني صراحة انا في حياتي ماشفتش وحدة مستورة متجلببة عاكسوها الشباب .جاااااامي.
​
 
قال sami19280:
خليني نقولك انو حتى العيب متكامل من هنا وهناك

يعني الشباب في عز الفتنة تجي قتاة متبرجة وتثير غرائز الشباب للاسف وهذا واااااااااقع

يعني صراحة انا في حياتي ماشفتش وحدة مستورة متجلببة عاكسوها الشباب .جاااااامي.
​
إضغط للتوسيع...

والله اخي دائما احترم واقدر ردك ودائما اعجز امام ردودك القيمة
لكن في هذا الرد اعاكسك والله الشباب اصبح لايحترم اي فتاة او امرأة خرجت من بيتها بمعاكستهم التي لانهاية لها
ربي يهدي ماخلق​
 
يا اختى الصراحة راحة -----------كاين و كاين
كاين بنات هما يحوسو على المعاكسة يا اما لباس ما نقولوش ولا وحتى تلقاىهم متحجبات زعم
و كاين شبات ماش متادبين
المهم الله يهدى الجميع
مشكرورة اختى على الموضوع ]
 
أنا جامي ولا شرولي مي مين نفوت بعيدة على هادي الجماعة يكونو يهدرو يحبسو كامل ويقعدو يشوفو فيا مي انا مانديهاش قاع فيهم ونفوت وتاني تكوني مع باباك ومايحشمو ماولو يقعدو يخزروا فيك أنا نحشم نهبط راسي ونسكت
عيب عليهم وين راهم رايحين بهادي العقلية
كي تكوني وحدك نورمال مي المشكل من تكوني مع يماك ولا باباك ولا ختك ولا خوك أنا ماعنديش خويا ومزية ماجاش لوكانراه كاين ويشوفهم يخزروا فيا surment يذبحني أف تهنيت منو
هههههههههههههه
مشكورة على الموضوع ختي
 
وهي في الحقيقة سيفيليزي ولا متحجبة لابسة سيري ولا لابسة نورمال واش دخلهم فيها ياك خرجت من دارهم لوكان عينهم لوكان قالولها دارهم وين راكي خارجة باللبسة هادي وكل وحدة حرة في لبسها ماكاش الي يدخل روحو فيها
 
قال sissouma:
وشنو هاذي تعرض في السلعة واش راك تشوف فينا اسمحلي معجبتنيش هدرتك و باش تقولي ليمحترمة مايقولولها والو راك غالط لخاطر نلبسو لبسة محترمة و هما ميحترمو حتى و حدة ولاتلهم خدمة المهم يهدرو و خلاص.الله يهدي ما خلق
إضغط للتوسيع...
عندك الصح ختي
ولات وحدة بالجلابة وماتلقوهاش
 
ظاهرة سيئة في المجتمع
​
 
توقيع kojak
افضل حل .. ما تخرجيش
​
 

المواضيع المشابهة

H
المشكل فينا ولا فيهم .. ولا فينا كامل .. ادخل تفهم
2 3
المشاركات
59
المشاهدات
4K
Houda Chaouienne DZ
H
العودة
Top Bottom