حابة نفهم العيب فينا ولا فيهم ....

[دعاء19]

السلام عليكم ورحمة الله تعالى وبركاته
في الحقيقة احنا خاصنا نتقبلو الواقع ونهدرو منطقيا ولي كنشوفوا انا شخصيا شفت الرجال مبقاوش احشموا مابقاوش افرقوا بين المرءاة المحترمة والغير محترمة والمشكل الكبير هو انهم مكيحترموش المراءة تكون ماشيا مع اولادها صغار يعني متزوجة ويعاكسوها او قد امهم ويعاكسوها وهذا كامل علاش الدنيا راهي فانيا ويبقاو غير اعمال وافعال لي نتحاسبوا بيهم وفي الاخير الله يهدي ماخلق

 

[دعاء19]

افضل حل .. ما تخرجيش ​

اسمحلي اخي الفاضل على تدخل ولكن انا لا اتفق معك
علاش المراءة متخرجش علاش والرجل يخرج يعني الدنيا وكل شيء جميل فيها يتمتع بها غير الرجل والمراءة حاجة ناقصة عندك ضع نفسك مكانها ولو يوم ومتخرجش ونشوفوا ردة فعلك .

 

[mizora]

انا وحدة ناس منقدرش نمشي و مهبطة راسي بصح واحد ما يهدرلي فالشارع بويسك علابالهم ورايا رجال الزلقة بفلقة

 

[zaki85]

جامي عاكست واحدة انا نحشم بزاف

 

[lyrics]

السلام عليكم

كنت جايزة منا أيا شفت بلي معظم اجابات الشباب تاعنا تلوم المرأة .....وهوما مساكن خاطيهم_o:

على هادي حبيت نقولهم واش الحاجة الدونية دايما سبتها المراة؟؟؟؟؟

هوما يديروها من ال16 من بعد يحصلوها في البنات
واقيل .....في يوم الحساب تاني ....يحصلوها في المرأة ...مساكن خاطيهم i-o:

 

[omaima]

ولله اختي كينين بنات هوما ليحطو روحام في مواقف كيما هك وكاينين شباب كان تكون حداهم بنت حتا مش متحجبا ولبستها تكون مش محتشما واحد مايدور بيها وكاينين بنات الحمد لله مستورات ومديرين الحجاب على الصح ومحتشما ومتهزش راسها من لارض و ميخليها حتا واحد كان يصب يكلوها بعينيهم
الا غالب هدي هي الدنيا فيها لمليح وفيها الحاير
تقبلي مروري

 

[الشلفي02]

الديفو راه فينة ل 2
الشباب مايحشمو و البنات مايحشمو
" حاشا لي مايستهلش "
شفت بنات يخرجو من الدار بالحيجاب و مبعد يخلوه عند وحدين ويروحو يدورو سيفيل
و لي جان تاع هادا الوقتو راح الحية منهم
الله يهدي الجميع
تقبلي مروري

 

[الامل الضائع75]

اشكركم على التفاعل وعلى مروركم الطيب

 

[اماني بشرى]

السلام عليكم اختي
انا رايي العلة فالبنات , هوما اللي يجيبو البلا لعمارهم , باي طريقة المهم تلفت النظر , و اللي راكي تحكي عليها متحجبة ماكاش منها يدناو ليها , يخزرو بالاك , بصح تكون ساكتة و عينيها فالارض , و تسرع فالمشية , ماشكيتش يدناو ليها , انا جامي لا سمعت بيها .​

 

[بيكهام]

ما شاء الله كتبت فأبدعـــت
صدقت فيما قلتـــه، موضوع رااائـع تحفة
بأفكـــــــــــار هــــــــــــادفــة
شــــــــكرا لك على ما خطته
أنــــــــاملك ،
بارك الله فيـــــــــك
تقبل تحياتي +مودتي واحترامي لك
حفظك الله تعالى و رعاك و جعل الجنة مثواك
بيكـــــــــــهام
تشاو تشاو​

 

[محاربة صحراء]

اختي مش عبيب الغير في الرجل حتى البنت عندها دورا اي تقدر طفلة روحها يقدروها ناس

 

[The DoN]

اسمحلي اخي الفاضل على تدخل ولكن انا لا اتفق معك
علاش المراءة متخرجش علاش والرجل يخرج يعني الدنيا وكل شيء جميل فيها يتمتع بها غير الرجل والمراءة حاجة ناقصة عندك ضع نفسك مكانها ولو يوم ومتخرجش ونشوفوا ردة فعلك .

هههههههههههههههههههههه

يا أختـي أنا قتلهـا أفضـل حـل .. ما قتلهـاش راه حرام عليـك تخرجـي ، ولو كان جا رجـل يشكـا من النسـا لكان قتلـو ما تخرجـش

مالا بليـز ما تخلطيـش

مانيـش حاب ناقشك في كلامـك مي عندي تعقيب بسيط : المتعـة والدنيـا ماهيش في المشـي في الشوارع يا أخـتـي ، وانا واحـد من النـاس ما نخرجـس إلا بصلاحــة


تحياتــي
​