مشخشــــــخ **أكلة من الصحراء**

[حاملـة المسك]

السلام عليكم ورحمة الله وبركاته


على بركة الله نبدأ


المقاديــــر

طعام متوسط بطاطا 2 حبات طماطم فول يابس مكسر فلفل حار أخضر
ثوم حشيش مقطفة بو فجوخ زيت الزيتون زيت زبدة

الطريقة

نفور الطعام عادي ادا كان مفور مرتين و ادا ني 3 مرات
نقطع البطاطا مربعات نحطوهم يطيبو في الماء مع الفول و شوي زيت
كيطيبو و الماء يكون خف نضيف الطماطم المرحية مع الثوم و الفلفل المهروس
نتركهم لمدة 3د ونطفئ النار و نضيف البوفجوخ و الحشيش
ندهن الطعام بالزبدة و زيت الزيتون و نسقيه بالمرقة يقدم مع بومنقوع

و شهيــــة طيبـــة

ملاحظــــــة

بعد ما نطفي النار نقدرو نحطو حبات حلبة أولا صحية و مذاقها لا يعكر الاكلة

أرحب بكل إضافة أو إستفسار




​

 

[حاملـة المسك]

المشخشخة

و صفة بسيطة و خفيفة كما قالت أختي ندى :sneaky2: كنجوعو في أيمات الصيف الطويلة نوضو نعملوها
لما يبقى الطعام في الثلاجة بلا مرقة

المقادير....زعمـــا :music_whistling:

حبة طماطم ثوم فلفل حار حشيش بو فجوخ
نرحي الطماطم و نهرس الثوم و الفلفل نطيبهم عادي مع الزيت
لما تنشف نضيف الطعام و الزبدة و زيت الزيتون و الحشيش و بوفجوخ
و نبقى نقلب لغاية ما تنشف و تولي حبة بحبة

بالصحة و الهناء



​

 

[chiguevara]

يعطيك الصحة على الوصفة مي قوليلي نستخدمو لايات فيها ولا نكتفوا باللي ذكرتي واذا فيها قوليلي وش نقدرو نستعملو
في انتظار الرد ميرسي اختي على الوصفة اول مرة نعرفها - هههه اصلا انا منعرف والو -
​

 

[nada242008]

يعطيك الصحة اختي دائما تتحفينا باطباقك المتميزة
بالنسبة للطبق الاول صراحة اول مرة نشوفو
وبالنسبة للمشخشخ الثاني طريقتنا مختلفة شوية
في مقلة فيها شوية زيت نقطع بصلة خضراء الى قطع صغيرة + حبة كبيرة طماطم مربعات + فلفلة خضرا حارة مقطعة
نخليها تتقلى شوية ومن بعد نضيفلها البربوشة ونجمرها ونطفي عليها وفي الاخير نزيدلها بوفجوخ
عموما الشخاشخ والمشخشخات بكل انواعها لا تقاوم:showoff::thumb_up2:
بارك الله فيك
​

 

[الميزان]

راكي سير هادي اكلة صحراوية
انا صحراوية ومانعرفهاش
على العموم شكرا على الوصفة والافادة

 

[حاملـة المسك]

يعطيك الصحة على الوصفة مي قوليلي نستخدمو لايات فيها ولا نكتفوا باللي ذكرتي واذا فيها قوليلي وش نقدرو نستعملو
في انتظار الرد ميرسي اختي على الوصفة اول مرة نعرفها - هههه اصلا انا منعرف والو -
​

بشويا تتعلمي مكاش لنزاد متعلم...
أسمحيلي كلمة...لايات .....مفهمتهاش
عاودي فهميني...شكرااا لك

​

 

[حاملـة المسك]

يعطيك الصحة اختي دائما تتحفينا باطباقك المتميزة
بالنسبة للطبق الاول صراحة اول مرة نشوفو
وبالنسبة للمشخشخ الثاني طريقتنا مختلفة شوية
في مقلة فيها شوية زيت نقطع بصلة خضراء الى قطع صغيرة + حبة كبيرة طماطم مربعات + فلفلة خضرا حارة مقطعة
نخليها تتقلى شوية ومن بعد نضيفلها البربوشة ونجمرها ونطفي عليها وفي الاخير نزيدلها بوفجوخ
عموما الشخاشخ والمشخشخات بكل انواعها لا تقاوم:showoff::thumb_up2:
بارك الله فيك
​

فاجأتيني ندى حسبتك تعرفيها :tears:
الليلة طيبيها و تردلي الخبر :yahoo:
كما واحدة من بسكرة قاتلي متسمعش بالحسوة المخمرة
أنا راني من نواحي بسكرة بصح كنت نظن بلي الكل يطيبها
........
متفرقش كالبصل كالتوم :wink:
أسعدني مرورك أختي ....شكرا لك

​

 

[حاملـة المسك]

راكي سير هادي اكلة صحراوية
انا صحراوية ومانعرفهاش
على العموم شكرا على الوصفة والافادة

:scared: أكييييييد
و نتي راك متأكدة بلي راك من الصحرا :music_whistling:

العفوووو عزيزتي....تقبلي تحياتي و سلامي

​

 

[nada242008]

فاجأتيني ندى حسبتك تعرفيها :tears:
الليلة طيبيها و تردلي الخبر :yahoo:
كما واحدة من بسكرة قاتلي متسمعش بالحسوة المخمرة
أنا راني من نواحي بسكرة بصح كنت نظن بلي الكل يطيبها
........
متفرقش كالبصل كالتوم :wink:
أسعدني مرورك أختي ....شكرا لك

​

والله انت اللي تفاجئينا كل يوم بطبق جديد:surrender:
هههه حتى انا عمري ما ذقت الحسوة المخمرة وسمعت بيها غير عام السنا :no_1:
ما نعرف بلاك طياب ضواحي بسكرة يختلف عن الطياب في بسكرة في حد ذاتها:heh:

​

 

[chiguevara]

بشويا تتعلمي مكاش لنزاد متعلم...
أسمحبلي كلمة...لايات .....مفهمتهاش
عاودي فهميني...شكرااا لك

​

الشكر ليك قصدت بيها التوابل

 

[حاملـة المسك]

والله انت اللي تفاجئينا كل يوم بطبق جديد:surrender:
هههه حتى انا عمري ما ذقت الحسوة المخمرة وسمعت بيها غير عام السنا :no_1:
ما نعرف بلاك طياب ضواحي بسكرة يختلف عن الطياب في بسكرة في حد ذاتها:heh:

​

عاااام خير و معرفة خير إن شاء الله عبر الانترنت
بلاك ...شكراا لك

​

 

[ندى الجزائرية]

يعطيك الصحة

 

[imane27]

shoukran ala alwasfa

 

[وردة رمال الذهبية]

يعطيك الصحة اختي انا تاني من الصحراء ومنعرفهاش اول مرة نسمع بيها هي وحسوة المخمرة
على العموم اطباقك كلها راءعة تسلم ايديك حنونتي
شكرا لك​

 

[Djazaire-El-Ghalia]

:ax_flw:Hannouna belnissba li elmchakhchkha t3am yekoune déjà tayeb wella la ardjou el idjaba habibati choukrane

 

[حاملـة المسك]

الشكر ليك قصدت بيها التوابل

العفووو......تجي بلا توابل :wink:


​

 

[حاملـة المسك]

يعطيك الصحة

الله يسلمك حنونة.....تحياتي

​

 

[حاملـة المسك]

shoukran ala alwasfa

العفووو غاليتي

​

 

[حاملـة المسك]

يعطيك الصحة اختي انا تاني من الصحراء ومنعرفهاش اول مرة نسمع بيها هي وحسوة المخمرة
على العموم اطباقك كلها راءعة تسلم ايديك حنونتي
شكرا لك​

العفوو وردتي...ساهلة راك من الصحرا بوفجوخ كاين طيبيها و ردلي الخبر :wink:
و على خميرة الحسوة بإذن الله نعمل موضوع نشرح بالتفصيل كيفية إعدادها

​

 

[chiguevara]

العفووو......تجي بلا توابل :wink:


​

اه فهمت مشكوووورة