""" كي العادة والعوايد موضوع بلا فوائد """

[Mr mino]

وعليكم السلام
الجزايري تقولو واش راك؟ يقولكsava
كا سبيسيال الله غالب
ميغسي على الموضوع

كا سبيسيال هاو المشكل

احنا علاه كا سبيسيال ؟؟؟

ولا هذي عادي نورمال
​

 

[Mr mino]

علاه تسقسي فينا
ياي حاجة normalههههههههههه
شكرا على الموضوع​

ههههههههههه

ياي انا بانتلي ا نورمال عليها سقسيتكم

العفو فاهو

يعطيك الصحة

​

 

[السلطانة]

كا سبيسيال هاو المشكل ​

احنا علاه كا سبيسيال ؟؟؟​

ولا هذي عادي نورمال ​

دارو علينا دراسات مافهمولناش _o:_o:

 

[said prince of p]

كلش نوووووووورمال

 

[Mr mino]

وعليكمـ السلامـ

خير وعافية

الحمدلله

وله الحمد ربي يدومها

مجرد كلمة برك
اترسخت في هدرتنا
يعني يحبو يوصلو بيها معنى محدد

هههههههه

والمعنى يوصل بالضرب ؟؟؟


عادي في بلادي ياك بلاد ميكي كلش فيها نورمال

ههههههههههه

المشكل ميش في لبلاد المشكل في كلمة نورمال

يعطيك الصحة مينو ومتعمرش بالك
اللي يخمم بزاف في هاذ لبلاد يضيع
ميرسي ليك

ههههههههههه

عييت نخمم لقيت روحي غي نوض في راسي الشيب

خليها مالا هكاك خير
​

يعطيك الصحة ماجدة

ميرسي بالبزاف

ربي يخليك
​

 

[Mr mino]

السلام عليكم ورحمة الله وبركاته
واش رايح تدير مينو في البلاد هادي تحب تفهم وماتقدرش لازم غير تشوف برك وتسكت
وكيما يقولو عادي في بلادي يعني كلشي normal
مرسي مينو على الموضوع
بارك الله فيك ​

وعليكم السلام

هههههههههه

ها سارة اختي بصح احنا علاه كلش عدنا نورمال

واحنا انورمال ؟؟؟؟

هاو المشكل وراه

يعطيك الصحة سارة اختي نورتي اهلا وسهلا

شكرا جنزبيلا

​

 

[himina]

كلش نوووووووورمال

شت والله مانعرف وشيهي الحاجا لي ماهيش نورمال

 

[R@MA]

حاجة وحدة نعقلها من البلاد
في الدار عندي ديك يقول كوكوكو
يضرب الدجاجة يبركل الفلوسو
عاد راه بلادنا غير اضرب واهرب
راني ضربت طلة على موضوعك
ودوك نضرب طلة لاصونات حرقوها
سيرمو جاو يضربوا طلة علينا
والله عندك الصح عقلية مشات كي المعجون في المطلوع
يعطيك الصحة مرسي​

 

[Mr mino]

و عليكم السلام:re_gards:

اهلا وحيد

واش راه حبيبي ؟؟؟



راني دايرو vابرور:shiny:


هايواه الا بغيت ربي ديرو سيلونسيو


و الله الحمد لله..ضربناها برقدة في الكليماتيزار ونضنا

ههههههههههه

هاودي هذي هيا اللي راح نسقسي عليها


وين منا ولا ملهيه:blink:؟؟؟؟


هههههههه

ملهيه ملهيه الكوتي لوخر



رايح يدابز؟؟؟؟

شت ها انا في هذي نحير



ربي يستر الحفاف لا هو ينظرب تاني i-o:

هههههههه

اودي والله ماخلاو واحد الغاشي كامل دا من عدهم طريحة



هدي صح لازمها الضرب هههههههه :lol:

هههههههههه

شت الضرب وين يصلح خويا وحيد


حاجة باينة لوكان جات لبسة شابة يقلكــ super

ههههههههه

الرحمة يا نورمال مالا



normal كي تحب تستخدها روح للستاسيون عمر normal


صار نقدر من تما نعمر

ايا افار مالا نورمال


روح مينو ولا مصراتها
خليها normal :lolo:

ههههههههه

هاودي احكم حق تعبك ها وحيد خويا





لالا والله غير normal
ضربناها بمناقشة شابة خخخخ:showoff:



ههههههههههه

هذي اللي بغيتها انا

ضروك رانا نورمال



قالو راح يزيد فيه الريم
صح كاين منها؟؟؟
:blink:

هههههههه

وقيلا







​

موضوع فوق normal
لازم تضربها بقعدة شابة باش تجيكــ لانوت نتاعكــــ

​

​

هههههههههه

يعطيك الخير وحيد حبيبي وبوسينا الحالة شويا

ومدلي نقطة مليحة

يخي راني خوك نورمال
​

 

[Mr mino]

عادي في بلادي
dz
كلش سبيسيال
**كنت رايحة نضربك بوحد الرد....مي امبعد
بطلت**
ايا سلام​

هههههههههههههه

زعما كي قلتي عادي باش ماتكونيش من هذوك اللي حكيت عليهم في الموضوع تاعي

اممممممممممممممممم فقتلك

ها الا راح تضربيني برد غير مكان لاه انا باغيك

تكتبي رد ماشي تضربيني برد

ههههههههههههه

شكرا جنزبيلا

​

 

[NICHA03]

كت رح نضربها بوحد الرد و مبعد قلت خلي برك يخي نورمال كي منديرش
واش تحب امينو كل شي نورمال في نورمال هاذي dz

 

[Mr mino]

السلآآم عليــكمـ

وعليكم السلام

مرحبا

شوف اولد النآس امينو ضربتها بطلة لموضوعك عجبني صرآحــــة
قلت ماندخلش بيديا فارغين سرقتلك ميلفاية نورمــــآل

لي عودة للرد على موضوعـــــــم وقت الصلآة
​

هههههههههههههههه

اييييييييييييييي ميلفاية تروح روحي وماتروحش الميلفاية

ادي كلش غير الميلفاية لالا

( اييييه يا مينو ضروك تقول كوثر استخصر فيا ميلفاية )

ربي يتقبل صلاتك

الباقي نكملو في الرد لوخر


​

 

[THE GNAWIE]

هههههههههههههه​

زعما كي قلتي عادي باش ماتكونيش من هذوك اللي حكيت عليهم في الموضوع تاعي ​

اممممممممممممممممم فقتلك ​

ها الا راح تضربيني برد غير مكان لاه انا باغيك​

تكتبي رد ماشي تضربيني برد ​

ههههههههههههه​

شكرا جنزبيلا ​

و ضرك عجبك الحال مينو​

 

[Mr mino]

حاجة نورمال

هههههههههههه

هيه واحنا واش قلنا ؟؟؟

ههههههههه

شكرا جنزبيلا
​

 

[Mr mino]

~ .. الســــــــلام عليــــــــكم ..

وعليكم السلام

.. مســاكـ ورد و مسكـ و عنبــر ..

مساء النور والانوار اهليييييييين اكرم حبيبي كي راك يا الغالي ان شاء الله لباس


.. واش مينــو الصحــة ؟! .. مليحــة ان شاء الله خويا ..

والله يا خويا اكرم الحمد لله رانا بيان السوال عليك ربي يخليك


.. شــوف قضيــة الضرب .. ضركـ نفهمكـ فيهـــا ..

هههههههه

ايه من الصباح وانا نحوس على واحد يفهني في جدها


.. احنــا من العصــور الأولى و احنــا في الضـــرب .. حكمت فينـا طبيعة ..
.. حتى في الهدرة لازم نضربوا .. << المشكلة جدول الضرب مانيش حافظه هههههههـ ..

هههههههههههههه

انا جدول الضرب حافظ غير تع 1 2 3 الباقي نهجي برك نخرط

هههههههههه

بصح افار احنا حاكم فينا الضرب من بكري هذي قنعتني بزاف

هههههههههه


.. أمــا قضيــة نورمــال .. في بــلادنـا الحبيبة ..
.. مـا رانـا أغنيــاء و لا فقــراء .. نورمــال بركـ هههههههههـ ..

هههههههههههههه

يسما كيف كيف

فسر الماء بالماء بعد جهد وعناء

هههههههههه

..

.. يعطيكـ الصحــة يا مينو .. عـ الموضوع الـ Cool ..
.. و الله ديمــا مزهينــا بعفايسكـ البــاهين صحيبي ..
.. ربي يخليكـ لينــا و لا يبعدكـ علينــا .. و يحفظكـ و يحميكـ للغالين و الحبايب ..


ربي ينورك خويا اكرم والله ردودك ابهى واحلى من مواضيعي

اخويا ربي يخليك لينا انت تاني ومايحرمناش من ردودك الزينة

الله يبارك فيك


~ .. دمت في حفــظ الرحمــن ..

الله يحفظك

​

شكرا جنزبيلا
​

 

[Mr mino]

ضربت طلة على الموضوع

عجبني بصح مانردش.... نورمال
.
.
.
.
.
آه...قارع
هاو هاذي هي جاية كيما هاك
تعودنا عليها
كلشي نورمال
​

ههههههههههههههه

حتى ردك نورمال

يا الرومنسي حبيبي هاو المشكل في نورمال

ههههههههههه

ويلا ماتردش تاني نورمال

ربي يخليك الله يحفظك

شكرا جنزبيلا

​

 

[Mr mino]

" علاه المواطن الجزائري يكثر من هذي الالفاظ "

لوكان ما نجاوبوش

نورمااااااااااااال :shiny: :lol:

ههههههههههههههه

وراه المشكل

اضربيها بطلة وماتجاوبيش نورمال

​

 

[Mr mino]

مينو

نورماااااااااااااااااااال ( ماتردش ههههههههههههههه)

ههههههههههههه

نرد نورمال
​

 

[Mr mino]

والله تجي تمرض تفهم
وتفهم :cursing::crying_1::crying_1: تمرض
واااش اديــــــر
كلش نورمال
كلشلو
اهربلو
هاتلو
وش حاللو
وتروح وتروح وترجع
كلش نورمالو​

ههههههههههههههه

هاو كي راك حسام خويا لباس ؟؟؟

ها كلش نورمال كيما قلت

وتجي تفهم تحير

نحير انا ولا نكذب

ربي يخليك يا الغالي

شكرا جنزبيلا

​

 

[شجـ الروح ـون]

بسم الله الرحمن الرحيم


sـــلام عليــcom

وعليك السلام خويا

حبيبنا العضو اغلق الهاتف تاعك كاين ناس راهي راقدة

ما يكون لا خاطرك خيوi-o:

حبيت نسقسي عليكم كي راكم


واش حوالكم ؟؟؟ ان شاء الله راكم ملاح

السوال عليك

شوف


باركزومبل مثال تلقى واحد رافد كابته ويمشي

تقلوا وين بيها ورايح ؟؟؟

يقلك


" رايح نضربها بتحميمة "

السيد رافد كابة ورايح جيهة الحمام وش يكون رايح يديرi-o:
انعم


زيد تلقى واحد يمشي رايح جيهة الحلاق تقلوا

حبيبو وين رايح ؟؟؟

يقلك


" راح نضربها بتحفيفة "

المهم يسلك الحفاف برك:lol:
انعم


زيد تلقى واحد يمشي رايح جيهة الليسي ولا

الجامعة تقلوا اوسمك وين رايح ؟؟؟


يقلك


" رايح نضربها بــتكحيلة "

اضرب اضرب عندك الحق ههههه

انعم


واحد لابس سيرفات تقله وين ا بلومي ؟؟؟


يقلك


" راح نضربها بتريضة "

هههه هنا بلاك يصلح الضرب
انعم


تلقى واحد رافد وسادتو تقلوا انندب وين رايح ؟؟؟


يقلك

" راح نضربها برgــدة "

انعم

يا بن عمييييي ونت لاه تسقسي ياسر
ههههه
اللي تتلاقى معاه تسقسيه ولا ههه.
.
.
.
.
.
.
.
.
.
.

ايكسيتيرا اكسيتيرا


بن عمييييييييييييييييي

قولولي

واش حكاية الضرب هذي ؟؟؟

الغاشي كامل رايح يضرب مكاش اللي رايح يفك خلاص ؟؟؟

ياخويا حنا نمشو غير بالعصا
حتى كلامنا حورناه ودخلنا فيه الضرب
ههههه
خويا عندك التفاح ؟؟؟

ايه كاين

اعطيني زوج كيلو بصلة


زيد تبعني اهبط لتحت نقلك

.
.
.
.
.
.
.
.
.
.
.


تلقى واحد يدير في حاجة ماشي مليحة تقلو علاه عليك ؟؟؟

يقلك


" normal "

اهيه المخلوق طول حياتو يقرى فالفرونسي
هداك وش تعلم
انعم


تلقى واحد لابس لبسة مرنكة تقلوا واش هذا ؟؟؟

يقلك


" normal "

يتبع فلامود ههههi-o:
انعم


تلقى واحد ياكل في ماكلة عيانة تقله تقدر

تاكلها ؟؟؟؟

يقلك


غير ماتخممش خيو كاين عباد الحجر ياكلوه ههههه:blink:
" normal "


انعم

.
.
.
.
.
.
.
.
.
.
.

وشي حكاية normal هذي وين تروح تسمعها ؟؟؟؟


اخويا كلش normal ؟؟؟

ايه كلش normal

شحال حقك ؟؟؟

خلي برك مانخلص من عندك ما والو باباك صاحبي

كنت معاه في العسكر



""" ملاحظة هامة """

* حبيبنا العضو ماتدير بالو في والك اي حاجة

يكتبها مينو راهي ليك وماشي عليك *



مالا تدير مزية تحلل وتناقش


" علاه المواطن الجزائري يكثر من هذي الالفاظ "


في لمان

​

تربحوا

علامة موضوعية مسجلة

المادة 150 من قانون المواضيع

" تعاقب الناقلين "



********************


هذا الموضوع برعاية


المدرسة الوطنية للتبغ والكبريت

كلية الريم

شكرا جنزبيلا
التدخين مضر بالصحة :cursing:

​

يعطيك الصحة خويا
موضوع رائع
والله حنا ليزالجيريان هاك دايرين
عايشين بالضرب والخشانة حتى فالكلام:showoff:
ونعرفو زوج كلمات
ca va و normal :shiny:
تقبل مروري اخي
واسمحلي على الاطالة راني ثرثارة من الكبار ههه

​