مبقالي بنة في الحياة ربي يستر

عبد الجبار الجزائري

:: عضو مُشارك ::
إنضم
16 جوان 2010
المشاركات
298
نقاط التفاعل
0
النقاط
7
السلام عليكم
والله اول مرة رايح نفرغ الي في قلبي بصح لازم واحد عندو خبرة والا معلومات في القانون ان امكن

انا شاب كما الشباب حاب نعيش وحاب نتهنى
تزوجت بلا منفيق ونهار فقت لقيت روحي طلقت
متحيروش هده هي الحقيقة هو السحر عافاكم الله منه

ماخلاصتش هنا

كي طلقت تقريب عامين وانا في الشرع قريب هبلت

المهم بقالي كمية نتاع عقل راني نقاوم بيها

نهار خرج اللوسي ينفد عطاني 15 يوم في يدي باه نسلك 28 مليون المهم نشفت انا كان عندي مليون يعني مع المبلغ الي حكمو بيه ميبانش

المهم ربي ميحبش الظلم سلكها سلكت وخلاص

بصح المشكل انو المطلقة صرحت بعشرين مليون دهب والقش الي حطاتوز نتاع بنت وزير


حكمت علي المحكمة باه نحلف بصح مكان والو

اللوسي راه يلعب بي ةوخايف ادا يديرلي قالب ونحصل

شوفو قلولي الي مهبلش هدجا العام وكتاش يهبل باه ندير حسابي من لول



يا اخواني واخواتي شكون الي عندو خبرة كبيرة في القانون رايح نقلكم









اولا انا مطلق وقد قامت المطلقة بالتنفيد علي فقمت بدفع مبلغ الطلاق كاملا

لكن المشكل ان المحضر نفد الحكم مع علمه بان بطاقة تعريف المطلقة انتهت صلاحيتها

وبعد ان امسك المبلغ طالبته بمحضر التسليم والوفاء ولكنه رد
بان مطلقتي لم تستلم المال لان بطاقة التعريف انتهت صلاحيتها ولما طلبت منه تنفيد الحلف لكي اسلمها اثاثها قال لي تروى والاجرائات وكدا وكدا

شكون الي يفهمني في كاش اجراء نقدر نسلك بيه روحي راه قلبي رايح يكلاطي
 
ما عندى واش نقلك
الله يجيب الخير
 
ما نفهمش فالقانون بصح ربي يحلها و الظالم ربي يجازيه
 
السلام عليكم،،
سقسيتلك خويا و قالك على اي اساس مديت المبلغ للويسي ؟ كي مديتلو الدراهم اعطاك وصل تسليم ولا ورقة ولا كاش حاجة كيما هكدا ؟
 
السلام عليكم،،
سقسيتلك خويا و قالك على اي اساس مديت المبلغ للويسي ؟ كي مديتلو الدراهم اعطاك وصل تسليم ولا ورقة ولا كاش حاجة كيما هكدا ؟

وصل راه عندي وانا معطيتوش السوارد حتى مدلي الوصل

زيدي فهميني نقلك انا قريت قانون بصح اجرءات التنفيد غابتلي الي نحب نفهمها كفاش ندير اجراء باه يعطيني وصل التسليم والتنفيد ويزيد يعيطلي باه نادي اليمين باه نولي نرفع رجوع الدعوى بعد اداء اليمين باه يصادقو على القائمة الي حطيتها انا هكدا نتهنى
 
بصح انت كي دفعت للوسيي لازم تكون كاينه ورقه تبين بللي طليقتك ادات الدراهم والله اعلم


ربي معاك واللي فيه الخير ربي يجيبو
 
بصح انت كي دفعت للوسيي لازم تكون كاينه ورقه تبين بللي طليقتك ادات الدراهم والله اعلم


ربي معاك واللي فيه الخير ربي يجيبو


امين

وصل الوقاء والتسليم ممدوليش

انا راني نخمم نروح لوكيل الدولة

مزال ملقيتش الي يدبر علي
 
واش نقولك خويا أنا ما نفهمش فالقانون مي نفهم بلي كاين ربي سبحانو هو ألي يسير هاذ الدنيا .. نقولك واش تدير .. أتوضا وصلي لربي وأدعي من قلبك .. وربي سبحانو ما يحبش الظلم وإن شاء الله راح ينصرك .. والله يقضي حاجتك .. آمين وألي دخل يقول آمين ..
 
واش نقولك خويا أنا ما نفهمش فالقانون مي نفهم بلي كاين ربي سبحانو هو ألي يسير هاذ الدنيا .. نقولك واش تدير .. أتوضا وصلي لربي وأدعي من قلبك .. وربي سبحانو ما يحبش الظلم وإن شاء الله راح ينصرك .. والله يقضي حاجتك .. آمين وألي دخل يقول آمين ..

امين
عندك حق سوايعات ننسى هدا الشيئ بصح الله غالب الصبر بدا يروح حتى اني بكيت لربي باه يزرب يهنيني هدا ابتلاء

الهم لا تحملني ما لا طاقة لي به

ربي يجيب الخير
 
قم بإسشارة محامي ، كما أنصحك بالحصول علي هاته النسخ من وصولات التسديد وإرفقاها مع نسخة من الحكم وإرسالها إلي الجهة التي اصدرت هدا الحكم - قسم ألأحوال الشخصية- لتجنب الوقوع في جريمة عدم تسديد النفقة .
 
قم بإسشارة محامي ، كما أنصحك بالحصول علي هاته النسخ من وصولات التسديد وإرفقاها مع نسخة من الحكم وإرسالها إلي الجهة التي اصدرت هدا الحكم - قسم ألأحوال الشخصية- لتجنب الوقوع في جريمة عدم تسديد النفقة .

انا نقلك الصح مبقاتليش ثقة في المحامين للاسف كامل راهم يحوسو غير على السوارد حشى لقليل انا محبيتش نكمل الكفاءة المهنية للمحامات علابالي بهدا السوق وين يوصل وزيد نقلك انا لا اؤمن بهدا القانون لان الظلم فيه اكبر من الحق

يا لعجب الطفل عندي من ىنهار خرجت وحكمت علي المحكمة نسلك النفقة نتاعو او قلت للمحامي هدا زعما الي يحامي علي لازم نخرج الوسي باه نثبتو الحالة قالي اواه مكان لاه

شسفتي ودك سلكت النفقة نتاع الطفل الي هي ربع ملاين ونص او نقلك انا مزال الوقت بعيد باه نتهنى مدام الظلم ولا عيناني حتى ان الثقة في القضاء انعدمت
وعلاش صرا لبلادنا هكدا وعلاش السوارد يطبقو عليك المادة والسوارد ميطبقوهاش كلش معارف وباكي وحنا عندنا المعارف والسوارد هما رلاب العزة
او الي سلك 28 مليون منيش انا ولا واحد اخر ربي اللي سلكها

الظلم ظلمات علابالي بلي ينصرني ربي عاجلا او اجلا ومنيش خايف خلاص بصح الصبر راح مبقالي صبر صبرت عامين ومقدرتش نصبر اكثر

القانون او سيفيني عندك الملاير تسلك بيها في الدنيا بصح في الاخرة باه نسلكو من العداب مكانش ثم المعرفة والبيسطو والدراهم كل واحد يتحاسب على فعلو كون نكمل الهدرة منخلصش ونبقى غير نكتب الي عقب علي بلاك كاين الي في عمرو 70 ومعقبش واش عقبت
ربي يفرج ويعطيني القوة باه نزيد نصبر اكبر من الصبر الي عقبتو
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top