Dr.Odd~ فــ الجزايــــــ So Hard To Be a Boy ـــر ــي ~Dr.CrAzY

[Dr.CrAzY]

صالح نروح نجري
*
ان شاء الله كي
نرجع نهدرو على طاطا كريمة وناس الـ ptt

وتحدي النفس وزيدلها الواقع في الجزائر كشماااااا تلحق على حاجة
مع هاد لعباد
​

 

[Dr.Odd]

السلام عليكم
وعليكم السلام
وقتنا ضروك كامل راهو يولي بالعكس واش دير
وين راهو الحل وكيفاش تحل المشكلة
يد وحدة ماتصفقش

مي تضرب بالكف :crying:

العرف راهو بالدرجة الأولى
ولبنات راهم بأي طريقة يحاولو يوصلو لهدفهم
معليش ما قلناش الله يبارك ان كان فيما يرضي الرحمان احنا ما عندنا ولا اي اعتراض المشكل مش في البنت المشكل في سادتي أولياء نعمتي بففف زعمة زعمة

حط روحك في بلاصتهم مثلا وقولنا
أوكي درك نقلك
اولا لو كان كنت من علائلة لا باس باها كافيتني و الحمد لله واعلاه نتلاح نخدم هل راح نقدم ولا نأخر معليش نقولو انا خارقة الذكاء عالمة في الذرة وش راح نقضي في دزاير ؟

لوكان يجي ليك واحد عرف معريفة راح تقدمو على الناس لخرى؟
سامحيني نقلك حاجة لو كان تخلي الناس يعرفوك من قبل بلي راك قدقد ما يتجرأش يبين روحو قدامك كي يجي لمكان العمل تيعك يعني المسالة مش مسألة مشاعر راهي مسألة مبادئ، شوفي للماعندوش مسكين هداك وش نعفسوه لا لا المبادئ كي اضيع تدي معاها كلش
فرضا هذا الشخص كان يستاهل هذاك المنصب؟ سوا بنت ولا ولد أو العكس مايستاهلش؟
لا مام يستاهل يأ أختي كاين طرق مشروعة نورمالمون يديرو انونس يديرو اختبارات والمأهل ربي يبارك حتى لو كان يهودي مش غير بنت البنت أشرف

هاذي هيا بلادنا
ورانا نشوفو كل يوم جديد نحو الأسوأ
اللهم اجعل لنا خيرا

وشكرا ليك على الموضوع المميز

​

شكرا لك انت على الرد المميز لانو خلاني نحلل موقف حساس شكرا لك
بوركت
​

 

[السلطانة]

وعليكم السلام
حضرة الدكاترة
تحية عطرة اما بعد
المناصب للبنات ماش اي بنات بنات ال....
ولي جان حاطينكم في كرسي الاحتياط
تهلكت الاحوال ربي يسقم الاحوال
ميغسي على الموضوع
يعطيكم الصحة عدتم بقوة

هدا الرد برعاية:
anti chita
تحياتي

 

[Dr.Odd]

الدولة تحط و احنا نتبعوا ، هذا هو الحال
ولكن الى متى؟ هنا السؤالْ؟

انا اليوم أختي زعمة توجد فالدوسي تاع الخدمة عندها وحد السمانة و كل ما تدخل للدار تدخل تبكي
الله يسعدها و الله من كل قلبي بالك تقولي موضوع ضد البنات لا و الله ماهو ضد البنات راهو ضد الدولة و الظلم

رغم انها عندها الحق فالبلاصة و النهار اللي مركات فيه باش تقرا دارولها كونطرا

بلاد الواقف ما تحيريش

و درك راهي كل يوم رايحة جاية على لاكاديمي و ماحبوش يعطوها بلاصتها

اتهناي مصاصي الدماء لازمك تشربيها ماء الصبر

مالقري فالبرومون تاعهم كاين هوما 3 في الولاية تاعنا

الله يبارك هذا يعني راه رقم 103 بالمنظور تع المعريفة

ايا هذي ماشي الواحد يحير معاها ، اذا هي بنت و غاظتها عمرها

أكيدْ، ومع انها قادر يفتح علاها ربي بولد لحلال فيهناها من الخدمة و من كل الشقاء، آمين

الولد شايدير ، و زيد بالزيادة يقولك علاه الناس راهم يروحوا ينتحرو و علاه

باسكو الإنتحار أقرب وسيلة للنعيم بمعنى: المنتحر لا يخرج من الملة يعني يدخل النار يتعذب لأنه قتل نفسا بغير حق اولا ثم لكونه مسلم راح يتحاسب على فعاله فيزيد يتشوا شوية في النار ، ثم يروح للجنة خير ما يعيش حياة الذل لا فلسطين محجررة ولا بلادنا جنة
راهم يسكروا و علاه راهم يخطوا الطريق و علاه و علاه ..............

خلي البير بغطاه

على كل ربي يكون معاكم و ان شاء الله تفروها ، اذا مشات طبعا

دمتم + peace



​

أختي رانا مشنا قلقانين من الخدمة مازال قدامنا نزيدو نقدرو نقراو و نقراو مازالنا دري ههههه
المنكر لي هدرنا
ولي خلاك تشوف الداب الاحمق يحكم بلاصتك
عموما شكرا لك تمام الشكر
​

 

[Dr.Odd]

وعليكم السلام
حضرة الدكاترة

طيب وش بيكي؟ :blink:
​

تحية عطرة اما بعد

آفْ خلعتيني وانت زادة :shiny:
​

المناصب للبنات ماش اي بنات بنات ال.... تعساء
ولي جان حاطينكم في كرسي الاحتياط تع الحياة
تهلكت الاحوال ربي يسقم الاحوال آمين
ميغسي على الموضوع لا ميغسي على واجب
يعطيكم الصحة عدتم بقوة ربي يسطر :crying:

هدا الرد برعاية:
anti chita
تحياتي

شكرا لك على الرد الجميل
بوركت
​

 

[Dr.Odd]

صالح نروح نجري
*
ان شاء الله كي
نرجع نهدرو على طاطا كريمة وناس الـ ptt

وتحدي النفس وزيدلها الواقع في الجزائر كشماااااا تلحق على حاجة
مع هاد لعباد
​

أيا أتوت انا تاني لميكرو تع خالي حبس
و عيطلي نخدمهولو
أتوت
​

 

[Houda Chaouienne DZ]

الله يجيبلك الصبر خويا .. و يجيبلنل كامل
puisque أنا ثاني حابة نقولكم
So Hard to be a girl in Algeria
راكم ما شفتوش معاناة المرأة
أنا تقريب النساء اللي نعرفهم كامل يعني تقريب 90% منهم
يتمناو يكونو رجال نظرا لمعاناتهم
نقولكم حاجة احمدو ربي يا les jeunes
راكم مهما كان أحسن من البنات
رغم أني نقول حتى للبنات احمدوا ربكم .. اللي خلق ما يضيع
شكرا بزاف على الموضوع الرائع و المنظم و الممتع
ننتظر جديـــــدك
​

 

[Dr.Odd]

الله يجيبلك الصبر خويا .. و يجيبلنل كامل
puisque أنا ثاني حابة نقولكم
so hard to be a girl in algeria
راكم ما شفتوش معاناة المرأة

لا لا كون تشوفي الميضوع راح تلقايه يحتمل الوجهين المشكل فقط انو جاء بصيغة المذكر و كون تراجعي ردودي على الاعضاء راح تفهمي افضل و جههة نظر المؤسسين
dr.odd &dr.crazy ‏


أنا تقريب النساء اللي نعرفهم كامل يعني تقريب 90% منهم
يتمناو يكونو رجال نظرا لمعاناتهم
مالا قوليلهم أحمدو ربي كونكم في دزاير وابقاو نساء
نقولكم حاجة احمدو ربي يا les jeunes
راكم مهما كان أحسن من البنات
هههه في وش في دزاير جامي
مش منطلق البنت مقدمة لا فيزيولجية البنت تقدر تخلاها تقعد في البينت بلا خدمة أكيد اذا كان هناك من يعيلها و يقوم بشؤونها اما العكس فهي كيفها كيف الراجل و ما نظنش انو لعندو بنت راح يرغمها على العمل و هو كافيها؟
رغم أني نقول حتى للبنات احمدوا ربكم .. اللي خلق ما يضيع
شكرا بزاف على الموضوع الرائع و المنظم و الممتع
ننتظر جديـــــدك
​

شكرا لك ايضا على الرد المميز يثير جانب آخر من جوانب الموضوع
بوركت
​

 

[السلطانة]

اختي يقول الشاعر​

صبرنا حتى ولد صبرنا صبرا​

عابالك وش معنتها
يعني
في دزاير رانا ما بقاش صبر رانا عايشيين تحت خط الصبر يعني فتنا الصبر في الصبر كون جا الصبر يجرب يصبر راح نفوتوه في الصبر وي يولي الصبر أسمو Algerien
هههه عابالي خلطلك لخيوط ههه​

بوركت على المرور أختي
شكلرا لك​

:crying::crying: في بلادنا نبقاو
tjr
اون اتونت :crying::crying::blink:

 

[Dr.Odd]

:crying::crying: في بلادنا نبقاو
tjr
اون اتونت :crying::crying::blink:

هههههه
هادي يعيطولها
Le point de repos
يعني نقطة الراحة وهي في علم الإلكترونيات و بالأخص الترنزيستور
ههههه
​

 

[TOUTA32]

الله يحسن عونكم خويا
مالا لوكان تشوف التوانسة الطحين داير حالة حاشاكم
مالا احمد ربي لي مازال الراجل عندو كلمتو على مرتو في دزاير

 

[mimi.dz]

فيـ وقتنا دخلتـ الطفلة فيـ مجالـ الخدمة
وكيما راهمـ يقولو منـ حقوقـ المرأة ( على حسابـ القانونـ الجديد i-o
تديـ قيسها قيسـ أيـ راجلـ
ميـ المشكلـ ماشيـ فيـ المرأة بحد ذاتها
ولكنـ فيـ الدولة نتاعنا
دركـ تلقا طفلـ وطفلة فيـ زوجـ عقبو الكونكور
وحتى ولو كانـ عندهمـ نفسـ المستوى
واذا كانـ متفوقـ عليها
اتأكد بلليـ الخدمة تطير للطفلة
الله غالبـ هذيـ هيـ بلادنا
المعرفة و .........
(ياكـ دكاترة sur فهمتو المقصود )
ربيـ يهدينا ويصلحـ الحوالـ
باركـ الله فيكمـ
​

 

[Dr.Odd]

الله يحسن عونكم خويا
مالا لوكان تشوف التوانسة الطحين داير حالة حاشاكم
مالا احمد ربي لي مازال الراجل عندو كلمتو على مرتو في دزاير

الله المستعان خلينا من تونس
كون نحكيو ما تفراش الدياثة عندجهم تطعيم ضد الدين
شكرا أختي بارك الله فيك
​

 

[Dr.CrAzY]

فيـ وقتنا دخلتـ الطفلة فيـ مجالـ الخدمة
هاه وعلاهاديك مالقيناش لبلاصـــة
وكيما راهمـ يقولو منـ حقوقـ المرأة ( على حسابـ القانونـ الجديد i-o
تديـ قيسها قيسـ أيـ راجلـ
اي وي والقانون دارو راجل ...i-o:
يوهمو في المرأة بلي عندها حقوق
علابالك المرأة قبل الاسلام كانت محقورة ياسر
وكي جاها الاسلام مدلها حقوقها وكرمها
لكن الان راهي تهين في نفسها
كيـ تتبع ماخطته يد الانسان الذي اتبع قانونا خاد به عن شرع الله


ميـ المشكلـ ماشيـ فيـ المرأة بحد ذاتها
هاه
ولكنـ فيـ الدولة نتاعنا
الدولة لقات الشعبت يقول بع بع مدتلو الشعير
فهمتيني ؟ :shiny:
دركـ تلقا طفلـ وطفلة فيـ زوجـ عقبو الكونكور
وحتى ولو كانـ عندهمـ نفسـ المستوى
واذا كانـ متفوقـ عليها
اتأكد بلليـ الخدمة تطير للطفلة
الله غالبـ هذيـ هيـ بلادنا
المعرفة و .........
(ياكـ دكاترة sur فهمتو المقصود )
بيانسير فهمنا ...........
صدقيني المشكل يكمن أساسا في الشعب لأنو الأمور هادي وتفضيل المرأة على الرجل
نلقاوها حتى عند الشعبي البسيط
وحتلى في أبسط الأمور المشكل مشكل أخلاق وعقلية
ربيـ يهدينا ويصلحـ الحوالـ
باركـ الله فيكمـ
​

ااااامين
وفيكيـ بارك الله
سلامـ
​

 

[MR-REDOUANE]

الرجل المناسب في المكان المناسب
هذي ثاني وحدة من الاسباب تلقى وحدة نيفو 9eme في بلاصة واحد ليسونسي
7 سنين قراية+ عامين عسكر كامل راحو في لاطاي تاعها
ايه واش تحب وجعونا قلوبنا و اليوم والفنا و هذي هي
​

 

[Dr.Odd]

الرجل المناسب في المكان المناسب
طبعا
هذي ثاني وحدة من الاسباب تلقى وحدة نيفو 9eme في بلاصة واحد ليسونسي
7 سنين قراية+ عامين عسكر كامل راحو في لاطاي تاعها
ههههههههه
ايه واش تحب وجعونا قلوبنا و اليوم والفنا و هذي هي
​

وي والفونا
ولات حاجة عادي نورمال يحطمولك المستقبل بعامين تع العسكر وش خاسرين هوما راهم السادة و احنا ما علينا غير العبادة هذا وش حابين
​

 

[Dr.CrAzY]

الرجل المناسب في المكان المناسب
هذي ثاني وحدة من الاسباب تلقى وحدة نيفو 9eme في بلاصة واحد ليسونسي
7 سنين قراية+ عامين عسكر كامل راحو في لاطاي تاعها
ايه واش تحب وجعونا قلوبنا و اليوم والفنا و هذي هي
​

حكاية الرجل المناسب :lol:
اسمعني بيان
كيـ نطلع أنا لاتصالات الجزائر
وتجي الريبونسال تع
les ressources humaines
تقولي شفت هداك
راهو شاف د سارفيس
هاه ؟
عندو ليسانس في الحقوق حقوق حقوق
حاكم الاتصالاتـ

يعني مش مخك يصرالو الشوك مش تهبل في بلاد الهم
والمعريفة لي تخدم حتى الداب
*
بلاد مازالو فيها عايشين على أنقاض الثورة والجهاد والشهداء...
*
نروحو للعسكر
تروحلو يقولك أو أنت قاري لا مانمدوش لاكارت جون
نسحقوكم
يزيد يحب يحطمك بعام ونص
مام با فيهم فائدة مضيعة تع وقت
وكل مرة يهفونا ويقلك سيبون رانا رايحين نقلبوه
عسكر بروفيسيونال
وابقى أنت شد فلخيط

الحل الهربة
والسلام عليكم


​

 

[aMiNa-K]

السلاااااااام عليكم

* هدا موضوع شباب يا خاوتي
و مازال الخير للقدام و مازال عندكم ماتزيدو تشوفو
واش رايح يجيكم من ادارة تمشي غير بالمعريفة و ادارة حاكمها نظام عجوز

* فكرتوني في حكاية صراتلي ماعندهاش بزاف .. كنت مع les examens و من بعد نريح semestre كامل و مانقراش حتى العام الدراسي الجديد .. خويا فكرلي poste فوحد l'usine تاع الدوا .. قلتلو مانقدرش نبدا نخدم حتى نكمل الامتحانات .. درت روطار تاع سمانة برك .. قالي طار البوست تاعك داتو وحدة ماعندها لا معريفة لا والو .. دخلت لابسة الحطة و الروايح و تمضغ في الشوينقوم مامبا 5 دقايق قبلوها عندهم
وليت نقول ينعل بوها خدمة تاع الرخس
​

* و قلتو بلي كاين اللي قاسمين لي بوست 50 بالمئة للرجال و ال50 لخرى للنسا .. بصح ماشي اي وحدة يقبلوها عندهم لازم تكون كدا و كدا و كدا و لازم تقبل تدير كدا وكدا و كدا
علابالكم واش راني نقصد
​

* اغلب الوزارات تشوف اللي يخدمو فيها غير الشيوخة و العجايز الصغير فيهم رايح يدخل ل50 سنة و هاكداك طامعين مايدوش لاروترات و لوكان يصيبو يخلدو في الكراسى تاوعهم

واشنو هدا يا عجابة و la jeunesse تاعنا وين تروح؟؟؟ .. اااه حقا تفكرت la jeunesse تاعنا ياكلها الحوت

* و الله غير قستوها بعنوان الموضوع .. و ربي يفرج عالشبيبة تاعنا
البنات اوموا كي تتطفر تولي تقول يجي المكتوب و نعيش في دار راجلي هيهي .. بصح الاولاد الله يكون في عونكم
صحيتو عالموضوع​

 

[Dr.Odd]

السلاااااااام عليكم
وعليكم السلام

* هدا موضوع شباب يا خاوتي
شكرا
و مازال الخير للقدام و مازال عندكم ماتزيدو تشوفو

والله _o: :crying_1:

واش رايح يجيكم من ادارة تمشي غير بالمعريفة و ادارة حاكمها نظام عجوز

نظام خروف

* فكرتوني في حكاية صراتلي ماعندهاش بزاف .. كنت مع les examens و من بعد نريح semestre كامل و مانقراش حتى العام الدراسي الجديد .. خويا فكرلي poste فوحد l'usine تاع الدوا .. قلتلو مانقدرش نبدا نخدم حتى نكمل الامتحانات .. درت روطار تاع سمانة برك .. قالي طار البوست تاعك داتو وحدة ماعندها لا معريفة لا والو .. دخلت لابسة الحطة و الروايح و تمضغ في الشوينقوم مامبا 5 دقايق قبلوها عندهم

وي باسكو لما يقول الشاعر
خلقت لنا الجمال و قلت لا تنظروا
هنا حب يقول ادارة مبدأها خبيث ومآلها للخبث
وكل لي يقبل هاد التصرفات خبيث و لوكان كنت أنا ههه تقول عليا pdg تع سونطراك
ههههههه

وليت نقول ينعل بوها خدمة تاع الرخس
هذه اختي واسمحيلي سي ينطق ولات سوق نخاسة
مشي البنت المحافظة لي تختم بل البنت الي ما تقيمش كلمة حواء

​

* و قلتو بلي كاين اللي قاسمين لي بوست 50 بالمئة للرجال و ال50 لخرى للنسا .. بصح ماشي اي وحدة يقبلوها عندهم لازم تكون كدا و كدا و كدا و لازم تقبل تدير كدا وكدا و كدا
علابالكم واش راني نقصد
:crying:
​

* اغلب الوزارات تشوف اللي يخدمو فيها غير الشيوخة و العجايز الصغير فيهم رايح يدخل ل50 سنة و هاكداك طامعين مايدوش لاروترات و لوكان يصيبو يخلدو في الكراسى تاوعهم

معليش راح يموتو وحتى لا روترات تلحقهم بإذن الله مي تلحقم كريدي حسنات

واشنو هدا يا عجابة و la jeunesse تاعنا وين تروح؟؟؟ .. اااه حقا تفكرت la jeunesse تاعنا ياكلها الحوت

الحوت ولا ادود
باسكو كون ندجفنو في لا لجيري راح تتخصب التربة باملاحنا المعدنية وهكذا راح يستفيدو منَّا اولاد هاؤلاء
مالا يوكلنا الحوت خير
الحوت ولا ادود

* و الله غير قستوها بعنوان الموضوع .. و ربي يفرج عالشبيبة تاعنا
آمين
البنات اوموا كي تتطفر تولي تقول يجي المكتوب و نعيش في دار راجلي هيهي .. بصح الاولاد الله يكون في عونكم
صحيتو عالموضوع​

وي صح البنت كي ما تلقاش تسنى ولد حلال يتهلى فاها
مي لوكان ما يخدمش ولد لحلال كيفاه راح تتزوج البنت؟
أمالا القضية قضية أمة قضية وعي جماعي قضية قريب تخش في العقيدة من الضياع لي رانا فيه
بوركت اختي
و ربي يسطر من الي جاي
​

 

[shahrazad]

السلام عليكم يا الخاوة الكرام

طرح فالصميم

هدرتو على قانون الاسرة الجديدة وحقوق المرأة والمساواة
الي خرجت بيها بعض النساء الطايرات
وين حبو يوصلو مافهمناش ربي كرمنا وحد التكريم
واعطانا قيمة كبيرة كبيرة مي
ملي دخلت عقلية المساوة مع الرجل كرامتنا ولات متسواش
حبيتي تخدمي خدمة الراجل ؟:blink:
ديري كاسكيطا وتوقفي فالطريق
كي........._o:
امالا تستاهلي قاع واش راه يصرالك
//////
هدرتو تان على الخدمة وعلى لي جان تاعنا مساكن انا

يغيضوني لانو هما الي لازم عليهم يدبرو داك المصروف

بالنسبة ليا والله مايهمني انا نقرا حاجة حابتها
الخدمة جي ولالا

سي كيف كيف لانو اخرت لمرا تتزوج وتلقى شكون يخدم عليها

مي الجان
يجبدها بريمار سييام لييسي
اوووو راه دا الباك يروح للجامعة
الي همها كتر من قرايتها 4سنين 5سنين

كل هادااا والمستقبل تاعو مجهول في DZ

وزيد كي يخرج للدومان باه يحوس خدمة
راح يذوق الذل تاع الصح
ومن شكوووون
من ناس ميعرفوش با بو بي.. ولا من وحدة لقات خدمة بال......

علا هادي تلقى لي جان قاع لاهدف ومعلابالوش واش راه يدير يقرا
وخلاص
............................
انا هاد ليامات اني نسمع فوحد لعجب مخي حبس
صحاباتي كانو
معايا فالسييام البيام ماجابوهش لاقراية لاوالو
زعما كنت انا فور عليهم هههه (ياخي ياخي شهرة:lol
سمعت بلي كل وحدة راهي بالخدمة تاعها
وماشي اي خدمة :blink:

(سي بون شهرة متتقلقيش راكي في dz
يعني كيما يقولو ناس dz
نووووووورماال)
......

مي حبيت نقول يرحم باباكم الشعب الي ميعرفش اصلا الحقوق
تاعو الي تقول عليه الدولة تبع
كل واحد ساكت راضي بالذل
رضيينا بالذل والذل مارضى بينا لانو فقناه :crying:
عندهم الحق يتكسلو ويزيدو على الشعب الجاهل هداا

راني كثرت
الله يعطيكم الصحة والله ديما تتحفونا بمواضيع الي
تقيسنا
وطريقة الطرح هايلة
مرســـي:re_gards:
​