اكلات رمضانية

[ساجيدة]

:smile:السلام عليكم
واش راكم ان شاء الله تكونو ملاح:lolo:
ليوم جبت موضوع ان شاء الله يعجبكم ونستفيدو منه قاع:az_flw:
مع قدوم شهر البركة رمضان كريم ربي يدخلو علينا بربح والاجر
جبت هدا الموضوع ولي هو:az_flw:
كل واحدة تدخل هنا تقول لينا واش يطيبو في رمضان
ورانا نعرفو بلادنا واسعة وفيها تقليد بزاف:smile:
وهدا باه نعرفو على الماكولات التقليدية وكل وحدة تقول لينا وين تسكن

 

[ساجيدة]

نبدا
حنا في رمضان وفي بشار
ايه بشار كبيرة كل واحد وتقليده نهدر على راسنا حنا
حنا في رمضان نحطو لفطور وحده ولعشاء وحده
لخطرش كاين لي يدير لفطور مع لعشاء مع بعض
اول حاجا ولي وصانا عليها الرسول هي التمر والحليب وهدي حاجة باينة
قاع ديروها
وهاهو التمر والحليب الى ماتعرفوهش ههههههههه

وزيد نديرو لحريرة نتاع القمح

وزيد نديرو حاجة حلو متل قاطو ولا زلبية ولا شميه هكدا ...........
وزيد ديسير والمشروبات ورانا في الصيف هدي حاجة باينة
وماننساوش لتاي لي مانقدروش نستغناو عليه

وفي اخير نتمنى يعجبكم الوضوع وتتفاعلو معاه من اجل الاستفادا

 

[ساجيدة]

واش ماعجبكم الموضوع

 

[هداية الروح]

احنا فى عنابة نفطرو بالحليب والتمر
ومبعدصلاة المغرب شربة فريك لازم معاها البورك والكسرة و مبعد الطبق الشانى الى يكون دولما ولا زيتون او شطيطحة لحم ولا دجاج
كل
واحد واش يحب ونحليوها بطجين الحلو العين والزبيب واللوز فى الاخير سلطة مشو ية حميص ورمضان كريم​

 

[ساجيدة]

شكرا على الرد اختي

 

[Imane7713]

سلمــت الأيآدي

شكراًًََََ لكــَََ

دمت بحفظ الرحمن

 

[ام بشورة]

مشكووووووووورة بنت منطقتي انا تاني بشارية والي قلتيه قاااااع صحيح هادي هية تقاليد المنطقة لكن مؤخرا ظهرت بعض التعديلات ولينا نحطوا البوراك او معقودة مع الفطور لكن لا استغناء على الحريرة انا ناكل 2 غرفيات

 

[ازهار الربيع]

مشكوووووووووووووووووووووووورة اختي
وصح صيام كل المسلمـــــــــــــــــــــــــــــــــــــــــــــــــــين.

 

[ساجيدة]

صحا صيامكم جميعا وربي يتقبل منا جميع الطعات

 

[nassim007]

هيا زيدو وش تعرفو باه نقول ل يما
​

 

[ساجيدة]

هيا زيدو وش تعرفو باه نقول ل يما​

ايه خبرنا انت واش ديرو في رمضان

 

[khalil hip hop]

احنا على ما يذن المغرب في رمضان ديركتموا نبدوا التمر

ولحليب ومن بعد نروحا الى الصلاة ومن بعد نبدا الماكلة

اللذيذة كم انا مشتاق الى رمضان انه شهر الاجر والمغفرة

مكشورة اختي على الموضوع
​

 

[starblue]

احنا عندنا في جيجل
نفطرو بالتمر والحليب لازم ديما
ومور الصلاة لازم تحضر الشربة ولا فريك + البوراك + الكسرة بأنواعها + الطبق الثاني يكون في لحم ولا دجاج + طبق بالسمك + سلطة
وللتحلية فلان + سلطة الفواكه + عصير ليمون أو كوكتال
وفي السهرة واللي ديما تكون مع الأحباب الحلويات الرمضانية بمختلف أنواعها + شاي
صراحة رمضان في جيجل روعة من كل النواحي