ختي ..وخويا

@@simo@@

:: عضو مُتميز ::
إنضم
12 جوان 2010
المشاركات
671
نقاط التفاعل
5
النقاط
17
السلام عليكم ورحمة الله وبركاته

عندي بزاف مهبلتكمش بمواضيعي

المهم انا ليوم حبيت نحكي في واحد القضية

مهمة بزاف

نضن للبنات اكثر من الذكور

والحل نضن في يد الذكور اكثر من الاناث

المهم

حبيت نحكي في علاقة الأخ باختهم ..وعلاقة الاخت باخوها

معضم لي فامي تاع الجزاير

علاقة الاخ وختو سي الحرب العالمية 125545 مالا نهاية .........

هو كل مايشوفها نوضي من قدامي روحي جيبيلي يخي سامطة يخي حمارة الخ الخ الخ

وهي كيما يدخل تخلع جا الغول

وعلاش؟؟

ماعلابالكمش بلي اكثر حاجة تحتاجها الطفلة حنان خووووووها

تحب كيما توقع في مشكل تروح ليه تحكيلو يحن عليها

مي كيما ماتلقاش هذا الحنان عندو راهي تحوس عليه برا

ايه برااااا عند كاش واحد اوخر

علابالنا تخاف على ختك مي راك تطرجم خوفك هذا بشكل غلط

يخي ماكانش كيما الحب والتفاهم

كيما انت تحكي لاختك وتخليها بئر اسرارك

وهي تحكيلك وتلقى عندك الحنانة

والله رايحين ترتاحو

خمم مع روحك

واش لي خير

نحن على ختي ونعطيلها لوكان نص ساعة من وقتي ؟

ولا كل مانشوفها نبدل طريق؟

واش الافضل


راجعو حساباتكم واحد ماراح يخاف عليك كيما خوك ..وواحد ماراح يحبك كيما ختك

وختام الكلام سلام

اختكم سهام
 
ههههههه
مزالت كاينة هذي العقلية
 
عندك الحق حنونة
الله يهديهم
مرسي على الموضوع ديالك
تحياتي
 
والله لا تروح منهم هذي العقلية ورثينها ابا عن جد
 
موضوع شباب يعطيك الصحة
وإن شاء الله تكون هناك آذان صاغية
 
فاين هي باش نعطيه وقتي الكل
 
شكرا موضوع هايل بصح الي معنيين بالدرجة الاولى مازال مدخلوش نحن في انتظارهم.
 
والله صح
معظم العائلات ف الجزائر ،، الاخوة علاقتهم باخواتهم قائمة على العنف والاستعباد :scared:
حاطها خدامة عندو ،، ويحكم فيها مسكينة على كيفو
ومبعد كي يتزوج تتبدل العقلية ،، مرتو تحطو خاتم ف يدها تمشيه كيما تحب هي :surrender:

كيما قلتي اختي ماكانش كيما الاخ اللي يحب اختو ودايرها صديقة مقربة يحكيو لبعضهم كل شي وماكانش بيناتهم حاجز ،، يخرجها يحوس بيها ،، يشريها واش تحب
يدللها ،، مرة على مرة يشريلها هدايا :tears:
باش ماتبقاش الطفلة ناقصة حنان اخوي :tears:

 
انا واحد
مستحيل نتفاهم معاها
 
انا واحد
مستحيل نتفاهم معاها

اتهنى يا فرطاس من حكان الراس ، ههههه
علاه يا صاحبي ، لازم تدير العكس

موضوعكم هايل و يعالج قضية في المجتمع
و لازم تتنحا بإذن الله
و ربي يعطي على قد القلووب
 
مام انا مانتفاهمش مع خاوتي بصح مانحتاجهم ماوالو عندي ختي وعندي يما وجامي تجيني فبالي نحكي مشاكلي لخويا مارسي عليك ... سلالام
 
لا حياة لمن تنادي مكانش لي يعرف قيمة ختو ومايعطيكش دقية من وقتو باش يسمعك وحتى لبنات مكانش كفاش تروحي تحكي مشاكلك لخوك مراحش يفهمك عقلية ديزاد تغلطي تخلصيهاموضوعك هايل وفي القمة يعطيك الصحة حنونة
 
انا عندي اخ واحد وانا اكبر منو ونقدرو بعضانا والحمد لله ,وهو يتقرب مني انا اكتر من اخواتي لخرين:yahoo:.
مشكورة عالموضوع.
 
اتهنى يا فرطاس من حكان الراس ، ههههه
علاه يا صاحبي ، لازم تدير العكس

موضوعكم هايل و يعالج قضية في المجتمع
و لازم تتنحا بإذن الله
و ربي يعطي على قد القلووب

لا مانيش فرطاس ههههههههههههه
لا مستحيل :glare::glare::glare:
كي القط والفار
 
ايه عندك الحق ياسهام
انا للأسف ماعنديش اخ كبير علي باه نحكيلو ونفضفضلو
اخواتي صغار عليا راني عاد نربي فيهم
مشكورة حبيبتي
موضوع مميز
 
علابالك انا خويا والله مافهمتلو نهار هاو يدلل فيا يشريلي في لكرام ويعطي في في القاطو ونهار وين نروح حذاه ناكل قرصة ما جي اخر النهار يدي تزراق
ما عندي ما نقلك غير ربي يهدي
 
هههههههههه جديدة هادي​
 
بكرى كنت نتعارك مع اختى ، بصح مين تزوجت وليت نحن ليها .





 
فالحق انا و خويا خطرات أحباب و خطرات أعداء
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top