▀▀▀▀ ناس تحرق لفرنسا ▀ و ناس تحرق للعلمة ▀▀▀▀

EL General

:: عضو بارز ::
أحباب اللمة
إنضم
7 ديسمبر 2009
المشاركات
10,527
نقاط التفاعل
1,483
النقاط
351
محل الإقامة
تبسة
الجنس
ذكر
السلام عليكم و رحمة الله تعالى و بركاته
من فضلكم ردوا السلام :busted_red:

هههههههه
علاباالي الناس اللي راهي دايرا في بالها الحرقة للخارج
راهي كي شافت الموضوع دخلوا يجريو

احبس احبس :yahoo:
نقولك حاجة ، جامي تسمع بيها

كاين الناس اللي يحقروا للخارج : فرنسا إيطاليا اسبانيا
و من لالجيري مون آمور

:scared:

بصح يا أحباب اللمة ، نعرف ناس ، فكو رواحهم من الحرقة تع الخارج و فرانسا هاذي

و عوولوا على رواحهم

وش داروا في رايكم ؟؟؟
كاين الناس اللي ماتحبش بلادها و يقولوا :

أنا نحرق للخارج بلادي مافيها لا خدمة لا وآلوا ،
البطالة كرهتني

تنكر بلادك اللي نبتت لك الشلاغم يا ولد القومي ؟؟ :busted_red: :busted_red: :busted_red:

و كاين ناس ، تقريب نعرفهم

دوروها للعلمة >>> سطيف الغالية >>>

سلعة و الكترونيات و كل شيئ

تعرفوا ثما الدعوة مليحة و كلش مواتي للخدمة


نقسم لكم بالله العظيم
ناس خدمت هكا مدة 5 سنين

درك راهم بـ:
images



و كاين ناس بديارهم ، و ناس بـ : ....

:busted_red:

و الناس لوخرين يقولك بلادنا مافيهش وآلوا

احشموا على رواحكم ... :glare:

دورها العلمة ، تربح في لافير ، هههه

المهم المقصود من هذه الحروف التي بلغت العدد : 610 هو :

ماتفدقش الأمل في أي حاجة حتى و لو كانت بلادك : حتى إذا بقا لك الأمل : 1%

ابقى حاكم فيه حتى تربح

:u_pc:

المهم
إلى كل حراق دخل و شاف موضوعي هذا : يعاود يريفليشي عقلوا ، و لا يروح يفلاشيه عند الريباراتور ، و يعول على ذراعو ، و يدورها كيما قلت لكم


و تبقاو على خير ....

 
الي تحرق راهي ناس كروشها كبار متحبش تتعب تحوس على الحاجة الكبيرة ولو فيها شوي تعب مشكور اخي بوركت
 
ايه عندك الصح بصح شكون راه يسمع ويساعف
الله غالب قاع راهم طماعين ويبغوا الهدة والشده
 
أه يامارادونا
هدي حاجة باينة
علابالك....؟
راني أسبوعيا في العلمة
نتسوق معا صاحبي عندو مكتبة
وزيد هدي هي التجارة لتما علابالك لي برx
لتما ضعف ما نشريوه حنا عندنا
وزيد التاجر لي في العلمة هو بعد ينصحك بكل سلعة والسومة تاعها لي تبيعها بيها في المحل



وكيما قت
أنو بلادنا خير
بزنس وبيع وشري وراك رابح في لافار
 
شكرا ليكم كامل على المرور

فيف بلادنا ، اللي راهي موفرنا لها كل شيئ

شوف بلدان اخرى تلقى الشر و الهم الحقاني

شكراااااااااااا
 
واش ادير لعقل مكاش
الله يهدي الجميع ان شاء الله
 
مالا ريزارvـيلهم بلايس لتماك خليهم ولادنا gـاع يحرقو في العلمة خير من يبعدو على لبلاد ماعاشوش لهنا مرتاحين ويحوسو يحرقو زعما رايحين يلقاو نعمة تستناهم
 
والله ربي كان عندك الحق خويا لعزيز

انا واحد مين الناس راني بطال باسكوا انا مستحمد ربي كي

عاد بايا مزال يوكل فيا حتان نزيد نكبر ونجيب لافير نتاعي

ونعرس وندير بيتي ونصيف براختي بصح الله غالب انا المهم

نبقى في بلادي مون امور مهما كان الثمن

نسيت روحك كي بكري الجزائر قتلت روحها علاجالك وكبراتك

وانت لاقي شهوتك وهم راهو مساكن في المقبرة اللي جراو عليك

والله مشكلة ههاذم العباد اللي يقلك نروحنحرق فك عليا من

هاذي الدزاير اللي مافيه لخدمة ماوالوا

مشكور خويا لعزيز على هذا الموضوع المميز

 
معاك الحق ناس بزاف جاو للعلمة ولاو مليارديرات
 
راني حارقة للعلمة شكون يروح معايا ؟؟؟؟؟؟؟
 
شكرا ليكم كامل على المرور الأحلى

و أنتي أختي : فراشة الإيمان

أنا معول بصح العام الجاي

لازمك تروحي اقفزي على روحك . ههه
 
رانى معاك فى رايك
لالجري مون امور
 
تنكر بلادك اللي نبتت لك الشلاغم يا ولد القومي ؟؟ :busted_red: :busted_red: :busted_red:

والله غير عندك الحق
الي ما فيهش الخير في بلادو وناسو راح يكون فيه الخير في بلاد الناس ؟؟؟؟؟؟؟؟؟؟؟؟؟؟؟؟
 
وعليكم السلام
والله عدك الحق لاه يروحوا يتغربوا غير في بلادهم خيرلهم يمضغوهم وميصرطوهمش
يعطيك الصحة خويا مارادونا على موضوعك
تقبل مروري اختك الجمرة

 
مرسي عليكم اللخرين اللي رديتو على موضوعي

بارك الله فيكم ..........
 
أنا غدوة نحرق للعلمة هههههههه
 
باين بللي راك قومي يا سي مارادونا،،، (علاه ماسميتش روحك رابح ماجر،،، مالا ؟)
راني نضحك برك،، ماتزعفش.
اما حكاية الحرقة،،، ف قلوب الناس راهي طابت،،، وعقولهم خلاص حكمتهم الصديدة،،، ما تقارنش روحك بيهم،،، والعلمة،،، انا رحتلها شحال من مرة،،، شوف الخدمة صح كاينة،،، مي الظروف راهي ماهيش بالسهولة اللي تتوقعها،،، كاين ناس باصاو ثم والا ف الباراجات،،، على جال السلعة،،، وكاين اللي اتسرقو ثم ف العلمة،،، وكاين ناس صح طلعو،،، مي كاين اللي طلع مي ماشي شرط ف العلمة،،، كاين اللي خدم ف الدلاع،،،، ومادورش العامين،، ولى عندو كماين الله يبارك،،، ويخدم الدلاع برك،،، وكاين اللي عندو شوي لوح وعندو الميتي تاع الكوفراج،،، طلع في ست اشهر برك،،، والمقصود بللي الخدمة والنشاط هوما اللي يطاعو+الحظ+الفرصة،،، واولا واخيرا الرزق من عند الرزاق،،، وحاجة وحد أخرى،،، علاه اللي يروح للطاليان راح يدير الراهم رايح،،، والله ميزيرية كحلة مطينة، مي انا مني واحد لوكان نلقى الخرجة نخرج،،، مي مانكرهش بلادي،،، مي نكره لعوج اللي فيها،،، الشكارة تاع السميد ب 95 ألف،،، والسيما زعمة رخسوها ب 54 ألف،،، وتغلط غلطة صغيرة برك،،، يخدمولك قانون على قيسك،،، واللي يسرق واللي ينهب،،، واللي مايعرفش يكتب اسمو تلقاه وزير،،، والعالم تلقاه راقد فوق الكرطون،،، والعدالة دايمن فيها شك،،، غير تسمع كلمة عدالة،،، والا حكومة،،، تضحك بتنهيدة،،، واتقول ياو فاقو!! اتكذب ديراكت،،، وعود وعود،،، وما كاين والو،،، خطرة جا الرايس لوحد الحي باه يدشن الغاز الطبيعي واش دارولو،،، ؟؟؟
كي دخل للستاسيون،،، دارولو كومبريسور،،، يدز لهوى ف الجعب،،، والرايس واقف هو والوفد وبداو يسفقو كي شافو لي زيgوي يتحركو،،، ومن بعد دخل الرايس لوحد الدار،،، طبعا وجدوهالو،، المهم سلمت اعليه هاذيك لمرا،،، وقاتلو نشكر يا رايسنا لعزيز،،، وشعلت الطابونة تاعها زعمة بالغاز الطبيعي،،، والخاوة مركبينلها قرعة غاز مصدية،،، والرايس فرحان بالانجاز العظيم،،، والباقي كلهم خداعين حتى لمرا هاذيك،،، والله حكاية واقعية،،، اماالا علاه مانحرقش،،، نحرق سينو نحرق،،،خيرو...
شكرا على الموضوع.
 
أنا غدوة نحرق للعلمة هههههههه
ربي يسهل لك برك ، هذا ما نتمنى لولاد بلادي ، ههه
بالتوفيق في الطريق راهي دونجي و تراجي .
باين بللي راك قومي يا سي مارادونا،،، (علاه ماسميتش روحك رابح ماجر،،، مالا ؟)
راني نضحك برك،، ماتزعفش.
اما حكاية الحرقة،،، ف قلوب الناس راهي طابت،،، وعقولهم خلاص حكمتهم الصديدة،،، ما تقارنش روحك بيهم،،، والعلمة،،، انا رحتلها شحال من مرة،،، شوف الخدمة صح كاينة،،، مي الظروف راهي ماهيش بالسهولة اللي تتوقعها،،، كاين ناس باصاو ثم والا ف الباراجات،،، على جال السلعة،،، وكاين اللي اتسرقو ثم ف العلمة،،، وكاين ناس صح طلعو،،، مي كاين اللي طلع مي ماشي شرط ف العلمة،،، كاين اللي خدم ف الدلاع،،،، ومادورش العامين،، ولى عندو كماين الله يبارك،،، ويخدم الدلاع برك،،، وكاين اللي عندو شوي لوح وعندو الميتي تاع الكوفراج،،، طلع في ست اشهر برك،،، والمقصود بللي الخدمة والنشاط هوما اللي يطاعو+الحظ+الفرصة،،، واولا واخيرا الرزق من عند الرزاق،،، وحاجة وحد أخرى،،، علاه اللي يروح للطاليان راح يدير الراهم رايح،،، والله ميزيرية كحلة مطينة، مي انا مني واحد لوكان نلقى الخرجة نخرج،،، مي مانكرهش بلادي،،، مي نكره لعوج اللي فيها،،، الشكارة تاع السميد ب 95 ألف،،، والسيما زعمة رخسوها ب 54 ألف،،، وتغلط غلطة صغيرة برك،،، يخدمولك قانون على قيسك،،، واللي يسرق واللي ينهب،،، واللي مايعرفش يكتب اسمو تلقاه وزير،،، والعالم تلقاه راقد فوق الكرطون،،، والعدالة دايمن فيها شك،،، غير تسمع كلمة عدالة،،، والا حكومة،،، تضحك بتنهيدة،،، واتقول ياو فاقو!! اتكذب ديراكت،،، وعود وعود،،، وما كاين والو،،، خطرة جا الرايس لوحد الحي باه يدشن الغاز الطبيعي واش دارولو،،، ؟؟؟
كي دخل للستاسيون،،، دارولو كومبريسور،،، يدز لهوى ف الجعب،،، والرايس واقف هو والوفد وبداو يسفقو كي شافو لي زيgوي يتحركو،،، ومن بعد دخل الرايس لوحد الدار،،، طبعا وجدوهالو،، المهم سلمت اعليه هاذيك لمرا،،، وقاتلو نشكر يا رايسنا لعزيز،،، وشعلت الطابونة تاعها زعمة بالغاز الطبيعي،،، والخاوة مركبينلها قرعة غاز مصدية،،، والرايس فرحان بالانجاز العظيم،،، والباقي كلهم خداعين حتى لمرا هاذيك،،، والله حكاية واقعية،،، اماالا علاه مانحرقش،،، نحرق سينو نحرق،،،خيرو...
شكرا على الموضوع.
هذا هو أول رد تفاعلي و نقاشي شفته
بارك الله فيك ، خويا ، و الله يخليك
صحيح ، الناس كامل تريسكي على جال السلعة في العلمة كي يجو جايين
بصح واش تحب ، الخبززززززززة مرة ..
مرسي على المرور
يا بلادي انتي فيك الخير
صحيح بلادنا فيها الخير غير حنا مانعرفوش لها برك
مرسي على المرور
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top