تقدروا تعاونوني؟؟

[maria13]

شوي كوراج وثقة بالنفس ونتي جبتيه

 

[الطالبة نهلة]

ربي يحفظكم والله اخوة باتم معنى الكلمة

 

[نسيم الربيع]

انا تاني حانفوت الباك هاذ العام ام شاء الله وراه يبالي عادي جدا ختي نحي التسميه هذي تاع الباك وبدليها بالثالثه ثانوي يعني عام كي كل لعوام واقراي مليح كيما موالفه وكيما قلتي راكي تجيبي 16 يعني راكي ضامنه الباك باذن الله والباك مخلعك كيعاد كبرولو شانو وربي يوفق الجميع ... سلالام

 

[سالومي10]

كي تكوني تاكلة على نفسك ماكاين حتى شيئ يخوف وانا وحدة من الناس كيبقالو شهر خفت بصح كيلحق والله والو وعادي جدا كيما هو كيما الاختبارات
وربي يوفقك ان شاء الله

 

[المغرمة]

بتيه الباك ولا لالا

 

[الطالبة نهلة]

ادا كنتي عليا حتى 2011 ان شاء الله شكراااااا جزيلا على النصائح

 

[sara 4ever the best]

أنا ان شاء الله في 2012 الباك مي راني حاسة بك الواحد كي يكون يحب القراية يحب يكون دائما الأفضل ولا يقنع .
اثنان لا يشبعان طلب علم وطالب مال ، وأنت طالبة علم فعلمي أن الله سيمدك بالقوة
إن شاء الله تخديه وبمعدل مليح

 

[الطالبة نهلة]

*امين يا ربي *شكراااا جزيلا

 

[douhq]

أنا تاني خايفة كيفك لكن لازم نفوتوا هاد الإمتحان

 

[الطالبة نهلة]

صح لازم .شكرااااااااا على المشاركة

 

[الطالبة نهلة]

http://files.fatakat.com/2009/12/1261828134.gif

 

[الطالبة نهلة]

شوي كوراج وثقة بالنفس ونتي جبتيه

امييييين وشكرا جزيلا

 

[farouk sansiro]

السلام عليكم : اما بعد
ههههههههههههههههههههههههههههههههههههههههه
ههههههههههههههههههههههههههههههههههههههههه
اسمحيلي على الضحك ولكن فكرتيني في يامات الليسي
**********
الاخت الكريمة من ذك نقولك مبروك عليك الباك من ذرك
********
الحقيقة اني مكنتش تلميذ نجيـــــــــــب بمعنى الكلمة لا في الليسي ولا في السيام وانما كنت معنديش النقاط بزااف وما يخصنيش هههههه
ملي نشفى وانا ندي من 9 لحتى12 من 20 مزدتش
الاهلية جبتها ب 9.99 طلعت بلامبيلونس ( الانقاذ) وصلت لليسي و طلعت للدوزيام عاودت الخطرة الاولى لاني كنت نتاع طوايش .......... الخ وزد عاودت الدوزيام خطرة ثانية ومبعد طردوني ( نهاية الدراسة بالكاشي لحمر ) ايا شايخت المدير شوية رجعني نقرا
بصح للاسف يقولك من شب على شيء شاب عليه كنت مزال في االطوايش ....... و.... ايا طلعت للتارمينال بالسيف لانو كانت عندي وحد الاستاذة جنوني وجنوها ميتفاهموش
الفصل 1 من التارمينال جبت 7 الفصل 2 جبت 6 والباك بلو 6 ثاني ايا بقاتنا شهر على الباك واش ميزك جبت الباك ولا لالا
خمي شوية وراجعي المعدلات اكيد راح تكون اجابتك 99 في المية بلي طردوني
************
لالا جبت الباك وصدقيني غير في الفصل الاخير اللي قريت
والحمد لله**** وفقني ربي **** كيما راح يوفقك للعام الجاي ان شاء الله
اسمحيلي بلاك كثرت عليك
والسلام عليكم​

 

[الطالبة نهلة]

السلام عليكم : اما بعد

ههههههههههههههههههههههههههههههههههههههههه
ههههههههههههههههههههههههههههههههههههههههه
اسمحيلي على الضحك ولكن فكرتيني في يامات الليسي
**********
الاخت الكريمة من ذك نقولك مبروك عليك الباك من ذرك
********
الحقيقة اني مكنتش تلميذ نجيـــــــــــب بمعنى الكلمة لا في الليسي ولا في السيام وانما كنت معنديش النقاط بزااف وما يخصنيش هههههه
ملي نشفى وانا ندي من 9 لحتى12 من 20 مزدتش
الاهلية جبتها ب 9.99 طلعت بلامبيلونس ( الانقاذ) وصلت لليسي و طلعت للدوزيام عاودت الخطرة الاولى لاني كنت نتاع طوايش .......... الخ وزد عاودت الدوزيام خطرة ثانية ومبعد طردوني ( نهاية الدراسة بالكاشي لحمر ) ايا شايخت المدير شوية رجعني نقرا
بصح للاسف يقولك من شب على شيء شاب عليه كنت مزال في االطوايش ....... و.... ايا طلعت للتارمينال بالسيف لانو كانت عندي وحد الاستاذة جنوني وجنوها ميتفاهموش
الفصل 1 من التارمينال جبت 7 الفصل 2 جبت 6 والباك بلو 6 ثاني ايا بقاتنا شهر على الباك واش ميزك جبت الباك ولا لالا
خمي شوية وراجعي المعدلات اكيد راح تكون اجابتك 99 في المية بلي طردوني
************
لالا جبت الباك وصدقيني غير في الفصل الاخير اللي قريت
والحمد لله**** وفقني ربي **** كيما راح يوفقك للعام الجاي ان شاء الله
اسمحيلي بلاك كثرت عليك
والسلام عليكم​

ههههههه والله قصتك طلعتلي المورال شكرااا على المشاركة

 

[nasnoussa89]

لا لا ا ختي متقلقي روحك ما والو نشاله تجيبيه من المرة الاولى و لي يكون مجتهد من الابتدائي يبقى هكذاك حتى في الجاميعة
انا صراتلي كيفك و الحمد لله جبت باكي من المرة الولى و ذرك راني في الجامعة و نخرج في عوامي ب 14
اتكلي على ربي و اتاكدي الباك راه امتحان عادي زيو زي اي امتحان
ربي يوفقكي

 

[الطالبة نهلة]

لا لا ا ختي متقلقي روحك ما والو نشاله تجيبيه من المرة الاولى و لي يكون مجتهد من الابتدائي يبقى هكذاك حتى في الجاميعة
انا صراتلي كيفك و الحمد لله جبت باكي من المرة الولى و ذرك راني في الجامعة و نخرج في عوامي ب 14
اتكلي على ربي و اتاكدي الباك راه امتحان عادي زيو زي اي امتحان
ربي يوفقكي

امييييييين ختي وشكرا ليك

 

[بسمة الصباح]

الله يبارك أختي
راكي فالمستوى وأكي مزلتي ماهبطتيش فالنتيجة
و ما تتقلقي ما والو أنا كنت دايما 16و 17 و دركة راني فالثانوية و نجيب 13
صح جاتني هبطة كبيرة مي قانعة بيها لخاطر قاعدة ندير اللي علية و عرفي بلي القراية تتبدل من مرحلة لأخرى
ربي ينجحك أختي و ينجحنا فالباك و كل اللي رايحين يجوزوه
أختي متفقديش الثقة في روحك و خلي إيمانك بربي كبير
و توكلنا على الله.
​

 

[salimOv]

خــتي العــام هــدا مــاكــاش لــي راح يـــجــيب الباك
psk العــام لــي فــات كــامل جــابـوه وجــى ســاهل
حــنــا العــام هدا يـــطـرطgونــا ( مــجــرد مــزحــة)
خــتي راكــي تــجــيبــي 16 وخــايفــة ؟؟
أنــا فـي ليــسي gariiT عــند 10
و كـلشي نـــورمــال مــاشي خــايفـ
مــادام عــمـك بــن بــوزيــد مــازالـو وزيــر
مــاعــندك مــنين تــخــافـي
ـــــــــ ـــــــ ـــــــــ
ما تخافي ما والو خلي ثيقة في نفسك قوية
ومــادام فـي نفـسك ارادة وعـزيمة قــوية راح تــجــيبيه ان شاء الله
​

 

[الطالبة نهلة]

خــتي العــام هــدا مــاكــاش لــي راح يـــجــيب الباك

psk العــام لــي فــات كــامل جــابـوه وجــى ســاهل
حــنــا العــام هدا يـــطـرطgونــا ( مــجــرد مــزحــة)
خــتي راكــي تــجــيبــي 16 وخــايفــة ؟؟
أنــا فـي ليــسي gariit عــند 10
و كـلشي نـــورمــال مــاشي خــايفـ
مــادام عــمـك بــن بــوزيــد مــازالـو وزيــر
مــاعــندك مــنين تــخــافـي
ـــــــــ ـــــــ ـــــــــ
ما تخافي ما والو خلي ثيقة في نفسك قوية
ومــادام فـي نفـسك ارادة وعـزيمة قــوية راح تــجــيبيه ان شاء الله ​

هههههههه المزحة تاعك خرجتلي خلعة ان شاء الله ربي يجيب اللي فيه الخير

 

[الطالبة نهلة]

الله يبارك أختي

راكي فالمستوى وأكي مزلتي ماهبطتيش فالنتيجة
و ما تتقلقي ما والو أنا كنت دايما 16و 17 و دركة راني فالثانوية و نجيب 13
صح جاتني هبطة كبيرة مي قانعة بيها لخاطر قاعدة ندير اللي علية و عرفي بلي القراية تتبدل من مرحلة لأخرى
ربي ينجحك أختي و ينجحنا فالباك و كل اللي رايحين يجوزوه
أختي متفقديش الثقة في روحك و خلي إيمانك بربي كبير
و توكلنا على الله.​

ان شاء الله ربي يعاونا وينجحنا في حياتنا