عينتيني اعطيك ضربة ان شاء الله

[يسرى 2008]

السلام عليكم
اهلا بيكم في موضوعي
نعرف العنوان شوي باسل ههه يعني يمكن غير مقبول مي ملقيت حتى عنوان
المهم
الكل منا كي تجرالو حاجا يقول عينوني
مالا انا اليوم طالعة في الدروج ومرا تتعكل وصباطها يتقطع وكان معدي قدامها راجل
قالتلو يعطيك ضربة محشر عينيك هههه
ومرا كانت طفلة وطفل ماشيين وحاكمين في يدين بعضاهم يخي مبعد يصوني البورتابل ويخيلها دارت قالت اوووف عينونا ههه
مام احنا كي تجينا حاجا نقولو عينونا
كي نجيو للحقيقة مكانش منها هادي عينوني باسكو كلش مقدر
ومكتوب
وش رايكم انت

 

[** غزال الصحراء **]

كي نجيو للحقيقة مكانش منها هادي عينوني باسكو كلش مقدر
ومكتوب

العين حق !

مي كاين ناس موسوسة فوق اللي يلزم //

 

[BOUSS]

لالا ختي العين كاينا منها بصح العبد خطرات ايزبد علي حالو
ايقىلك عينوني غير انهار الي يتبلعو عليه البيبان ونهار الي
تسهلو ما نسمعومنو والويقولك انا الي فور ياخي حالة
يعطيك الصحة يسري

 

[EL General]

صحيح كلامك
ربي هو اللي يقدر على الناس
شكرا
بالتوووفيق ..
​

 

[koupable]

العين كاينة منها

مي هاذي فوق اللزوم

ربي يهدينا لما هو أصلح

 

[chamse121919]

ما قلتش عاينوني هادي ما نامنش بيها بصح تع معنديش الزهر نامن بيها بيان سير

 

[zahira92]

كاينة منها خاصة في بلاد الشقلة .

 

[iméne09]

لالا العين حق وكاينة منها مي كاين عباد تصرالهم حاجة صغيرة من قوة لي والفوها يرجعو اللوم في العين في الصح نرجعو للكلام رسول الله صلى الله عليه وسلم : العين تدخل الرجل القبر و تدخل الجمل القدر
يعطيك الصحة خيتو ​

 

[مروة MARWA]

لالا كاينة منها اختي ومذكورة في القران تاني
مي كيما قال خويا هشام كاين ناس تلقاهم موسوسين بزاف فوق الحق وهادا ياثر عليهم هم --- ويوليو يخممو غير في الناس
***
على العموم مشكورة ع الطرح
​

 

[lamou]

لالا ختي العين كاينا منها بصح العبد خطرات ايزبد علي حالو