شوفو وعلاش البرامج الجزايرية عمرها ما تنجح؟

[samra106]

السلام عليكم ناس اللمة
وش راكم ان شاء الله راكم ملاح وواجدين لشهرنا الكريم رمضان
اول حاجة كل عام وانتوما بخير وان شاء الله يفوت عليكم هدا الشهر بالخير والبركة
اليوم حبيت نحكيلكم عل حاجة جرات مع خويا ايا مالا كاين عندنا هنا في عنابة شركة اسمها العالمية حبت دير تجربة في الانتاج الاعلامي دارو برنامج اسمو حواجز وجوائز بالاك يفوتوها في رمضان في القناة الجزائرية ايا كاين عندنا فاميلتنا تخدم فيها مركات خويا باش يشارك فيها ايا خويا قال تجربة جديدة والله غير نشارك المهم تمرميدة اول حاجة راح وربح المرتبة التانية قالولو ربحت ميكرو بورتابل ان شاء الله قبل رمضان نمدولكم الجوايز تاعكم ياااااااو لدرك ما كان حتى خبر على الجوايز هادوما.
عندهم المهم دارو برنامج يبيعوه وتربح الشركة بصح ماهمهمش سمعتها ومصداقيتها,
ايا قولولي كيفاه رح تنجح البرامج الجزايرية بهادا المستوى من عدم المسؤولية و المصداقية؟
وشكرا مسبقا​

 

[** غزال الصحراء **]

ياخي حاالة ! من المفروض يشكي بيهم , تصرف كيما هاذا تطياحة كبيرة والله //
ها يقولو من اللول فوتو ديرو فينا مزية , و الجوائز ماكانش

و الله نعاونوهم نورمال ,, مي هاكا الكذب في الوجه ماشي مليح ...

ملاحظة : أنتي من الولاية 23 , و عمرك 23 , مليحة هاذي =) .

 

[samra106]

شفت خويا حتى هو قال هكا ومن بعد قال ايا تجربة مليحة وعرفنا وش من ورا البرامج هادي
والملاحظة تاعك مليحة مرسي

 

[ملك اللمة]

انا نقولك علاش لانو برامجنا ماش هادفة واش بالجودة العالية و الله اعلم ولا ممكن طغات علينا البرامج الاجنبية
​

 

[الحاج الطيف]

المشكلة فينا حنا مادرناش اعتبار لأنفسنا
وهذا الجيل بمثابة اسماك يدرولها طعم وحينها تسقط على الشباك
أو على صنارة الصياد وربي يهدينا كامل .
​

 

[سمكة البحر]

ياخويا ممكن اصحاب الشركات صح يجيبوا الجوائز
بصح المسؤوليين الي تما يدو الجوائز ليهم خيانة
كاينة منها

 

[بنـ MaPa ـت]

كيما تاع كوكا ولا ميرندا تلمي 10 بوشونات وتربحي وحدة من (پلازما ـ تريكو من تاع ليجوار ـ كيسان تع پلاستيك)....الحاجة الغالية يدسوها والرخيسة يمدوها راني رابحة 3 كيسان پلاستيك في باطل ماشي حتى شابين.......
اـــــــــــخ......
شكرااااااااا
​